नवी दिल्ली, 22 जुलै 2022

 

सरकारने सीमावर्ती भागातील तालुके, सागरी किनारपट्टीवरील तालुके आणि वायुदलाची केंद्र असलेल्या तालुक्यांमध्ये 1 लाख रिक्त पदे उपलब्ध करून राष्ट्रीय छात्र सेनेचा (NCC) विस्तार सुरु केला आहे. यामध्ये सीमावर्ती भागातील 92 तालुक्यांचा समावेश आहे.

तपशील पुढील प्रमाणे:

Name of District	Name of Taluk
Vishakhapatnam	Bheemunipatnam, Visakhapatnam, Gajuwaka
Anakapalli	Atchuthapuram
Sri Potti Sriramulu Nellore	Allur, Kavali, Indukurpet, Venkatachalam, Muthukuru, Kaluvoya, Atmakur, Vidavalur, Sri Potti Sriramulu Nellore
Prakasam	Yerragondapalem

NCC कॅडेट्सना पुरवण्यात आलेल्या प्रोत्साहनपर सुविधांचे (शैक्षणिक संस्था आणि रोजगार) तपशील खाली दिले आहेत:

शैक्षणिक संस्थांमधील प्रोत्साहनपर सुविधा, यासह अन्य बाबी:

राज्य सरकारांनी NCC च्या  ‘A’, ‘B’ आणि ‘C’ प्रमाणपत्र धारकांना उच्च शिक्षण संस्थांमध्ये (a) जागांची टक्केवारी आरक्षित करून आणि (b) ग्रेस/बोनस गुणांना महत्व देऊन प्रवेश देण्यासाठी प्रोत्साहन अधिसूचित केले आहे. 

रोजगाराच्या संधी मध्ये प्रोत्साहन:

1.सशस्त्र सेना : NCC ‘C’ प्रमाणपत्र धारकांसाठी प्रत्येक सेवेद्वारे अधिकारी संवर्गात रिक्त पदे पुढील प्रमाणे राखीव ठेवण्यात आली आहेत:

S No	Training  Establishments	Total Vacancies per course *
(a)	Officer Training Academy,  Chennai	SD+SW - 50+4
(b)	Indian Military Academy	SD – 25
(c)	Air Force Academy	10% of course vacancies
(d)	Naval Academy	SD - 06

* वर्षाला दोन अभ्यासक्रम घेतले जातात

SD – वरिष्ठ विभाग (मुले)

SW – वरिष्ठ विंग (मुली)

सशस्त्र दलांच्या इतर श्रेणी : सशस्त्र दलाच्या अन्य श्रेणीसाठी अर्ज भरताना  NCC ‘A’, ‘B’ आणि ‘C’ प्रमाणपत्र धारकांना बोनस गुण देण्यात आले आहेत. 

गृह मंत्रालय: भारत सरकार, गृह मंत्रालयाने NCC ‘A’, ‘B’ आणि ‘C’ प्रमाणपत्र धारकांना उप-निरीक्षक(सामान्य कर्तव्य) आणि हवालदार(सामान्य कर्तव्य), केंद्रीय सशस्त्र पोलीस दल(CAPFs) या पदांच्या भरती परीक्षेत पुढील प्रोत्साहन/बोनस गुण दिले आहेत:

• NCC ‘C’ प्रमाणपत्र – कमाल गुणांच्या 5%.
• NCC ‘B’ प्रमाणपत्र – कमाल गुणांच्या 3%.
• NCC ‘A’ प्रमाणपत्र – कमाल गुणांच्या 2%.

बंदरे, जहाज बांधणी आणि जल मार्ग मंत्रालय: भारत सरकार, बंदरे मंत्रालय, जहाज बांधणी आणि जल मार्ग मंत्रालयाने देखील भारतीय सागरी विद्यापीठाच्या सर्व पदवी आणि पदव्युत्तर अभ्यासक्रमांसाठी पुढील प्रोत्साहनपर सुविधा दिल्या आहेत:

• NCC ‘C’ प्रमाणपत्र – कमाल गुणांच्या 5%.
• NCC ‘B’ प्रमाणपत्र – कमाल गुणांच्या 3%.
• NCC ‘A’ प्रमाणपत्र – कमाल गुणांच्या 2%.

ही माहिती संरक्षण राज्यमंत्री अजय भट्ट यांनी आज लोकसभेत बालाशोवरी वल्लभानेनी आणि मागुंता श्रीनिवासुलू यांना लेखी उत्तरामधून दिली.

 

S.Patil/R.Agashe/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

 

 

 

 

 

 

 

 

 

 

 

(Release ID: 1844053)