ہندوستانی بندرگاہوں میں سرمایہ کاری کے پی پی پی موڈ نے پچھلے 25 سالوں میں جواہر لعل نہرو پورٹ (جے این پی) سے شروع ہونے والی ایک قابل ذکر پیش رفت کی ہے، جس کے نتیجے میں صلاحیت میں اضافہ اور پیداواری صلاحیت میں بہتری آئی ہے۔ پی پی پی موڈ پر رعایت دینے والی اتھارٹی اور رعایت کنندہ  کے درمیان پہلے معاہدے کی پائیداری، جس نے اس سال جولائی میں اپنی کامیابی کا 25 واں سال مکمل کیا ہے، نے بڑی بندرگاہوں میں پی پی پی کے منصوبوں کی ترقی پر زبردست اثر ڈالا ہے۔ اب، جے این پی  ملک کی پہلی بڑی بندرگاہ بن گئی ہے جو 100ٖفیصد  لینڈ لارڈ پورٹ بن گئی ہے جس کی تمام برتھیں پی پی پی  ماڈل پر چل رہی ہیں۔

جے این پی ملک کی سرکردہ کنٹینر بندرگاہوں میں سے ایک ہے اور ٹاپ 100 عالمی بندرگاہوں میں 26ویں نمبر پر ہے (لائیڈز لسٹ ٹاپ 100 پورٹس 2021 کی رپورٹ کے مطابق)۔ فی الحال، جے این پی  میں پانچ کنٹینر ٹرمینلز چل رہے ہیں، جن میں سے صرف ایک بندرگاہ کی ملکیت ہے۔ اپنی جدید ترین سہولیات کے ساتھ جے این  پی  تمام بین الاقوامی معیارات، صارف دوست ماحول، اور ریل اور سڑک کے ذریعے اندرونی علاقوں تک بہترین رابطے پر پورا اترتا ہے۔ بیک اپ انفراسٹرکچر کی سہولت جیسے سی ایف ایس ، آئی سی ڈیز کے ساتھ کنیکٹیویٹی، مکمل کسٹم ہاؤس، ایئرپورٹ، ہوٹل، ممبئی، پونے، ناسک شہر اور اس کی صنعتی پٹی سے قربت اسے ایک منفرد کنٹینر ٹرمینل بناتی ہے۔

جواہر لعل نہرو پورٹ کنٹینر ٹرمینل (جے این پی سی ٹی ) میں 2 برتھیں ہیں جن کی کل لمبائی 680میٹر اور 15میٹر ڈرافٹ ہے جو 30 سال کے لیے 54.74 ہیکٹر کے بیک اپ ایریا کے ساتھ اس پی پی پی  کنٹریکٹ کے تحت حوالے کیے جائیں گے۔ جے این پی سی ٹی اس وقت 9000 ٹی ای یوز صلاحیت والے جہازوں کو سنبھال رہا ہے اور اپ گریڈیشن کے ساتھ یہ 12200 ٹی ای یوز صلاحیت والے جہازوں کو سنبھال سکتا ہے۔ بندرگاہ پر آر ایم کیو سی ریل اسپین کو 20 میٹر سے بڑھا کر 30.5 میٹر کرنے کی بھی تجویز ہے۔ اس پروجیکٹ کے لیے سرمایہ کاری رعایت کنندہ کے ذریعے کی جائے گی جس کی کل لاگت 872 کروڑ روپے ہے۔ رعایت کنندہ کو پی پی پی کی بنیاد پر اس ٹرمینل کو اپ گریڈ کرنا، چلانا، برقرار رکھنا اور منتقل کرنا ہے۔ اس منصوبے کو 2 مرحلوں میں نافذ کیا جائے گا۔

مرحلہ  I میں، 400 میٹر برتھ کی لمبائی کو 12,200 ٹی ای یوز صلاحیت والے جہاز (15 میٹر ڈرافٹ اور 56.4 بیم کے 370 ایل او اے  جہاز) کو سنبھالنے کے لیے اپ گریڈ کیا جائے گا۔ جے این پی اے نے 28 جون  2022 کو جے ایم بیکسی  پورٹس اور لاجسٹکس لمیٹڈ اور کنسورشیم ممبر سی ایم اے ٹرمینلز کو لیٹر آف ایوارڈ (ایل او اے) دیا ہے اور رعایتی معاہدے پر 27 جولائی 2022 کو دستخط کیے جائیں گے۔ رعایت 180 دنوں کے اندر شرائط کی تعمیل کے بعد دی جائے گی۔ مرحلہ I کی مدت رعایتی معاہدے کی تاریخ سے 18 ماہ ہے اور مرحلہ I کی لاگت 591.99 کروڑ روپے ہے۔

مرحلہ  II میں، 280 میٹر برتھ کی لمبائی کو 12,200 ٹی ای یوز صلاحیت والے جہازوں کو سنبھالنے کے لیے اپ گریڈ کیا جائے گا۔ مرحلہ II کی ترقی 1.02 ملین ٹی ای یوز یا 7 سال جو بھی پہلے ہو حاصل کرنے کے بعد شروع کی جائے گی۔ مرحلہ  II 18 ماہ کی مدت میں مکمل ہونا ہے اور مرحلہ II کی لاگت  280.17 کروڑ روپے ہے۔

پراجیکٹ کو 11 سرمایہ کاروں کی طرف سے زبردست رسپانس ملا جو ملکی اور بین الاقوامی دونوں جگہ موجود ہیں۔ ٹینڈر جیتنے کے لیے، جے ایم بیکسی  پورٹس اور لاجسٹکس لمیٹڈ اور سی ایم اے ٹرمینلز کے درمیان مساوی مشترکہ منصوبے نے رعایتی مدت کے دوران 4,520 فی ٹی ای یو کی رائلٹی قیمت کی پیشکش کی۔  ہول سیل پرائس انڈیکس (ڈبلیو پی آئی) کی بنیاد پر ہونے والے اضافے کے مطابق رائلٹی کی واجب الادا رقم سالانہ بڑھے گی۔ نئے میجر پورٹ اتھارٹیز ایکٹ اور ماڈل کنسیشن ایگریمنٹ (ایم سی اے) کے تحت، ٹرمینل آپریٹر مارکیٹ کے مطابق ٹیرف کی شرحیں طے کرنے کے لیے آزاد ہے۔ ایم جی سی کو توقع ہے کہ آپریشن کے پہلے سال میں 4 لاکھ ٹی ای یوز سے بڑھ کر 9 لاکھ ٹی ای یوز ہو جائے گا جو دسویں سال سے شروع ہو کر 30 سالہ معاہدہ کے اختتام تک جاری رہے گا۔

پی پی پی کو بندرگاہ کے شعبے میں سرمایہ کاری کو راغب کرنے کا ایک موثر ذریعہ سمجھا جاتا ہے۔ اب تک پی پی پی کے تحت55000 کروڑ روپے کی لاگت کے  86 پروجیکٹس منظور کئے جا چکے ہیں ۔ پی پی پی  پر جن اہم منصوبوں پر عمل کیا جا رہا ہے ان میں برتھ، میکانائزیشن، آئل جیٹی کی ترقی، کنٹینر جیٹی، کنٹینر ٹرمینل کا او اینڈ ایم ، انٹرنیشنل کروز ٹرمینل کا او اینڈ ایم، پی پی پی  موڈ پر غیر بنیادی  اثاثوں کی کمرشلائزیشن، سیاحت کے منصوبے، جیسے مرینا، سیاحت کو فروغ دینے کے لیے جزائر کی ترقی، 2030 تک کارگو کا حجم 1.7 سے 2 گنا (2020 کے) کے درمیان بڑھنے کی توقع کے ساتھ، پی پی پی یا دیگر آپریٹرز کے ذریعے بڑی بندرگاہوں پر ہینڈل کیے جانے والے کارگو کا فیصد، 2030 تک 85 فیصد تک پہنچنے کی توقع ہے۔ اس مقصد کو حاصل کرنے کے لئے  ہر گزرتا سال ایک سنگ میل کی حیثیت رکھتا ہے۔

اس مقصد کو حاصل کرنے کے لیے، ایم او پی ایس ڈبلیو نے پہلے ہی مالی سال 2025 تک 13 پروجیکٹوں کے ساتھ ایک پروجیکٹ پائپ لائن کی نشاندہی کی ہے، مالی سال 2022 (6954 کروڑ روپے) کے لیے پہلے ہی ایم او پی ایس ڈبلیو کی طرف سے منظوری دی گئی ہے اور اس کے بعد 12,550روپے کے 24 پروجیکٹس ہیں، جنہیں   مالی سال 2023 میں دینے کا ہدف رکھا گیا ہے۔ مزید یہ کہ 23,000 کروڑ روپے روپے مالیت کے 44 منصوبے مالی سال 2024 اور مالی سال 2025 میں ایوارڈ کے لیے مقرر ہیں۔ ہائی ویلیو پروجیکٹس یعنی پارادیپ میں ویسٹرن ڈاک اور جے این پورٹ کنٹینر ٹرمینل جس کی کل قیمت 3,800 کروڑ روپے سے زیادہ ہے۔ پہلے ہی ڈی پی اے  کے دو پروجیکٹوں سے نوازے جا چکے ہیں، جن کی قیمت 6000 کروڑ روپے ہے، آر ایف کیو مرحلے کے تحت ہیں۔

اس کامیابی پر اپنے خیالات کا اظہار کرتے ہوئے، بندرگاہوں، جہاز رانی اور آبی گزرگاہوں کی وزارت کے مرکزی وزیر جناب سربانند سونووال نے کہا، "جیسا کہ وزیر اعظم جناب نریندر مودی نے تصور کیا ہے کہ پی پی پی ترقی کی سمت میں قابل شراکت دار کے طور پر نجی اداروں کو شامل کرنے کے اصول پر مبنی ہے، یہ منصوبہ ٹرمینل کی کرین اور برتھ کی پیداواری صلاحیت میں استعمال کو بہتر بنائے گا۔ نیز، جے این پی سی ٹی  کی کل ہینڈلنگ 21- 2020  میں 1.5 ملین ٹی ای یوز کی موجودہ ہینڈلنگ صلاحیت سے بڑھ کر 1.8 ملین بیس فٹ مساوی یونٹس (ٹی ای یوز) ہو جائے گی۔ اس سے جے این پی اے کی ‘بھارت کی پریمیئر کنٹینر پورٹ’  کی حیثیت کو تقویت ملے گی۔ یہ بات قابل ذکر ہے کہ یہ ٹرمینل آر او- آر او  جہازوں کو بھی ہینڈل کرے گا جو نہ صرف لاجسٹک لاگت کو کم کرے گا، ٹرانزٹ ٹائم کو کم کرے گا بلکہ سڑکوں پر بھیڑ کو کم کرنے اور صاف ستھرا ماحول کو فروغ دینے میں بھی کردار ادا کرے گا۔

*************

( ش ح ۔ ا ک۔ ر ب(

U. No. 7746