সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোন্নেল, পব্লিক গ্রাইভেন্স, পেন্সন, এতোমিক ইনর্জী অমসুং স্পেস, দাঃ জিতেন্দ্র সিংহনা ঙসি আই.আই.তি. হাইদ্রবাদ কেম্পস্তা কংফাল অমসুং নোংথক্কী মী তোংদবা ভেহিকল শেম-শাবগীদমক্তা তোপ-তোপ্পা, অহানবা মখল ওইবা, মতমগা খ্বাইদগী বুনবা, তুংগী মতমগী মতৌ চেনবা “ওতোনোমস নেভিগেসন” ফেসিলিতী, তিহান তেস্তবেদ মন্ত্রীনা শঙ্গাখ্রে।

মন্ত্রীনা দ্রাইভর য়াওদনা মশানা থৌজবা মোতোর কার, বাইসাইকলনচিংবা অমসুং দ্রোন য়াওবা অনমেন্দ এরিএল ভেহিকল কয়াবু তোঙানবা মওং-মতৌদা শেম-শারিবা স্তার্ত-অপশিংগা ৱারী শাখি।

সাইন্স অমসুং তেক্নোলোজীগী কেন্দ্র মন্ত্রালয়না লুপা করোর ১৩০ থাদবা “তেক্নোলোজী ইন্নোভেসন হব ওন ওতোনোমস নেভিগেসন” অসি তুংগী মতমগী মতৌ চেনবা অমসুং নেক্স জেনেরেসন “স্মার্ত মোবিলিতী” তেক্নোলোজীগী মতাংদা ভারতপু গ্লোবেল প্লেয়র ওইহনগদবা মলতিদিসিপ্লিনরী ওইবা খোঙথাং অমনি।

দাঃ জিতেন্দ্র সিংহনা অনমেন্দ ভেহিকল নেভিগেসন প্রোজেক্তশিংদা থবক তৌরিবা নহা ওইরিবা স্তার্ত-অপশিংগী এক্সপেরিএন্সশিংবু থৱাই য়াওনা তাখি অমসুং মখোয়না তুং কোইনা চৎনবা অমসুং শাহৌ লৌনবগীদমক্তা ইন্দস্ত্রীশিংগা মরী লৈনগদবনি হায়বা পাউতাক পীখি।

আই.আই.তি. হাইদ্রবাদনা ভারতকী খ্বাইদগী অহানবা ওইবা “স্মার্ত মোবিলিতী”দা এম.তেক তৌবগী অনৌবা পোস্ত গ্রেজুএসন কোর্স অমা হৌদোখিববু থাগৎখি। সাইন্স অমসুং তেক্নোলোজী মন্ত্রালয়না লাক্কদৌরিবা চহিশিংদা মালেমগী চুনবা ওইরক্কদৌরিবা মসিগুম্লবা মিৎয়েং শানবা অমসুং তুংগী মতমগী মগুন চেনবা খোঙথাং খুমাং চাউশিলহনবদা মরু ওইবা থৌদাং য়ারি হায়না ফোংদোকখি।

তিহান-আই.আই.তি.ঐচ.কী পান্দমদি নেক্স জেনেরেসন স্মার্ত মোবিলিতী তেক্নোলোজীদা গ্লোবেল প্লেয়র অমা ওইবনি অমসুং অতোপ্পশিংগী চৎনবী অমসু ওইহনগদৌরিবা মসিগুম্বা খোঙথাংশিংবু সাইন্স অমসুং তেক্নোলোজী মন্ত্রালয়না শৌগৎনবা মাঙ থানা থোক্লক্লি হায়না মন্ত্রীনা হায়খি।

য়াম্না তোয়না থোকপদগী হৌরগা কা-হেনবা থৌওং য়াওনা, রীএল লাইফ ত্রাফিক ওপরেসনগী তোঙানবা ফিভমশিংগী মওং-মতৌ শেম-শাদুনা নীংথিনা শেন্নরবা অকোয়বগী ফিভমদা অনমেন্দ অমসুং কন্নেক্তেদ ভেহিকলশিংগী ওপরেসন থিজিন্নবা লিমিতেদ তেস্তবেদ নত্ত্রগা প্রুভিং গ্রাউন্দদি মালেম শিনবা থুংবদা হান্নদগী লৈরে হায়না দাঃ জিরতেন্দ্র সিংহনা পাউদমখি। মসিগী ওইবা খুদম খরগী মনুং চনবশিংদি য়ু.কে.গী মিলব্রুক প্রুভিং গ্রাউন্দ, য়ু.এস.এ.গী এম.সিতী, সিঙ্গাপোরগী সেত্রান, সাউথ কোরিয়াগী কে.সিতী, জাপানগী জারিনচিংবনি। ওতোনোমস ভেহিকল পরফোর্মেন্স য়েংশিন্নবা তেস্তবেদ ফেসিলিতী অমত্তা ভারতকী ওইনদি হৌজিক ফাওবদা লৈত্রি, মরম অদুনা তিহান তেস্তবেদকী তঙাই ফদবা লৈরিবনি হায়না মন্ত্রীনা মখা তাখি।

প্রধান মন্ত্রীগী তেক্নোলোজীগী মিৎয়েংদা অচৌবা শাফু পীরদুনা, তেক্নোলোজী ইন্নোভেসন হব ওন ওতোনোমস নেভিগেসন ফাউন্দেসন (তিহান)-আই.আই.তি.ঐচ.না মোবিলিতী সেক্তরদা ইন্নোভেসন পাংথোকপা পুক্নিং থৌগৎনবা মিৎয়েং শানবা খোঙথাং পায়খৎপা হৌরে হায়না দাঃ জিতেন্দ্র সিংহনা হায়খি। লৈবাক অমসুং মালেমগী থাক অনিমক্তা একাদমিয়া, ইন্দস্ত্রী অমসুং আর. অমসুং দি.দা অৱাংবা থাক্কী রিসর্চ পাংথোক্নবা তিহান তেস্তবেদনা তোপ-তোপ্পা প্লেতফোর্ম অমা পীগনি অমসুং মসিনা ভারতপু ওতোনোমস নেভিগেসন তেক্নোলোজীদা মালেমগী লুচিংবা ওইহনগনি হায়না মহাক্না হায়খি।

ভারতকী মোবিলিতী সেক্তরনা মালেমগী খ্বাইদগী চাউবা মার্কেতশিংগী মনুংদা অয়া ওই অমসুং তিহান-আই.আই.তি.ঐচ.না ওতোনোমস ভেহিকলগী ফ্যুচরিস্তিক্স ওইবা তেক্নোলোজী পীগনি হায়না দাঃ জিতেন্দ্র সিংহনা হায়খি। তিহান-আই.আই.তি.ঐচ. তেস্তবেদ ওন ওতোনোমস নেভিগেসন (এরিএল অমসুং তেরেস্তরিএল)না নেক্স জেনেরেসন ওতোনোমস নেভিগেসন তেক্নোলোজীবু য়াম্না চুম্না তেস্ত তৌবা য়াহনগনি অমসুং হীরম অসিদা হেন্না য়াঙনা চাউখৎহনবগা লোয়ননা মালেমগী কৈথেলদা চঙবদসু তেংবাংগনি হায়না মহাক্না মখা তাখি।

লৈবাক অসিনা প্রধান মন্ত্রী, শ্রী নরেন্দ্র মোদীগী লুচিং মখাদা তেক্নোলোজীগী হীরমদা মশক থোক্না মায় পাক্লে অমসুং ভারতপু ফ্যুচরিস্তিক্স তেক্নোলোজীদা মালেমগী লুচিংবা অমসুং পন্থুংফম ওইহন্নবা প্রোগ্রাম কয়া অমা হৌদোকখ্রে হায়না দাঃ জিতেন্দ্র সিংহনা অমুক্কা হন্না নীংশিংখি। মসিগুম্বা খোঙথাং অমদি সাইন্স অমসুং তেক্নোলোজী বিভাগ (দি.এস.তি.)না নেস্নেল মিসন ওন ইন্তর্দিসিপ্লিনরী সাইবর ফিজিকেল সীস্তেম (এন.এম.-আই.সি.পি.এস.)গী মখাদা লৈবাক শিনবা থুংবদা তেক্নোলোজী ইন্নোভেসন হব ২৫ লিংখৎখিবা অসিনি।

হৌজিক্কী দিকেদ অসিদা লৈবাক্কী মরু ওইরিবা এপ্লিকেসন সেক্তর কয়াগী ওতোনোমস য়ু.এ.ভি. অমসুং গ্রাউন্দ/সর্ফেস ভেহিকল কয়া শিজিন্নদুনা রীএল তাইম সি.পি.এস. সীস্তেম অমা তিহান্না শেম শাদুনা শিজিন্নবা হৌহল্লি হায়না মন্ত্রীনা হায়খি। তেস্তবেদ অসিদা অল্গোরিদম অমসুং প্রোতোতাইপশিংদা অমাঙ-অতা থোকহন্দনা তেস্ত তৌবা য়াহনবা সাইম্যুলেসন প্লেতফোর্ম য়াওরি হায়না মহাক্না হায়খি।

মসিদা নত্তনা, তেস্তবেদ অসিদা রীএল ৱর্ল্দ সিনারিও কয়া পাংথোকপা য়াই। তেরেস্তরিএল সীস্তেমগী মনুংদা মসিগুম্বা সিনারিওশিংগী খুদমশিংদি স্মার্ত সিতী, সিগ্নেলাইজ ইন্তর্সেক্সন, সাইকল থৌবা অমসুং খোঙনা চৎপশিংগা ওতোনোমস ভেহিকল ইন্তরএক্সন তৌবা, গাড়ি অমসুং লম্বী মতাইদা লৈবা য়ুনিৎশিংগী মরক্তা নেতৱর্কিং তৌবনচিংবনি। ওতোনোমস ভেহিকল তেস্তবেদনা দম্মী সাইনবোর্দ, পেদেস্তরিয়ন, ওভর্পাস অমসুং বাইক থৌবশিংনা রীএল ৱর্ল্দ কন্দিসন খুদিংমক চাংয়েং তৌবা য়াহল্লি।

সাইন্স অমসুং তেক্নোলোজী বিভাগকী সেক্রেতরী, দাঃ স্রিভরী চবন্দ্রসেখরনা তেস্তিং ফেসিলিতীসিদা এয়রস্ত্রিপ, সোফ লেন্দিং এরিয়া, দ্রোন থম্নবা হেঙ্গার, গ্রাউন্দ কন্ত্রোল স্তেসন (জি.সি.এস.), পর্ফোর্মেন্স য়েংশিন্নবা তেলিমেত্রী স্তেসন লৈগনি। লাইদার, রাদার, কেমেরানচিংবা পেলোদশিংগী পরফোর্মেন্স য়েংশিনবগী থৌওংশিং হৌজিক য়েংশিল্লি। মেনুএল অমসুং ওতোনোমস ওপরেসনগী মরক্তা কন্ত্রোল শিন্নবা অমসুং দ্রাইভর য়াওদবা গারীশিংবু মীয়াম্না য়াবগী মতৌবুসু স্তদী তৌরি। অনমেন্দ ভেহিকলশিংগী স্তেন্দর্দ ওপরেতিং প্রোসিজরশিংনা ভারতকী ফিভমগী তোঙানবা এপ্লিকেসনশিংগী কাঙলোন অমসুং ওপরেতিং পোলিসী শেম্বদা মশক থোক্না তেংবাংগনি।

নেস্নেল মিসন অসিগী মখাদা আই.আই.তি. হাইদ্রবাদপু ‘ওতোনোমস নেভিগেসন অমসুং দেতা এক্বিজিসন সীস্তেম (য়ু.এ.ভি., আর.ও.ভি.)’গী তেক্নোলোজীগী মতাংদা তেক্নোলোজী ইন্নোভেসন হব পীখ্রে। এন.এম.আই.সি.পি.এস. তেনোলোজী ইন্নোভেসন হব ওন ওতোনোমস নেভিগেসন ফাউন্দেসন (তিহান) অসি আই.আই.তি. হাইদ্রবাদকী ইলেক্ত্রিকেল ইঞ্জিনিয়রিং, কম্প্যুতর সাইন্স অমসুং ইঞ্জিনিয়রিং, মেকানিকেল অমসুং এরোস্পেস ইঞ্জিনিয়রিং, সিভিল ইঞ্জিনিয়রিং, অঙ্ক, দিজাইন, লিবরেল আর্ত অমসুং ওন্তোপ্রিনরশিপকী রিসর্চর য়াওবা মলতি-দিসিপ্লিনরী ইনিসিএতিব অমনি। সাইন্তিফিক অমসুং ইন্দস্ত্রীএল রিসর্চ বিভাগনা তিহানবু সাইন্তিফিক অমসুং ইন্দস্ত্রীএল রিসর্চ ওর্গনাইজেসন (এস.আই.আর.ও.) অমনি হায়না শকখঙলি।

দাঃ বি.ভি.আর. মোহন রেদ্দী (আই.আই.তি. হাইদ্রবাদগী বোর্দ ওফ গবর্নরশিংগী চেয়রমেন) অমসুং প্রোফঃ বি.এস. মুর্তী (আই.আই.তি. হাইদ্রবাদগী দাইরেক্তর), অমসুং সেনিয়র ওফিসর, ফেকলতী অমসুং মহৈরোইশিংনা ঙসিগী থৌরমদা শরুক য়াখি।

<><><>