নিতি আয়োগনা কোবিদ-১৯ লাইচৎ শন্দোরকপা লাকশিন্নবা অমসুং য়েংশিন্নবা ভারতকী রাজ্য অমসুং য়ুনিয়ন তেরিতোরীশিংনা পাইখৎপা তোঙান-তোঙানবা আয়ুশতা য়ুম্ফম ওইবা থৌশিল অমসুং প্রেক্তিসশিংগী মরমদা অকুপ্পা মরোল পীরিবা রাজ্য অমসুং য়ুনিয়ন তেরিতোরীশিংগী আয়ুশতা য়ুম্ফম ওইবা প্রেক্তিসশিংগী কম্পেন্দিয়ম অমা ফোঙখ্রে।

কম্পেন্দিয় অসি নিতি আয়োগকী ভাইস-চিয়রমেন শ্রী সুমন বেরী অমসুং আয়ুশ অমসুং দবল্যু.সি.দি.গী রাজ্য মন্ত্রী, দা. মুঞ্জপরা মহেন্দ্রভাইস কালুভাইনা ফোঙখি। থৌরম অসিদা নিতি আয়োগকী মেম্বর (হেল্থ) দা. ভি.কে. পোল অমসুং নিতি আয়োগ অমদি আয়ুশ মন্ত্রালয়গী ওফিসিএলশিংনা শরুক য়াখি।

ইং কুমজা ২০২০দগী হৌনা মালেম্না কোবিদ-১৯গী মওংদা অমুক্তা থোকখিদ্রিবা পব্লিক হেল্থ ক্রাইসিস অমা মায়োক্নদুনা লাকখি। রাজ্য অমসুং য়ুনিয়ন তেরিতোরীশিংনা ভারত্তা কোবিদ-১৯ লাইচৎ লাকশিনবদা কেন্দ্র সরকারগী চপ মান্নবা খোঙলোই অমা ওইখি। রাজ্য/য়ু.তি.শিংগী আয়ুশ বিভাগশিংনা কোবিদ-১৯গী মায়োক্তা ভারতনা লান্থেংনরিবা অসি মপাঙ্গল কনখৎহন্নবা রাজ্যগী হকশেল বিভাগশিংগা খুৎশম্নখি। ক্রেদিবিলিতীনা য়ুম্ফম ওইবা আয়ুন হেন্না বিজিবিলিতী লৈরকখি অমসুং মোমেন্তম অসি মখা চত্থবা মথৌ তাখি।

“কোবিদ-১৯ শন্দোরকপগী লুরবা তানফমদা মীয়ামদা কান্নবা ফংহন্দুনা জাতি অমদি রাজ্যগী থাক্তা আয়ুশকী প্রেক্তিসশিং করম্না ইমপ্লিমেন্ত তৌখিবগে হায়বদগী তমশিনবা য়াবা লৌশিনহৌবা অসি মরু ওই। কম্পেন্দিয়ম অসিনা আয়ুশকী রিসোর্সশিং অমসুং ইন্তর্ভেন্সনশিং শীজিন্নদুনা কোবিদ-১৯গী মায়োক্তা লৈবাক অসিনা লান্থেংনরিবা অসি মপাঙ্গল কনখৎহন্নবা ভারতকী রাজ্য অমসুং য়ু.তি. কয়ামরুমনা লৌখৎখিবা প্রেক্তিসশিং অদুদা মীৎয়েং থম্লিবা ই-পাউশিং পীরি। দোক্যুমেন্ত অসিনা ত্রেদিস্নেল মেদিসিন সিস্তেমশিংগী অফবা নেৎৱার্ক লৈবা অতোপ্পা লৈবাকশিংগী স্তেকহোল্দরশিংগীদমক কান্নরবা লৌশিংগী রিসোর্স অমা ওইরগনি। মসিনা ঐখোয়না কোবিদ-১৯, অতোপ্পা ইপিদেমিক অমসুং তুংদা থেংনবা লাইচৎশিং লান্থেংনবদা চাউনা মতেং ওইরগনি,” হায়না নিতি আয়োগকী চিয়রমেন শ্রী সুমন বেরীনা মহাক্কী পাউজেলদা ফোঙদোকখি।

“ভারত্তা কন্তেম্পোররী মেদিসিন সিস্তেমগা লোয়ননা আয়ুশ সিস্তেমশিংনা কোবিদ-১৯ লাইচৎনা থোকহনবা হেল্থ ক্রাইসিস লাকশিনবদা তোঙান-তোঙানবা হীরমদা এক্তিব রোল লৌখি। ত্রেদিস্নেল অমসুং কনভেন্সনেল হেল্থকিয়র সিস্তেমশিংগী অপুনবা খোঙথাংশিংনা হোলিস্তিক হেল্থকিয়র সিস্তেম মোদেল অমা পীদুনা মালেমগীদমক লম্বী য়াৎলগনি হায়না ঐহাক্না থাজৈ,” হায়না কম্পেন্দিয়ম অসি ফোঙবদা আয়ুশকী রাজ্য মন্ত্রী মুঞ্জপরা মহেন্দ্রভাই কালুভাইনা ফোঙদোকখি।

নিতি আয়োগকী মেম্বর দা. ভি.কে. পোলনা মহাক্কী পাউজেলদা হায়খি, “কম্পেন্দিয়ম অসিদা দোক্যুমেন্ত তৌরিবা প্রেক্তিসশিং অসিনা তুংদা লাইচৎ অমা হেক্তা থোরকপা লাকশিন্নবা কান্নরগনি অমসুং মসিনা হেল্থ এক্সনগী ইন্তিগ্রেতিব এপ্রোচকী মোদেল ওইনা মথৌ তৌরগনি”।

আয়ুশতা য়ুম্ফম ওইবা প্রেক্তিসশিংগী কম্পেন্দিয়ম অসি শেম্বদা নিতি আয়োগনা রাজ্যগী সরকার পুম্নমক অমসুং য়ুনিয়ন তেরিতোরীশিংগী এদমিনিস্ত্রেসনশিংদা কোবিদ-১৯গী মিতিগেসন অমসুং মেনেজমেন্তদা মখোয়না পাইখৎখিবা আয়ুশকী প্রেক্তিসশিং অদু শিয়র তৌরক্নবা হায়জখি।

কম্পেন্দিয়ম অসিদা য়াওরিবা প্রেক্তিসশিং অসি সেক্সন মঙা থোক্না খাইদোকপা য়াই: (i) দরাজ্য/য়ু.তি.শিংনা পাইখৎপা প্রেক্তিসশিংগী শমলপ্পা ৱারোল অমসুং পান্দমশিং(ii) আয়ুশ হ্যুমেন রিসোর্স অমসুং ইনফ্রাস্ত্রকচর (iii) ইন্তর্ভেন্সন অমসুং ইনিসিএতিবশিং (iv) দিজিতেল প্লেৎফোর্ম অমসুং তেলি-মেদিসিন (v) থোকখিবা নত্ত্রগা কোকহনখিবা সমস্যশিং। কম্পেন্দিয়ম অসিদা ভারত সরকারগী আয়ুশ মন্ত্রালয়গী গাইদলাইন অমসুং ইনিসিএতিবশিংগী অতেনবা ৱারোল অমসু য়াওখি।

রিপোর্তনা লৈবাক অসিগী ত্রেদিস্নেল হেল্থকিয়র সিস্তেমশিং মখা তানা মপাঙ্গল কনখৎহনবা মথৌ তাই তাকখি। মোদর্ন সিস্তেমগা লোয়ননা ইভিদেন্স-বেজ আয়ুশ সর্ভিসশিং ইন্তিগ্রেসন তৌবনা ভারতকী হেল্থকিয়র সিস্তেম চাউনা মপাঙ্গল কনখৎহনবা ঙম্বগী মতিক-ময়াই লৈ।

মপুং ফাবা দোক্যুমেন্ত মসিদা ফংগনি:

***