’این ایف ایس اے کے لیے اسٹیٹ رینکنگ انڈیکس‘ میں اوڈیشہ کو سرفہرست درجہ بندی کی ریاست قرار دیا گیا ہے، اس کے بعد اتر پردیش دوسرے نمبر پر اور آندھرا پردیش تیسرے نمبر پر ہے۔ خصوصی زمرے کی ریاستوں/ مرکز کے زیر انتظام خطوں میں، تریپورہ پہلے نمبر پر ہے، اس کے بعد بالترتیب ہماچل پردیش اور سکم ہیں۔ مزید، 3 مرکز کے زیر انتظام خطے میں جہاں براہ راست فائدہ کی منتقلی (ڈی بی ٹی) - کیش نافذ ہے، دادرا اور نگر حویلی اور دمن اور دیو سرفہرست مرکز کے زیر انتظام خطے ہیں۔

 امور صارفین ، خوراک اور عوامی نظام تقسیم، ٹیکسٹائل اور کامرس اور صنعت کے مرکزی وزیر جناب پیوش گوئل نے  آج یہاں خورام اور عوامی نظام تقسیم کے محکمے کے ذریعہ منعقدہ ’بھارت میں خوراک اور  تغذیہ  کی حفاظ‘  کے موضوع پر ریاستوں/ مرکز کے زیر انتظام خطوں کے وزرائے خوراک کی کانفرنس کے دوران ’این ایف ایس اے کے لیے ریاستی درجہ بندی انڈیکس‘ کا پہلا ایڈیشن جاری کیا۔ امور صارفین، خوراک اور عوامی نظام تقسیم اور دیہی ترقی کی وزیر مملکت  محترمہ سادھوی نرنجن جیوتی، سکریٹری ڈی ایف پی ڈی، جناب سدھانشو پانڈے  اور 8 ریاستوں کے وزراء  خوراک اور سینئر افسران دن بھر جاری رہنے والی کانفرنس میں موجود تھے۔

موجودہ انڈیکس بڑی حد تک این ایف ایس اے تقسیم پر مرکوز ہے اور اس میں مستقبل میں حصولیابی، پی ایم جی کے اے وائی ڈسٹری بیوشن شامل ہوں گے۔ ریاستوں اور مرکز کے زیر انتظام خطے  کی درجہ بندی کے لیے انڈیکس تین اہم ستونوں پر بنایا گیا ہے جو ٹی  پی ڈی ایس کے ذریعے این ایف ایس اے کے نفاذ کا مکمل احاطہ کرتا ہے۔ ریاستوں کی تفصیلی فہرست ضمیمہ-1 میں  دی گی ہے۔

نیشنل فوڈ سیکیورٹی ایکٹ (این ایف ایس اے) 5 جولائی 2013 کو تیار کیا گیا تھا اور اس دن کو منانے کے لیے کانفرنس کا انعقاد کیا گیا تھا تاکہ تغذیہ تحفظ، خوراک کے تحفظ، عوامی  نظام تقسیم میں بہترین طریقہ کار، فصلوں میں تنوع، پی ڈی ایس اور اسٹوریج سیکٹر میں  اصلاحات پر غور و خوض کیا جاسکے۔

اس موقع پر خطاب کرتے ہوئے جناب گوئل نے کہا کہ بھارت اب ون نیشن ون راشن کارڈ (او این او آر سی) کے تحت 100 فیصد جڑا ہوا ہے۔ انہوں نے اس شاندار پہل کے وژن کے لئے وزیر اعظم جناب نریندر مودی  اور اور اس سے  معلق  تمام لوگوں کی تعریف کی۔ انہوں نے کہا کہ اب تک 45 کروڑ ٹرانزیشن ہوچکے ہیں جس سے فائدہ اٹھانے والوں کو ملک کی کسی بھی ریاست / مرکز کے زیر انتظام علاقوں سے راشن حاصل کرنے کی آزادی فراہم کی گئی ہے۔ انہوں نے کہا کہ کووڈ کے دوران او این او آر سی نے تارکین وطن کی مدد کی۔

جناب گوئل نے کہا کہ آگے بڑھنے کے لئے، ڈیجیٹائزڈ نظام آدھار سے منسلک عوامی  نظام تقسیم آیوشمان بھارت کارڈ جاری کرنے کے لیے استعمال کیا جائے گا۔ انہوں نے کہا کہ اتر پردیش آیوشمان بھارت کارڈ جاری کرنے کے لیے اس نظام کا استعمال کر رہا ہے۔ انہوں نے دیگر ریاستوں سے اپیل کی  کہ وہ تغذیئے کے تحفظ کے ساتھ ساتھ صحت کا حفاظت  فراہم کرانے کے لئے اس نظام پر غور کریں۔ انہوں نے کہا کہ مہاجر  بچوں کی  ٹیکہ کاری کو بھی طبی سہولت فراہم کرائےجانے کو یقنی بنانے کے لئے اس نظام سے منسلک کیا جا سکتا ہے۔

 

ریاستوں کو خوراک کی سبسڈی کے بارے میں بات کرتے ہوئے، جناب گوئل نے اعلان کیا کہ سال 2019-20 تک بقایہ رقم کے  دعوے جمع کرانے کی آخری تاریخ 15 اگست 2022 ہے۔ انہوں نے اس بات کا اعادہ کیا کہ آخری تاریخ کے بعد کوئی واجبات ادا نہیں کیے جائیں گے۔ انہوں نے مزید کہا کہ ریاستوں/ مرکز کے زیر انتظام علاقوں کے زیر التواء بل جو 15 اگست 2022 تک معاون دستاویزات کے ساتھ آڈٹ شدہ کھاتوں کو حتمی شکل دیں گے، 60 دن (15 اکتوبر 2022) کے اندر  ادا کر دیے جائیں گے۔ تاہم، وہ ریاستیں/ مرکز کے زیر انتظام علاقے جو اگلے 3 مہینوں (جولائی-ستمبر 2022) میں تفصیلات فراہم کریں گے، ان کے بل 31 جنوری 2023 تک ادا کر دیے جائیں گے۔  انہوں نے مزید کہا کہ سبسڈی کے دعوے اس لیے زیر التوا نہیں ہیں کہ مرکز کے پاس فنڈز دستیاب نہیں ہیں، بلکہ اس لیے کہ ریاستیں/ مرکز کے زیر انتظام علاقے متعلقہ ڈیٹا فراہم نہیں کر رہے ہیں۔ جناب گوئل نے کہا کہ تلنگانہ، اڑیسہ، جھارکھنڈ، دہلی، آندھرا پردیش، مغربی بنگال، راجستھان، اتراکھنڈ، اروناچل پردیش، آسام اور ناگالینڈ  ریاستوں  کی غیر موجودگی خراب عکاسی کرتی ہے۔

قبل ازیں، کانفرنس کا آغاز خوراک کی حفاظت، چاول کی مضبوطی اور فوڈ  باسکٹ کے تنوع پر  مذاکرے سے ہوا۔ پینل ڈسکشن کو  مسٹرونے کمار، سکریٹری، فوڈ اینڈ کنزیومر پروٹیکشن ڈپارٹمنٹ، حکومت بہار نےنظام  کی اور اس میں محترمہ ممتا شنکر، سینئر اکنامک ایڈوائزر، محکمہ خوراک اور عوامی  نظام تقسیم،  ڈاکٹر کپل یادو، ایڈیشنل پروفیسر، کمیونٹی میڈیسن، ایمس؛ ڈاکٹر شارق یونس، ہیڈ نیوٹریشن یونٹ، ورلڈ فوڈ پروگرام؛ ڈاکٹر ایم ایس رادھیکا، سینئر سائنٹسٹ، آئی سی ایم آر- این آئی این؛ اور ڈاکٹر کونڈا ریڈی چاوا، کنسلٹنٹ، ایف اے او (انڈیا)نے  شرکت کی۔

ریاستوں درجہ بندی: 2022

عام زمرے کی ریاستوں اور مرکز کے زیر انتظام علاقوں کے ذریعے حاصل کردہ رینک اور اسکور

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

*دادرا اور نگر حویلی اور دمن اور دیو کے مرکز کے زیر انتظام خطے دونوں زمرے کے تحت آتے ہیں — ڈی بی ٹی زمرے کے تحت شہری علاقوں کے لیے اور غیر ڈی بی ٹی زمرے کے تحت دیگر علاقوں کے لیے۔

خصوصی ₂ زمروں سے تعلق رکھنے والی ریاستوں اور مرکز کے زیر انتظام علاقوں (شمال مشرقی ریاستوں، ہمالیائی ریاستوں، اور جزیرے کے علاقوں)  کے حاصل کردہ رینک اور اسکور

 

 

 

 

 

 

 

 

 

 

 

 

 

 

 

 

 

 

 

 

 

 

 

ڈی بی ٹی (کیش ٹرانسفر) موڈ میں کام کرنے والے  مرکز کے زیر انتظام خطے کے ذریعے حاصل کردہ رینک اور اسکور

 

 

 

 

 

 

 

² جغرافیائی رکاوٹوں کی وجہ سے خدمات فراہم کرنے میں پیچیدگی کی بنیاد پر

جامع ملکی سطح کا انڈیکس ³

 

 

 

 

 

 

 

³ ڈی بی ٹی کیش  مرکز کے زیر انتظام خطے چنڈی گڑھ اور پڈوچیری کو اسکورنگ کے معیار میں فرق کی وجہ سے ملکی سطح کے انڈیکس میں درج نہیں کیا گیا ہے، تاہم تمام زمروں میں ان  مرکز کے زیر انتظام خطے کے لیے الگ الگ رینک اور اسکور بنائے گئے ہیں۔

۔۔۔۔۔۔۔۔۔۔۔

ش ح۔ا گ ۔ن ا۔

U-7265

                          

(Release ID: 1839441) Visitor Counter : 220