خواتین اور بچوں کی ترقی کی مرکزی وزیر محترمہ اسمرتی زوبن ایرانی نے آج لوک سبھا میں ایک تحریری جواب میں بتایا کہ ملک میں ریاستوں اور مرکز کے زیر انتظام علاقوں میں بیوہ اور طلاق شدہ خواتین کی تعداد2011 کی مردم شماری کے مطابق ضمیمہ ایک میں درج ہے۔2011 کی مردم شماری میں ملک میں بے سہارا خواتین کے اعداد و شمار درج نہیں کئے گئے ۔البتہ خواتین اور بچوں کی وزارت  نےبے سہارا خواتین کے لئے سوادھار گرہ اسکیم نافذ کی ہے۔  جس کے مطابق سال 2021-22 میں ان سوادھار گرہوں میں قیام کرنے والی بے سہارا خواتین کی تعداد 8163 ہے۔

حکومت اس طرح کی خواتین کی  بہبود ، باز آبادکاری ،بااختیار بنانے  ،تعلیم اور روزگار فراہم کرنے کےلئے مختلف اسکیموں اور پروگراموں کو نافذ کررہی ہے جن میں درج ذیل اسکیمیں شامل ہیں۔

سوادھار گرہ اسکیم:  یہ اسکیم مشکلوں کی شکار ان خواتین اور لڑکیوں کو بنیادی ضرورتوں کےلئے مدد فراہم کرتی ہے جو کنبے کے جھگڑے ،جرائم ، تشدد ،ذہنی تناؤ ، سماجی طور پر الگ کردینے یا جبراً جسم فروشی کی وجہ سے  بے گھر ہوگئی ہیں اور اخلاقی  سطح پر خطرے کی شکار ہے۔سوادھار گرہ اسکیم کے تحت خواتین کی اقتصادی باز آبادکاری کے لئے ووکیشنل اور ہنر میں اضافہ کرنے کی تربیت فراہم کی گئی ہے۔

بیواؤں کے لیے گھر: بیواؤں کے لیے ایک گھر ورینداون، اتر پردیش میں قائم کیا گیا ہے جس میں 1,000 خواتین کو بسائے جانے کی گنجائش ہے تاکہ بیواؤں کو رہنے کی ایک محفوظ جگہ، صحت کی خدمات، غذائیت سے بھرپور خوراک، قانونی اور مشاورتی خدمات فراہم کی جاسکیں۔

 ون اسٹاپ سینٹرز (او ایس سیز)، جنہیں سکھی سینٹرز کے نام سے بھی  جانا جاتا ہے، کا مقصد متاثرہ خواتین کو (بشمول گھریلو تشدد) ایک ہی چھت کے نیچے مربوط خدمات جیسے کہ پولیس کی سہولت، طبی امداد، قانونی امداد اور قانونی مشاورت، نفسیاتی علاجسماجی مشاورت، عارضی پناہ گاہ وغیرہ فراہم کیا جانا شامل ہیں۔

وومن ہیلپ لائن (ڈبلیو ایچ ایل) اسکیم عوامی اور نجی دونوں جگہوں پر تشدد سے متاثرہ خواتین کو 24 گھنٹے ہنگامی اور غیر ہنگامی رسپانس  فراہم کرتی ہے اور انہیں مناسب اتھارٹی جیسے کہ پولیس، ون اسٹاپ سینٹر،اسپتال، قانونی خدمات وغیرہ سے جوڑ کر ڈبلیو ایچ ایل بھی فراہم کرتی ہے۔ ملک بھر میں خواتین کی بہبود کی اسکیموں اور پروگراموں کے بارے میں معلومات فراہم کرنے کے علاوہ ریسکیو وین اور مشاورتی خدمات کے ذریعے مصیبت سے دوچار خواتین کی مدد کرتا ہے۔یہ خواتین،خواتین ہیلپ لائن خدمات حاصل کرنے کے لیے 181 مختصر کوڈ ڈائل کر سکتی ہیں۔

مہیلا شکتی کیندر اسکیم: خواتین اور اطفال کی ترقی کی وزارت کی مہیلا شکتی کیندر اسکیم کا مقصد دیہی خواتین کو کمیونٹی کی شراکت کے ذریعہ بااختیار بنانا اور ایک ایسا ماحول  تشکیل دینا ہے جس میں وہ اپنی  تمام تر  صلاحیتوں  کو بروئے کار لاسکیں۔

اندرا گاندھی نیشنل بیوہ پنشن اسکیم: اس اسکیم کے تحت غریبی کی سطح سے نیچے رہنے والے (بی پی ایل)کنبوں کی بیواؤں کو پنشن فراہم کی جاتی ہے۔ یہ دیہی ترقیات کی وزارت کے نیشنل سوشل اسسٹنس پروگرام (این ایس اے پی) کے تحت  دی جانے والی ایک ذیلی اسکیم ہے۔ اس اسکیم کے تحت مرکزی امداد  40-79 سال کی عمر کے گروپ کی بیواؤں کو 300 روپے ماہانہ مرکزی امداد فراہم کی جاتی ہے اور 80 سال کی عمر تک پہنچنے پر پنشن کی رقم بڑھا کر 500روپے  ماہانہ کر دی جاتی ہے۔

نیشنل سوشل اسسٹنس پروگرام (این ایس اے پی) مرکز کی طرف سے دین جانے والی ایک مکمل طور پر فنڈزسے متعلق  اسکیم ہے۔ جس کے تحت ریاستوں اور مرکز کے زیر انتظام علاقوں کے ذریعہ بے سہارا افراد کی نشاندہی کی جائے گی اور جس کا مقصد بنیادی سطح پر مالی مدد فراہم کرنا ہے۔ این ایس اے پی کے تحت،  200 سے 300 روپے مرکزی امداد  بزرگ شہریوں (60 سال اور اس سے زیادہ)، بیواؤں (40-79 سال) اور معذور افراد کو پنشن کی شکل میں فراہم کی گئی ہے۔

قومی صحت پالیسی 2017 (این ایچ پی)کے تحت اہداف کے ساتھ ہم آہنگی میں، حکومت نے ستمبر 2018 میں صحت اور تندرستی کے مراکز کے اپنے جڑواں ستونوں اور پردھان منتری جن آروگیہ یوجنا (پی ایم جے اے وائی) کے ساتھ مہتواکانکشی اور جامع آیوشمان بھارت پروگرام کا اعلان کیا۔ جن آروگیہ کے تحت غریب اور محروم کنبوں کا احاطہ کیا جاتا ہے،کمزور خاندانوں کو کوریج فراہم کی جاتی ہے۔ اس سے صحت کی دیکھ بھال کی خدمات تک خواتین کی رسائی کو بہتر بنانے میں مدد ملے گی۔

حکومت نے ملک بھر میں پردھان منتری کوشل وکاس یوجنا کے تحت پردھان منتری کوشل مراکز قائم کیے ہیں۔ خواتین کے لیے تربیت اور اپرنٹس شپ دونوں کے لیے اضافی بنیادی ڈھانچہ  تشکیل دینے پر زور دیا گیا ہے۔

مہاتما گاندھی قومی دیہی روزگار گارنٹی ایکٹ، 2005 (ایم جی این آر ای جی اے) منریگا دیہی گھرانوں میں روزگار کو یقینی بنانے کی سعی کرتا ہے،نیزاس بات کا پابند ہے کہ  تشکیل دی جانے والی ملازمتوں کا کم از کم ایک تہائی حصہ خواتین کو دیا جائے۔ منریگاکے رہنما خطوط میں خواتین کی شرکت کی حوصلہ افزائی کے لیے بھی خصوصی انتظامات کیے گئے ہیں، جن میں خواتین (خاص طور پر اکیلی خواتین) اور بوڑھے افراد کوجن کے پانچ سے کم بچے ہیں  ان کی رہائش گاہوں کے قریب کام کی جگہوں پر کام کرنے کے لیے ترجیح دینا، کام کی جگہ پر بچوں کی دیکھ بھال کی سہولیات  فراہم کیا جانا شامل ہیں ۔

پردھان منتری شرم یوگی مان دھن (پی ایم – ایس وائی ایم) کوان  غیر منظم کارکنوں کے لیے بڑھاپے کے تحفظ کو یقینی بنانے کے لیے شروع کیا گیا ہے جو کسی دوسری پنشن اسکیم میں شامل نہیں ہیں۔ غیر منظم مزدوروں میں خواتین بھی  شامل ہیں، ان میں زیادہ تر گھریلو ملازمین، گلیوں میں کام کرنے والے، مڈ ڈے میل ورکرز، ہیڈ لوڈرز، اینٹوں کے بھٹے پر کام کرنے والے، موچی، کچرا چننے والے، گھریلو ملازم، دھوبی، رکشہ چلانے والے، بے زمین مزدور، زرعی کارکن،تعمیراتی کام کرنے والے  افراداور ورکرز، بیڑی ورکرز، ہینڈلوم ورکرز، لیدر ورکرز، آڈیو ویژول ورکرز اور اسی طرح کے دوسرے پیشے جن کی ماہانہ آمدنی 15,000 روپے ماہانہ یا اس سے کم ہے اور ان کا تعلق 18-40 سال کے داخلے کی عمر کے گروپ کے افراد بھی شامل ہیں۔

پردھان منتری مدرا یوجنا (پی ایم ایم وی وائی) کے تحت خود روزگار کی سہولت کے لیے حکومت کی طرف سے شروع کی گئی ہے، جس میں دیگر باتوں کے ساتھ ساتھ پی ایم ایم وی وائی کے تحت، 10 لاکھ روپے تک کے قرضے مائیکرو/چھوٹے کاروباری اداروں اور افراد کو دیئے گئے ہیں تاکہ وہ اپنی کاروباری سرگرمیوں کو ترتیب دینے یا اسے بڑھانے کے قابل بنائیں۔اس اسکیم کا فائدہ اٹھانے والی زیادہ تر خواتین ہیں۔

وزیر اعظم آواس یوجنا  گرامین (پی ایم اے وائی- جی): اس اسکیم کا مقصد 2022 تک تمام بے گھر کنبوں اور کچے اور خستہ حال مکان میں رہنے والے کنبوں کو بنیادی سہولیات کے ساتھ پکے گھر کی فراہمی کے ذریعہ ’سب کے لیے مکان‘ فراہم کرنا ہے۔ اس سے لاوارث اور بے سہارا بیواؤں کو بھی فائدہ  حاصل ہوگا۔

پردھان منتری آواس یوجنا شہری(پی ایم اے وائی-یو): یہ اسکیم سب کے لیے مکانات کی سہولت فراہم کرنے کے وژن کے ساتھ   17.06.2015 سے سال2022 تک  کے لئے  شروع کی گئی تھی۔مذکورہ اسکیم کے تحت شہری علاقوں میں جھگی چھونپڑیوں سمیت اقتصادی طور پر کمزور طبقوں (ای ڈبلیو ایس) کی رہائش کی ضروریات کو پورا کرنے میں ریاستوں/مرکز کے زیر انتظام علاقوں  کو مرکزی مدد فراہم کی جاتی ہے۔

دین دیال انتیودیا یوجنا- قومی شہری روزی روٹی مشن( ڈی اے وائی- این یو ایل ایم): ڈی اے وائی- این یو ایل ایم کو قانونی شہروں میں لاگو کیا جاتا ہے تاکہ شہری غریب گھرانوں کی غربت اور کمزوری کو کم کیا جا سکےاوران کی معاش میں پائیدار بنیادوں پر بہتری لائی جا سکے۔

اٹل پنشن یوجنا (اے پی وائی): اس اسکیم کو تمام بھارتیوں، خاص طور پر غریبوں، کم مراعات یافتہ طبقے اور غیر منظم شعبے میں کام کرنے والوں کے لیے ایک عالمگیر سماجی تحفظ کا نظام تشکیل دینے کے مقصد کے ساتھ نافذ کیا گیا ہے۔ یہ اسکیم بھارت کے ان تمام شہریوں کے لیے ہے جن کی عمر 18-40 سال کے درمیان ہے اورجن کا بینک یا پوسٹ آفس میں بچت بینک کھاتہ ہے۔

بوڑھے افراد کے لیے مربوط پروگرام: اس اسکیم کا مقصد  بنیادی سہولیات جیسے پناہ، خوراک، طبی دیکھ بھال اور تفریح ​​کے مواقع فراہم کرکے اور مدد فراہم کرکے پیداواری اور فعال عمر رسیدہ افراد کی حوصلہ افزائی کرکے خواتین سمیت بزرگ شہریوں کے معیارِ زندگی کو بہتر بنانا ہے۔

خاص طور پر کمزور قبائلی گروپوں کی ترقی کی اسکیم (پی وی ٹی جیز): درج فہرست قبائل میں کچھ ایسے گروپ ہیں جن کی آبادی میں کمی یا جمود، خواندگی کی کم سطح، ٹیکنالوجی کی زرعی سطح سے پہلے کی سطح اور اقتصادی طور پر پسماندہ ہیں اور وہ گروپ ہمارے معاشرے کے سب سے زیادہ کمزور طبقوں میں سے ہیں کیونکہ ان کی تعداد بہت کم ہے، انہوں نے سماجی اور اقتصادی ترقی کی کوئی خاص سطح حاصل نہیں کی ہے اور عام طور پر ناقص  بنیادی ڈھانچے اور انتظامی تعاون کے حامل دور دراز علاقوں میں رہتے ہیں۔ 18 ریاستوں اور ایک مرکز کے زیر انتظام علاقوں میں ایسے 75 گروپوں کی نشاندہی کی گئی ہے اور ان کی خاص طور پر کمزور قبائلی گروپس (پی وی ٹی جیز) کے طور پر درجہ بندی کی گئی ہے۔ 1998-99 میں پی وی ٹی جیز کی خصوصی ترقی کے لیے ایک علیحدہ 100 فیصد مرکز کی طرف سے چلنے والا پروگرام شروع کیا گیا ہے۔اس اسکیم کے نفاذ میں حاصل ہونے والے علم اور تجربات کی بنیاد پر، اسے مزید موثر بنانے کی خاطر 17.09.2019 سے اس پر نظر ثانی کی گئی ہے۔

نیشنل فیملی بینیفٹ اسکیم (این ایف بی ایس): دیہی ترقی کی وزارت نے نیشنل فیملی بینیفٹ اسکیم (این ایف بی ایس) نافذ  کی ہے جس کے تحت 20 ہزار روپے یک مشت مانیٹری گرانٹ۔ روزی روٹی کمانے والے کی موت کی صورت میں سوگوار خاندان کو امداد کے طور پر دیے جاتے ہیں۔

اناپورنا اسکیم: دیہی ترقی کی وزارت کی اناپورنا اسکیم کے تحت اور  اندرا گاندھی نیشنل اولڈ ایج پنشن اسکیم (آئی جی این او اے پی ایس) کے تحت اہل عمر رسیدہ افراد کو دس کلو اناج فراہم کیا جاتا ہے۔

ناری آرتھک سشکتیکرن یوجنا: (خواتین کو مالی طور پر بااختیار بنانے کی اسکیم)سماجی انصاف اور تفویض اختیارات کی وزارت  نےدرج فہرست ذاتوں، اکیلی خواتین/بیواؤں کی آمدنی  بڑھانے سے متعلق کارروائیوں کے تحت ناری آرتھک سشکتیکرن یوجنا نافذ کی ہے۔

سابق فوجیوں کی بیواؤں کی پیشہ ورانہ تربیت کے لیے معاونت: وزارت دفاع سابق فوجیوں کی بیواؤں کی پیشہ ورانہ تربیت، غیر پنشن یافتہ سابق فوجیوں/بیواؤں کی سنگین بیماریوں کے علاج اور بیٹی کی شادی/بیواؤں کی دوبارہ شادی کے لیے مالی امداد فراہم کرتی ہے۔

سوادھار گرہ اسکیم کے تحت پچھلے تین سالوں میں سے ہر ایک اور موجودہ سال کے دوران ریاست / مرکز کے زیر انتظام علاقوں کے ذریعہ منظور کیے گئے، جاری کیے گئے اور استعمال کیے گئے فنڈز کی تفصیلات ضمیمہ II میں ہیں۔ پچھلے تین سالوں کے دوران سوادھار گرہ اسکیم کے تحت مستفید ہونے والی خواتین کی تعداد ریاستی / مرکز کے لحاظ سے ضمیمہ III میں ہے۔

 

Annexure-I

Number of Widowed and Divorced Women in the Country

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Annexure-II

Details of the funds sanctioned, released and utilized by the State/UTs under Swadhar Greh Scheme during each of the last three years and the current year

(Rupees in Lakhs)

 

 

 

*including previous year’s unspent balance.

** Documents not received.

 

Annexure-III

Details of the number of women benefited under Swadhar Greh Scheme during each of the last three years and the current year State/UT-wise

 

 

 

 

***********

ش ح ۔   ش ر ۔ م ش

U. No.7335

(ریلیز آئی ڈی: 1839810) وزیٹر کاؤنٹر : 287