হকশেল অমসুং য়াইফ-য়ুম্বাল মন্ত্রালয়
দাঃ ভারতী প্রবীন পাৱারনা নেস্নেল ফেমিলী প্লান্নিং সম্মিত ২০২২দা ৱা ঙাঙখ্রে
“ভারতনা ফেমিলী প্লান্নিংগী মরু ওইবশিং নীংথিনা খঙই অমসুং য়াম্না ঙল্লবদা, ইং ১৯৫২দা নেস্নেল ফেমিলী প্লান্নিংগী থৌদাং হৌদোকখ্রে”
“য়াম্লবদা রাজ্য/য়ু.তি. ৩১না ২.১ নত্ত্রগা তাথবা অপুনবা ফর্তিলিতী রেত ফংদুনা, ভারতনা রিপ্লেসমেন্ত লেভেল ফর্তিলিতী ফংবা ঙম্লে”
“ভারতনা ইং ২০১২ অমসুং ২০২০গী মনুংদা মোদর্ন কন্ত্রাসেপ্তিব শিজিন্নবা মীওই করোর ১.৫ হেলহনখিবনা মরম ওইরগা মোদর্ন কন্ত্রাসেপ্তিব শিজিন্নবগী চাং য়াম্না হেনগৎহনখি”
মিসন পরিবার বিকাসকী মখাদা ইং ২০১৬তগী হৌদুনা নই পেহেল কিত লাখ ১৭ হেনববু নৌনা য়ুম্বাল্লকপশিংদা য়েন্থোকখ্রে, সাস-বহু সম্মেল্লন লাখ ৭ হেন্না পাংথোকখ্রে, অমসুং সার্থী ভন্সকী খুত্থাংদা ক্লাইএন্ত লাখ ৩২ হেনবদা কাউন্সেল্লিং পীখ্রেঃ দাঃ ভারতী প্রবীন পাৱার
Posted On:
27 JUL 2022 1:47PM by PIB Imphal
“ভারতনা অঙনবা মতমদগী হৌনা ফেমিলী প্লান্নিংগী মরু ওইবা খঙখ্রে অমসুং ইং ১৯৫২দা নেস্নেল ফেমিলী প্লান্নিং প্রোগ্রাম হৌদোকখিবা অহানবা লৈবাক ওইখি”। ৱাফম অসি হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দাঃ ভারতী প্রবীন পাৱারনা লুচিংদুনা ঙসি পাংথোকখিবা নেস্নেল ফেমিলী প্লান্নিং সম্মিত ২০২২দা মহাক্না থমখিবনি। ইকায়খুম্ননীংঙাই ওইরবা প্রধান মন্ত্রীগী আত্মানির্ভর ভারতকী পান্দমগা ইরোয়ননা, ঙসিগী সম্মিতকী থীম্না “ফেমিলী প্লান্নিং তৌবদা হোৎনবা লেপ্তবা, খুৎশম্নদুনা চৎপগী থৌওং হৌদোকপা অমসুং পান্দম শেম্বা – সবকা সাথ, সবকা বিশ্বাস, সবকা প্রয়াস অমসুং সবকা বিকাস” ওইখি।
দাঃ পাৱারনা থৌরমসিদা ৱা ঙাঙবদা “য়াম্লবদা রাজ্য/য়ু.তি. ৩১না ২.১ নত্ত্রগা তাথবা অপুনবা ফর্তিলিতী রেত ফংদুনা, ভারতনা রিপ্লেসমেন্ত লেভেল ফর্তিলিতী ফংবা ঙম্লে অমসুং মোদর্ন ওইবা কন্ত্রাসেপ্তিব শিজিন্নবগী চাংনা ৫৬.৫% (এন.এফ.ঐচ.এস. ৫)দা মশক থোক্না হেনগৎলে। এন.এফ.ঐচ.এস. ৫ দেতানা অঙাং পোকপদা কান্নহনবগী থৌওং পাংথোকপদা মপুং ওইবা অহোংবা লৈরে তাক্লি, মসিনা মেতর্নেল অমসুং ইনফেন্ত মোর্তেলিতী অমদি মোর্বিদিতীদা কান্নবা শাফু পীবদা য়াম্না তেংবাংবা ঙমগনি” হায়খি।
কেন্দ্র মন্ত্রীনা মিসন পরিবার বিকাস (এম.পি.ভি.) ২০১৬না নেস্নেল ফেমিলী প্লান্নিং প্রোগ্রামদা অহেনবা শাফু পীরি হায়বা মিৎয়েং চঙখি। স্কিম অসিগী মখাদা, নই পেহেল কিত য়েন্থোকপা, সাস বহু সম্মেল্ল অমসুং সার্থী ভন্সকুম্বা অনৌবা থৌওং কয়ানা খুন্নাইদা য়ৌদুনা ফেমিলী প্লান্নিং, হকশেল ফবা অঙাং পোকপদা মতমগী কানবা থম্বা অমসুং অপীকপা ইমুংগী মরু ওইবগী মতাংদা ৱারী ৱাতাই শাবদা তেংবাংলি। “সার্থী ভন্স হেক হৌদোকখিবদগী হৌনা মসিগী খুত্থাংদগী মিসন পরিবার বিকাসকী মখাদা ইং ২০১৬তগী হৌদুনা নই পেহেল কিত লাখ ১৭ হেনববু নৌনা য়ুম্বাল্লকপশিংদা য়েন্থোকখ্রে, সাস-বহু সম্মেল্লন লাখ ৭ হেন্না পাংথোকখ্রে, অমসুং সার্থী ভন্সকী খুত্থাংদা ক্লাইএন্ত লাখ ৩২ হেনবদা কাউন্সেল্লিং পীখ্রে। মসিগুম্বা থৌওংশিংনা মরম ওইরগা, এন.এফ.ঐচ.এস.-৫গী দেতানা এম.পি.ভি. রাজ্যশিংদা মোদর্ন কন্ত্রাসেপ্তিব শিজিন্নবগী চাং য়াম্না হেনগৎলে অমসুং তঙাই ফদবা হীরম খুদিংমক ফংহনবা ঙম্লে তাক্লিবনি”, হায়না মহাক্না ফোংদোকখি।
মন্ত্রীনা ভারত অসি হৌজিক্না এফ.পি.২০৩০ পার্ত্নরশিপ ওইখ্রবা এফ.পি.২০২০গী মরু ওইবা মেম্বর অমনি হায়না পাউদমখি। ভারতনা পার্ত্নরশিপ অসিদা খোঙফম চেৎপগী শরুক অমা ওইনা, ফেমিলী প্লান্নিংদা য়ু.এস.দি. দিলিয়ন ৩ থাদখ্রে হায়না মহাক্না তমখি। মহাক্না মখা তানা হায়খি, ““ভারতনা ইং ২০১২ অমসুং ২০২০গী মনুংদা মোদর্ন কন্ত্রাসেপ্তিব শিজিন্নবা মীওই করোর ১.৫ হেলহনখিবনা মরম ওইরগা মোদর্ন কন্ত্রাসেপ্তিব শিজিন্নবগী চাং য়াম্না হেনগৎহনখি”।
মন্ত্রীনা থৌরম অসিগী মনুংদা ইন্দিয়া ফেমিলী প্লান্নিং ২০৩০ ভিজন দোক্যুমেন্ত পুথোকখিবগা লোয়ননা দিজিতেল ইন্তর্ভেন্সনগী কাঙলুপকী থবক্কী মখাদা লৈবা মেদিকেল ইলিজিবিলিতী ক্রাইতেরিয়া (এম.ই.সি.) হ্বীল এপ্লিকেসন, ফেমিলী প্লান্নিং লোজিস্তিক্স মেনেজমেন্ত সীস্তেম (এফ.পি.এল.এম.আই.এস.)কী ই-মোদ্যুল অমসুং ফেমিলী প্লান্নিংগী দিজিতেল আর্কাইববু লোঞ্চ তৌখি। খুন্নাইশিংবু মপাঙ্গল হাপ্নবা অমসুং ইনক্লুসিব সর্ভিস ফংহন্নবগীদমক্তা সরকারনা মতম চুপ্পদা খোঙফম চেৎলি হায়বা উৎনবীগদমক্তা, দাঃ পাৱারনা নেস্নেল ফেমিলী প্লান্নিং হেল্পলাইন মেনুএল, কম্ম্যুনিতী হেল্থ ওফিসর (সি.ঐচ.ও.) বুকলেত অমসুং আশা ব্রোচর অমসুং লীফলেত (ফেমিলী প্লান্নিংগী)সু মীয়ামদা শক্তাকখি।
দাঃ পাৱারনা গ্রাসরুত হেল্থ সর্ভিস প্রোভাইদরশিংবু থাগৎলদুনা মখোয়বু “প্রোগ্রাম অসিনা মায় পাকপদা মরু ওইনা তেংবাংলিবা হোৎনবা কনবা চেম্পিয়ন” হায়না কৌখি। মহাক্না মেল পার্তিসিপেসন, স্পেসিং মেথদ, পি.পি.আই.য়ু.সি.দি. অমসুং ইঞ্জেক্তেবল এম.পি.এ.গী কেতেগোরীগী মখাদা লৈবা রাজ্যশিংবু ইকায় খুম্নখি। দাক্তর (মেল অমসুং ফিমেল স্তেরিলাইজেসনগী কেতগোরী), নর্স (পি.পি.আই.য়ু.সি.দি. অমসুং ইঞ্জেক্তেবল এম.পি.এ.গী কেতেগোরী), হেল্থ অমসুং ৱেলনেস সেন্তরশিংদা ফেমিলী প্লান্নিংদা মথৌ খ্বাইদগী নীংথিনা পাংথোকপা অমসুং ক্লাইএন্তশিংদা ভেসেক্তোমী তৌনবা পুক্নিং থৌগৎপগীদমক্তা আশাগী থৌমীশিংদা সর্ভিস প্রোভাইদর এৱার্দসু পীথোকখি।
কেন্দ্রগী হকশেল সেক্রেতরী, শ্রী রাজেশ ভুশন্না ভারত্তা ফেমিলী প্লান্নিং পাংথোরক্লিবা অসি হৌজিক্তি দিকেদ ৭ হেল্লক্লে অমসুং মতমসিগী মনুংদা ভারতনা পোপ্যুলেসন কন্ত্রোল তৌবগী ৱাখল্লোন্দগী হৌদুনা পোপ্যুলেসন স্তেবিলাইজেসন অমসুং কন্তিনম কেয়র নীংথিনা পাংথোক্নবগীদমক্তা পায়খৎপা থৌওং কয়াদা অচৌবা অহোংবা লাকপা উবা ফংখি হায়না ফোংদোকখি। ৱাফম অসিগা মরী লৈননা, মহাক্না থীমেতিক এরিয়া অহুমদা মিৎয়েং চঙখি। অহানবা, ভারতনা রিপ্লেসমেন্ত ফর্তিলিতী লেভেল য়ৌজরবসু, ঐখোয়গী মরু ওইবা থবকশিং অসিগী ময়োলদা লৈগদবা চাদা নাউদা শন্দোকপা য়াবগী চহি কাঙলুপ মনুং চল্লিবা মীশিং কয়া হৌজিকসু লৈরি। অনিশুবা, ভারতনা অহেনবা মিৎয়েং চঙলিবসি চৎনবী ওইনা সপ্লাই সাইদতা লৈরি, হায়বদি, প্রোভাইদর অমসুং দেলিভরী সীস্তেমদা। হৌজিক্কী মতমসিদি দিমান্দ সাইদতা মিৎয়েং চঙগদবা মতম্নি হায়না মহাক্না হায়খি, অমসুং মসিগী মনুং চনগদবশিংদি ইমুং-মনুং, কম্ম্যুনিতী অমসুং খুন্নাইনি হায়না মখা তাখি। “মসিগুম্বা মিৎয়েং অসিনা মরম ওইরগা মশক থোকপা অহোংবা পুরকপা য়াগনি”, হায়না মহাক্না ফোংদোকখি। মিসন পরিবার বিকাসকী মখাদা লৈবা খুন্নাইদা য়ুম্ফম ওইবা স্কিমশিংগী কাঙলোনশিংগী কান্নবা কয়া লৌনবা অমসুং মখোয়শিংবু হেন্না ফহন্নবা রাজ্যশিংনা হোৎনফম থোকই। অরোইবদা, লৌশিং, স্কিল অমসুং সেবাগী খুত্থাংদা এফ.পি.২০৩০গী মখাদা লৈরিবা ঐখোয়গী পান্দমশিং ফংহন্নবা ঐখোয়গী তৌবা ঙম্বগী মতিক হেনগৎহনবদা ফেমিলী প্লান্নিং সর্ভিস প্রোভাইদরশিংগী কাঙলুপ্না মশক থোকপা থৌদাং লৌফম থোকই। “মতিক চাবা অমসুং নীংথিনা ত্রেন তৌরবা ৱর্কফোর্স অমা হায়বসিনা ঐখোয়না ফেমিলী প্লান্নিংগীদমক্তা হোৎনরিবশিংগী ফম্বাক ওইগদবনি। মসিনা ঐখোয়গী সেবা কয়াগী মগুনশিং হেন্না ফগৎহনগনি”, হায়না মহাক্না ফোংদোকখি।
হকশেল অমসুং য়াইফ য়ুম্বাল মন্ত্রালয়গী এন.ঐচ.এম.গী এদিস্নেল সেক্রেতরী অমসুং মিসন দাইরেক্তর, কুমারী রোলি সিংহ, এফ.পি. অমসুং এম.ঐচ.কী এদভাইজর, দাঃ এস.কে. সিকদার অমসুং তোঙানবা দিভেলপমেন্ত পার্ত্নরশিংগী মীহুৎশিংনা ঙসিগী থৌরমদা শরুক য়াখি।
****
(Release ID: 1845507)
Visitor Counter : 114