২০১৪দা, শ্রী নরেন্দ্র মোদীনা প্রধান মন্ত্রী ওইরকখিবা মতমদা, লৈঙাক অসিনা দ্রগকী মাইয়োক্তা করিগুম্বা য়াশিন্নবা অমত্তা পুরক্তবা হায়বা পোলিসী অমা লৌখৎখি অমসুং সিস্তেম অসিদা লৈরিবা অশোইবশিং লৌথোক্তুনা দ্রগশিংগী মাইয়োক্তা চত্থরিবা লাঞ্জং অসিবু অহোবা লৈতবা খোঙজেল য়াঙবা লান অমা তপ্না-তপ্না ওইরকখি।

শ্রী শাহনা হায়খি মদুদি ঙসিদি ময়েক শেংলবা মাইয়োন অমদা খোঙজেল য়াঙবগা লোইননা নীংখা তম্লবা মতুংদা ইহান হানবা ওইনা ঐখোয়না দ্রগকী মাইয়োক্তা শোক্নরিবা লাঞ্জং অসি মাঙজিল থানা পুখৎপা ঙম্লে অমসুং মসিগী মহৈ ঐখোয়না উবা ফংলে।

দ্রগশিং অসিনা মীওই অমগী, খুন্নাইগী, শেন্মিৎলোনগী অমসুং লৈঙাক্কী সেক্যুরিতীদা অকায়বা পীরি অমসুং মসিগী মরম অসিননি অচেৎপা ফিরেপ অমা লৌদুনা লৈখা তানা মুৎথৎনবা হোৎনবগী তঙাইফদবা অমা লাক্লিবসি।

মশা মউ ফবা, লন লৈবা, শক্তি লৈবা অমসুং সেফ ওইরবা লৈবাক অমনা মসিগী পান্দম অসি দ্রগ ত্রাফিক্কিংগী মাইয়োক্তা জিরো তোলরেন্স পোলিসী অমা য়াওদনা ফংবা ঙম্লোই। দ্রগ আইন কায়না লল্লোনবা অমসুং মখোয়গী মশা মরেং অসি খুন্নাই অমহেক্তদা য়াম্না খুদোংথিনিংঙাই ওই অমসুং করিগুম্বা নিশা লল্লোনবা হায়বসিনা পাক শন্না শন্দোক্লকপা মতমদা মদুনা তুংগী য়ুম্বীশিংবু শুম চাহল্লি।

নিশাগী মাইয়োক্তা চঙশিল্লিবা লাঞ্জং অসিদা, গৃহ মন্ত্রালয় অসিনা মশা লোঙবা লাঞ্জং কয়া লৌখৎতুনা এদমিনিস্ত্রেতিব রিফোর্ম কয়া অমা লৌখৎখ্রে অমসুং অনৌবা থৌওংশিং শেমগৎখ্রে অমসুং রাজ্যশিংগা পাউ ফাওননবগীদমক প্রো-এক্তিব ওইবা খোঙথাং লৌখৎখ্রে।

গৃহ মন্ত্রালয়না এন.সি.ও.আর.দি.গা লোয়ননা জিলাগী থাক্তা ফাওবা অহো-অরাক লৈহন্দনবগীদমক চৎমিন্ননবগী থৌরাং লৌখৎলে।

২০০৬-২০১৩গা চাংদম্নবদা হৌখিবা চহি ৮ লোম অসিদা ২০১৪-২০২২ ফাওবদা কেস চাদা ২০০ হেন্না লৌখৎখ্রে। ফাখিবগী মশীংনা চাদা ২৬০ হেনগৎলে।

ফারবা দ্রগকী চাংসু হান্নদগী শরুক অনি হেনগৎলে, ২০০৬-২০১৩গী মরক্তা, দ্রগ লাখ ১.৫২ ফাখি, অদুগা ২০১৪ অমসুং ২০২২দনা দ্রগ লাখ ৩.৩ ফাখি।

২০০৬ তগীনা ২০১৩ ফাওবদা দ্রগ লুপা করোর ৭৬৮কী ফাখি, অদুগা ২০১৪ অমসুং ২০২১গী মরক্তনা ভারত সরকারনা দ্রগ লুপা করোর লিশিং ২০গী ফাদুনা মাঙহন্নবা পান্দমদা কেম্পেন চত্থখি।

কেন্দ্রগী গৃহ মন্ত্রীনা হায়খি মদুদি জুন্দগী ওগস্ত ১৫ ফাওবা নুমিৎ ৭৫নিগী ওইবা দ্রগ মুত্থৎনবগী কেম্পেন অমা চত্থরি অমসুং ঙসি ঐখোয়না শহর মরিদগী দ্রগ কিলোগ্রাম ৩১,০০০গী মাঙহনখ্রে।

ওগস্ত ১৫দা নুমিৎ ৭৫নিগী কেম্পেন লোইবদা চাং অসি ব্লেক মার্কেৎ ভেলুদা লুপা করোর ৩,০০০গী ওইগদবা চাংদা কিলোগ্রাম লাখ অমা য়ৌগনি।

ঙসিদি এন.সি.ও.আর.দি. পোর্তেলসু হাংদোক্লে। মসিগী পোর্তেল অসিদগী লৈবাক অসিদা লৈরিবা এজেন্সী খুদিংমক্না ঈ পাউশিং লৌবা য়াবদা নত্তনা মসিনা এন.সি.ও.আর.দি.গী থবকশিংসু একচেঞ্জ তৌবা য়ারগনি।

গৃহ মন্ত্রালয় অসিনা ইন্সিতিত্যুসনেল স্ত্রকচর মপাংগল কলহনবা, শক্তি পীবা অমসুং নার্কো এজেন্সীশিংগা কোওর্দিনেসন পীননবা, মীয়াম ভাপ তাহন্নবা অমসুং দি-এদিক্সনগীদমক মরোল অহুম লৈবা ফোর্মুলা অমদা থবক পায়খৎলি।

রাজ্য ২১না এন্তি-নার্কোতিক্স তাস্ক ফোর্সশিং শেমখ্রে।

মাইকৈ অনি লোঙনা শীজিন্নবা য়াবা দ্রগশিংবু লান্না শীজিন্নবা থিংনবগীদমক পার্মনেন্ত ওইবা ইন্তর মিনিস্ত্রিএল কম্মিতী অমা গৃহ মন্ত্রালয়গী থৌশিল মখাদা হকশেল অমসুং য়াইফ-য়ুম্বাল মন্ত্রালয় অমসুং কেমিকেল মন্ত্রালয়গা লোইননা শেমখ্রে।

দ্রগ অমসুং দার্ক নেৎ লাকশিন্ননবগীদমক অথুবদা থবকশিং পায়খৎপগী তঙাইফদবা লৈরি, দার্ক ৱেব অমসুং ক্রিপ্তোকরেন্সী ত্রেদিং অসি শম্ননা চৎলি, গৃহ মন্ত্রালয়না হন্দক্তা দার্ক ৱেব অমসুং ক্রিপ্তোকরেন্সীশিংগী মতাংদা তাস্ক ফোর্স অমা শেমখ্রে

নেসনেল ফোরেন্সিক সাইন্স য়ুনিভর্সিতী অমসুং এন.সি.বি.না অনৌবা ফোরেন্সিক লেব অমা রাজ্য অমহেক্তদা লিংখৎনবগীদমক এন.সি.বি. অমসুং নেসনেল ফোরেন্সিক সাইন্স য়ুনিভর্স্তীগী মরক্তা য়ানচেরোল অমা খুৎয়েক পীনখ্রে।

নিশাগী শমস্যা অসি ঙমখৈ ময়াদা লৈবা রাজ্য অমা ওইরুবনা পঞ্জাবনা খরা হেল্লি, মরম অসিনা অচৌবা থৌনা অমা চঙগনি অমসুং ঐখোয়না অমৃৎসরদা ফোরেন্সিক লেব অমা লিংখৎপদা নত্তনা ত্রেনিং পীনবগীদমক এন.সি.বি.গী সেন্তর অমা লিংখৎকনি।

শ্রী অমিৎ শাহনা হায়খি মদুদি ভারত সরকার অসিনা নিশাগী মাইয়োক্তা লান শোক্ননবা, পঞ্জাবকী নহারোলশিংবু নিশাগী ইপাক্তগী কন্নবা পঞ্জাবকা লেংগোন্নদুনা চৎমিন্নরি, অমসুং রাজ্য অসিনা তঙাইফদবা লৈরকপা খুদিংমক পীনবগীদমক পঞ্জাবকা মতম পুম্বদা লোইনরি।

কেন্দ্রগী গৃহ মন্ত্রীনা থাজবা থমখি মদুদি পঞ্জাবনা গ্রগকী মাইয়োক্তা চঙশিল্লিবা লাঞ্জং অসিদা শ্রী নরেন্দ্র মোদীগী লুচিং মখাদা ভারত সরকারনা অঙম্বা মতেং পাংগনি।

ঐখোয়না জিলা ২৭২, খুঙ্গং ৮০,০০০ মশক খঙদোক্লে, কদাইদগী হৌদুনা লাঞ্জং অসি চঙশিনগনি হায়বসু ময়েক শেংনা খঙলে, মীওই খুদিংমক, এজেন্সী খুদিংমক্না মখোয় মখোয়গী মরী লৈনবা মফমশিংদা অঙম্বা থাক্তা লান্থেংনগদবনি।

ভারত সরকারনা লৈবাক ৪৪গা লোইননা নার্কোতিক্সকী মতাংদা তোঙানবা এম.ও.য়ু.শিং খুৎয়েক পীনখ্রে অমসুং ঈ পাউশিং থাদোক-থাজিন তৌনরি।

শ্রী অমিৎ শাহনা হায়খি মদুদি রাজ্যশিংদগী চাউনা থাজবা থম্লি অমসুং কেন্দ্র সরকার খক্তনা লান অসি থেংনবা ওইথোক্লোই, রাজ্যনা শোক্নরিবা লানফম অদুনা কেন্দ্রদগী হেন্না চাউই, মদুখক্তদা ঐখোয়না মহৈ উবা ফংগদবনি অমসুং রাজ্য অমখক্তনসু থেংনবা ৱাগনি, মসিদা ঐখোয় পুম্নমক্না শরুক য়াদুনা মাংজিল থানা চঙশিনগদবনি।

দ্রগ চাং কা হেন্না য়াম্না ফাবা মতমদা ফাওবদা রাজ্যশিংনা মদুবু কেন্দ্র অমসুং রাজ্যগী মরক্তা লৈবা শমস্যা অমা ওইহন্দনবা আপিল তৌখি, করিগুম্বা থবক অদু রাজ্যগী ঙমখৈগী ৱাংমদা লৈ হায়না খনবা তারবদি এন.সি.বি. অমসুং এন.আই.এ.গা পাউ ফাওনগদবনি।

নীংখা তম্বগী অমৃত মহোৎসবকী চহি অসিদা, শ্রী নরেন্দ্র মোদীনা মসিবু অমৃত মহোৎসবতগী অমৃত কাল ওইহন্দুনা নীংতম্বগী সেন্তনরি ওইহনগদবনি হায়না শ্রী নরেন্দ্র মোদীনা ফোংদোকখ্রে, লন লৈবা অমসুং অনৌবা ভারত অমা শেম্নবগীদমক ভারতকী নহাশিংনা মপুং ফানা নিশাদগী লাপ্না লৈগদবনি হায়না মীপুম খুদিংমক্না ৱাশকমিন্নসি হায়না কনফরেন্স অদুগী মনুংদা শ্রী অমিৎ শাহনা মীয়ামগী পুক্নিং চিংশিনখি।

কেন্দ্রগী গৃহ অমসুং কোওপরেসন মন্ত্রী শ্রী অমিৎ শাহনা দ্রগ ত্রাফিক্কিং অমসুং নেসনেল সেক্যুরিতীগী মতাংদা ঙসি চান্দিগরদা পাঙথোকখিবা নেসনেল কনফরেন্সতা ৱা ঙাংখ্রে। থৌরম অদুদা কেন্দ্রগী সোসিএল জস্তিস অমসুং এম্পাৱরমেন্ত মন্ত্রী, পঞ্জাবকী গবর্নর অমসুং চান্দিগরগী এদমিনিস্ত্রেতর, জম্মু অমসুং কাশ্মিরগী লেফতনেন্ত গবর্নর, পঞ্জাব অমসুং হরিয়ানাগী মুখ্য মন্ত্রী, কেন্দ্রগী হোম সেক্রেতরি, নার্কোতিক্স কন্ত্রোল ব্যুরো (এন.সি.বি.)গী দিরেক্তর য়াওনা বোর্দর সেক্যুরিতী ফোর্স (বি.এস.এফ.)কী ওফিসরশিং, নেসনেল ইনভেস্তিগেসন এজেন্সী (এন.আই.এ.) অমসুং এন.সি.বি. অমসুং রাজ্যগী এ.এন.তি.এফ.সু শরুক য়াখি। এন.সি.ও.আর.দি.গী চীফ অমসুং মসিগী মীহুৎশিংসু শরুক য়াখি।

ঙসিগী থৌরম অসিদা, কেন্দ্রগী গৃহ মন্ত্রীনা হায়খি মদুদি দ্রগশিংবু আইন কায়না লল্লোনবা অমসুং শন্দোকপা হায়বসি খুন্নাই অমগীদি য়াম্না মাংহন্নিংঙাই ওইবা অমনি। লোন্না লল্লোনবগী থবক অসিনা পাকথোক চাউথোক্লকপা মতমদা, মসিনা তুংগী মীরোলশিংবু শুম চাহল্লি অমসুং খুন্নাইবুসু ইহো হোহল্লি। মশা মউ ফবা, লন লৈবা, শক্তি লৈবা অমসুং সেফ ওইরবা লৈবাক অমনা মসিগী পান্দম অসি দ্রগ ত্রাফিক্কিংগী মাইয়োক্তা জিরো তোলরেন্স পোলিসী অমা য়াওদনা ফংবা ঙম্লোই। মহাক্না হায়খি মদুদি দ্রগকী মাইয়োক্তা লান থেংনবা হায়বসি খুন্নাইগী থাক্তা য়েংবদা অদুক্কী মতীক মরু ওই। মসি লৈবাক অমগী সেক্যুরিতীগী মাইকৈদগী য়েংবদসু মরুওই, মরমদি দ্রগ লল্লোনবদগী লাক্লিবা শেল অসি লৈবাক্কী মাইয়োক্তা লৈবা থবকশিংদা শীজিন্নরি। অতোপ্পা অমরোমদনা, ঐখোয়না নহাশিংবু অমসুং তুংগী মীরোলশিংবু দ্রগ লল্লোনবা অমসুং শন্দোকপা থিংদুনা মাঙগদবদগী কনগদবনি অমসুং দ্রগ লল্লোনবদগী লাকপা শেলশিং অসি লৈবাক্কী মাইয়োক্তা শীজিন্নৈ অমসুং মসি লেপহনবা হায়বসি ঐখোয় খুদিংমক্কী থৌদাংনি।

শ্রী অমিৎ শাহনা হায়খি মদুদি ২০১৪দা, শ্রী নরেন্দ্র মোদীনা প্রধান মন্ত্রী ওইরকখিবা মতমদা, লৈঙাক অসিনা দ্রগকী মাইয়োক্তা করিগুম্বা য়াশিন্নবা অমত্তা পুরক্তবা হায়বা পোলিসী অমা লৌখৎখি অমসুং সিস্তেম অসিদা লৈরিবা অশোইবশিং লৌথোক্তুনা দ্রগশিংগী মাইয়োক্তা চত্থরিবা লাঞ্জং অসিবু অহোবা লৈতবা খোঙজেল য়াঙবা লান অমা তপ্না-তপ্না ওইরকখি।

শ্রী শাহনা হায়খি মদুদি ঙসিদি ময়েক শেংলবা মাইয়োন অমগা খোঙজেল য়াঙবগা লোইননা নীংখা তম্লবা মতুংদা ইহান হানবা ওইনা ঐখোয়না দ্রগকী মাইয়োক্তা শোক্নরিবা লাঞ্জং অসি মাঙজিল থানা পুখৎপা ঙম্লে অমসুং মসিগী মহৈ ঐখোয়না উবা ফংলে। দ্রগশিং অসিনা মীওই অমগী, খুন্নাইগী, শেন্মিৎলোনগী অমসুং লৈঙাক্কী সেক্যুরিতীদা অকাইবা পীরি অমসুং মসিগী মরম অসিননি মসিবু অচেৎপা ফিরেপ অমা লৌদুনা লৈখা তানা মুৎথৎনবা হোৎনবগী তঙাইফদবা অমা লাক্লিবসি। শ্রী শাহনা হায়খি মদুদি ভারত সরকারনা গৃহ মন্ত্রালয়, সোসিএল ৱেলফিয়র মন্ত্রালয়, রেভিন্যু বিভাগ, হকশেল অমসুং য়াইফ-য়ুম্বাল মন্ত্রালয় অমসুং এজুকেসন মন্ত্রালয়না এন.সি.বি.গী থোঙদা লান্থেংনবা হৌখ্রে। গৃহ মন্ত্রালয় খক্তনা লানফম অসি থেংনবা ঙম্লোই। মসিগী লাং অসিদা থুরুরবা অঙাংশিংবুসু পুথোক্লকপা তঙাইফদে, অমসুং মসিগীদমক সোসিএল জস্তিস মন্ত্রালয় অমসুং হকশেল মন্ত্রালয়গী তঙাইফদবা লাক্লিবসি। এজুকেসন মন্ত্রালয়, সোসিএল জস্তিস মন্ত্রালয় অমসুং গৃহ মন্ত্রালয়না অমত্তা ওইনা হোৎনদুনা নহাশিংবু নিশাদা লাইচুহন্দনবা হোৎনগদবনি। অমোৎপা শেলনা লৈবাক্কী সেক্যুরিতীদা মোশিলহল্লোইদবনি।

নিশাগী মাইয়োক্তা চঙশিল্লিবা লাঞ্জং অসিদা, গৃহ মন্ত্রালয় অসিনা মশা লোঙবা লাঞ্জং কয়া লৌখৎখ্রে হায়না কেন্দ্রগী গৃহ মন্ত্রীনা হায়খি। এদমিনিস্ত্রেতিব রিফোর্ম কয়া অমা লৌখৎখ্রে অমসুং অনৌবা থৌওংশিং শেমগৎখ্রে অমসুং রাজ্যশিংগা পাউ ফাওননবগীদমক প্রো-এক্তিব ওইবা খোঙথাং লৌখৎখ্রে। অতোপ্পা অমদনা অনৌবা ফোরেন্সিক সাইন্স লেবশিং পীনবগীদমক নেসনেল ফোরেন্সিক সাইন্স য়ুনিভর্সিতীদা সেন্তর অমা লিংখৎখ্রে। অতোপ্পা মাইকৈ অমদনা, স্তেকহোল্দরশিংগা তান্নদুনা অহকপা আইন শেম্নবসু খন্নরি। অতোপ্পা মাইকৈ অমদনা গৃহ মন্ত্রালয়না এন.সি.ও.আর.দি.গা লোয়ননা জিলাগী থাক্তা ফাওবা অহো-অরাক লৈহন্দনবগীদমক চৎমিন্ননবগী থৌরাং লৌখৎলে। অপুনবা ওইনা লৌখৎপা থৌরাং অসিনা পীরিবা মহৈশিং অসি পুক্নিং থৌগৎনিংঙাই ওই। হায়রিবা মহৈশিং অসিনা তাক্লি মদুদি করিগুম্বা দাইগনোজ তৌদবসি প্রোব্লেম অমা নত্তে অমসুং মসি মরাদগী হৌদুনা মুত্থৎপা ঙম্লোই। মহাক্না হায়খি মদুদি করিগুম্বা এন.সি.ও.আর.দি.না জিলাগী থাক, তেহসিলগী থাক অমসুং স্তেকহোল্দরশিংনা অপুনবা ওইনা পায়খৎমিন্নবা তারবদি, চহি খরগী মনুংদা শ্রী নরেন্দ্র মোদীগী দ্রগতগী মনীং তম্লবা ভারত অমগী মঙলান অসি মঙফাওনবা ঙমগনি।

শ্রী অমিৎ শাহনা হায়খি মদুদি হৌখিবা চহি নিপানলোম অসিদা প্রধান মন্ত্রীগী লুচিং মখাদা দ্রগকী মাইয়োক্তা থেংনরিবা লানফমশিং অসিগী মহৈ উবা ফংলে। ২০০৬-২০১৩গা চাংদম্নবদা হৌখিবা চহি ৮ লোম অসিদা ২০১৪-২০২২ ফাওবদা কেস চাদা ২০০ হেন্না লৌখৎখ্রে। ফাখিবগী মশীংনা চাদা ২৬০ হেনগৎলে। ক্বালিতী কেসসু চাদা ৮০০ হেনগৎলে। ফারবা দ্রগকী চাংসু হান্নদগী শরুক অনি হেনগৎলে, ২০০৬-২০১৩গী মরক্তা, দ্রগ লাখ ১.৫২ ফাখি, অদুগা ২০১৪ অমসুং ২০২২দনা দ্রগ লাখ ৩.৩ ফাখি। হকচাং অমসুং খুন্নাইদা শোকহনবা দ্রগশিংদনা হেন্না মীৎয়েং থম্বগী থবকসু চত্থরি। ২০০৬ তগীনা ২০১৩ ফাওবদা দ্রগ লুপা করোর ৭৬৮কী ফাখি, অদুগা ২০১৪ অমসুং ২০২১গী মরক্তনা ভারত সরকারনা দ্রগ লুপা করোর লিশিং ২০গী ফাদুনা মাঙহন্নবা পান্দমদা কেম্পেন চত্থরিঃ

	২০০৬-১৩	২০১৪-২২
অপুনবা কেসশিং	১২৫৭	৩১৭২	২০০%দগী হেন্না হেনগৎপা
অপুনবা ফাখিবা	১৩৬৩	৪৮৮৮	ফাবগী চাং ২৬০% হেনগৎপা
ফাখ্রবা দ্রগশিং (কে.জি.দা)	কে.জি. লাখ ১.৫২	কে.জি. লাখ ৩.৩	শরুক অনিদগী হেনলবা
ফাখ্রবা দ্রগশিং (করোরদা)	করোর ৭৬৮	করোর ২০,০০০	শরুক ২৫৬ হেনগৎপা

 

হায়রিবা মহৈশিং অসিনা উৎলে মদুদি ঐখোয়গী কেম্পেন অসি অচুম্বা মায়কৈদা চঙশিল্লি। করিগুম্বা খোঙজেল অসি হেনগৎপা, থাজবা শেমগৎপা, অমসুং হৌজিকসু লৈরিবা অহো-অরাক খরসি মুৎথৎপগী তঙাইফদবা লৈরবসু মদু পাঙথোক্কনি।

কেন্দ্রগী গৃহ মন্ত্রীনা হায়খি মদুদি ঙসিগী কনফরেন্স অসিগী মরুওইবা হীরম অসি য়াম্না মরুওই। ভারত সরকারনা হকচিন্না লৌরিবা চাং অসি রাজ্যদগী জিলাশিংদা, জিলাশিংদগী তেহশিলশিংদা অমসুং তেহশিলদগী গ্রাম পঞ্চায়ৎকী থাক্তা য়ৌহনবা পাম্মি অমসুং মসিগী মরম অসিননি মসিগী কনফরেন্স অসিদা রাজ্য/কেন্দ্রগী তেরিতোরী মঙাদগী মীহুৎশিংনা শরুক য়ারিবসিসু। মহাক্না হায়খি মদুদি, মতাং অসিদা মফম অনি লৈরি – অৱাং নোংপোক লমদম অমসুং অৱাং থংবা শরুক – মসিদগী দ্রগশিং অসি ঙমখৈ ফাওদুনা য়ৌরক্লি। শমস্যা খুদিংমক্কী লোইশিনফম লৈ, মদু থিগদবনি অমসুং ঐখোয়না ফমদুনা লৈশিল্লোইদবনি। লানফম অসিদা ঐখোয়না স্তেকহোল্দরশিং পুনশিনগদবনি অমসুং লানফম অসি থৌনা অমগা লোইননা হোৎনগদবনি। করিগুম্বা নার্কোতিক্স কন্ত্রোলদা থবক তৌরিবা এজেন্সীশিংনা খন্ন-নৈনরবা অমসুং মখোয় অমনা অমা মতেং পাংনরবদি মসিগী মহৈ অসি পাকথোক চাউথোকপা ঙমগনি। ঙসিগী কনফরেন্স অসিদগী ফংবা কান্নবশিংনা তুংগী মীরোল কনবনা মতেং ওইগনি।

শ্রী অমিৎ শাহনা হায়খি মদুদি নার্কোতিক্সকা লান্থেংননবা চঙশিল্লিবা মাইকৈ অসিদা লৈঙাক অসিনা য়াম্না চাউবা অহোংবা কয়া অমা পুরকখ্রে। এন.সি.বি.না এস.ও.পি. অমা শেমখ্রে। করিগুম্বা নার্কোতিক্সশিং অসি চাং ৱাংনা ফাবা তারবদি, মদুগী অরোইবা পন্থুংফমদু য়ৌদ্রিবা ফাওবা ত্রেক তৌগনি। করিগুম্বা মদু শীজিন্নবা মীওই কনাগুম্বা অমা ফাবা তারগনা, লৈবাক অসিগী ঙমখৈ লান্না মদুগী হৌরকফম থিগনি। অসিগুম্বা মকোক্তগী মমৈ ফাওবগী খোঙথাং অসিনা অচৌবা মহৈ পুরকপা ঙমখ্রে। কেন্দ্রগী গৃহ মন্ত্রীগী পাউতাক মতুং ইন্না, জুন ১দগী হৌদুনা ওগস্ত ১৫ ফাওবগী ওইবা নুমিৎ ৭৫নিগী ওইবা দ্রগ মাঙহনবগী কেম্পেন অমা হৌখ্রে অমসুং হৌজিক ফাওবদা লুপা করোর ১,২০০গী ওইগদবা দ্রগ কিলোগ্রাম ৫১,০০০ মুত্থৎখ্রে। ঙসিদি লুপা করোর ৮০০ রোমগী ওইগদবা কিলোগ্রাম ৩১,০০০গী ব্লেক মার্কেত ভেল্যু ওইগদবা দ্রগশিং মাঙহনখ্রে। অসুম্না হৌজিক ফাওবদা লুপা করোর ২,০০০গী ওইগদবা দ্রগ কিলোগ্রাম ৮২,০০০ মাঙহনখ্রে। ওগস্ত ১৫দা নুমিৎ ৭৫নিগী কেম্পেন লোইবদা চাং অসি ব্লেক মার্কেৎ ভেলুদা লুপা করোর ৩,০০০গী ওইগদবা চাংদা কিলোগ্রাম লাখ অমা য়ৌগনি।

	মাঙহনখ্রবা দ্রগশিং (চাউরাক্না)	ইন্তর্নেসনেল মার্কেত্তা লৈবা মমল (চাউরাক্না)
জুন ১, ২০২২দগীনা জুলাই ২৯, ২০২২	কিলোগ্রাম ৫১,০০০	করোর ১,২০০
জুলাই ৩০, ২০২২ ফাওবদা	কিলোগ্রাম ৩১০০০	করোর ৮০০
ঙসিফাওবদা মাঙহনখ্রবা দ্রগশিং	কিলোগ্রাম ৮২০০০	করোর ২০০০

কেন্দ্রগী গৃহ মন্ত্রীনা হায়খি মদুদি ঙসিদি এন.সি.ও.আর.দি. পোর্তেলসু হাংদোক্লে। মসিগী পোর্তেল অসিদগী লৈবাক অসিদা লৈরিবা এজেন্সী খুদিংমক্না ঈ পাউশিং লৌবা য়াবদা নত্তনা মসিনা এন.সি.ও.আর.দি.গী থবকশিংসু একচেঞ্জ তৌবা য়ারগনি, লৈবাক অসিদা থেংনখিবা নার্কোতিক্সকী ওইবা মগুন লৈরবা জজমেন্তশিং পোর্তেল অসিদা ফংগনি, প্রোজিক্যুতরশিংগী ত্রেনিংশিংসু চত্থগনি, অমসুং মরুওইবা মফমশিংদা লৈবা জিলাগী থাক্তা লৈবা পুলিস স্তেসনশিংসু ইরাই লাইনা ফংহনগনি। মহাক্না রাজ্য মঙাগী পুলিসশিংদা অমসুং নার্কোতিক্সকা মরী লৈনবা এজেন্সীশিংনা পোর্তেল অসিবু শীজিন্ননবা আপিল তৌখি অমসুং হায়খি মদুদি মসিবু শীজিন্নবনা লৈবাক শীনবা থুংনা নার্কোতিক্স লান্থেংনবদা মতেং পাংগনি।

শ্রী অমিৎ শাহনা হায়খি মদুদি নেসনেল ইন্তিগ্রেতেদ দেতাবেজ (নিদান) ওন নার্কো-ক্রিমিনেল হায়বা অমসু শেম্লে। মসিদা এন.দি.পি.এস.না অয়াবা পীরবা এজেন্সীশিং অমসুং এন.সি.বি.শিংগী নার্কোতিক্স ক্রাইমশিংগী দেতা য়াওরি। দেতা বেজ অসিদা তোঙান-তোঙানবা মোদ্যুলশিংসু য়াওরি। মীওই খুদিংমক্না দাইগ্নোস্তিক দেশবোর্দ অসি শীজিন্ননবা শ্রী শাহনা হায়জখি। মহাক্না হায়খি মদুদি হুইগী স্ক্বাদ অমসু হৌখ্রে অমসুং ভারতকী হুইশিংবু নার্কোতিক্সকীদমক ত্রেনিং তৌবা হৌখ্রে। শ্রী শাহনা থাজবা ফোংদোকখি মদুদি ঐখোয়না ইরোমদোম লেপচনবগীদমক মাংজিল থানা চঙশিনগনি।

কেন্দ্রগী গৃহ মন্ত্রী অসিনা হায়খি মদুদি গৃহ মন্ত্রালয় অসিনা ইন্সিতিত্যুসনেল স্ত্রকচর মপাংগল কলহনবা মরোল অহুম লৈবা ফোর্মুলা অমদা থবক পায়খৎলি। অহানবদা, নার্কো এজেন্সীশিং পুম্নমকপু মালেম পুম্বদগী খ্বাইদগী ফবা থবক, খ্বাইদগী ফবা খুৎলাই অমসুং ফেসিলিতীশিং পীনবা শক্তি পীবা অমসুং কোওর্দিনেসন পীনবা, অনিশুবদা মীয়াম ভাপ তাহন্নবা অমসুং অহুমশুবদা দি-এদিক্সননি। নার্কোতিক্সকী মাইয়োক্তা শোক্নরিবা লানফম অসি লাঞ্জং অহুম থোক্না খাইদোকই অমসুং হায়রিবা হীরম অহুম অসিদা থবক পায়খৎলি। প্রধান মন্ত্রী নরেন্দ্র মোদীনা থাজৈ মদুদি শমস্যাশিং অসি লৈঙাক্না অপুনবা ওইনা থেংনরবতদা মাইয়োক্নবা ঙমগনি, অমসুং হায়রিবা খোঙথাং অসি লৌখৎত্রবদি পুন্থুং অসি য়ৌবদা ৱাগনি। মহাক্না হায়খি মদুদি করিগুম্বা ঐখোয়না নহাশিং অসিবু নিশাদগী লাপথোক্নবগীদমক মীয়াম ভাপ তাহন্নবগী থবকশিং হেন্না পায়খৎত্রবা অমসুং নিশাগী লম্বী থিংবা ঙমদ্রবদি ঐখোয় মায় পাক্লোই। মরম অসিনা, ঐখোয়না হায়রিবা হীরম অহুম্মক অসিদা খুমাং চাউশিন্নবা হোৎনগদবনি।

শ্রী অমিৎ শাহনা হায়খি মদুদি নেসনেল নার্কোতিক্স হেল্পলাইন অমা শেম্বগী তঙাইফদবা লৈরিবা অসি য়েংলগা, এন.সি.বি.না মানাস হেল্পলাইন্দা থবক পায়খৎপা হৌখ্রে অমসুং মসি মীয়াম মাঙদা নুমিৎ খরনিগী মনুংদা পুথোক্লক্লগনি। গৃহ মন্ত্রী অসিনা হায়খি মদুদি রাজ্য ২১না এন্তি-নার্কোতিক্স তাস্ক ফোর্সশিং হাংদোক্লে হায়না লাউথোকপদা নুংঙাইবা পোকই। শ্রী শাহনা রাজ্য পুম্নমক্কী মুখ্য মন্ত্রীশিং, চীফ সেক্রেতরীশিং অমসুং দি.জি.পি.শিংদা হায়খি মদুদি লেমহৌরিবা রাজ্যশিং অসিনা তাস্ক ফোর্স অসি অথুবা মতমদা শেমগদবনি অমসুং মখোয়না শেম্লিবা মফম অদুদা মদুবু লাৱর লেভেলদা থবক তৌনবা হোৎনগদবনি।  দ্রগ অমসুং দার্ক নেৎ লাকশিন্ননবগীদমক অথুবদা থবকশিং পায়খৎপগী তঙাইফদবা লৈরি, দার্ক ৱেব অমসুং ক্রিপ্তোকরেন্সী ত্রেদিং অসি শম্ননা চৎলি, গৃ মন্ত্রালয়না হন্দক্তা দার্ক ৱেব অমসুং ক্রিপ্তোকরেন্সীশিংগী মতাংদা তাস্ক ফোর্স অমা শেমখ্রে। মন্ত্রালয় অসিনা ত্রেনিং পীনবসু কন্না হোৎনরি। দ্রগ ত্রাফিক্কিং অমসুং ক্রিপ্তোকরেন্সী হায়বসি ঙসিদি ৱাহন্থোক মান্নবা অমগুম্না লৌরি। ঐখোয়না খোঙজেল য়াঙনা রাজ্যগী থাক্তসু হোৎনরি, নহাশিং অমসুং অনৌবা তেক্নোলোজীগী হৈশিংলবশিংসু শম্নবা তঙাইফদে। শ্রী শাহনা হায়খি মদুদি নেসনেল ফোরেন্সিক সাইন্স য়ুনিভর্সিতী অমসুং এন.সি.বি.না অনৌবা ফোরেন্সিক লেব অমা রাজ্য অমহেক্তদা লিংখৎনবগীদমক এন.সি.বি. অমসুং নেসনেল ফোরেন্সিক সাইন্স য়ুনিভর্স্তীগী মরক্তা য়ানচেরোল অমা খুৎয়েক পীনখ্রে। এস.ও.পি. অমা শেম্নবা থৌরাংসু পায়খৎলি।

নিশাগী শমস্যা অসি ঙমখৈ ময়াদা লৈবা রাজ্য অমা ওইরুবনা পঞ্জাবনা খরা হেল্লি, মরম অসিনা পঞ্জাবতা অচৌবা থৌনা অমা চঙগনি। ঐখোয়না অমৃৎসরদা ফোরেন্সিক লেব অমা লিংখৎপদা নত্তনা ত্রেনিং পীনবগীদমক এন.সি.বি.গী সেন্তর অমা লিংখৎকনি হায়না মহাক্না হায়খি। শ্রী অমিৎ শাহনা হায়খি মদুদি ভারত সরকার অসিনা নিশাগী মাইয়োক্তা লান শোক্ননবা, পঞ্জাবকী নহারোলশিংবু নিশাগী ইপাক্তগী কন্নবা পঞ্জাবকা লেংগোন্নদুনা চৎমিন্নরি অমসুং রাজ্য অসিনা তঙাইফদবা লৈরকপা খুদিংমক পীনবগীদমক পঞ্জাবকা মতম পুম্বদা লোইনরি। কেন্দ্রগী গৃহ মন্ত্রীনা থাজবা থমখি মদুদি পঞ্জাবনা গ্রগকী মাইয়োক্তা চঙশিল্লিবা লাঞ্জং অসিদা শ্রী নরেন্দ্র মোদীগী লুচিং মখাদা ভারত সরকারনা ওঙম্বা মতেং পাংগনি। মহাক্না হায়খি মদুদি আইন্না য়াদবা দ্রগশিং শাবা থিংনবগীদমক দ্রোন অমসুং তেক্নোলোজীশিং রাজ্য অসিদা শীজিন্নবা তঙাইফদে। এন.সি.বি.না ভাস্করচারিয়া সেন্তরগা পুন্দুনা সেতলাইৎ অমসুং অখন্নবা মখলগী সেতলাইৎ ইমেজ রিকগনিসন সিস্তেম শীজিন্নদুনা মফম থিদোকপগী থবকসু চত্থরি। মসিনা আইন্না য়াদবা দ্রগশিং শুংলিবা মফমশিংগী মতাংদা ঈ পাউ লৌবদা মতেং ওইগনি অমসুং দ্রগ মাঙহনবদা থিন্থরিবা অসিসু হন্থহল্লগনি। মহাক্না রাজ্যশিংদা মতম চুপদা মতেং পাংনবা হোৎনজরিবা ভাস্করচারিয়া ইন্সতিত্যুৎকা পাউ ফাওনবীনবা হায়জখি।

মাইকৈ অনি লোঙনা শীজিন্নবা য়াবা দ্রগশিংবু লান্না শীজিন্নবা থিংনবগীদমক পার্মনেন্ত ওইবা ইন্তর মিনিস্ত্রিএল কম্মিতী অমা গৃহ মন্ত্রালয়গী থৌশিল মখাদা হকশেল অমসুং য়াইফ-য়ুম্বাল মন্ত্রালয় অমসুং কেমিকেল মন্ত্রালয়গা লোইননা শেমখ্রে। মহাক্না হায়খি মদুদি শমুদ্রগী লম্বী শীজিন্নদুনা য়াইন কায়না লল্লোনবগী থবক অসি থিংগদবনি। ভারত সরকারগী এজেন্সীশিংনা কোস্ত গার্দ অমসুং শমুদ্র ময়াদা লৈবা রাজ্যশিংনা হৌখিবা চহি খরসিদা অচৌবা চাংদা খ্বাইদগী য়াম্বা দ্রগ মশীং ফাখ্রে। মহাক্না হায়খি মদুদি ভারত অসি মরুওইবা ইন্তর্নেসনেল শমুদ্র লম্বীগী লমখাইফমদা লৈরি, শ্রী লঙ্কা নৎত্রগা নোংপোক লমদগী নৎত্রগা মেরিতাইম বোর্দরশিং দ্রগ চঙলকপা য়াহল্লোইদবনি। ভারতনা দ্রগ শাবসু য়াহল্লোইদবনি অমসুং দ্রগশিংবুসু মপান্দা থাদোকহল্লোইদবনি। শ্রী নরেন্দ্র মোদীগী লুচিং মখাদা ভারতনা দ্রগকা মরী লৈনবা হীরম অমহেক্তদা য়াশিন্নবা পুরক্তনবগীদমক ৱাশক লৌরি অমসুং দি.আর.আই.না তোঙান-তোঙানবা সোফৱেয়রশিং শেমখ্রে অমসুং গৃহ মন্ত্রালয়না এফ.আই.য়ু. অমসুং ই.দি.গা লোইননা ফাইনান্সিএল ইনভেস্তিগেসনগীদমক কন্না তান্নরি।

শ্রী অমিৎ শাহনা হায়খি মদুদি গৃহ মন্ত্রালয়না জিলা ২৭২, খুঙ্গং ৮০,০০০ মশক খঙদোক্লে অমসুং মখোয়দা মীৎয়েং থমদুনা থবক পায়খৎপা হৌরগনি। মীওই খুদিংমক, এজেন্সী খুদিংমক্না মখোয় মখোয়গী মরী লৈনবা মফমশিংদা অঙম্বা থাক্তা লান্থেংনগদবনি। ভারত সরকারনা লৈবাক ৪৪গা লোইননা নার্কোতিক্সকী মতাংদা তোঙানবা এম.ও.য়ু.শিং খুৎয়েক পীনখ্রে অমসুং ঈ পাউশিং থাদোক থাজিন তৌনরি। শ্রী অমিৎ শাহনা হায়খি মদুদি রাজ্যশিংদগী চাউনা থাজবা থম্লি। কেন্দ্র সরকার খক্তনা লান অসি থেংনবা ওইথোক্লোই, রাজ্যনা শোক্নরিবা লানফম অদুনা কেন্দ্রদগী হেন্না চাউই, মদুখক্তদা ঐখোয়না মহৈ উবা ফংগদবনি অমসুং রাজ্য অমখক্তনসু থেংনবা ৱাগনি, মসিদা ঐখোয় পুম্নমক্না শরুক য়াদুনা মাংজিল থানা চঙশিনগদবনি। ঐখোয়না লানফম অসিবু মাঙজিল থানা চঙশিনমিন্নগদবনি। এন.সি.ও.আর.দি. পোর্তেল অসি জিলাগী থাক্তা, তেহসিল অমসুং খুঙ্গংগী থাক্তা হেন্না শীজিন্নরিবা মখৈ ঐখোয়না খুদোংচাদবসি কোকহনবা ঙমগনি। এন.সি.ও.আর.দি. অমসুং জোইন্ত কোওর্দিনেসন কম্মিতী অসি নিংথিনা শীজিন্নগদবনি। দ্রগ চাং কা হেন্না য়াম্না ফাবা মতমদা ফাওবদা রাজ্যশিংনা মদুবু কেন্দ্র অমসুং রাজ্যগী মরক্তা লৈবা শমস্যা অমা ওইহন্দনবা আপিল তৌখি, করিগুম্বা থবক অদু রাজ্যগী ঙমখৈগী ৱাংমদা লৈ হায়না খনবা তারবদি এন.সি.বি. অমসুং এন.আই.এ.গা পাউ ফাওনগদবনি অমসুং মদুনা লৈবাক অসিগী ৱাংমগী মতাং ওইরবদি এন.আই.এ.দা শিন্নগদবনি। পার্লিয়ামেন্তনা এন.আই.এ.বু মপান্দা থিজিল হুমজিন তৌবগী অয়াবা পীখ্রে। শ্রী শাহনা হায়খি মদুদি হায়রিবা কেন্দ্রগী এজেন্সীশিং অসিনা মরী লৈনবা রাজ্য য়াওনা থিজিল হুমজিনবগী থবক চত্থগনি। গৃহ মন্ত্রী অসিনা হায়খি মদুদি সুপ্রিম কোর্তকা লোইননা ফাস্ত ত্রেক কোর্ত অমা লিংখৎনবা তান্নরি। মহাক্না ফোংদোকখি মদুদি ঙসিগী কনফরেন্স অসিদা শরুক য়ারিবা রাজ্যশিং অসিদা লৈরিবা নহাশিং অমসুং দ্রগশিংগী চত্থোক-চৎশিন ওইরিবা অৱাং নোংপোক লমগী নহাশিংনা হেন্না ফিভম শোক্লি। মরম অসিনা রাজ্য মঙা অসিনা মখোয়গী মরক্তা অমগা অমগা পাউ ফাওনদুনা খুৎশম্নবা চঙই। মহাক্না হায়খি মদুদি দ্রোনশিং অসি আইন কায়না দ্রগ, খুৎলাই অমসুং শাশিন্নবা শেলশিং লল্লোনবগী থবক্তা অপনবা পীবা অমা ওইরি, অদুম ওইনমক মসিগী মায়কৈ অসিদসু ৱার ফুতিংদা থবক পায়খৎলি। গৃহ মন্ত্রী অসিনা লন লৈবা অমসুং অনৌবা ভারত অমা শেম্নবগীদমক ভারতকী নহাশিংনা মপুং ফানা নিশাদগী লাপ্না লৈগদবনি হায়না মীপুম খুদিংমক্না ৱাশকমিন্নসি হায়না কনফরেন্স অদুদা শরুক য়ারিবা মীওই পুম্নমক্কী পুক্নিং চিংশিনখি। রাজ্যশিং অসিনা মখোয় মখোয়গী লমশিংদা দ্রগকী শমস্যা অসি কোকহনবদা অচৌবা থৌদাং লৌগনি হায়বগী থাজিবা থম্লি হায়না মহাক্না ফোংদোকখি।

*****

(Release ID: 1847161) Visitor Counter : 123