কেন্দ্রগী  সাইন্স অমসুং তেক্নোলজীগী রাজ্য মন্ত্রী (ইন্দিপেন্দেন্ত চার্জ); অর্থ সাইন্সকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা ঙসি ৪৮শুবা এদভান্স প্রোফেস্নেল প্রোগ্রাম ওন পব্লিক এদমিনিস্ত্রেশন (এ.পি.পি.পি.এ.)গী পার্তিসিপেন্তশিংদা ময়ামগী ওইবা ওইবা সোল্যুশনশিং অমসুং হেন্না ফবা আউৎকমশিং পীনবগীদমক্তা “হোল ওফ গোবর্নেমেন্ত এপ্রোচ”কা লোইননা থবক তৌবগী কলচর অমা দেবেলপ তৌনবা হায়খ্রে।

ইন্দিয়ন ইন্সতিত্যুত ওফ পব্লিক এদিনিস্ত্রেশন (আই.আই.পি.এ.)গি চেয়রমেনসু ওইরিবা মন্ত্রী অসিনা আই.আই.পি.এ.গী হেন্না ইন্তিগ্রেতদ ওইবা, হোলিস্তিক ওইবা অমসুং সীনর্জাইজ তৌরবা এপ্রোচ অসিনা মখোয়না পাংথোকপা ত্রেনিং প্রোগ্রামশিংগী মশক-মগুন তাক্লি, মসিনা তোঙান-তোঙান মখলগী শিনফম, থাক কয়াদগী পার্তিসিপেন্তশিংদা কান্নহল্লি হায়না হায়খি। দা. জিতেন্দ্র সিংনা আই.আই.পি.এ.গী অনৌবা কনফরেন্স হোল অমসু শঙ্গাখি।

ইন্দিয়ন ইন্সতিত্যুত ওফ পব্লিক এদিনিস্ত্রেশন (আই.আই.পি.এ.)গী চেয়রমেনসু ওইরিবা, দা. জিতেন্দ্র সিংনা ঙসি নই দিল্লীদা ৪৮শুবা এদভান্স প্রোফেস্নেল প্রোগ্রাম ওন পব্লিক এদমিনিস্ত্রেশন (এ.পি.পি.পি.এ.)গী হৌদোকপগী থৌরমদা ৱা ঙাংবা মতমদা ভারতনা অনৌবা আইদিয়াশিং, চাউখৎ-খোংথাংগী ওইবা ৱাখল্লোন অমসুং মীয়ামগী ওইবা মওংদা কান্নগদবা ফিরেপশিং লৌনবগীদমক্তা শেম-শারবা, শ্রী নরেন্দ্র মোদীগুম্বা প্রধান মন্ত্রী অমা লৈবা অসি য়াম্না লাইবক ফবনি হায়না মহাক্না হায়খি।

দা. জিতেন্দ্র সিংনা এ.পি.পি.এ.গী কোর্স অসিনা অহোংবা লাকখিবা অমসুং সরকারগী মরু ওইবা অনৌবা খোংথাংশিং নত্তনা আত্মানির্ভর ভারত আমসুং মিসন কর্ময়োগিগুম্বা অনৌবা হীরমশিং অসি মসিদা য়াওখি। সাইলোশিংদা থবক তৌবগী মতম অদু লোইরে অমসুং লৈবাক অসিগী মন্ত্রালয়শিং/দিপার্তমেন্তশিংগী মরক্তা খুৎশম্ননা অমসুং অমত্তা ওইনা থবক তৌবা তঙাইফদবা লৈ হায়না মহাক্না হায়খি। মসিনা ওফিসরশিংবু সোসিয়ো-ইকোনোমিক স্কিম কয়া অমবু হেন্না নিংথিনা খংবদা অমসুং মপুং ফানা খঙবদা মতেং পাংগনি হায়না মহাক্না হায়খি।

দা. জিতেন্দ্র সিংনা ‘মিনিম গোবর্নমেন্ত, মেক্সিমম গোবর্নেন্স’কী প্রধান মন্ত্রী নরেন্দ্র মোদী পীবা মন্ত্র অদুবু অমুক হন্না পনখি অমসুং সরকার আসিনা মরু ওইবা এদমিনিস্ত্রেতিবকী ওইবা ৱারেপশিং লৌবগী মতাংদা শেম-শাদুনা লৈ হায়না পনখি। কেন্দ্র সরকারগী দিপার্তমেন্তশিংদা কর্মচারি ৮,০০০ মুক্কী মাস প্রোমোশনগীদমক্তা থবক-থৌরমশিং পাইখৎখ্রে হায়না মহাক্না হায়খি।

প্রধান মন্ত্রী, নরেন্দ্র মোদীনা ২০১৪গী মেদগী ফম হেক পাইবা হৌবদগী ৱার্ক কলচরদা য়াম্না শাথিনা অমসুং মীৎনা উবা ফংবা অহোংবা কয়া অদুবু পল্লদুনা, দা. জিতেন্দ্র সিংনা ময়ামদগী তোঙানবা, তোপ-তোপ্পা ৱারেপ কয়া অমা তাক্লকখি খুদম ওইনা হান্নগী অরিবা চৎনবীশিং থাদোকপা। মহাক্না দি.ও.পি..তি.গী অনৌবা খোংথাং “প্রশান গাওন কি ওর”গী মতাংদা পনখি, হায়রিবা অসি গ্রাউন্দ লেভেলদা এদমিনিস্ত্রেশন অমসুং সর্বিসশিং পুনবা দিস্ত্রিক্ত দেবেলপমেন্ত ইন্দেক্স প্রোগ্রামদা য়ুমফম ওই।

দিফেন্স ফোর্স অমসুং সিভিল সর্বিসশিংগী ওফিসর পুন্না ৩৭না ২০২৩গী এপ্রিল ২৮দা লোইগদবা থা ১০ শাংবা ৪৮শুবা এ.পি.পি.এ. অসিদা শরুক য়ারগনি।

এ.পি.পি.এ. কোর্স অসি ১৯৭৫দা হৌদোকখি অমসুং মসি মিদল-লেভেল সিভিল সর্বেন্তশিং অমসুং দিফেন্স ফোর্স ওফিসরশিংগীদমক্তা দিজান তৌবা মিদ-করিয়র ত্রেনিং সেগমেন্ততা অসিগুম্বা মখলগী খ্বাইদগী অহানবা ওইখি। হৌজিক ফাওবদআ মসিগী কোর্স অসি চাউরাক্না ওফিসর ১৬০০ মুক্না শরুক য়াখ্রে অমসুং মসিগী প্রোগ্রাম অসি আই.আই.পি.এ.গী খ্বাইদগী মরু ওইবা প্রোগ্রাম ওইদুনা লাকখি।

এ.পি.পি.এ.না মিদল লেভেল ওফিসরশিংবু হেন্না মথৌ মশক খঙবা লুচিংবা অমসুং ৱারেপ লৌবা ঙম্বা ফমশিংগীদমক্তা শেম্নবগীদমক্তা মখোয়দা কান্নবা হীরম কয়া অমদা থবক তৌই। মসিদা মখল-মখা কয়াগী মোদ্যুলশিং খুদম ওইনা পব্লিক এদমিনিস্ত্রেশন, ফাইনান্স, দিজিতেল গোব্রনেন্স, সাইবর সেক্যুরিতী, এগ্রিকলচর ইকোনোমিক্স, অর্বান গোবর্নেন্স অমসুং কঞ্জুমর প্রোতেক্সনদগীনা এনভাইরনমেন্ত অমসুং ক্লাইমেত চেঞ্জ অমসুং সোসিয়েল সীস্তেমশিং য়াওরি।

আই.আই.পি.এ.গী দাইরেক্তর জেনরেল, এস.এন. ত্রিপাথি, আই.আই.পি.এ.ঘী রেজিস্ত্রার, অমিতাব রঞ্জন, কোর্স দাইরেক্তর, এন. অলোক অমসুং এসিস্তেন্ত কোর্স দাইরেক্তর (এ.পি.পি.এ.গী), সুকুমারি কুসুম লতা অমসুং আই.আই.পি.এ.গী ওফিসরশিং অমসুং ৪৮শুবা এ.পি.পি.এ. কোর্সকী পার্তিসিপেন্তশিংনা হৌদোকপগী থৌরম অদুদা শরুক য়াখি।

*****