نائب صدر جمہوریہ جناب ایم وینکیانائیڈو نے  آج نئی دلی میں لال قلعہ سے انڈیا گیٹ  تک ارکان پارلیمنٹ  کی ‘‘ ہرگھرترنگا’’ بائک ریلی  کو جھنڈی دکھاکر  روانہ کیا۔

نوجوانوں کے امور  اور کھیل کود  کے مرکزی وزیر جناب انوراگ ٹھاکر  نے بھی پورے جوش وخروش   کے ساتھ اس تقریب میں شرکت کی ۔ ثقافت کی وزارت   نے ‘‘ ہر گھر ترنگا ’’ مہم  کے بارے میں بیداری  میں اضافہ کرنے کی غرض سے اس ریلی کا اہتمام کیا تھا۔

اس تقریب میں کامرس  اور صنعت کے وزیر جناب پیوش گوئل  ، پارلیمانی  امور  کے وزیر جناب پرہلادجوشی  ،ثقافت  کے وزیر جناب کشن ریڈی ، خواتین اور بچوں کی بہبود  کی وزیر محترمہ اسمرتی ایرانی ، پارلیمانی  اور ثقافت  کے وزیر مملکت  جناب ارجن رام میگھوال ، خارجی امور کے وزرائے مملکت   محترمہ میناکشی لیکھی اور جناب وی مرلی دھرن  نے بھی  شرکت کی ۔ان کے علاوہ بڑی تعداد میں ارکان پارلیمنٹ نے بھی اس تقریب میں  حصہ لیا۔

جناب انوراگ ٹھاکر ، اس  تقریب کے ایک حصے کے طورپر بائک پرسوار ہوئے ۔ جناب ٹھاکر نے   کہا کہ مختلف  مرکزی وزارتوں  ،  ارکان پارلیمنٹ  اور نوجوان لیڈرس، آنے والی نسلوں  کو یہ پیغام دینے کے لئے یکجا ہوئے کہ ہم ملک کو متحد رکھیں گے۔  بھارت کو آگے لے جائیں گے اور  بھارت کو  اور زیادہ مضبوط  بنائیں گے ۔ترنگے کی طاقت  ، 130 کروڑ ہندوستانیوں   کو متحد  کرنے سے  ظاہر  ہوتی ہے۔

آج ہم اپنے مجاہدین آزادی  کو خراج عقیدت  پیش کررہے ہیں اور ان کی یاد تازہ کررہے ہیں اور یہ یقینی بنارہے ہیں کہ اس آزادی کا امرت مہوتسو میں ہم آپس میں اتحاد قائم رکھنے اور ملک کی سلامتی  اور بھارت کی شان وشوکت میں اضافہ کرنے کی غرض سے کام کرتے رہیں گے۔

ہرگھر ترنگا مہم ، حکومت ہند کی ایک پہل ہے ۔اس کا مقصد بھارت کے شہریوں  اور قومی پرچم کےدرمیان  ذاتی وابستگی  کو پروان چڑھا ناہے ۔ اور جن بھاگیداری  کے جذبے  کے تحت آزادی کا امرت مہوتسو  میں حصہ لینے کی غرض سے عام لوگوں   کے مابین   حب الوطنی  اور قومی جوش وخروش  کے احساسات کو مستحکم کرنا ہے۔

*************

ش ح۔ع م۔رم

U-8649