ડિજિટલ સ્વીકાર માટે, MeitY સમગ્ર દેશમાં ખાસ કરીને ગ્રામીણ વિસ્તારોમાં નાગરિકોને ડિજિટલ સાક્ષરતા પ્રદાન કરવા પર ધ્યાન કેન્દ્રિત કરી રહી છે. આને અનુલક્ષીને, સમગ્ર દેશમાં 6 કરોડ ગ્રામીણ પરિવારો (ઘર દીઠ 1 વ્યક્તિ)ને આવરી લેવાના લક્ષ્ય સાથે ગ્રામીણ ભારતમાં ડિજિટલ સાક્ષરતાની શરૂઆત કરવા માટે કેન્દ્રીય મંત્રીમંડળ દ્વારા ફેબ્રુઆરી 2017માં પ્રધાનમંત્રી ગ્રામીણ ડિજિટલ સાક્ષરતા અભિયાન (PMGDISHA)ને મંજૂરી આપવામાં આવી હતી.

અત્યાર સુધીમાં, કુલ 6.15 કરોડ ઉમેદવારોની નોંધણી કરવામાં આવી છે અને 5.24 કરોડને તાલીમ આપવામાં આવી છે, જેમાંથી 3.89 કરોડ ઉમેદવારોને PMGDISHA યોજના હેઠળ પ્રમાણિત કરવામાં આવ્યા છે.

PMGDISHA યોજના મધ્યપ્રદેશ રાજ્ય સહિત સમગ્ર ગ્રામીણ ભારતમાં લાગુ કરવામાં આવી રહી છે. 37.84 લાખના સૂચક લક્ષ્યાંક સામે, અત્યાર સુધીમાં 45.42 લાખ ઉમેદવારોને તાલીમ આપવામાં આવી છે, જેમાંથી 33.51 લાખ ઉમેદવારોને યોજના હેઠળ મધ્યપ્રદેશમાં યોગ્ય રીતે પ્રમાણિત કરવામાં આવ્યા છે.

સરકારે PMGDISHA યોજના માટે ત્રણ ઈમ્પેક્ટ એસેસમેન્ટ અભ્યાસ હાથ ધર્યા છે. ઇન્ડિયન ઇન્સ્ટિટ્યૂટ ઑફ પબ્લિક એડમિનિસ્ટ્રેશન (IIPA) દ્વારા નાણાકીય વર્ષ 2020-21માં સ્કીમનો છેલ્લો ઈમ્પેક્ટ એસેસમેન્ટ અભ્યાસ હાથ ધરવામાં આવ્યો હતો. IIPA, યોજનાના વ્યાપક અને પદ્ધતિસરના મૂલ્યાંકન પછી, અહેવાલમાં નિષ્કર્ષ પર આવી કે PMGDISHA ડિજિટલ સાક્ષરતા કાર્યક્રમ તરીકે દેશમાં માત્ર ડિજિટલ ગેપને જ નહીં પરંતુ તેને જ્ઞાન અર્થતંત્ર અને સમાજમાં રૂપાંતરિત કરવામાં પણ અનિવાર્ય ભાગ ભજવે છે.

ગ્રામીણ વિસ્તારોમાં ડિજિટલ સાક્ષરતા પ્રાપ્ત કરવા માટે સારી માંગ હોવાનું જણાય છે કારણ કે PMGDISHA યોજના હેઠળ નોંધણીની સંખ્યા 6.15 કરોડથી વધુ છે.

આ માહિતી ઈલેક્ટ્રોનિક્સ અને ઈન્ફોર્મેશન ટેક્નોલોજી રાજ્ય મંત્રી શ્રી રાજીવ ચંદ્રશેખરે આજે લોકસભામાં એક પ્રશ્નના લેખિત જવાબમાં આપી હતી.

SD/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 1843086) Visitor Counter : 326