زراعت اور کسانوں کی بہبود کے مرکزی وزیر جناب نریندر سنگھ تومر نے کہا کہ ملک میں زراعت کا شعبہ اور کسان تیزی سے ترقی کر رہے ہیں۔ کسانوں کی آمدنی کو دو گنا کرنے کے وزیر اعظم جناب نریندر مودی کے مطالبے پر، مرکزی اور ریاستی حکومتوں سمیت سبھی کی اجتماعی کوششوں کے نتیجے میں بہت سے کسان اپنی آمدنی کو دو گنا یا اس سے زیادہ کرنے میں کامیاب ہوئے ہیں۔ آزادی کا امرت مہوتسو کو یادگار بنانے کے لیے، ان لاکھوں کسانوں میں سے 75,000 کسان جن کی آمدنی میں اضافہ ہوا ہے، ان کی کامیابی کی کہانیاں مرتب کرکے ایک ای-اشاعت تیار کی گئی ہے۔ اس کے علاوہ کسانوں کی آمدنی کو دو گنا کرنے کے بارے میں ریاستی سطح پر ایک مختصر اشاعت بھی تیار کی گئی ہے۔ ان کو اس موقع پر وزیر زراعت جناب تومر نے جاری کیا۔ ای اشاعت ICAR کی ویب سائٹ پر دستیاب ہے۔ جناب تومر نے آئی سی اے آر کے 94ویں یوم تاسیس کے موقع پر سائنسدانوں اور کسانوں میں ایوارڈ بھی تقسیم کیے۔

 

آئی سی اے آر پوسا کیمپس، دہلی میں منعقدہ تقریب سے خطاب کرتے ہوئے جناب تومر نے کہا کہ آج ایک تاریخی دن ہے کیونکہ آئی سی اے آر نے گزشتہ سال فیصلہ کیا تھا کہ آزادی کا امرت مہوتسو سال میں 75,000 کسانوں کی کامیابی کی کہانیوں کو دستاویزی شکل دی جائے گی جن کی آمدنی دو گنی یا اس سے زیادہ ہوئی ہے۔ انھوں نے کہا کہ کامیاب کسانوں کی یہ تالیف ملک کی تاریخ میں سنگ میل ثابت ہوگی۔ جناب تومر نے آئی سی اے آر کی دیگر اشاعتیں بھی جاری کیں۔ انھوں نے کہا کہ آئی سی اے آر کے یوم تاسیس کو ’سنکلپ دیوس‘ کے طور پر منایا جانا چاہیے۔ اس موقع پر پورے سال کے لیے قراردادیں لی جائیں اور انھیں اگلے یوم تاسیس تک پورا کیا جائے۔

 

सफलता की कहानी, किसानों की ज़ुबानी...#बढ़ता_किसान_भारत_की_शान @icarindia @AgriGoI pic.twitter.com/Z7W7VXExzP

— Narendra Singh Tomar (@nstomar) July 16, 2022

 

جناب تومر نے کہا کہ ہندوستان ایک زرعی ملک ہے اور زراعت ایک ایسا شعبہ ہے جس میں مسلسل کام کرنے اور نئے چیلنجوں کو حل کرنے کی ضرورت ہے۔ اس وقت چیلنج روایتی کاشتکاری کو فروغ دینے کے ساتھ ساتھ ٹیکنالوجی کا استعمال کرتے ہوئے آگے بڑھنا ہے۔ وزیر اعظم کی کوشش ہے کہ دیہاتیوں، غریبوں اور کسانوں کی زندگی میں تبدیلی آئے، تاکہ دیہی علاقوں میں انفراسٹرکچر بہتر ہو، زندگی آسان ہو اور زراعت کو منافع بخش کاروبار میں تبدیل کیا جائے۔ اس مقصد کے لیے کثیر جہتی کوششیں کی گئی ہیں۔ نئی ملازمتیں پیدا کرنے کی اسکیموں کو نافذ کرکے فنڈنگ کی جارہی ہے۔ لوگوں کو روزگار سے جوڑا جا رہا ہے، زراعت کے شعبے میں روزگار کے مواقع پیدا ہو رہے ہیں۔

انھوں نے کہا کہ جب ایک پڑھا لکھا شخص زراعت کو بطور پیشہ اختیار کرتا ہے تو ٹیکنالوجی کو قابلیت اور تجربے کے ساتھ جوڑ کر روزگار کے اتنے مواقع پیدا کیے جا سکتے ہیں جس سے روزگار کا مسئلہ حل ہو سکتا ہے۔

 

 

 

مرکزی وزیر جناب تومر نے کہا کہ آئی سی اے آر کے قیام کو 93 سال ہو چکے ہیں۔ ”سال 1929 میں اس کے قیام سے لے کر آج تک، اس کی طرف سے تقریباً 5,800 بیجوں کی اقسام جاری کی گئی ہیں، جن میں سے 2014 سے اب تک کے آٹھ سالوں میں ان میں سے تقریباً 2000 اقسام جاری کی گئی ہیں۔ یہ ایک بہت اہم کامیابی ہے۔ ان میں باغبانی، آب و ہوا کے موافق اور قلعہ بند اقسام کے بیج شامل ہیں۔ آج ہم موسمیاتی تبدیلی کے چیلنج کا سامنا کر رہے ہیں، اس لیے یہ سائنسدانوں کے لیے سب سے بڑی تشویش کا معاملہ ہے۔ ہمیں اس سمت میں ایک روڈ میپ کے ساتھ سامنے آنا ہوگا اور نتائج کو ملک کے سامنے پیش کرنا ہوگا تاکہ ہندوستان کی زرعی برآمدات میں مزید بہتری آئے۔ اس میں تمام KVKs اور ICAR اداروں کے دیگر سائنسدانوں کا کردار اہم ہے۔

جناب تومر نے کہا کہ نئی تعلیمی پالیسی کا جنم وزیر اعظم کے وژن پر ہوا تھا، اب زراعت کے نصاب کو اسکولی تعلیم میں شامل کیا جا رہا ہے۔ انھوں نے کہا کہ زرعی تعلیمی اداروں کو نئی تعلیمی پالیسی کو کیسے اپنانا چاہیے، یہ کام ICAR نے کیا ہے، اس کے ثمر آور نتائج مستقبل میں نظر آئیں گے۔

جناب تومر نے آئی سی اے آر اور کے وی کے سے یہ بھی کہا کہ وہ دالوں، تیل کے بیجوں اور کپاس کی پیداوار میں اضافہ سمیت زرعی پیداواری صلاحیت کے شعبے میں پُر عزم کوششیں کریں۔ قبل ازیں، وزیر زراعت نے ملک کے مختلف حصوں سے کچھ کسانوں کے ساتھ آن لائن بات چیت کی۔ ہماچل پردیش، راجستھان، مدھیہ پردیش، گجرات وغیرہ کے کسانوں کے ساتھ وزیر زراعت کی بات چیت میں یہ بات سامنے آئی کہ سرکاری اسکیموں اور ادارہ جاتی تعاون کی وجہ سے ان کی آمدنی اور معیار زندگی میں بہتری آ رہی ہے۔

डोंगरपुर राजस्थान से श्रीमती शांता पटेल जी ने बताया कि कृषि विज्ञान केंद्र से प्रशिक्षण के बाद अब उनकी बचत साढ़े तीन लाख से बढ़कर साढ़े तेरह लाख रूपए हो गई है...#बढ़ता_किसान_भारत_की_शान @icarindia @narendramodi @AgriGoI pic.twitter.com/uh2jzfcKgk

— Narendra Singh Tomar (@nstomar) July 16, 2022

پروگرام میں ماہی پروری، مویشی پروری اور ڈیری کے مرکزی وزیر جناب پرشوتم روپالا نے آئی سی اے آر کی کامیابیوں کی تاریخ کو دستاویزی شکل دینے کا مشورہ دیا۔ انھوں نے غذائیت بڑھانے والی فصلوں کے بیجوں کی نئی اقسام تیار کرنے کے لیے ICAR کی تعریف کی۔ انھوں نے کہا کہ تحقیقی مراکز کی توجہ زراعت اور اس سے منسلک شعبوں میں ہونے والی اختراعات کی طرف مبذول کرائی جائے اور انھیں اس شعبے میں بہترین کام کرنے کی ترغیب دی جائے۔ انھوں نے کہا کہ وزیر اعظم کی پہل پر ہندوستان کی قیادت میں اگلے سال جوار کا بین الاقوامی سال منایا جائے گا۔ اس کے پیش نظر آئی سی اے آر کو عالمی سطح پر غذائیت سے بھر پور اناج کو فروغ دینے پر توجہ دینی چاہیے۔

 

 

زراعت اور کسانوں کی بہبود کے مرکزی وزیر مملکت جناب کیلاش چودھری نے کہا کہ کسانوں کے ساتھ ساتھ ICAR کے سائنسدانوں نے بھی زرعی ترقی میں بہت زیادہ تعاون کیا ہے۔ وزیر اعظم کی قیادت میں حکومت کسانوں کی آمدنی بڑھانے، انھیں سہولیات اور مدد فراہم کرنے کے مقصد کو ذہن میں رکھتے ہوئے کام کر رہی ہے۔ زراعت کا بجٹ 8 سال پہلے تقریباً 22,000 کروڑ روپے تھا جسے اب بڑھا کر 1.32 لاکھ کروڑ روپے کر دیا گیا ہے۔ پی ایم کسان سمان ندھی کے تحت کسانوں کو ہر سال 3 اقساط میں 6 ہزار روپے دیے جا رہے ہیں جو براہ راست ان کے بینک کھاتوں میں جمع ہوتے ہیں جبکہ چھوٹے کسانوں کے مسائل ایف پی او کے ذریعے حل کیے جا رہے ہیں۔ نئے 10,000 ایف پی اوز ایک سنگ میل ثابت ہوں گے اور ان کے ذریعے کسان نہ صرف ملک بلکہ دنیا کے کسی بھی کونے میں اپنی پیداوار با آسانی فروخت کر سکیں گے۔

 

نیتی آیوگ کے رکن ڈاکٹر رمیش چند نے کہا کہ جناب تومر نے جس قرارداد کے بارے میں بات کی ہے وہ اپنے آپ میں اہم ہے۔ ہر ادارے کو اپنی ریزولیوشن بنانا چاہیے تاکہ یہ سب کی ریزولیوشن بن جائے۔ ICAR نے KVKs کو شامل کرکے جو کچھ بھی حاصل کیا ہے، اس نے لوگوں کو شراکت دار بنا کر کیا ہے۔ پچھلے 75 سالوں میں سبز انقلاب کی کامیابی جینیاتی بہتری سے آئی ہے۔ حکومت ہند بڑی ذمہ داری کے ساتھ دو راستوں پر چل رہی ہے۔ ایک روایتی طریقہ ہے اور دوسرا سائنسی۔

भारतीय कृषि अनुसंधान परिषद का 94वां स्थापना दिवस और पुरस्कार वितरण समारोह - 2022 #बढ़ता_किसान_भारत_की_शान https://t.co/VkoSc6uTXM

— Narendra Singh Tomar (@nstomar) July 16, 2022

انفرادی ملازمین اور ٹیموں کو تمام تنظیموں میں شاندار کارکردگی کے لیے ترغیب دینے اور انھیں زیادہ مؤثر، جوابدہ اور نتیجہ خیز بنانے کے لیے اپنی روایت کو جاری رکھتے ہوئے، ان کی ملازمت کے اطمینان کی سطح کو بہتر بنانے کے علاوہ، وزیر نے 4 بڑے زمروں میں 15 ایوارڈ دیے۔ زمرہ جات میں زرعی اداروں کے لیے نیشنل ایوارڈ آف ایکسی لینس، زرعی تحقیق میں نیشنل ایوارڈ برائے ایکسیلنس، زرعی ٹیکنالوجیز کے اطلاق کے لیے قومی ایوارڈ اور کسانوں کے لیے اختراعات اور ٹیکنالوجی کی ترقی کے لیے قومی ایوارڈ شامل تھے۔

आज पूसा परिसर नई दिल्ली में @icarindia के 94वें स्थापना दिवस और पुरस्कार वितरण समारोह - 2022 में पुरस्कार प्राप्त करने वाले सभी महानुभावों एवं संस्थाओं को हार्दिक बधाई एवं शुभकामनाएं...#बढ़ता_किसान_भारत_की_शान @AgriGoI pic.twitter.com/ti8BEJH3D4

— Narendra Singh Tomar (@nstomar) July 16, 2022

اس سال، ICAR نے 15 مختلف ایوارڈ کے تحت 92 ایوارڈ یافتگان کا انتخاب کیا جن میں 4 ادارے، 1 آل انڈیا کوآرڈینیٹڈ ریسرچ پروجیکٹ، 4 کرشی وگیان کیندر، 67 سائنسدان اور 11 کسان شامل ہیں جن میں سے 8 خواتین سائنسدان اور کسان تھے۔

 

 

مہمان خصوصی اور معززین نے اس موقع پر مختلف آئی سی اے آر پبلیکیشنز اور ٹیکنالوجیز کا اجرا کیا۔

 

 

ڈاکٹر ترلوچن مہا پاترا، ڈائرکٹر جنرل، آئی سی اے آر نے بھی پروگرام سے خطاب کیا۔ ڈپٹی ڈائریکٹر جنرل (زرعی توسیع) ڈاکٹر اے کے سنگھ نے خطبہ استقبالیہ پیش کیا۔ اسسٹنٹ ڈائرکٹر جنرل ڈاکٹر پون کمار اگروال نے شکریہ کے کلمات کہے۔ مہاراشٹر کے ایم پی ڈاکٹر انیل بونڈے، آئی سی اے آر کے افسران، زرعی یونیورسٹیوں کے وائس چانسلر، سائنسدان اور ترقی پسند کسان بھی موجود تھے۔ یوم تاسیس کے موقع پر ملک کے 731 کے وی کے اور ICAR اداروں میں بھی پروگرام منعقد کیے گئے، جس میں مقامی ایم پی، ایم ایل اے اور دیگر عوامی نمائندوں کے ساتھ ہزاروں کسانوں نے شرکت کی۔

 ************

ش ح۔ ف ش ع-م ف   

 

U: 7657

(Release ID: 1842098) Visitor Counter : 167