থবক শুবা, মীয়ামগী ৱাকৎ অমসুং পেন্সন মন্ত্রালয়
কেন্দ্রগী মন্ত্রী, দা. জিতেন্দ্র সিংনা ব্রিক্স এন্তি-করপশন মিনিস্তরিয়েল মীততা ৱা ঙাংখ্রে; করপশনগী মায়োক্তা ভারতকী অচেৎপা ফিরেপ অদুবু অমুক্কসু হন্না ফোংদোকখি; প্রধান মন্ত্রী, শ্রী নরেন্দ্র মোদীনা মসিগা মরী লৈননা পোলিসী ওফ জিরো তোলেরেন্স শিজিন্নবা হৌখি হায়না হায়খি
ভারতনা পি.এম. মোদীগী মখাদা নিংহন্নবা লেতনা অমসুং অকনবা মওংদা করপশনগী খুদোংথিবা অসিবু লান্থেংননবা অচেৎপা ফিরেপ লৌরি হায়না দা. জিতেন্দ্র সিংনা হায়খি
ব্রিক্সনা করপশনদগী ফংলকপা শেলশিং অদু মপান লমদা ত্রান্সফর তৌবদগী থিংনবা হোৎনগদবনি, অমসুং খ্বাইদগী হেন্না ফবা মওংদা এফ.এ.তি.এফ. এন্তি-মোনী লোন্দরিং অমসুং কাউন্তর তেরোরিজম ফাইনান্সিং স্তেন্দার্দশিং অসি পাইখৎকদবনি: দা. জিতেন্দ্র সিং
Posted On:
13 JUL 2022 6:06PM by PIB Imphal
ভারতনা ঙসি করপশনগী মায়োক্তা লেপ্লিবা অচেৎপা ফিরেপ অদুবু অমুক হন্না ফোংদোকখি অমসুং হায়খি মদুদি প্রধান মন্ত্রী, শ্রী মোদীনা মসিগা মরী লৈননা পোলিসী ওফ জিরো তোলেরেন্স অসি শিজিন্নবা হৌখি।
ভারতকী মাইকৈদগী ব্রিক্স এন্তি-করপশন মিনিস্তরিয়েল মীততা ৱা ঙাংলদুনা, কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); অর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ ); এম.ও.এস. পি.এম.ও., পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা হায়খি মদুদি মোদীগী মখাদা ভারতনা করপশন অমসুং হৌরকফম খঙদবা শেলগী মায়োক্তা চংশিল্লবা লান অসি মখাতানা চংশিনখিনি হায়না খোংফম চেৎনা লেপ্লি। মসিগী মতু ইন্না, হৌখিবা চহি ৮ অসিদা মোদী সরকার অসিনা মখল-মখা কয়াগী অনৌবা খোংথাং কয়া অমা পাইখৎখ্রে হায়না মহাক্না হায়খি।
![https://static.pib.gov.in/WriteReadData/userfiles/image/image001FG8A.jpg](https://static.pib.gov.in/WriteReadData/userfiles/image/image001FG8A.jpg)
দা. জিতেন্দ্র সিংনা ইন্দিয়াস প্রিভেন্সন ওফ করপশন এক্ত, ১৯৮৮গী মতাংদা পনখি, হায়রিবা অসি চহি ৩০গী মতুংদা মোদী সরকারনা ২০১৮দা চৎনহনখি, হায়রিবা অসিদা ৱানোম শেল পীবাদা নত্তনা শেল লৌবগী থৌওংবু মরাল লৈবা অমসুং মসিগা লোইন-লোইননা কনাগুম্বা অমনা নত্রগা কোর্পোরেত এন্তাইতীশিংনা অসিগুম্বা থবক-থৌওংশিং অসি তৌবদগী থিংনবগীদমক্তা অনৌবা প্রোবিজন কয়া হৌদোক্নবগীদমক্তা চৎনহনখিবনি। চেয়রপার্সন অমসুং মেম্বরশিং এপোইন্ত তৌদুনা লোকপালগী ইন্সতিত্যুশনশু মথৌ তৌবা হৌহনখ্রে হায়না মহাক্না পনখি। লোকপাল অসি প্রিভেন্সন ওফ করপশন এক্ত, ১৯৮৮কী মখাদা পব্লিক সর্ভেন্তশিংগী মায়োক্তা মসিগী মতাংদা ৱাকৎশিং অদুবু হক-থেংননা লৌখৎপা অমসুং প্রোসেস তৌনবগী আইনানা অয়াবা পীখি ।
দা. জিতেন্দ্র সিংনা ব্রিক্স লৈবাকশিংগী মন্ত্রী অমসুং শক্নাইরবা দেলিগেতশিংদা হৌখিবা মতম খরা অসিদা ভারতনা লৌখৎখিবা এন্তি-করপশনগী থবক-থৌরমশিং খুদম ওইনা থাক খুদিংমক্তা করপশনগী স্কোপ য়াম্না হেন্না হন্থহল্লিবা আই.সি.তি. তুলশিং পাক শন্না শিজিন্নদুনা ই-গোবর্নেন্স নিংথিজনা চৎনহনখিবা কয়া অমগী মতাংদা খঙহনখি। এম.সি.এ. ২১ (কোর্পোরেতশিং অমসুং বিজনেস হাউসেস ই-মীজরশিংগীদমক্তা), ফুল্লী ওতোমেতেদ ইনকম তেক্স কমপ্লায়েন্সেস, কমর্সিয়েল তেক্সেস কমপ্লায়েন্সেস, পাসপোর্ত ভিজা সর্বিসেস, দিজি লোকর, পেন্সন্স, আধার পেমেন্ত ব্রিজ (এ.পি.বি.)গী খুত্থাংদা দাইরেক্ত বেনিফিৎ ত্রান্সফর (দি.বি.তি.), কমন সর্বিসেস সেন্তরশিং (সি.এস.সি.শিং) অসিনচিংবগুম্বা খোংথাংশিং অসি ই-গোব্রনেন্সকী অনৌবা খোংথাং কয়া অমগী মখাদা হৌদোকখিবা মাইপাক্লবা ই-গোবর্নেন্সকী থবকশিংনি।
দা. জিতেন্দ্র সিংনসু খঙহল্লকখি মদুদি দাইরেক্ত বেনিফিত ত্রান্সফর ইনিসিয়েতিবকী খুত্থাংদা ত্রান্সপরেন্ত ওইবা মওংদা সরকারগী স্কীম কয়া অমগী মখাদা প্রজাশিংদা সিতিজন-ফ্রেন্দলী ওইবা সর্বিসশিং অমসুং হকথেংননা ৱেলফিয়র বেনিফিতশিং থাদোক্নবা সীস্তেমিক ওইবা ইমপউবমেন্তশিং অমসুং রিফোর্মশিং অদুনা করপশনগী খুদোংথিবা অসিবু য়াম্না লাকশিনখি। ২০১৮গী ওগস্ততা কন্সেপচুৱেলাইজ তৌখিবা অমসুং হৌদোকখিবা নেস্নেল ই-গোবর্নেন্স সর্বিস দেলিবরী এসেসমেন্ত (এন.ই.এস.দি.এ.)না প্রজাশিংগী মীৎয়েংদগী ই-গোবর্নেন্স সর্বিস দেলিবরী মেকানিজমগী এফেক্তিবনেস/ক্বালিতী য়েংশিল্লি হায়না মহাক্না মখা তারকখি।
![https://static.pib.gov.in/WriteReadData/userfiles/image/image0021WH9.jpg](https://static.pib.gov.in/WriteReadData/userfiles/image/image0021WH9.jpg)
দা. জিতেন্দ্র সিংনা দেলিগেতশিংদা হায়খি মদুদি ভারত্তা লৈরিবা সেন্ত্রেল ভিজিলেন্স কমিসন অসিনা প্রিভেন্তিব অমসুং প্যুনিতিব মীজরশিং য়েংশিনবগী থবকশিং শিন্নরিবা নোদল এজেন্সীনি। মহাক্না প্রিভেন্তিব মীজর কয়া অমা খুদম ওইনা তেক্নোলোজী অমসুং ওতোমেশন শিজিন্নবা, ত্রান্সপরেন্সী লৈহনবা, পব্লিক প্রোক্যোরমেন্ততা একাউন্তেবিলিতী অমসুং ইন্তেগ্রিতী লৈহনবা, ই-তেন্দরিং অমসুং ই-প্রোক্যোরমেন্ত প্রক্তিসশিংবু থৌগৎপা, ইন্তেগ্রিতী পেক্ত শিজিন্নবা অমসুং ইন্দিপেন্দেন্ত এক্তর্নেল মোনিতরশিং এপোইন্ত তৌবা অমসুং করপশনগী থবক-থৌওংশিং অসিবু তৌদনবা মরাল লৈরবশিংগী কেস খুদিংমক্তা কাংলোবগী মতুং ইন্না দন্দি পীবনাচিংবা কয়া অমা পাংথোক্লি।
দা. জিতেন্দ্র সিংনা চাইনীজ প্রেসিদেন্সীবু মসিগী ইনিসিয়েতিব অসিগীদমক্তা থাগৎপা ফোংদোকখি অমসুং ব্রিক্স দিনায়ল ওফ সেফ হেবন ইনিসিয়েতিববু মাইপাক্না ৱারোইশিন অমা পুরক্লবদা অপেনবা ফোংদোকখি অমসুং এন্তি-করপশন অমসুং ইকোনোমিক দেবেলপমেন্তকী মতাংদা ব্রিক্স ৱার্কশোপ অদুদা মহাক্কী এক্সপরিবেন্সশিং অদু শিয়র তৌখি। মখোয়না এসেত রিকোবরীগী মতাংদা কোওপরেসন পীনদুনা করপশনগা লান্থেংননবা করিমিনেল অমসুং নন-ক্রিমিনেল তুলশিং শিজিন্নবা হেনগৎহনবদসু মীৎয়েং থমখি।
করপশনগা লান্থেংননবা ব্রিক্স কোওপরেশনগী থীম অসিদা নৈনরদুনা, দা. জিতেন্দ্র সিংনা তুংদা পাংথোক্কদবা থবকশিংগী হীরম খরদা খুদম ওইনা ফ্যুজিতিব ইকোনোমিক ওফেন্দরশিং অদুবু ত্রেস তৌবা অমসুং য়াম্না য়াংনা ফাগৎনবগী প্রোসেসশিং হাপচিল্লকপা, অমসুং মপান লমদা লৈরিবা মখোয়গী মরল-মথুমশিং অদুবু মরাল লৈরবশিং অদুনা চেনখ্রিবা লম অদুগী আইনগী মখাদা পুরকপা হায়বনচিংবা অসিগী মতাংদা পনখি। মহাক্না করপশনদগী ফংকপা শেলশিং অদুবু মপান লমদা ত্রান্সফর তৌবা থিংনবা অমসুং এফ.এ.তি.এফ. এন্তি-মোনী লোন্দরিং অমসুং কাউন্তর তেরোরিজম ফাইনান্সিং স্তেন্দার্দশিং খ্বাইদগি এন্না ফবা মওংদা চৎনহন্নবগী মতাংদসু হায়খি। মন্ত্রী অসিনা অসিগুম্বা মরালশিং অসিগীদমক্তা থিরিবা মীশকশিং অমসুং মখোয়গী এসেতশিং অদুবু খুৎশিন্নবদা ময়ামগী ওইবা য়ানবা অমা পুরকপা অমসুং মরী লৈনবা নেস্নেল এজেন্সীশিংগী মরক্তা ই-পাউ ফাউদোক্নবা হেনগৎহন্দুনা মনী লোন্দরিংগী মায়োক্তা ইন্তর্নেস্নেল কোওপরেশন হেনগৎহন্নবা হোৎনবা। মনী লোন্দরিং, বেঙইং ফ্রোদ, তেক্স এভেজননচিংবা অসিগুম্বা ইকোনোমিক ওফেন্সশিং অসিনা লৈবাক অমগী ইকোনোমী অমসুং মালেমগী ইকোনোমীদা পীরিবা শাফু অসি য়াম্না চাউই হায়না ভারতকী মাইকৈদগী পনখি।
দা. জিতেন্দ্র সিংনা পেনবগা লোইননা নোত তৌখি মদুদি কোবিদ লৈজরবসু, ব্রিক্স লৈবাকশিংনা হৌখিবা চহি খরা অসিদা মাইপাকপা কয়া অমা ফংবা ঙমখি। মহাক্না হায়খি মদুদি ২০২২গী ব্রিক্স এন্তি-করপশন মিনিস্তরিয়েল কম্যুনিক অনসুং লীদর দিক্লেরেশন অসিগা লোইননা ঐখোয়না নিংথিনা লমজিং-লমতাকপীবা মাইকৈ অমদা খোং থাংজিল্লি। লাক্কদবা চহিশিং অসিদা সাউথ অফ্রিকা, ব্রজিল অমসুং রসিয়াগী মতিক চারবা লুচিং মখাদা ব্রিক্স লৈবাকশিংনা এন্তি-করপশন কোওপরেশন অমসুং এসেত রিকোবরীদা লুচিংগনি হায়বা ঐহাক্না থাজৈ হায়না মন্ত্রীনা মখা তারকখি।
ভারতকী মন্ত্রী অসিনা নিংশিংখি মদুদি ২০১৫দা ব্রিক্সনা অমুক্কসু হন্না ফোংদোকখি মদুদি করপশন অমসুং ব্লেক মনী লৈবগীদমক্তা থিরিবা মীশিংদা চংজফম পীদনবা মেকানিজম অমা থমদুনা করপশনগী মায়োক্তা লান্থেংনবদা জোইন্ত কমিৎমেন্ত পীখি। মেম্বরশিংনা মসিগী ব্রিক্স এন্তি-করপশন ৱার্কিং গ্রুপ অসি করপশনগা লান্থেংননবা অমসুং তৌহন্দনবা মসিগা মরী লৈনবা ইশুশিংগী মতাংদা ইনফোর্মল অমসুং ওপন দিস্কসনশিং পাংথোক্নবা মেম্বরশিংনা শেমখিবনি হায়না মহাক্না হায়খি।
মহাক্না অরোইবদা থমখিবা ৱারোলদা, দা. জিতেন্দ্র সিংনা হায়খি, মন্ত্রীশিং অমসুং দেলিগেতশিংনা থাজৈ মদুদি ব্রিক্স এন্তি-করপশন মিনিস্তরিয়েল দিক্লেরেশন অসিদা খন্ন-নৈনবা অসিনা করপশনগী মওং অমসুং মখল কয়া অমদা, অমসুং তেরোরিস্ত ফাইনান্সিংগা মরী লৈনবা মসিগী লিঙ্কশিং অদুবু য়েংশিন্নবা য়াম্না ফবা স্ত্রেতেজীশিং পুথোকপদা মতেং পাংগনি।
মসিনা ময়েক শেংনা তাক্লি মদুদি ব্রিক্স অসি মালেমগী মফম কয়াদগী অচৌ-অচৌবা ইকোনোমীশিংবু পুল্লপ পুনশিন্নহল্লিবা য়াম্না মরুওইবা গ্রুপ অমনি। ঐখোয়না মালেম অসিগী মীশিংগী ৪১% ওই, ৱার্লদ জি.দি.পি.গী ২৪% লৈ অমসুং ৱার্ল্দ ত্রেদকী ১৬%গী মথক্তা শিয়র তৌই। । ব্রিক্স লৈবাকশিং ঐখোয় অসি গ্লোবল ইকোনোমিক গ্রোথকী মরু ওইবা ইঞ্জিনশিংনি।
<><><><><>
(Release ID: 1841390)
Visitor Counter : 102