نئی دہلی۔ یکم  جولائی      حکومت ہند کے سماجی انصاف اور تفویض اختیارات کی وزارت کی ای ڈی آئی پی اسکیم کے تحت دیویانگ جنوں کو امداد  اور معاون آلات کی تقسیم کے لیے ایک ’سماجک ادھیکاریتا شیویر‘ کا انعقاد کیا گیا۔ آرٹیفیشل لمبس مینوفیکچرنگ کارپوریشن آف انڈیا (الیمکو) نے اس پروگرام کا اہتمام تمل ناڈو کے کرور پارلیمانی حلقہ کے تحت تروچراپلی ضلع کے من پرائی کے مستان اسٹریٹ پر واقع  آروی محل میں کیا ۔

حکومت ہند کے مرکزی وزیر مملکت برائے سماجی انصاف و تفویض اختیارات جناب اے نارائن سوامی اس تقریب کے مہمان خصوصی تھے جنہوں نے بنگلورو سے ویڈیو کانفرنس کے ذریعہ کیمپ کا ورچوئل افتتاح کیا۔ اس موقع پر کرور پارلیمانی حلقہ کی رکن پارلیمنٹ(لوک سبھا)   محترمہ ایس جیوتی منی، من پرائی کے رکن اسمبلی جناب پی عبدالسماتو،  تروچراپلی کے ضلع کلکٹر جناب ایم پردیپ کمار اور دیگر معززین  موجود تھے۔

اس موقع پر اجتماع سے خطاب کرتے ہوئے مہمان خصوصی جناب اے نارائن سوامی نے کہا کہ مرکزی حکومت دیویانگ جنوں  کو بااختیار بنانے کے لیے پرعزم ہے اور عزت مآب وزیر اعظم کے ’ سب کا ساتھ ،سب کا وکاس‘ کے وژن پر کام کر رہی ہے۔ مرکزی وزیر نے ملک میں کمزور طبقے پر خصوصی توجہ مرکوز کرتے ہوئے سماج کے ہر طبقے کی جامع ترقی کے لیے وزارت کی طرف سے اٹھائے گئے مختلف اقدامات کے بارے میں بتایا۔

کرور پارلیمانی حلقہ کے مختلف مقامات پر لگائے گئے تشخیصی کیمپوں کے دوران جن استفادہ کنندگان کو اسکیموں کا فائدہ ملا ان کی پہلے سے شناخت کی گئی تھی جس میں 1606 اہل مستفیدین کی شناخت کی گئی تھی جن کو 1.32 کروڑ  روپے مالیت کے مختلف زمروں کے 2811 آلات فراہم کیے گئے تھے ۔

تروچراپلی (تریچی) میں آج منعقدہ افتتاحی تقسیمی کیمپ میں618 استفادہ کرنے والے دیویانگ جنوں کے مابین 47 لاکھ روپے  کی رقم  کے893 آلات  تقسیم کیے گئے ۔ اس کے علاوہ بقیہ امداد اور امدادی آلات بعد میں کرور، پارلیمانی حلقہ میں بلاک/تعلقہ کی سطح پر تقسیم کیے جائیں گے۔

تروچیراپلی کے مختلف مقامات پریکے بعد دیگرے منعقدہ کیمپوں کی ایک سیریز میں متعدد امداد اور امدادی آلات تقسیم کی جائیں گی۔ ان میں 268 ٹرائی سائیکلیں، 237 وہیل چیئرز، 30 سی پی چیئر، 560 بیساکھیاں، 199 واکنگ اسٹکس، 47 اسمارٹ رولیٹر، 48 کینیں شامل ہیں۔ بنیائی سے سے محروم افراد کے لیےا سمارٹ فون، 05 بریل کٹ اور 42 کین، 818 سماعت کے آلات ، 191 ایم ایس آئی ای ڈی کٹ، 1 سروائیکل کالر، سیل فون کے ساتھ 36 اے ڈی ایل کٹ اور 261 مصنوعی اعضاء اور کیلیپربھی شامل ہیں۔

تقسیم کی تقریب کا انعقاد حکومت ہند کی طرف سے جاری کردہ رہنما خطوط پر عمل کرتے ہوئے کیا گیا تھا تاکہ امداد اور معاون آلات کی تقسیم کے دوران کووڈ – 19 کے پھیلاؤ کے کسی بھی امکان کو روکا جا سکے۔

مذکورہ 'SamajikAdhikaritaShivir' پروگرام کا ویڈیو لنک یہ ہے  https://youtu.be/UHLU1cLBfuc۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

 (01.07.2022)

U-7181