ঙাকশেল মন্ত্রী শ্রী রাজনাথ সিংহনা জুলাই ০২, ২০২২দা তেলঙ্গানাদা লৈবা ভারত দাইনামিক্স লিমিতেদ (বি.দি.এল.)গী ভানুর য়ুনিৎতা চৎখি অমসুং দিফেন্স পব্লিক সেক্তর অন্দরতেকিং (দি.পি.এস.য়ু.)দা শাগৎলিবা অনৌবা মেন্যুফেকচরিং ফেসিলিতী কয়ামরুম জাতিদা খুৎশিন্নখি। মসিদা ভানুর য়ুনিৎকী ৱারহেদ ফেসিলিতী অমা অমসুং কঞ্চনবাঘ য়ুনিৎতা লৈবা রেদিও ফ্রিক্বেন্সী (আর.এফ.) সীকর ফেসিলিতী অমা য়াওখি।

বি.দি.এল.গী রিসর্চর, ইঞ্জীনীয়র, তেক্নিসিয়ন অমসুং অতোপ্পা পর্সনেলশিংদা ৱা ঙাংবদা ঙাকশেল মন্ত্রীনা মেন্যুফেকচরিং ফেসিলিতীশিং শঙ্গাবা অসি দিফেন্স সেক্তর মপাঙ্গল কনখৎহন্নবা মাইকৈদা চংশিল্লিবা দি.পি.এস.য়ু.গী খোঙথাংশিং অমসুং প্রধান মন্ত্রী শ্রী নরেন্দ্র মোদীগী ‘আত্মনির্ভর ভারত’কী বিজন মঙফাওনহন্নবগী খুদম অমা ওইরি হায়না ফোঙদোকখি। মহাক্না ‘মেক ইন ইন্দিয়া, মেক ফোর দি ৱর্ল্দ’ বিজনগা লোয়ননা মপালগী কম্পনীশিংগা লোয়ননা চুংশিন্নদুনা ইন্দিজিনস ওইনা প্রদক্তশিং পুথোক্তুনা মরোমদোম লেপচনবগী মাইকৈদা চংশিন্নবা পোজিতিব এপ্রোচ অমা পাইখৎলিবা অসিগীদমক বি.দি.এল.বু থাগৎপা ফোঙদোকখি। মহাক্না কম্পনী অসিনা মথংগী চহি মঙাগী ইন্দিজিনাইজেসন প্লান অমা শেম্বা অমসুং অহানবা চহি অনিগী পান্দম মাইপাক্না ফংবা ঙমখিবগীদমক থাগৎপা ফোঙদোকখি।

ঙাকশেল মন্ত্রীনা ভর্চুএল ওইনা শঙ্গাখিবা আর.এফ. সীকর ফেসিলিতী অসি আর.এফ. সীকর্সকী প্রদক্সন অমসুং তেস্তিং তৌনবা ইন্তিগ্রেতেদ সেন্তর অমনি। সীকর অসি তার্গেৎ ত্রেকিং তৌনবা তুংলমচৎকী মিসন পুম্নমক্তা শীজিন্নগদবা ক্রিতিকেল অমসুং তেক্নোলোজী ইন্তেন্সিব সবসিস্তেম অমনি। ফেসিলিতী অসি লুপা করোর ৫০গী ইনভেস্তমেন্তগা লোয়ননা বি.দি.এল.না লিংখৎখি। শ্রী রাজনাথ সিংহনা বি.দি.এল.বু সীকরশিং পুথোকপা ঙম্বগী মতিক ময়াই চেনবা মালেমদা লৈরিবা অখন্নবা কম্পনী খরগী ইলাইৎ ক্লবতা চংবা ঙম্বগীদমক থাগৎপা ফোঙদোকখি। মহাক্না ফেসিলিতী অসিনা মিসাইল প্রদক্সনগী লমদা ‘আত্মনির্ভর ভারত’ ফংনবা হোৎনবদা অচৌবা থৌদাং অমা লৌরগনি হায়না থাজবা থমখি।

শ্রী রাজনাথ সিংহনা ৱারহেদ ফেসিলিতীনা ফ্যুচরিস্তিক ৱারহেদশিং শানবগী স্কোপ দাইভর্সিফাই তৌগনি অমসুং মসিনা লম অসিদা ভারতপু মরোমদোম লেপচবা ঙমহন্নবা মতেং পাংগনি হায়না থাজবা ফোঙদোকখি। ফেসিলিতী অসি শঙ্গাবগা লোয়ননা বি.দি.এল.বা মরোদোম লেপচবা ঙম্নবা মাইকৈদা খোঙথাং অমগা থাংজিনখ্রে মরমদি ফেসিলিতী অসিনা হৌজিক্কী অমসুং ফ্যুচরিস্তিক মিসাইলশিং অনিমক্কীমদক শীজিন্নরগনি।

লেপ্পা লৈতনা চাউখৎলক্লিবা তেক্নোলোজীগী মওং-মতৌ অদিদা অমসুং হোংলক্লিবা মতমগা ইরোইননা মসিনা লান শোক্নবদা মরু ওইরক্লিবা অসিগী মতাংদা মহাক্কী ৱাখল্লোন ফোঙদোক্লদুনা ঙাকশেল মন্ত্রীনা হায়খি, ইন্দিজিনস কেপাবিলিতীশিংগা লোয়ননা তেক্নোলোজীগী ওইবা লমদা অপ-তু-দেৎ ওইনা লৈবা মথৌ তাই। মহাক্না হায়খি, দিফেন্স ইক্বিপমেন্ত স্তেকহোল্দর পুম্নমক্না – আর্মদ ফোর্সশিং, বিজ্ঞানিকশিং, একাদেমিসিয়নশিং অমসুং ইন্দস্ত্রী – লেপ্তনা হোংলক্লিবা ফীভমগা চুনবা প্রদক্ত/সিস্তেমশিং দিবেলো তৌবা তাই। তেক্নোলোজী ফোর্কাস্তিং মপাঙ্গল কনখৎহনবা অমসুং কত্তিং এদজ মেন্যুফেকচরিং অমসুং তেস্তিং কেপাবিলিতীশিংদা ইনভেস্ত তৌবা হেনগৎহনবগী মথক্তা আর.এফ. সীকর ফেসিলিতী অমসুং ৱারহেদ ফেসিলিতী শঙ্গাবা অসিনা মাইকৈ অসিদা চংশিল্লিবা অচুম্বা খোঙথাং অমনি হায়না মহাক্না ফোঙদোকখি।

ঙাকশেল মন্ত্রীনা ‘নো-হাও’দগী ‘নো-হ্বাই’দা চৎলিবা দিফেন্স মেন্যুফেকচরিং ওর্গনাইজেসনশিং অমসুং একাদেমিক ইন্সতিত্যুসনশিংগী মরক্তা লোং-তর্ম পার্তনরশিপ দিবেলপ তৌবা মরু ওই হায়খি। মহাক্না হায়খি, লোং-তর্ম কোল্লাবোরেসন্না একাদেমিয়াদা মরু ওইবা তেক্নোলোজীগী সমস্যাশিং অমসুং ‘থিওরিতিকেল এনলাইসিস’তগী ‘কনভর্জন ইনতো একচুএল প্রদক্তস’ হায়বা অসিদা চংশিন্নবা আর এন্দ দি ইন্সতিত্যুসনশিংদা থবক পাইখৎহনবদা মতেং পাংলগনি। মসিনা ৱিন-ৱিনগী ফীভম অমা ওইহনগনি অমসুং লৈবাক অসিগী দিফেন্স ইকো-সিস্তেমদা শাহৌ অমা পীরগনি হায়না মহাক্না মখা তাখি।

শ্রী রাজনাথ সিংহনা বি.দি.এল.বু থর্দ জেনরেসন এন্তি-তেঙ্ক গাইদেদ মিসাইল, অমোঘাদা থবক হৌখিবগীদমক থাগৎখি। মহাক্না মখা তারদুনা হায়খি দি.পি.এস.য়ু, অসি ১৯৮০গী মতমদা মিসাইল মেন ওফ ইন্দিয়া অমসুং হান্নগী রাস্ত্রপতি দা. এ.পি.জে. অব্দুল কলামগী মখাদা হৌদোকখিবা ইন্তিগ্রেতেদ গাইদেদ মিসাইল দিবেলপমেন্তগী মরু ওইবা শরুক অমা ওইখি। “প্রোগ্রাম অসিনা ঐখোয়না মিসাইল দিবেলপমেন্তগী লমদা মপাল লৈবাকশিংগী মীপাল তাংবা হন্থহনখি অমসুং মরোমদোম লেপচনবগী মরু হুনখি। দা. কলামনা অসুম্না হায়রমখি, ‘মালেম অসিদা অকিবা হায়বা অসিগী মফম লৈতে। পাঙ্গলনা পাঙ্গলবু ইকাই খুম্নৈ’। বি.দি.এল.না দা. কলামগী মঙলানশিং মঙফাওনবা ঙম্নবা মাইকৈদা কত্থোকপা অমসুং হোৎনবা কনবগা লোয়ননা থবক তৌরি”, হায়না মহাক্না ফোঙদোকখি।

ঙাকশেল মন্ত্রীনা আর্মদ ফোর্সশিংগী মথৌ তাবশিং থুংহনবদা বি.দি.এল.না লৌরিবা মরু ওইবা থৌদাংবু থাগৎলদুনা মসিগী মাইপাকপা অসি মিলিতরীনা চাং নাইনা ইন্দিজিনস সিস্তেমশিং ইন্দক্ত তৌগনি হায়বগী খুদমনি হায়না ফোঙদোকখি। মহাক্না মখা তারদুনা হায়খি বি.দি.এল.গী তোঙান-তোঙানবা পোৎলমশিংনা হন্দক্তা লাউথোকখিবা পোজিতিব ইন্দিজিনাইজেসন লিস্ত অহুমদা মফম কনবা ঙমখি, মসিনা দেলিবরী খোঙজেল য়াংনা তৌবগী মথক্তা কম্পনীগী কেপাবিলিতীশিং হেনগৎহনগনি।

দিফেন্স সেক্তরদা লৈরিবা অপনবশিং কোকহন্নবা অমসুং ত্রান্সফোর্মেতিব রিফোর্মশিং পুরক্নবা সরকারগী লেংদ্রবা ফিরেপ অসিগী মতাংদা শ্রী রাজনাথ সিংহনা হায়খি, “ঐখোয়গী আর্মদ ফোর্সশিং অসি মপাঙ্গল কনবা, মতমগা চুনবা অমসুং মালেমগী থাক য়ৌবা ঙম্বা ওইহনবা অসিদা মীৎয়েং চংলি”। অগ্নিপথ স্কিম অসি লৈবাক্কী, আর্মদ ফোর্সশিং অমসুং নহারোলশিংগী য়েংলগা পুরকপা রিভোল্যুস্নরী রিফোর্ম অমনি হায়না মহাক্না ফোঙদোকখি। “ঐখোয়না লৈবাক কয়াগী দিফেন্স সিস্তেমশিংগী মতাংদা নৈনখি অমসুং ঐখোয়গী গ্রাউন্দ রিএলিতীশিংগা লোয়ননা ফংলকখিবা ফাইন্দিংশিংগা চুনবা মওংদা ঐখোয়গী প্লান শেমখি। ইন্দিয়ন এয়র ফোর্সনা অগ্নিপথ স্কিমগী মখাদা এপ্লিকেসন কয়া লাকখি। চপ মান্নবা মওংদা অতোপ্পা সর্ভিসশিংদসু লাকপা পাম্মি। ঐখোয়গী নহারোলশিংনা মাংদা থোরক্তুনা লৈবাক্কী শেবা তৌনবা ফজরবা খুদোংচাবা অসিগী কান্নবা লৌহৌ,” হায়না মহাক্না ফোঙদোকখি।

ঙাকশেল মন্ত্রীনা চীফ ওফ দিফেন্স স্তাফকী পোস্ত হাংদোকপা, দিপার্তমেন্ত ওফ মিলিতরী এফিয়র্স লিংখৎপা, দিফেন্স প্রদক্সন্দা প্রাইবেৎ সেক্তরনা শরুক য়াবা হেনগৎহনবা অমসুং দিফেন্স এক্সিলেন্স (আই.দি.ই.এক্স) থৌশিলগীদমক ইনোভেসন লোঞ্চ তৌবা অসিগুম্বা অতোপ্পা রিফোর্ম খরগী মতাংদা পনখি। মহাক্না স্তেকহোল্দর পুম্নমক্তা মখোয়না শেম-শাবা, আর এন্দ দিদা হেন্না ইনভেস্ত তৌবা অমসুং ইন্তর্নেস্নেল মার্কেৎ এক্সপ্লোর তৌবা হেনগৎহন্নবা হায়খি। মহাক্না ঙাকশেল মন্ত্রালয়না বি.দি.এল.গী অঙম্বা মতেং পাংগনি হায়খি।

থৌরম অসিদা বি.দি.এল.গী বিসখাপতনম য়ুনিৎকী সেন্ত্রেল স্তোরেজ ফেসিলিতীসু শ্রী রাজনাথ সিংহনা ভর্চুএল ওইনা শঙ্গাখি। স্তেৎ-ওফ-দি-আর্ত ফেসলিতী অসিদা ভর্তিকেল কারোজল সিস্তেম, মেকানিকেল কম্পেক্তর অমসুং মোতোরাইজ কম্পেক্তর য়াওবা মোদর্ন স্তোরেজ সিস্তেম অসিনা য়ুনিৎকী অপুনবা স্তোরেজকী মথৌ তৌবা থুংহনবা ঙমগনি। লুপা করোর ৪.৯০গী ইনভেস্তমেন্তগা লোয়ননা ফেসিলিতী অসি শাখি।

ঙাকশেল মন্ত্রীনা বি.দি.এল.না মাগী কোর্পোরেৎ সোসিএল রেস্পোন্সিবিলিতী ইনিসিএতিবকী শরুক ওইনা ৱেস্ত গোদাবরী দিস্ত্রিক্ততা লৈবা মিলিতরী মধাভরম ভিলেজতা শাখিবা ইনফ্রাস্ত্রকচর ফেসিলিতীশিং (মলতিপর্পজ কম্ম্যুনিতী হোল, জিম্নাসিয়ম, গভর্নমেন্ত জুনিয়র কোলেজকী সাইন্স লেব, জিলা পরিশদ স্কদা অহেনবা ক্লাসরুম মাপল, ইলিমেন্তরী স্কুলদা অহেনবা ক্লাস রুম অনি) ভর্চুএল ওইনা শঙ্গাখি। মধাভরম ভিলেজ অসি আর্মদ ফোর্সেসতা মীওই কয়ানা চংখিবনা মরম ওইদুনা ‘মিলিতরী মধাভরম’ হায়না খঙনবা তেদেপালিগুদেমগী মনাক্তা লৈ। বি.দি.এল.না দি.পি.এস.য়ু. অমা ওইনা খুঙ্গং অসি মখোয়গী সি.এস.আর.গী শরুক ওইনা লৌখি অমসুং লুপা করোর ৪.৫ চংনা ইনফ্রাস্ত্রকচর অসি শেমগৎখি।

জাতিগী মপা হায়না খঙনরিবা মহাত্মা গান্ধীগী মীতম অমসু শ্রী রাজনাথ সিংহনা বি.দি.এল. প্রিমাইজতা মাইখুম হাংদোকখি। থৌরম অসিদা সি.এম.দি. বি.দি.এল. কম্মোদোর সিদ্ধার্থ মিশ্রা (রিতায়র্দ) অমসুং ঙাকশেল মন্ত্রালয়গী সিনিয়র সিভিল অমসুং মিলিতরী ওফিসিএলশিংনা শরুক য়াখি।

*****