কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী, শ্রী নরেন্দ্র সিং তোমার ঙসি সেন্ত্রেল ইনস্তিত্যুত ওফ হোর্তিকল্চর, নাগালেন্দদা চৎখ্রে অমসুং লৌমীশিংগী ওইবা ৱর্কশোপ অমসুং এক্সিবিসন হৌদোকখ্রে। থৌরম অসিদা ৱা ঙাংবদা, শ্রী তোমারনা কেন্দ্র অমসুং রাজ্য অনিনা নাগালেন্দ য়াওনা অৱাং নোংপোক পুম্বগী চাউখৎনবগীদমক পুন্না থবক পাংথোক্লি হায়না কেন্দ্রগী  লৌউ-শিংউগী মন্ত্রী অসিনা হায়খি।

"প্রধান মন্ত্রী, শ্রী নরেন্দ্র মোদীনা ময়াম পুন্না অমসুং চপ মান্ননা চাওখৎপা অমসুং সরকারগী স্কীমশিং অসি য়াওনা গ্রাসরুত লেভেলদা লৈবা মতিক চাবা মীওইশিংনা ফংদুনা, মখোয়গী পুনশি মহিংদা অহোংবা পুরকপা পামী। মসিগীদমক কেন্দ্র সরকারনা খোংফম চেৎনা, অচেৎপা ফিরেপ অমগা লোইননা থবক পাংথোক্লি অমসুং তুংদসু লেপ্তনা পাংথোক্কনি। অৱাং নোংপোক্কী চাউখৎনবগীদমক কেন্দ্রগী সরকারনা রাজ্যশিংগা খোংথাং অমমম তৌদুনা অমসুং লেং মান্ননা লেপ্তনা থবক পাংথোক্লি। লৈবাক অসিগী লৌমীশিংগা লোয়না-লোয়ননা অৱাং নোংপোক্কী লৌমীশিংগী কান্ননবগীদমক এগ্রিকল্চরবু এদাভন্স ফার্মিংদা ওন্থোকপসি তঙাইফদ্রবনি" হায়না মহাক্না হায়খি।

 

সেন্ত্রেল ইনস্তিত্যুত ওফ হোর্তিকল্চর (মেদ্জিফেমা, দিমাপুর,) না সিন্বা থৌরম অসিদা, চিফ গেস্ত, শ্রী তোমারনা করিগুম্বা সেন্তর অমসুং রাজ্য অনিনা পুল্লগা থবক পাংথোক্লবদি মদুদগী ফংলকপা রিসল্ত অদু শোয়দনা ফগনি অমসুং মসিমক্নি হৌজিকসু ওয়রিবসিসু হায়না হায়খি। শ্রী তোমারনা প্রোদক্সন অমসুং প্রোদক্তিভিতিদা মরু ওইবা থমদুনা এগ্রিকল্চরগী হিরমদা থবক তৌরিবা ইচিন ইনাওশিংগী ইনমশু হেনগৎকদবনি, মসিগীদমক মখোয়না শেন্থোক লৈগদবা মহৈ-মরোংশিংদা ওন্থগদবনি, তেক্নোলোজিগী মতেং লৌগদবনি, আর. এন্দ দি. ইনস্তিত্যুসনশিংগী খুথাংদা লৌমীশিংদা অনৌবা তেক্নোলোজীশিং য়ৌহনগদবনি, লৌমীশিংনা সাইন্তিফিক রিসর্চকী অমসুং সরকারগী ফন্দিংশিংগী কান্নবা ফংগদবনি" হায়না মহাক্না হায়খি। শ্রী মোদীগী লুচিংবগী মখাদা কেন্দ্রগী সরকারনা রাজ্য সরকারশিংগা খুৎসম্নদুনা হিরমশিং অসিদা চেৎনা থৌ পাংথোক্লি" হায়না মহাক্না হায়খি।

শ্রী তোমারনা লমদম অসিগী লৌমীশিংনা হোর্তিকলচর চাউখৎহনবদা অনৌবা য়াওল অমা পুরক্নবা লমজিংলগনি হায়না থাজবা থম্লি। “নোর্থ-ইস্ত রিজন অসি অথাপ্পা মফম অমা ওইবনা মতম শাংনদগী থৌওইবীদনা লৈরক্লবনি, মফম অসিদা স্কীমশিং অসিগী কান্নবশিং ফংবদা য়াম্না ৱাই, অদুবু শ্রী মোদীনা প্রধান মন্ত্রী ওইরবা মতুংদা মহাক্না নোর্থ-ইস্তকী চাউখৎ-থৌরাংগীদমক্তা শেন্থংশিং মরাং কাইনা ফংহন্নবা মিৎয়েং চংখি, কেন্দ্রগী মন্ত্রীশিংনা লমদম অসিদা য়াম্না তোইনা শোইদনা চৎনবা শিনখি, প্রধান মন্ত্রী শামক্নসু লমদম অসিদা লৈরিবা প্রোব্লেমশিং অদুবু ভারত সরকারনা লেপ্তনা কোকহন্নবগীদমক্তা কয়ারক হন্না লাকখি,” হায়না মহাক্না হায়খি।

শ্রী তোমারনা সেন্ত্রেল হোর্তিকলচর ইনস্তিত্যুত অসি মফম অসিদা লৈগনি, অতোপ্পা মফম অমত্তদআ হোংদোক্লোই, মসিগীদমক্তা শেন্ধংগী অৱাৎপা লৈরোই অমসুং কেন্দ্র সরকারনা মসিগী চাউখৎ-থৌরাংগীদমক্তা তৌবা ঙম্বা পুম্নমক তৌগনি হায়না থাজবা পীরকখি।

শ্রী তোমারনা হায়খি মদুদি নোর্থ-ইস্ত রিজনদা লৈরিবা জিয়োগ্রাফিকেল ভেরিয়েশনশিং য়াম্না পাক শন্না লৈবগা লোইননা এগ্রো-ক্লাইমেতিক জোন ৬ লৈবনা মরম ওইরগা অমসুং মরু ওইনা নাগালেন্দদা অতোপ্পা রাজ্যশিংগা চাংদম্নবদা হোর্তিকলচরগী মহৈ-মরোংশিং থাবগী স্কোপ অমসুং খুদোংচাবা পীনবগী পোতেন্সিয়েল য়াম্না ৱাংনা লৈ।

“ওইথোকপা য়াবা কয়া অমা য়াম্না চাউনা লৈ। নাগালেন্দসু সোউথ-ইস্ত এসিয়ন লৈবাকশিংগা য়াম্না নক্নবা ওইবনা মখোয়গী লৌউ-শিংউগী পোত্থোকশিং অদু এক্সপোর্ত তৌবগী পোতেন্সিয়েল য়াম্না ৱাংনা লৈ, প্রোদক্তিবিতী হেনগৎহনবা অসি য়াম্না তঙাইফদে অমসুং লৌউ-শিংউগী পোত্থোকশিং অদু মালেমগী থাক্তা ক্বালিতী লৈহনগদবনি। মরম অদুনা, লৌমীশিংনা মমল মতিক চানা ফংগনি অমসুং মখোয়গী শেল-থুমগী ফিভম অদু ফগৎলগনি অমসুং এগ্রিকলচর সেক্তরনসু লৈবাক অসিগী জি.দি.পি.দা হেন্না শরুক য়াগনি,” হায়না মহাক্না হায়খি।

শ্রী তোমারনা হায়খি মদুদি মীপুম খুদিংমক্না লৌমীশিংদা অহোংবা মমলদা লৌমিঈসংদা অনৌবা তেক্নোলোজী ফংহন্নবা ময়াম পুন্না হোৎনরি হায়না হায়খি, মহাক্না ইনস্তইত্যুত অমসুং রাজ্য সরকারনা মসিগী মাইকৈ অসিদা হোৎনরিবশিং অদুগীদমক্তা থাগৎখি।

 

নাগালেন্দগী লৌউ-শিংউ মন্ত্রী, শ্রী জি. কাইতোনা মীতিন অদুদা ৱা ঙাংখি অমসুং রাজ্য অসিদা লৌউ-শিংউগী চাউখৎ-খোংথাংগী মতাংদা ঙাংখি। কেন্দ্রগী হোর্তিকলচরগী কমিস্নর, দা. প্রাভত কুমারনা ৱেলকম এদ্রেস পীখি। সেন্ত্রেল এগ্রিকলচরেল য়ুনিভর্সিতী, ইমফালগী ভাইস চান্সেলর, দা. অনুপম মিশ্রা, ইন্সতিত্যুত অসিগী দাইরেক্তর অমসুং কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী েদিস্নেল কমিস্নর (হোর্তিকলচর), দা. এন.কে. পত্লেনা কেন্দ্র অমসুং রাজ্য সরকারগী সেনিয়র ওফিসিয়েলশিং, লৌমীশিং অমসুং এফ.পি.ও.শিংগী মীহুৎশিং অমসুং এন্ত্রপ্রেনরশিংনা থৌরম অদুদা শরুক য়াখিবা দিগ্নিতরীশিংগী মরক্তা য়াওখি।

*****

(Release ID: 1838361) Visitor Counter : 78