হিংশা থেংনবগী থবক অসি লেপ্পা লৈতনা চৎথরিবা থৌরাং অমনি। লৈঙাক অসিনা হীরম অসিগী মতাংদা লিগেল ফ্রেমৱার্ক মপাঙ্গল কনখৎহনবা, ইন্তেলিজেন্স মেকানিজম স্ত্রিম্লাইন তৌবা, ইনভেস্তিগেসন অমসুং হিংশাগা মরী লৈনবা কেসশিং প্রোজিক্যুৎ তৌনবা নেসনেল ইনভেস্তিগেসন এজেন্সী (এন.আই.এ.) লিংখৎপা, নেসনেল সেক্যুরিতী গার্দ (এন.এস.জি.)গী তোঙান-তোঙানবা হবশিং লিগখৎপা, ঙামখৈ অমসুং শমুদ্র খোঙবালগী সেক্যুরিতী খোঙথাং হেনগৎপা, পুলিস ফোর্সশিং মতমগা চুন্নহনবা অমসুং রাজ্যগী পুলিস ফোর্সশিংগী কেপাসিতী বিল্দিং অসিনচিংবা য়াওনা তোঙান-তোঙানবা খোঙথাং কয়া অমা লৌখৎখ্রে। স্তেকহোল্দর খুদিংমক্কা খুৎশম্নদুনা পায়খৎমিন্নবা থৌরাং কয়ানা লৈবাক অসিদা হিংশাগা মরী লৈনবা থৌদোক কয়া মশীং থীঙমদনা হন্থরে।

হৌখিবা চহি অনি ২০২০ অমসুং ২০২১দা লৈবাক অসিগী মথাপ্পা মফমশিং অমসুং জম্মু কাশ্মিরদা থোকখিবা মরুওইবা তেরোরিস্তকী থৌদোকশিংগী মশীং, সেক্যুরিতী ফোর্স পার্সনেল থৱাই থাবা অমসুং অশোক অপন নংবা অমসুং মীচম শিবা অমসুং শোকপগী মশীং মখাদা পীরিঃ

(i) লৈবাক অসিগী অথাপ্পা মফমশিংদা থোকখিবা

চহি	হিংশাগী থৌদোক মশীং	সেক্যুরিতী ফোর্স পার্সনেল শিবগী মশীং	সেক্যুরিতী ফোর্স পার্সনেল অশোকপা মশীং	পুন্সি মাংখ্রবা মীচম মশীং	অশোক অপন নংখ্রবা মীচম মশীং
২০২০	-	-	-	-	-
২০২১	১	-	-	-	-

 

(ii) জম্মু অমসুং কাশ্মির

চহি	হিংশাগী থৌদোক মশীং	সেক্যুরিতী ফোর্স পার্সনেল শিবগী মশীং	সেক্যুরিতী ফোর্স পার্সনেল অশোকপা মশীং	পুন্সি মাংখ্রবা মীচম মশীং	অশোক অপন নংখ্রবা মীচম মশীং
২০২০	২৪৪	৬২	১০৬	৩৭	১১২
২০২১	২২৯	৪২	১১৭	৪১	৭৫

 

লৈঙাক অসিনা হিংশাগা মরী লৈনবা থবকশিংদা অমত্তা লেম্না থাদবা হায়বা থৌশিল অমা লৈ অমসুং জম্মু অমসুং কাশ্মিরগী সেক্যুরিতীগী ফিভম অদুক্কী মতীক ফগৎলে। ২০১৮দা ৪১৭ ওইরম্বা হিংশাগী এতেক্ত অসি ২০২১দা ২২৯ খক্তমক ওইদুনা অদুক্কী মতীক হন্থরে। কাশ্মির তম্পাক্তা লৈরিবা ফিভম অসি মহৌশাগী ফিভমদা পুরক্নবা লৈঙাক্না তোঙান-তোঙানবা খোঙথাং কয়া লৌখৎখি। মসিদা সেক্যুরিতী মপাঙ্গল হেনগৎহনবা অমসুং ইন্তেলিজেন্স গ্রিদ ফগৎহনবা, তেরোরিস্তকী মাইয়োক্তা অকনবা ওপরেসন লৌখৎপা, নুমিদাং পেত্রোলিং কনখৎপা অমসুং নাকাশিংদা চেক তৌবা, মতীক চানা থমদুনা সেক্যুরিতীগী থৌশিল পীবা অমসুং সেক্যুরিতী ফোর্সশিংনা মীকুপ নাহুমশিংনা য়েংশিনবা য়াওরি। মসিগী মথক্তা, লৈঙাক অসিনা জম্মু কাশ্মিরদা মপুং ওইবা খোঙথাং কয়া অমা পি.এম.দি.পি., ২০১৫, ফ্লেগশিপ প্রোগ্রামশিং, আই.আই.তি. অমসুং আই.আই.এম. লিংখৎপা, অনৌবা এ.আই.আই.এম.এস. অনি লিংখৎপা অমসুং লম্বী, পাৱরদা অথুবা ইনফ্রাস্ত্রকচর প্রোজেক্তশিং লৌখৎপা অসিনচিংবশিং য়াওরি। মসিগী মথক্তা, অনৌবা কেন্দ্র সরকারগী থৌশিল অমসু জম্মু অমসুং কাশ্মিরদা ইন্দস্ত্রিগী ওইবা চাউখৎ থৌরাংগীদমক লুপা করোর ২৮,৪০০কী ওইবা শেনফম অমা কাইথদুনা মীওই লাখ ৪.৫তা থবক পীনবা হোৎনরি। মসিগা লোইননা, লৈঙাক অসিনা  মার্চ ১৪, ২০২২দা ওর্দর থোক্তুনা দিলিমিতেসন কম্মিসন লিংখৎখ্রে অমসুং জম্মু অমসুং কাশ্মিরগী য়ুনিয়ন তেরিতোরীদা লৈরিবা পার্লিয়ামেন্তর এসেমব্লী কন্সতিত্যুএন্সীশিংগী দিলিমিতেসনগীদমক মে ৫, ২০২২দা ওর্দর থোকখ্রে। মসিগী মতুংদা, ইলেক্সন কম্মিসন ওব ইন্দিয়ানা জম্মু অমসুং কাশ্মিরগী য়ুনিয়ন তেরিতোরী অসিগী ভোতরশিংগী ইলেক্তোরেল রোলশিং নৌনা শেমদোকখি। মীখল পাঙথোক্নবগী মতম লেপ্পগী ৱারেপ অসি ইলেক্সন কম্মিসন ওব ইন্দিয়াগী অখন্নবা হক ওইরি।

মসি হোম এফিয়র্সকী রাজ্যগী মন্ত্রী ওইরিবা শ্রী নিত্যানন্দ রাইনা লোক সভাদা হংলকপা ৱাহং অমদা ঙসি অইবা পাউখুম ওইনা পীখিবনি।

*****

(Release ID: 1842822) Visitor Counter : 106