قبائلی امور کے مرکزی وزیر جناب ارجن منڈا نے آج مہاراشٹر کے پال گھر میں  قبائلی برادریوں  کے ارتقا سے متعلق دو روزہ مجلس مذاکرات  ‘‘ منتھن’’ کا افتتاح کیا۔ اس موقع  پر قبائلی امور کے وزیر مملکت  بشویسور ٹو ڈو بھی موجود تھے۔

اس موقع پر جناب منڈا نے  گزارش کی  کہ قبائلیوں کی بہبودسے جڑے تمام اداروں اور ریاستوں  کو ان کی فلاح وبہبود کے لئے ایک منصوبہ تیار کرنے کی خاطر ساتھ مل کر کام کرنا چاہئے ۔ انہوں نے یہ بھی کہا کہ آج کی تاریخ تک  درج فہرست قبائل  کے عنصر  ( ایس ٹی سی ) کے تحت  منصوبوں کے نفاذ اور ان کی کارکردگی پر ایک رپورٹ تیار کی جانی چاہئے ۔انہوں  نے  جانکاری دی کہ ایک طویل غوروفکر کے بعد ایس ٹی سی کی تشکیل کی گئی تھی لہٰذا مختلف ریاستوں میں ا س کی کارکردگی کا جائزہ لینے کی ضرورت ہے۔

مرکزی وزیر نے کہا کہ قومی تعلیمی پالیسی کے تحت  علاقائی زبانوں میں قابل ستائش  کام کررہی تعلیمی وزارتوں   میں  ریاستوں کے نمائندگان  کو قبائلی امور کی وزارت کی جانب سے   کئے جانے والے کام کے دائرہ  کار  کے فروغ  کے لئے ایک پانچ رکنی کمیٹی   کی تشکیل میں شامل کیا جانا چاہئے ۔

قبائلی امور کی وزارتوں  اور مختلف ریاستوں اور مرکز کے زیر انتظام علاقوں کے چیف سکریٹریز   ، ریاستوں کے ڈائریکٹر ز جہاں قبائلی عجائب گھرو  ں  کا قیام کیا جارہا ہے ، مجلس مذاکرات میں شرکت کررہے ہیں۔

 مجلس مذاکرات میں  ایک لویہ  ماڈل رہائشی اسکول  ،فیس کنٹرول اتھارٹی  ، گرانٹس  محکمہ  اورقبائی عجائب گھر کی طرف سے   آزادی کا امرت مہوتسو  کے تحت  انجام  دئے جانے والے  مختلف پروگراموں  پر توجہ مرکوز کی جارہی ہے ۔ ان اداروں  کی طرف سے مجاہد آزادی بھگوام برسا منڈا کی سالگرہ  پر ‘‘ جن جاتی گورو دو س ’’کا انعقاد  بھی شامل ہے ۔اس کے علاوہ   درج فہرست قبائل کے عنصر  (https://stcmis.gov.in/) اور قبائلی آبادی   صحت اور تعلیم سے متعلق تبادلہ خیال  اس پروگرام کا حصہ ہیں۔

مہاراشٹر کے علاوہ  جموںو کشمیر، بہار، چھتیس گڑھ، ہماچل پردیش، مدھیہ پردیش، راجستھان، اتر پردیش، گوا، جھارکھنڈ، مغربی بنگال، منی پور، تریپورہ، گجرات، دادر اور نگر حویلی، آسام، میزورم ، میگھالیہ، اروناچل پردیش، سکم، ناگالینڈ، آندھرا پردیش، تمل ناڈو سے قبائلی بہبود کے محکموں کے نمائندے سمپوزیم میں حصہ لے رہے ہیں۔

*************

ش ح۔ع ح ۔رم

U-7601

(Release ID: 1841703) Visitor Counter : 100