نئی دہلی،7 جولائی 2022/

جناب جیوترادتیہ سندھیا نے آج یہاں ادیوگ بھون میں شہری ہوابازی کے وزیر کے اپنے موجودہ قلمدان کے علاوہ مرکزی وزیرفولاد  کے عہدے کا  چارج سنبھال لیا۔ اسٹیل کی وزارت کے سکریٹری جناب سنجے سنگھ نے وزارت  فولاد میں وزیرموصوف کا استقبال کیا۔

نئی تفویض کردہ فولاد  کی وزارت کے عہدے کا چارج سنبھالنے کے بعد، جناب جیوترادتیہ سندھیا نے وزیر اعظم اور ملک کے اعتماد اور توقعات کو پورا کرنے کے لیے اپنے عہد کا اظہار کیا۔ وزیر موصوف نےکہا کہ "یہ بات سب کو معلوم ہے کہ اسٹیل کا شعبہ قوم کی تعمیر میں ایک اہم کردار ادا کرتا ہے۔ اس کا مقصد اس شعبے کو اس کی اعلیٰ ترین صلاحیتوں تک لے جانا ہے، تاکہ یہ آتم نربھر بھارت کے نظریہ میں ترقی کا ایک مضبوط انجن بن جائے"۔

جناب سندھیا راجیہ سبھا میں ممبر پارلیمنٹ کے طور پر مدھیہ پردیش کی نمائندگی کرتے ہیں اور شہری ہوا بازی اور اسٹیل کی وزارت کے کابینہ وزیر ہیں۔ وہ پانچ بار رکن پارلیمنٹ بھی رہے ہیں جس میں لوک سبھا کی چار میعادیں شامل ہیں (2002-04، 2004-09، 2009-14 اور 2014-19)۔ جناب سندھیا نے عوامی خدمت میں اپنا سفر 2002 میں شروع کیا۔ 2008 میں انہوں نے ٹیلی کمیونیکیشن، پوسٹس اور آئی ٹی کے وزیر مملکت کے طور پر خدمات انجام دیں۔ 2009 میں وزیر مملکت برائے کامرس اینڈ انڈسٹری اور پھر 2012 میں بطور وزیر بجلی  (آزادانہ چارج) کے عہدے پر فائز رہے۔

جناب سندھیا نے ہارورڈ یونیورسٹی، امریکہ سے اکنامکس میں بیچلر کی ڈگری اور گریجویٹ اسکول آف بزنس، اسٹینفورڈ یونیورسٹی، امریکہ سے ایم بی اے کی ڈگری حاصل کی۔

ش ح۔   ش ت۔ج

Uno-7350