این ٹی پی سی لمیٹیڈ نے کل نیتی آیوگ کے ساتھ نیٹ زیرو جی ایچ جی کے اخراج کا روڈ میپ تیار کرنے کے لئے اسٹیٹمنٹ آف انٹنٹ پر دستخط کئے ہیں۔ ملک کے بجلی کے سیکٹر کو ماحول دوست بنانے کی جانب راہ ہموار کرنے کے لئے ایس او آئی کا مقصد توانائی کی پیداوار کو متنوع بنانے کی این ٹی پی سی کی حکمت عملی میں سہولت پیدا کرنے کی خاطر ایک فریم ورک کو قطعی شکل دینا ہے  تاکہ آخر کار کاربن کے اخراج کو کم کیا جا سکے اور 2070 ء تک صفر اخراج کے ہدف کو حاصل کرنے کی بھارت کی کوششوں میں مدد کی جا سکے ۔

جیسا کہ حکومت ہند نے سی او پی 26 کے  دوران ’ پنچ امرت ‘ اہداف کا اعلان کیا ہے، نیتی آیوگ 2070 ء تک نیٹ زیرو اخراج حاصل کرنے کے لئے مختلف منظرناموں/ طریقوں  کو تیار کرنے کے لئے کام کر رہا ہے۔ 17 فی صد نصب شدہ پیداواری صلاحیت کے ساتھ این ٹی پی سی ملک کی بجلی کی ضروریات کا تقریباً 24 فی صد  فراہم کرتا ہے۔ اس اشتراک سے این ٹی پی سی مندرجہ ذیل کاموں کے لئے نیتی آیوگ کی مہارت کا استعمال کر سکے گا:

• حکومت ہند کے ’ پنچ امرت ‘ اہداف کے خطوط پر این ٹی پی سی کے لئے نیٹ زیرو جی ایچ جی اخراج کا نقشۂ راہ ۔
• 2030 ء ، 2037 ء ، 2045 ء اور 2070 ء کے لئے منظر ناموں  کی تیاری سمیت اخراج اور توانائی  (پورٹ فولیو مکس) ماڈلنگ ۔
• جی ایچ جی  کم کرنے کی خاطر تمام اقدامات کو یکجا کرنے کے لئے این ٹی پی سی  میں  کاربن مینجمنٹ یونٹ ( سی ایم یو ) کے قیام میں مدد ۔

۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔ ۔۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔

( ش ح ۔ و ا ۔ ع ا   ) 

U. No. 7912