হেভী ইন্দস্ত্রীজ মন্ত্রালয়না এফ.এ.এম.ই.-২গী (ফাস্তর এদোপ্সন অমসুং মেন্যুফেকচরিং ওফ (হাইব্রিদ অমসুং) ইলেক্ত্রিক ভেহিকল ইন ইন্দিয়া) মখাদা রাজ্য/য়ু.তি. ২৫গী শহর ৬৮দা ইলেক্ত্রিক ভেহিকল চার্জিং স্তেসন ২৮৭৭কী অয়াবা পীখ্রে। মখা তাবা ওইনা, এফ.এ.এম.ই.-২গী মখাদা এক্সপ্রেসৱে ৯ অমসুং হাইৱে ১৬তা ই.ভি. চার্জিং স্তেসন ১৫৭৬কী অয়াবা পীখ্রে। এফ.এ.এম.ই. ইন্দিয়া স্কিমগী অহানবা ফেজকী মখাদা ১/৭/২০২২ ফাওবদা চার্জিং স্তেসন ৪৭৯গী অয়াবা পীখ্রে।

ইলেক্ত্রিক গারি পাক্তক্ননা শিজিন্নবদা তঙাই ফদবা ইনফ্রাস্ত্রকরশিং হেন্না ফগৎহন্নবগীদমক্তা সরকারনা ইং ২০১৫দা এফ.এ.এম.ই. ইন্দিয়া স্কিম কৌবা স্কিম অমা শেমখি। হৌজিক্কী ওইনা, এফ.এ.এম.ই. ইন্দিয়া স্কিমগী অনিশুবা ফেজ অসি এপ্রিল ১, ২০১৯দগী হৌদুনা লুপা করোর ১০,০০০গী বজেৎকী তেংবাংগা লোয়ননা চহি ৫গী থবক ওইনা পায়খৎপা হৌখ্রে অমসুং চার্জিং ইনফ্রাস্ত্রকচর শেমগৎনবগীদমক্তা লুপা করোর ১০০০ কাইথখ্রে।

লৈবাক্কী ইলেক্ত্রিক গারিশিংগী তঙাই ফদবা চার্জিং ইনফ্রাস্ত্রকচর হেন্না ফগৎহন্নবগীদমক্তা সরকারনা মখাদা পীরিবা খোঙথাংশিং পায়খৎখিঃ

১) পাৱর মন্ত্রালয় (এম.ও.পি.)না য়ুম অমসুং ওফিসশিংদা লন্নাইগী ওইনা চার্জ তৌবা য়াহন্দুনা চার্জিং ইনফ্রাস্ত্রকচরগী স্তেন্দর্দকী মতাংদা নোতিফিকেসন থোকখ্রে।

২) হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না প্রাইভেত অমসুং কম্মর্সিএল বিলদিংশিংদা চার্জিং স্তেসন অমসুং ইনফ্রাস্ত্রকচর শেমগৎনবা মোদেল বিলদিং বাইলো ২০১৬ এমেন্দ তৌখ্রে।

এফ.এ.এম.ই. ইন্দিয়া স্কিমগী অনিশুবা ফেজকী মখাদা জুন ৩০, ২০২২ ফাওবদা শিজিন্নখিবা বজেৎনা লুপা করোর ২০৯৯ (চাউরাকপা) ওইখি। এফ.এ.এম.ই. ইন্দিয়া স্কিমগী অনিশুবা ফেজকী মখাদা দিমান্দ ইন্সেন্তিবকী পাম্বৈগী মতুং ইন্না ১৫/৭/২০২২ ফাওবদা ইলেক্ত্রিক গারি লাখ ৪.৭ সপ্পোর্ত তৌখ্রে। মখা তাবা ওইনা, রাজ্য/য়ু.তি. ২৬কী ইন্ত্রাসিতী অমসুং ইন্তর্সিতী ওপরেসনগীদমক্তা শহর ৬৫গী ই-বস ৬৩১৫গী অয়াবা পীখ্রে।

অতোপ্পা ইন্তর্নেল কম্বসন ইঞ্জিন (আই.সি.ই.)গা চাংদম্নবদা ইলেক্ত্রিক ভেহিকলশিংগী মমল য়াম্না হেনবা অমসুং কস্তমরশিংনা ইলেক্ত্রিক ভেহিকল মখল কয়াগী মতাংদা চমম্নবা ফাওবনা ইলেক্ত্রিক মোবিলিতী পাক-শন্না শিজিন্নবদা থেংনবা খ্বাইদগী অচৌবা শিংনবা অমা ওইরি।

লৈবাক অসিগী ওইনা শিংনবশিং অসিগা মাইয়োক্নবা ঙম্নবা অমসুং ৱারোইশিন পুরকপা ঙম্নবগীদমক্তা ভারত সরকারনা মখাগী খোঙথাংশিং পায়খৎখ্রেঃ

১) জুন ১১, ২০২১দগী হৌদুনা, এফ.এ.এম.ই. ইন্দিয়া স্কিমগী অনিসুবা ফেজকী মখাদা পীবা দিমান্দ ইন্সেন্তিব অসিবু গারিগী মমলগী কেপ্পু ২০%দগী ৪০%দা হেনগৎপগা লোয়ননা কে. দবল্যু.ঐচ. অমদা লুপা ১০,০০০দগী কে. দবল্যু.ঐচ. অমদা লুপা ১৫,০০০দা হেনগৎখ্রে, মসিনা মরম ওইরগা, ইলেক্ত্রিক তু ৱিল্লরগা আই.সি.ই. তু ৱিল্লরগা মমল মান্নহনখি। মখা তাবা ওইনা, জুন ২৫, ২০২১দা এফ.এ.এম.ই. ইন্দিয়া স্কিমগী ফেজ ২বু মার্চ ৩১, ২০২৪ ফাওবা চহি ২ শাংদোকখি।

২) লৈবাক অসিদা বেত্তরীগী মমল হন্থহল্লক্নবা লৈবাক অসিদা এদভান্স কেমিস্ত্রী সেল (এ.সি.সি.) শাবগী প্রদক্সন লিঙ্ক ইন্সেন্তিব (পি.এল.আই.) স্কিমগী সরকারনা মে ১২, ২০২১দা অয়াবা পীখি। বেত্তরীগী মমল হন্থরকপনা ইলেক্ত্রিক গারি শাবগী অচঙবা শেনফমদা হন্থহল্লক্কনি।

৩) ইলেক্ত্রিক গারিশিং অসিবু লুপা করোর ২৫,৯৩৮গী বজেৎকী তেংবাংগা লোয়ননা চহি ৫গীদমক্তা সেপ্তেম্বর ১৫, ২০২১দা অয়াবা পীখিবা ওতোমোবিল অসুং ওতো কম্পোনেন্তকী প্রদক্সন লিঙ্ক ইন্সেন্তিব (পি.এল.আই.) স্কিমগী মনুং চল্লে।

৪) ইলেক্ত্রিক গারিগী জি.এস.তি.বু ১২%দগী ৫%দা হন্থখি; ইলেক্ত্রিক গারিশিংগী চার্জিং স্তেসন/চার্জরশিংগী জি.এস.তি.সু ১৮%দগী ৫%দা হন্থখি।

৫) রোদ ত্রান্সপোর্ত অমসুং হাইৱে মন্ত্রালয় (এম.ও.আর.তি.ঐচ.)না বেত্তরীনা চলায়বা গারিশিংদা অশংবা মচুগী নম্বর প্লেত পীগনি অমসুং পর্মিতকী তঙাই ফদবা লৈবদগী কোকহনগনি লাউথোকখি।

৬) এম.ও.আর.তি.ঐচ.না রাজ্যশিংনা ই.ভি.দগী রোদ তেক্স লৌদনবা নোতিফিকেসন থোকখি অমসুং মসিনা মরম ওইরগা ই.ভি.শিংগী ইনিসিএল কোস্ত হন্থহনবদা অমুক তেংবাংগনি।

রোদ ত্রান্সপোর্ত অমসুং হাইৱেজ মন্ত্রালয়দগী ফংবা ই-পাউগী মতুং ইন্না, নন-ইলেক্ত্রিক গারিগী রেজিস্ত্রেসনগা চাংদম্নবদা ইলেক্ত্রিক গারিগী রেজিস্ত্রেসন তৌবগী চাদা ওইবা  অকুপ্পা মরোলশিং মখাদা পীরিঃ

ৱারোল অসি হেভী ইন্দস্ত্রীগী রাজ্য মন্ত্রী, শ্রী কৃশন পাল গুর্জরনা ঙসি লোক সভাদা অইবা পাউখুম অইনা পীখিবনি।

****