নিস্থা(নেসনেল ইনিসিএতিপ ফোর স্কুল হেদস এন্দ তিচরস হোলিস্তিক এদভান্সমেন্ত) কৌবা অপুনবা তিচর ত্রেনিং প্রোগ্রাম অমা ইলিমেন্তরি থাক্কী মহৈরোয়শিংগী ফিবম ফগৎনবা নেসনেল মিসন অমা অগস্ত ২১, ২০১৯দা ইজুকেসন মিনিস্ত্রিগী স্কুল ইজুকেসন অমসুং লিতেরেসি দিপার্তমেন্তনা হৌদোকখ্রে।

মসিগী ইন্তেগ্রেতেদ তিচর ত্রেনিং প্রোগ্রাম অসিগী পান্দমদি ইলিমেন্তরি ওজাশিং, স্কুলশিংগী মকোকশিং, এস.সি.আর.তিশিং অমসুং দি.আই.ই.তিশিংগী ওজাশিং অমসুং ব্লোক রিছোর্স কোওর্দিনেতরশিং অমসুং ক্লস্তর রিছোর্স কোওর্দিনেতরশিং চাউরাক্না লাখ ৪২ রোম ত্রেনিং পীবনি। কোবিদ লায়চৎকী ফিবম অসি য়েংলগা, ওক্তোবর ৬, ২০২০দা ‘নিস্থা-ওনলাইন’ হৌদোকখি অমসুং ইলিমেন্তরি থাক্কী ওইনা লেমহৌরিবা নিস্থাগী ত্রেনিং ই-কন্তেন্ত শীজিন্নদুনা দিকসা প্লেতফোর্মদা এন.সি.ই.আর.তিনা ওনলাইন্দা পাংথোকখি।

ওজাশিংগী মগুন হেনগৎনবা অমসুং মহৈরোয়শিংগী হৈশিংবা হেনগৎনবা মীৎয়েং থমদুনা, ২০২১-২২দা নিস্থা অসি ফাউন্দেসনেল লিতেরেসি অমসুং নুমেরেসিদা প্রি-প্রাইমারি, প্রাইমারি অমসুং সেকেন্দরি থাক্কী ওজাশিংদা ফংহনখি।

জুলাই ২৯, ২০২১দা সেকেন্দরি/সেনিয়র সেকেন্দরি থাক্কী ওজাশিংগী ওইনা দিকসাদা নিস্থা ২.০(সেকেন্দরি থাক) হৌদোকখি। ত্রেনিং প্রোগ্রাম অসিনা রাজ্যশিং অমসুং য়ু.তিশিংদা লৈরিবা সেকেন্দরি থাক্কী ওজা অমসুং স্কুলশিংগী হেদ লাখ ১০ রোম কোনশিন্নবা পান্দম থম্লি। নিস্থা ২.০গীদমক জেনেরিক মোদুল ১২ অমসুং সবজেক স্পেসিফিক মোদুল ৫৬ য়াওবা ওনলাইন কোর্স ১৩ য়াওবা পেকেজ অমা এন.সি.ই.আর.তিনা পুথোক্লে।

প্রি-প্রাইমারিদগী হৌরগা ক্লাস ৫ ফাওবগী ওজাশিং অমসুং স্কুলশিংগী হেদশিংগীদমক ওনলাইন ওইনা দিকসা প্লেতফোর্মদা সেপ্তেম্বর ৭, ২০২১দা নিস্থা ৩.০-ফাউন্দেসনেল লিতেরেসি এন্দ নুমেরেসি(এফ এল এন) হৌদোকখ্রে। নিস্থা ৩.০-ফাউন্দেসনেল লিতেরেসি এন্দ নুমেরেসিনা লৈবাক শীনবা থুংনা প্রি-প্রাইমারি অমসুং প্রাইমারি থাক্কী ওজা অমসুং স্কুল হেদ চাউরাক্না লাখ ২৫ রোম কোনশিন্নবা পান্দম থম্লি। নিপুন ভারত মিসনগী পান্দম মতুংইন্না, থৌরাং অসিগীদমক ওনলাইন মোদুল ১২গী অখন্নবা পেকেজ অমা এন.সি.ই.আর.তিনা পুথোক্লে।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা ইজুকেসনগী রাজ্য মন্ত্রী শ্রীমতি অন্নপুর্না দেবীনা ফোঙদোকখিবনি।

*****

(Release ID: 1847936) Visitor Counter : 127