ملک میں منشیات کی تیاری، فروخت اور تقسیم میں ملوث ڈرگ سنڈیکیٹس کے خلاف کریک ڈاؤن جاری رکھتے ہوئے، ڈائریکٹوریٹ آف ریونیو انٹیلی جنس (ڈی آر آئی) کے افسران نے ہریانہ کے یمنا نگر میں ایک خفیہ فیکٹری کا پردہ فاش کیا، جو ایفیڈرین کی غیر قانونی تیاری میں ملوث تھی۔ نارکوٹکس ڈرگس اینڈ سائیکوٹروپک سبسٹنسز (کنٹرولڈ مادوں کا ضابطہ) آرڈر، 2013 کے شیڈول اے کے تحت درج مادہ۔ ایفیڈرین کو میتھمفیٹامین کی تیاری میں استعمال کیا جاتا ہے ، جو کہ ایک پارٹی ڈرگ ہے، جسے عام طور پر آئس، کرسٹل میتھ، سپیڈ وغیرہ کے نام سے جانا جاتا ہے۔ مذکورہ آپریشن کے دوران 661 کلوگرام ایفیڈرین اور 5,200 کلوگرام خام مال برآمد کیا گیا اور قبضے میں لیاگیا۔ جس کی مالیت بین الاقوامی غیر قانونی مارکیٹ میں 133 کروڑ روپے ہے ۔

ڈی آر آئی کے ذریعہ مخصوص خفیہ معلومات پر مبنی رپورٹ تیار کی گئی تھی جس میں بتایا گیا تھا  کہ کیمیکل منشیات کی غیر قانونی تیاری یامنا نگر، ہریانہ سے متصل دیہی علاقوں میں ایک خفیہ فیکٹری میں ہو رہی تھی۔ فیکٹری کے احاطے میں 29 جولائی 2022 سے شروع ہونے والی دو دنوں کے دوران کی گئی تلاشی کے دوران 661 کلوگرام وزنی ایفیڈرین کی ایک بڑی کھیپ برآمد کی گئی جس کے ساتھ 5,200 کلوگرام خام مال بھی برآمد کیا گیا، جسے ایفیڈرین کی تیاری میں استعمال کیا جانا تھا۔  سینٹری فیوجز اور شیشے کے لائن ری ایکٹر جیسے آلات، جو کیمیکل ادویات بنانے کے لیے استعمال کیے جا رہے تھے، بھی برآمد کر لیے گئے۔ اس معاملے میں ایک فنانسر سمیت دو افراد کو گرفتار کیا گیا ہے اور مزید تفتیش جاری ہے۔

ایک اور معاملے میں، ڈی آر آئی افسران نے بنگلورو ریلوے اسٹیشن پر ایک شخص کو روکا، جس کے بیگ کی تلاشی کے دوران 16 کلو گرام ہیروئن برآمد کی گئی جس کی مالیت بین الاقوامی غیر قانونی مارکیٹ میں 112 کروڑ روپے تھی۔جسے ٹرالی بیگ میں  ایک  گڑھا سا بنا کر اس  میں چالاکی سے چھپایا گیا تھا۔ یہ شخص عدیس ابابا، ایتھوپیا سے صبح کی پرواز سے بنگلورو پہنچا تھا، اور جب اسے روکا گیا  تو اس وقت وہ نئی دہلی جا رہا تھا۔ مذکورہ شخص کو گرفتار کر لیا گیا ہے اور مزید تفتیش جاری ہے۔

غیر قانونی منشیات تیار کرنے والی فیکٹری کا پردہ فاش ہونا، اس طرح کے منشیات کی تیاری، فروخت اور تقسیم میں مصروف منشیات کے سنڈیکیٹس کے لیے جسمانی دھچکا ہے، جو ہندوستان کے نوجوانوں کو نقصان پہنچانے کی صلاحیت رکھتے ہیں۔ ڈی آر آئی بھارت کو نشہ آور ادویات اور سائیکو ٹراپک مادوں کی لعنت سے بچانے کے لیے بھرپور کوششیں کرنے کے لیے پرعزم ہے جس کے وسیع پیمانے پر سماجی و اقتصادی اثرات ہیں۔ مالی سال 2021-22 میں، ہندوستان کے طول و عرض میں کئے گئے اپنے آپریشنز کے ذریعے، ڈی آر آئی نے 3,463 کلو گرام ہیروئن، 208 کلو گرام سیڈو فیڈرین اور 321 کلو کوکین ضبط کی، جس کی بین الاقوامی غیر قانونی مارکیٹ میں تقریباً 19,800 کروڑ روپے کی مالیت ہے۔

*************

 

 

ش ح س ب۔ ر‍‌ض

U. No.8662

(Release ID: 1848251) Visitor Counter : 207