ثقافت  اور  سیاحت  اور شمال مشرقی خطہ کی ترقی کے وزیر جناب جی کشن ریڈی نے آج لوک سبھا میں  بتایا  کہ  وزارت ثقافت اپنی خود مختار تنظیموں کے ذریعے، یعنی سنگیت ناٹک اکیڈمی، ساہتیہ اکیڈمی، نیشنل اسکول آف ڈرامہ، سینٹر فار کلچرل ریسورسز اینڈ ٹریننگ، للت کلا اکیڈمی، کلکشیتر فاؤنڈیشن، اندرا گاندھی نیشنل سینٹر فار آرٹس ہندوستانی فن، ادب اور ثقافت کو محفوظ اور فروغ دیتی  ہے۔

سنگیت ناٹک اکیڈمی (ایس این اے) پورے ملک میں فیسٹولس کا اہتمام کرتی ہے۔ اکیڈمی پرفارمنگ آرٹس میں تحقیق، دستاویزات اور اشاعت کے لیے امداد فراہم کرتی ہے۔ گرو-سیسیا پرمپرا کے تحت، ایس این اے ملک بھر کے ثقافتی اداروں کو مالی مدد فراہم کرتا ہے۔ اکیڈمی کے آرکائیوز نامور اور مشہور  فنکاروں کی ریکارڈنگ کو احتیاط سے محفوظ کرتے ہیں۔

              ساہتیہ اکیڈمی (ایس اے) تحریر کی قومی اکیڈمی ہے، جو اس کے ذریعہ تسلیم شدہ 24 زبانوں میں ہندوستانی ادب کے فروغ اور تحفظ کے لیے کام کرتی ہے اور ہندوستان کے زبانی اور قبائلی ادب  کوبھی محفوظ کرتی ہے۔ ملک کے متنوع ادب کو فروغ دے کر، ساہتیہ اکیڈمی ہندوستان کی متنوع ثقافتی، لسانی اور ادبی برادریوں اور روایات کو متحد کرنے کی کوشش کرتی ہے۔ اس مقصد کے لیے، ساہتیہ اکیڈمی سالانہ 500 سے زیادہ ادبی پروگرام منعقد کرتی ہے، تقریباً 500 ادبی کتابیں شائع کرتی ہے اور تقریباً 200-150کتاب میلوں اور نمائشوں میں حصہ لیتی ہے۔ گزشتہ پانچ سالوں کے دوران، ساہتیہ اکیڈمی تمام 24 زبانوں میں ایوارڈز (96 سالانہ)، پروگرام (تقریباً 500 سالانہ)، اشاعتیں (تقریباً 500 سالانہ) اور ملک بھر میں  کتاب  میلوں  اور نمائشوں  میں حصہ لے کر ہندوستانی ادب کو پوری شدت سے فروغ دے رہی ہے۔

نیشنل اسکول آف ڈرامہ (این ایس ڈی) نے گزشتہ 5 سالوں کے دوران تھیٹر کی مختلف سرگرمیاں منعقد کیں، یعنی راشٹریہ پورووتر سماروہ، بھارت رنگ مہوتسو، پورووتر ناٹیہ سماروہ، پورووتر راشٹریہ سماروہ، کلاسیکل تھیٹر فیسٹیول، نیشنل ٹرائبل فیسٹیول آف تھیٹر اور موسیقی، فن اور  آزادی کی 75ویں سالگرہ کے موقع پر "آزادی کا امرت مہوتسو" کے تحت  تین  روزہ  تھیٹر فیسٹیول کا اہتمام  کیا ہے۔

سینٹر فار کلچرل ریسورسز اینڈ ٹریننگ (سی سی آر ٹی) قومی سطح پر ہندوستانی فن، ادب اور ثقافت کے تحفظ اور فروغ کے لیے سال بھر سرکاری اور سرکاری امداد یافتہ اسکولوں کے اساتذہ اور ماہرین تعلیم کے لیے سروس اورینٹیشن کورسز اور موضوعاتی ورکشاپس کا اہتمام کرتا ہے۔ للت کلا اکیڈمی (ایل کے اے) ہندوستان میں بصری فنون کی ترقی کے لیے کام کر رہی ہے۔ گزشتہ پانچ سالوں میں، کلکشیتر فاؤنڈیشن نے مختلف آرٹس فیسٹیول منعقد کیے،جیسے کتھاکلی، سالانہ آرٹ فیسٹیول، تثلیث فیسٹیول، رکمنی دیوی فیسٹیول، کلاسیبیرم، کلاسمبرکشن، دروپد فیسٹیول۔ ثقافت کی وزارت کلا سنسکرت وکاس یوجنا (کے ایس وی وائی ) اسکیم بھی نافذ کر رہی ہے ،جس کے ذریعے ثقافتی تنظیموں کو فن اور ثقافت کے فروغ کے لیے مالی امداد دی جاتی ہے۔

ہندوستانی زبانوں کے قدیم، قرون وسطی کے ادب کے تحفظ کے لیے ساہتیہ اکیڈمی نے وزارت ثقافت کے زیراہتمام 1996 میں بھاشا سمان کا قیام عمل میں لایا تھا تاکہ ہندوستان کی غیر تسلیم شدہ زبانوں کو فروغ دینے کے لیے ادیبوں، اسکالرز، ایڈیٹروں، جمع کرنے والوں، فنکاروں اور مترجموں کو دیا جائے۔ اب تک اکیڈمی نے کلاسیکی اور قرون وسطی کے ادب کے ساتھ ساتھ ہندوستان کی غیر تسلیم شدہ زبانوں میں 102 بھاشا سمان پیش کیے ہیں۔ ساہتیہ اکیڈمی کے پاس ایک باوقار سیریز ہے - ہندوستانی ادیبوں کے لئے ہندوستانی ادب کے ساز ندے،جنہوں نے ہندوستانی زبانوں میں ادب کی ترقی میں اہم کردار ادا کیا ہے۔

ثقافت کی وزارت، اس مقصد کے لیے ایک مشت گرانٹ کے تحت اپنی خود مختار تنظیموں کو ماہانہ گرانٹ دیتی ہے۔ ثقافت کی وزارت کلا سنسکرت وکاس یوجنا (کے ایس وی وائی) اسکیم کو نافذ کرتی ہے ، جو متعدد ذیلی اسکیموں پر مشتمل ہے،  جیسے ریپرٹری گرانٹ، قومی موجودگی والی  ثقافتی تنظیموں کو مالی امداد، ہمالیہ کے ثقافتی ورثے کے تحفظ اور ترقی کے لیے مالی امداد، بدھسٹ/تبتی تنظیم کے تحفظ اور ترقی کے لیے مالی مدد اور ثقافتی تنظیموں/غیر سرکاری تنظیموں /افراد کو مالی مدد فراہم کرنے کے لیے تجربہ کار فنکاروں کے لیے مالی امداد۔

۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- ا ک- ق ر)

U-8142

(Release ID: 1844857) Visitor Counter : 169