نئی دہلی:22؍جولائی2022:    

زراعت و کسانوں کی بہبود  کے مرکزی وزیر جناب نریندر  سنگھ تومر کی آج نئی دہلی میں ماریشش کے زراعت-صنعت و غذائی تحفظ کے وزیر جناب منیش گوبِن کے ساتھ میٹنگ ہوئی۔ اس دوران اس بات پر اتفاق رائے ہوا کہ غذائی تحفظ کے معاملے میں دونوں ملک دیگر ممالک کے ساتھ مل کر اور مضبوطی سے کام کریں گے۔

 

 

میٹنگ میں جناب تومر نے کہا کہ  ماریشش کے ساتھ ہندوستان کے تعلقات کافی گہرے رہے ہیں اور یہ تعلقات صرف سیاسی و کاروباری ہی نہیں، بلکہ ثقافتی اور روحانی بھی ہے۔جناب تومر نے کہا کہ زرعی سیکٹر کو لے کر وزیر اعظم جناب نریندر مودی کی قیادت میں حکومت ہند کافی سنجیدہ ہے اور اسے آگے بڑھانے کے لئے متعدد ٹھوس قدم اٹھائے گئے ہیں اور ہندوستان نے غذائی اجناس کی پیداوار میں خودکفالت حاصل کرتے ہوئے گھریلو ضرورتوں کو پورا کرنے کے ساتھ ہی دیگر ممالک میں بھی غذائی اجناس کی سپلائی کی ہے۔

 

 

جناب گوبِن نے کہا کہ ہندوستان کے ساتھ اُن کا خون کا رشتہ ہے اور تقریباً 60 فیصد لوگ ہندوستانی نسل کے ہیں۔ انہوں نے غذائی تحفظ کے معاملے میں ایک اتحاد بنانے پر زور دیا۔جیسا کہ سولر توانائی کے سلسلے میں وزیر اعظم جناب نریندر مودی کے ذریعے کیا گیا ہے۔جناب گوبِن نے ہندوستانی زرعی تحقیقاتی کونسل (آئی سی اے آر)کے کاموں کی تعریف کرتے ہوئے اس کے ساتھ ایک معاہدہ کئے جانے کی گزارش بھی کی۔ جناب تومر نے ہندوستانی زراعت کی ترقی میں آئی سی اے آر کے رول کا ذکر کرتے ہوئے اس سے متعلقہ زرعی سائنسی مراکز (کے وی کے)، زرعی یونیورسٹیوں اور 100 سے زیادہ دیگر اداروں کی معلومات فراہم کی۔ ساتھ ہی مفاہمتی عرضداشت کے لئے فریم ورک تیار کرنے کو کہا، تاکہ اس پر غور وخوض کیا جاسکے۔

 

आज कृषि भवन, नई दिल्ली में मॉरीशस के कृषि उद्योग व खाद्य सुरक्षा मंत्री श्री मनीष गोबिन जी के साथ बैठक हुई।
बैठक के दौरान, इस बात पर सहमति हुई कि खाद्य सुरक्षा के मामले में दोनों देश, अन्य देशों के साथ मिलकर और मजबूती से काम करेंगे। pic.twitter.com/9juL47NORW

— Narendra Singh Tomar (@nstomar) July 22, 2022

************

ش ح۔ج ق۔ن ع

(U: 8000)

(Release ID: 1844046) Visitor Counter : 134