آئی اے سی کےلئے چوتھے مرحلے کی سمندری آزمائش 10جولائی 2022کو کامیابی کے ساتھ مکمل ہوگئی۔جس کے دوران جہاز پر موجود آلات اور سسٹمز بشمول ایوی ایشن فیسیلٹی کمپلیکس کے کچھ آلات کے مربوط ٹرائلز کیے گئے۔ 22 جولائی کے آخر میں جہاز کی ترسیل کو ہدف رکھا گیا ہے، اس کے بعد 22 اگست کو ’آزادی کا امرت مہوتسو‘ منانے کے لیے جہاز کو شروع کیا جائے گا۔

ہندوستانی بحریہ اور کوچین شپ یارڈ لمیٹڈ کی طرف سے طیارہ بردار بحری جہاز کا مقامی ڈیزائن اور تعمیر 76 فیصد سے زیادہ دیسی مواد کے ساتھ 'آتما نربھر بھارت' اور 'میک ان انڈیا انیشیٹو' کے لیے قوم کی ترقی کی راہ  میں ایک روشن مثال ہے۔ اس سے مقامی ڈیزائن اور تعمیراتی صلاحیتوں میں اضافہ ہوا ہے، اس کے علاوہ بڑی تعداد میں ذیلی صنعتوں کی ترقی ہوئی ہے، جس میں 2000 سے زائد سی ایس ایل اہلکاروں اور ذیلی صنعتوں میں تقریباً 12000 ملازمین کے لیے روزگار کے مواقع ہیں۔

آئی اے سی  کے پہلے سمندری ٹرائلز 21 اگست میں کامیابی کے ساتھ مکمل ہوئے۔ اس کے بعد بالترتیب 21 اکتوبر اور 22 جنوری کو سمندری آزمائشوں کے دوسرے اور تیسرے مرحلے کا آغاز ہوا۔ سمندری آزمائشوں  کے ان تین مرحلوں کے دوران پروپلشن مشینری، الیکٹریکل اور الیکٹرانک سوئٹس، ڈیک مشینری، زندگی بچانے والے آلات، جہاز کے نیویگیشن اور کمیونیکیشن سسٹم کی برداشت کی جانچ کی گئی۔

*********************

(ش ح ۔  ا م)

U.No. 7434