কেন্দ্রগী লৌউ-শিংউ অমসুং লৌমীশিংগী য়াইফ য়ুম্বাল মন্ত্রী, শ্রী নরেন্দ্র সিংহ তোমারনা ঙসি হরিয়ানাগী কর্নালদা লৈবা নেস্নেল দাইরী ইন্সতিত্যুৎ (এন.দি.আর.আই.)কী চহি ১০০ মপুং ফারকপগী হরাওবা ফোংদোকপগী থৌরম হৌদোকখ্রে। থৌরম অসিদা শ্রী তোমারনা ৱা ঙাঙবদা লৌউ-শিংউ পোত্থোক খ্বাইদগী য়াম্বগী মতাংদা ভারতনা মালেমগী মঙাশুবা থাক্তা লৈ, অমসুং মসিগুম্বা ফিভমদা লৈবনা, পোত্থোকশিংগী মগুন ঙাকপা হায়বসি হেন্না মরু ওইরে হায়না ফোংদোকখি।

“ভারতনা শঙ্গোম পুথোকপগী হীরমদসু মকোক্তা লৈরিবনি, অদুবু ঐখোয়না হোৎনবা লেপ্তবগী মথৌ তাই। অসিগুম্লবা চাউনা মায় পাক্লিবা অসিদা ঐখোয়গী লৌমীশিংগী হোৎনবা কনবা অমসুং সাইন্তিস্তশিংনা পাংথোক্লিবা রিসর্চশিং অসিনা মমাংদা ওইরমদবা মওংদা তেংবাংলি। লৈবাক অসিদা ঙসিদি রিসোর্স মখল খুদিং অমসুং সাইন্তিফিক ওইবা লৈশিং খুদিংমক লৈরে। অসিগুম্বা তাঞ্জা অসিদদি অথুবা মতমদা চাউখৎফম থোকই, মসিগীদমক্তা চহি তরাগী পান্দম থমগদবনি অমসুং শিংনবা কয়াগী ৱারোইশিন লেপ্তনা পুরক্কদবনি”, হায়না মহাক্না হায়খি।

এন.দি.আর.আই.গী ওদিতোরিয়মদা তিল্লিবা ফেকলতী, ইমপ্লোয়ী, মহৈরোই অমসুং লৌমীশিংগী মফমদা থৌরম অসিগী ময়াই তাংবল লৌরিবা কেন্দ্র মন্ত্রী, শ্রী তোমারনা ৱা ঙাঙবদা লৌউ-শিংউগী হীরমদা, লৌরোক খক্তা নত্তনা, এনিমেল হসবেন্দরীবুসু চপ মান্নবা মরু ওইবগা লোয়ননা য়েংফম থোকই অমসুং মসিনা ঐখোয়গী চৎনবীগী শরুক অমা ওইদুনা লাক্লবনি হায়না ফোংদোকখি।

“এনিমেল হসবেন্দরী লমদা রিসর্চ পাংথোকপগা লৌউ-শিংউগী লমদা রিসর্চ পাংথোকপগা মরু ওইবা চপ মান্নৈ, মসিনা মরম ওইরগা এন.দি.আর.আই. লিংখৎখিবনি। লৌউ-শিংউগী লমদা রিসর্চ তৌরিবা সাইন্তিস্তশিংনা মখোয়গী খ্বাইদগী অফবা থৌওং পাংথোকপগুম্না এনিমেল হসবেন্দরীগা মরী লৈনবা সাইন্তিস্তশিংসু মান্নবা থৌওং অমগুম্না তোঙানবা রিসর্চ কয়া পাংথোক্লি। মখোয়শিং অসিনা ঙসিদি ঐখোয়গী লৈবাক অসিদা কান্নবা কয়া পীরি”, হায়না মহাক্না হায়খি।

নীংতম্বগী অমৃত মহোৎসবকী থৌরমসিদা প্রধান মন্ত্রী, শ্রী নরেন্দ্র মোদীনা মীয়ামগী য়াইফ য়ুম্বালগীদমক্তা প্রোগ্রাম কয়া মীয়ামদা খুৎশিন্নখি, অমসুং মসিগী খুদম অমা হায়রগদি অমৃত সরোবর (পুখ্রি)নি হায়না শ্রী তোমারনা হায়খি।

“প্রধান মন্ত্রীগী খোল্লাওগী মতুং ইন্না, লৈবাক্কী জিলা খুদিংদা অমৃত সরোবর ৭৫/৭৫ শেমগৎলি। শ্রী মোদীনা মালেম পুম্বগী মফমদা য়োগগী মতাংদা তাকখি, মসিনা মরম ওইদুনা চহিগী জুন ২১ খুদিংদা মালেমগী য়োগ নুমিৎ হৌদোকখি অমসুং হন্দক্কী চহিদসু, কেন্দ্র মন্ত্রালয় ৭৫না স্পিরিচুএল অমসুং পুৱারী ওইবা লৈবাক্কী মশক নাইবা মফম ৭৫দা য়োগ নুমিৎ পাংথোকখি”, হায়না মহাক্না হায়খি।

ইং ১৯২৩দা লিংখৎখিবা এন.দি.আর.আই.না ঙসিদি মহৈ তম্বীবা, রিসর্চ অমসুং এক্সতেন্সন এজুকেসনগী লমদা মকোক থোংবা ইন্সতিত্যুসন অমা ওইরে হায়না শ্রী তোমারনা হায়খি। এন.দি.আর.আই.না ফংখিবা মায় পাকপা কয়ানা মরম ওইরগা মসিনা লৈবাক্কী তোপ-তোপ্পা ইন্সতিত্যুসন অমা ওইরিবনি হায়না মহাক্না হায়খি। শ্রী তোমারনা আই.সি.এ.আর. খুদিংদা এন.দি.আর.আই.গী ১০০শুবা চহিসিদা মপুং ফানা তেংবাংননবা হায়খি। এন.দি.আর.আই.না মখোয়গী ১০০শুবা চহিসিদা লৈবাক্কী খুঙ্গং ১০০ কোনগদবনি অমসুং এনিমেল হসবেন্দরীবু চাউখৎহনগদবনি, মদুগী মতুংদা, হায়রিবা খুঙ্গংশিং অসিনা মনাক নকপা অতোপ্পা খুঙ্গংশিংদা অমুক শন্দোক্কনি হায়না মহাক্না হায়খি।

শ্রী তোমারনা ঙসিগী থৌরমসিদা এন.দি.আর.আই.গী মায় পাকপগী লাইরিক অমা অমসুং সেন্তিনরী লোগো ফোঙখি। রিসর্চ দিবিজন, সপ্পোর্ত সেক্সন, এদমিনিস্ত্রেসন অমসুং ফাইনান্স সেক্সনগী বেস্ত ইমপ্লোয়ীগী মনাসু মহাক্না লান্থোকখি। দি.এ.আর.ই.গী দাইরেক্তর অমসুং আই.সি.এ.আর.গী দাইরেক্তর জেনেরেল, দাঃ ত্রিলোচন মোহাপাত্রানা থৌরম অসিদা ভর্চুএলগী খুত্থাংদা শরুক য়াখি অমসুং এন.দি.আর.আই. তিম্বু থাগৎখি। এন.দি.আর.আই.গী দাইরেক্তর, দাঃ এম.এস. চৌহান অমসুং অতোপ্পা সেনিয়র ওফিসর, মহৈরোই অমসুং লৌমীশিংনা থৌরম অসিদা শরুক য়াখি।

থৌরম অসিগী মমাংদা, শ্রী তোমারনা অতোপ্পা দিগ্নিতরীশিংগা লোয়ননা উ-চারা থাখি অমসুং ওক্সীজেন পার্ক শঙ্গাখি। মহাক্না লাইবস্তোক রিসর্চ সেন্তর, এনিমেল বাইওতেক সেন্তর অমসুং রিফরেল লেবোরেতরীদা চৎখি অমসুং ইন্সতিত্যুৎ অসিনা চহি ১০০দা ফংখিবা মায় পাকপা কয়াদা য়ুম্ফম ওইবা সেন্তিনরী কম্মেমোরেতিব পিল্লরসু শঙ্গাখি।

*****

(Release ID: 1838740) Visitor Counter : 110