নুপী অমসুং অঙাংশিংগী চাউখৎ থৌরাং মন্ত্রালয়
অঙ্গনৱাদি সেন্তরশিংনা পীরিবা চানবা পোৎলমশিংদা অয়ুসকী শরুক য়াওহনবা
থাগৎখিবা:
03 AUG 2022 1:54PM by PIB Imphal
মিসন সক্ষম অঙ্গনৱাদি অমসুং পোসান ২.০গী মখাদা, চাবা তুম্বা হেনগৎনবা, মচি ওইবা শরুকশিং চুপশিন্নবা, ঈ ৱাৎপদগী ঙাকথোক্নবা অমসুং অঙাংশিং, মীরোনবীশিং অমসুং খোমজিংবী মমাশিং অফবা চীঞ্জাক চাবা ফংদবগী খুদোংচাদবা কোকহন্নবা লৈবাক মীয়ামগী ওইবা মচি ওইবা চীঞ্জাক পীজবগী মতম কয়াগী মমাঙদগী লৈরক্লবা চৎনবী অসিদা অয়ুসকী মচলশিং য়াওহন্নবা থবক পায়খৎকদবনি।
জনুৱারি ২০২২দগী হৌনা গুজরাত রাজ্যগী জিলা ৬(জাম্নগর, দেবভুমি দ্বারকা, দাং, নর্মাদা, ভাবনগর অমসুং দাহোদ)তা মীরোনবীশিং, খোমজিংবী মমাশিং অমসুং অঙাংশিং(থা ৬দগী চহি ৩ ফাওবা)দা হৌজিক য়েন্থোক্লিবা মচি ওইবা চীঞ্জাকশিংদা অয়ুসকী পোৎলমশিং য়াওহনবা হৌখ্রে।
য়ুমদা পুনবা য়েন্থোক্লিবা চানবা পোৎলমশিং অসিদা অয়ুসকী মচলশিং হাপচিনবা অসিগী কান্নবশিং য়েংশিন্নবা অমসুং সর্ভে অমা পাংথোক্নবা গুজরাত সরকারনা ইন্দিয়ান ইন্সতিতুৎ ওফ পব্লিক হেল্থ গান্ধীনগরদা প্রোজেক অমা পীখ্রে।
কর্নাতাকা রাজ্যদগী ফংবা পাউগী মতুংইন্না, অঙ্গনৱাদি সেন্তরশিংনা পীরিবা চানবা পোৎলমশিং অদুদা অয়ুসকী মচলশিং য়াওহন্দ্রি হায়রি।
ৱাফম অসি ঙসি রাজ্য সভাদা অইবা ওইনা পীবা পাউখুম অমদা ৱুমেন এন্দ চাইল্দ দিবলপমেন্তগী য়ুনিয়ন মিনিস্তর শ্রীমতি স্মৃতি জুবিন ইরানিনা ফোঙদোকখিবনি।
*****
(রিলিজ আই.দি.: 1848034)
ভিজিতর কাউন্তর : 155