শঙ্গাখিবগী থা ২ শুরকপা ফাওবদা ভারত অমসুং মালেম শিনবা থুংবদগী বিজিতর লিশিং ৫০ হেনবনা প্রধানমন্ত্রী সংগ্রহালয়দা লাকখি। মীয়ামগীদমক ২০২২গী এপ্রিল ২২দা হাংদোকখিবা প্রধানমন্ত্রী সংগ্রহালয় অসিনা অফবা রেস্পোন্স ফংবা ঙমলি।

থা অনিগী মনুংদা সংগ্রহালয় অসিদা ভারতকী রাস্ত্রপতি শ্রী রাম নাথ কোবিন্দ; উপ-রাস্ত্রপতি, শ্রী এম. বেঙ্কাইয়া নাইদু; চীফ জস্তিস ওফ ইন্দিয়া; লোক সভাগী স্পীকর; কাউন্সিল ওফ মিনিস্তর্সকী মেম্বরশিং; রাজ্য কয়াগী রাজ্যপালশিং; মুখ্য মন্ত্রীশিং; সুপ্রিম কোর্তকী জদজশিং; হায় কোর্তকী চীফ জস্তিস; অমসুং য়ুনিয়ন তেরিতোরীশিংগী লেফতনেন্ত গভর্নর অমসুং এদমিনিস্ত্রেতর য়াওনা মরু ওইবা মীশকশিংনা লাকখি।

খুন্নাইগী শরুক কয়ামরুম অমসুং চহি কাংলুপ পুম্নমক্কী বিজিতরশিং লাকখি। ফেমিলী গ্রুপশিং, লমকোইবশিংগী কাংলুপশিং, নহা ওইরিবা মীওইশিং, মীমান্নদ্রবা মীওইশিং অমসুং স্কুল/কোলেজকী কাংলুপশিংনা সংগ্রহালয় অসিদা তোইনা লাকখি। কনাগুম্বা অমগী খ্বাইদগী পামজবা প্রধান মন্ত্রীগী পিকচর/ৱাক অসিগুম্বা ম্যুজিয়মগী ইন্তরেক্তিব ফীচরশিং অমসুং হেলিকোপতর রাইদ অসি য়াম্না পাম্নবা ওইখি অমসুং নুমিৎ খুদিংগী ওভরবুক তৌখি।

সংগ্রহালয় অসি ভারতকী প্রধান মন্ত্রী খুদিংমক্তা ইকাই খুম্নবা উৎলিবা থৌওংনি অমসুং হৌখিবা চহি ৭৫দা ঐখোয়গী লৈবাক্কী চাউখৎ-থৌরাংদা মখোয় অমমমনা করম্বা মওংদা শরুক তমখিবগে হায়বগী নরেতিব রেকোর্দসু ওইরি। দেমোক্রেসীদা মীপুম খুদিংমক্কীদমক থোংশিং হাংবনা খুন্নাইগী ক্লাস অমসুং তায়র খুদিংমক্তগী লাকখিবা প্রধান মন্ত্রীশিংগী পুন্সিগী খুত্থাংদা ভারতকী অখন্নবা পার্লিয়ামেন্তরী দেমোক্রেসীগী খোঙচৎ অসি বিজিতরশিংদা খঙহল্লি।

সংগ্রহালয়না হোলোগ্রামশিং, ভর্চুএল রিএলিতী, ওগমেন্তেদ রিএলিতী, ইন্তরেক্তিব কিওক্স, কম্প্যুতরাইজ কাইনেতিক স্কল্পচরশিং, স্মার্ত ফোন এপ্লিকেসনশিং, ইন্তরেক্তিব স্ক্রীনশিং, এক্সপরিয়েন্সিএল ইন্সতোলেসন অসিনচিংবা তেক্নোলোজী-বেজ ইন্তর্ফেসশিংগা লোয়ননা কমপ্রিহেন্সিব, ওবজেক্তিব অমসুং পুক্নীং চীংশিন্নীংঙাই ওইবা মওংদা নীংতম্বা ফংলবা মতুংগী ভারতকী ৱারী অদু লিরি। পুৱারীগী ৱারীশিং উৎনবা তেক্নোলোজীগা পুনশিন্নরিবা তোপ-তোপ্পা মওং অসি কনভেনস্নেল ম্যুজিয়ম দিসপ্লেশিংদগী অখন্নবা অমা ওই। সংগ্রহালয়গী লোগোদা ভারতকী মীয়াম্না ধর্ম চক্রা পাইদুনা মখুৎ থাংগৎলিবা অসি দিজাইন কনসেল্প ওইনা য়াম্না থাগৎনরকখি। রিসেপ্সন্দা থম্লিবা নেস্নেল এনব্লেম থাংগৎতুনা থম্লিবা অসি য়াম্না পাম্নবা ওইরি।

ফীদবেক সর্ভেশিংদা অয়াম্বা মীওইশিংনা মখোয়গী খোঙচৎ অসি কাউঙমদবা এক্সপরিয়েন্স ওই হায়না ফোঙদোকখি। মীওই কয়ানা মমিং লৈরবা ইন্তর্নেস্নেল ম্যুজিয়মশিংগা চাংদম্নখি। সংগ্রহালয় অসিদা করিগীদমক লাকখিবনো হায়না হঙবদা অয়াম্বনা ঐখোয়গী প্রধান মন্ত্রীশিংগী পুন্সি অমদি শরুক তমখিবশিং অমসুং মখোয়গী খুত্থাংদা নীংতম্বা ফংলবা মতুংগী ভারতকী পুৱারীগী মরমদা হেন্না খঙবা পাম্বননি হায়না ফোঙদোক্নখি। বিজিতরশিং, মরু ওইনা কোলেজ কারিবশিংনা আর্কাইব তৌদুনা থম্লিবা দোকুমেন্ত, কোরেস্পোন্দেন্স, পাউচে, অমসুং অরিবা ফোতোশিং অসিনা মমল য়াম্লবা লৌশিংগী পুকৈ অমা ওইরি হায়খি। আর্কাইব তৌরিবা পাউচেশিং অসি দিজিতেল লোয়ননা ফিজিকেল ফোর্মেৎতা উৎতুনা প্রধান মন্ত্রীশিংগী পুন্সিদা থোকখিবা মরু ওইবা থৌদোক কয়ামরুম কবর তৌরিবা অসিনা বিজিতরশিংগী মীৎয়েং চীংশিনখি, মখোয় কয়ানা মতম কুইখিবনা পাউচেগী হেদলাইনশিং অসি নীংশিংবদা ৱানা থোকপা ওইখি।

ভারতকী রাস্ত্রপতি, শ্র রাম নাথ কোবিন্দনা মহাক্কী পাউজেলদা থাজবা থম্বগা লোয়ননা অসুম্না ফোঙদোকখি, “ঐখৌয়গী ইরৈবাকচাশিংবু নীংতম্বা ফংলবা ভারতকী ৱাখল্লোনশিং অসিনা ইথিল পীগনি, জাতি অসিগীদমক চাউথোকচবা পোকহনগনি, অমসুং হেন্না ফবা খুন্নাই, লৈবাক অমসুং মালেম অমা শেমগৎনবা ইথিল ফংগনি”।

সংগ্রহালয় অসিনা অশেংবা পিকচর অমসুং ভিদিওশিং খক্তমক শীজিন্নৈ অমদি মসিনা লিরিবা ৱারীশিং অদুগী ওথেন্তিসিতী হেনগৎহল্লি, অমসুং য়াম্না থাগৎনরকখি। প্রধান মন্ত্রীশিংগী পুন্সি অমসুং তেনরশিং উৎলিবা মওংগী ওবজেক্তিবিতী অসি মীয়াম্না শকখঙখি। কন্তেন্তকা লোয়ননা অপনবা লৈতনা তেক্নোলোজী ইন্তিগ্রেসন তৌবনা সংগ্রহালয় অসিদা ইনস্তোল তৌরিবা তেক্নোলোজিকেল ইন্তরফেস অসিনা পুক্নীং চীংশিল্লিবা মীয়ামদা মরু ওইনা নহারোলশিংগী ওইনা লৌশিং ওই অমসুং ইথিলগী হৌরকফম ওইরি। সংগ্রহালয়দা থম্লিবা প্রধান মন্ত্রীশিংগী মপোৎ-মচৈশিং অসিনা বিজিতরশিংগী পুক্নীং চীংশিল্লি। সংগ্রহালয়না কন্তেম্পোররী ইন্দিয়াগী পুৱারী অমসুং লৈবাক্কী পোলিতিকেল লীদরশিপকী মরমদা মতম শাংবদগী খঙনীংদুনা লাকখিবা অদু থুংহনবা ঙমলি।

সংগ্রহালয় অসিনা ভারতকী মাইপাকখ্রবা স্পেস প্রোগ্রামগী হায়-তেক লাইৎ অমসুং সাউন্দ শো অথুবদা হৌনবগী মতাংদা লাউথোরক্লগনি।

*****