দিপার্তমেন্ত ওফ পেন্সন এন্দ পেন্সনর্স ৱেলফ্যারনা (দি.ও.পি. এন্দ পি.দব্লিউ.) ঙসি পুদুচেরীদা পেন্সনরশিংগী এৱ্যারনেস প্রোগ্রাম পাঙথোকখ্রে‍। থৌরম অদু লৈবাকসিগী খা থংবা শরুক কোনশিন্দুনা পাঙথোকপা লাইচৎ মতুংগী অহানবা থৌরম্নি‍। থৌরম অদুদা চেন্নাই অমসুং পুদুচেরীগী পেন্সনর্স এসোসিএসনশিংগা খুৎশম্নদুনা চেন্নাই অমসুং পুদুচেরীদগী পেন্সনর ৩০০ হেনবনা শরুক য়াখি‍।

দি.ও.পি. এন্দ পি.দব্লিউ.গী ওফিসর কাঙবু অমনা লৈঙাক্কী ‘ইজ ওফ লিভিং’ থৌরাংগী মখাদা পুরকখ্রাবা অহোংবশিং পেন্সনরশিংগী মফমদা খঙহন্নবগী পান্দমদা কেন্দ্র লৈঙাক্কী পেন্সনরশিংদা পেন্সন/ ফেমিলী পেন্সন সেংসন তৌবগা মরী লৈনবা পেন্সন পোলিসীদা লৈরিবা অওনবা অমদি দিজিতাইজেসনগী মতাঙদা সেসন অমা পাঙথোকখি‍। পেন্সনরশিংগী মরী লৈনবা ইনকম তেক্সকী ৱাফমশিং লোয়ননা এনুএল লাইফ সর্তিফিকেত থাগৎপগী দিজিতেলগী পাম্বৈশিংগী মতাঙদা অখন্নবা সেসনশিংসু পাঙথোকখি‍।

থৌরমশিং অসি পাঙথোকপগী পান্দমদি কেন্দ্র লৈঙাক্কী পেন্সনরশিংগী পেন্সন এন্তাইতলমেন্ত অমসুং অমসুং থৌওংশিংগা মরী লৈনবা তোঙান তোঙানবা চৎন-কাঙলোন অমসুং থৌওংশিং খঙহনবগা লোয়ননা পেন্সনরশিংদা পোলিসী অমসুং প্রোসিজর শেমদোক শাদোক্তুনা মতম মতমগী ওইনা লাক্লিবা অহোংবশিংগী মরমদা খঙহনবনি‍। অসিগুম্বা থৌরমশিং অসিনা পেন্সনরশিংদগী পেন্সন পোলিসীগী মতাঙদা ফীদবেক লৌননবগী পাম্বৈ অমসু ওইনৈ‍।

শ্রী এস.এন. মাথুর, জোইন্ত সেক্রেতরী (দি.ও.পি. এন্দ পি.দব্লিউ.), শ্রী ভুপাল নন্দ, সি.সি. (পি)-সি.পি.এ.ও., শ্রী রুচির মিত্তল, দাইরেক্তর, দোক্তর প্রমোদ কুমার, দাইরেক্তরনা থৌরমদুদা শরুক য়াখি‍। শ্রী এস.এন. মাথুর, জোইন্ত সেক্রেতরী (দি.ও.পি. এন্দ পি.দব্লিউ.)না শরুক য়াখিবশিংদা পেন্সনরশিংগী ইজ ওফ লিভিংগী ফীভম ফগৎহন্নবা দিপার্তমেন্তনা লৌখৎলিবা তোঙান তোঙানবা থৌরাংশিংগী মরমদা পাউদমখি‍। দিজিতেল লাইফ সর্তিফিকেৎ ২০১৪দা হৌদোক্তুনা আধারদা য়ুম্ফম ওইবা বাইওমেত্রিক দিভাইস, ইন্দিয়ন পোস্ত পেমেন্ত বেঙ্ককী গ্রামিন দাক সেবক ১,৯০,০০০ অমসুং বেঙ্কশিংনা পীরিবা দোরস্তেপ বেঙ্কিং সর্ভিসশিংগী খুত্থাঙদা ফংহল্লি‍।  নবেম্বর ২০২১দা পেন্সনরশিংনা মখোয়গী লাইফ সর্তিফিকেৎ থাজিনবগী মওংদা অহোংবা পুরক্কদবা ফেস ওথেন্তিফিকেসন তেক্নো.লোজী হৌদোকখ্রে‍।

চীফ কন্ত্রোলর (পেন্সন্স), সি.পি.এ.ও., এম.ও.এফ.নসু পেন্সনরশিংগী মফমদা ৱা ঙাঙলদুনা পেন্সনরশিংনা থেংনরিবা মান্নবা খুদোংচাদবশিং, মখোয়গী ৱাখৈ পুরক্নবা পাম্বৈ লোয়ননা পেন্সনরশিংগী ইজ ওফ লিভিংগী ফীভম ফগৎহন্নবা সি.পি.এ.ও.না পায়খৎলিবা অনৌবা থৌরাংশিংগী মরমদা ৱাফম কয়া থমখি‍। সি.জি.ঐচ.এস.কী মীহুৎ অমনসু পেন্সনরশিংনা পুখৎলকপা ৱাহংশিংগী পাউখুম পীখি‍।

পেন্সনরশিং অমসুং ফেমিলী পেন্সনরশিংগী ইজ ওফ লিভিংগী ফীভম ফগৎহন্নবগীদমক ভারত লৈঙাক্না পেন্সন পোলিসীদা য়াইফ থৌরাং কয়ামরুম লৌখৎপগা লোয়ননা পেন্সনগা মরী লৈনবা থৌওংশিং দিজিতাইজ তৌবগী থৌরাং কয়া পায়খৎলে‍। পেন্সনগী কাঙলোনদা মশিং য়াম্না শেমদোক শেমজিন তৌখ্রে অমদি হৌখিবা চহি ৫০সিদা শেংদোকপগী ওর্দর/ইন্সত্রক্সন কয়ামরুম থোকখ্রে‍। হায়রিবশিং অসিবু খোমজিন্দুনা দিসেম্বর ২০২১দা সেন্ত্রেল সিভিল সর্ভিস (পেন্সন) রুল্স, ২০২১ হায়না পুথোরকপনি‍।

<><><><><>