#ایم آئی ایف ایف 2022 میں نارتھ ایسٹ فلمز پیکج کے کیوریٹر چندن سرمہ نے کہا کہ مختصر فلموں کے مقابلے میں  ہندوستان کی شمال مشرقی ریاستوں میں دستاویزی فلموں کے لیے چند لوگ موجود ہیں۔شمال مشرقی خطے میں بہت سے ایسے لوگ ہیں جو مختصرافسانوں پر فلم بناتے ہیں کیونکہ وہ جانتے ہیں کہ مختصر فلموں کو مارکیٹ مل گئی ہے۔انہوں نے مزید کہا کہ اس وجہ سےہی ایم آئی ایف ایف 2022 میں نارتھ ایسٹ پیکج کے لیے فلموں  کا انتخاب کرتے وقت دستاویزی فلموں کو زیادہ ترجیح دی گئی۔ پیکج میں شامل 14 فلموں میں سے 11 دستاویزی فلمیں اور صرف تین مختصر افسانے ہیں۔چندن سرمہ 17ویں ممبئی انٹرنیشنل فلم فیسٹیول کے سلسلے میں منعقدہ #ایم آئی ایف ایف مذاکرات میں میڈیا اور مندوبین سے بات چیت کر رہے تھے۔

 

 

پیکج کے لیے فلموں کے انتخاب کرنے کی غرض سےاپنائے گئے معیارات  ضابطے کی مزید تفصیلات بتاتے ہوئے انہوں نے کہا کہ فلم کے معیار اور متن کے تنوع پر بھی سمجھوتہ نہیں کیا گیا۔آسامی فلم ’اے لٹل سنشائن‘ کے ڈائریکٹر سمن دوواڑہ اور پروڈیوسر ڈاکٹر ہتیش بروا نے بھی بات چیت میں حصہ لیا۔ سمن دواڑہ نے کہا کہ  آسامی فلم’اے لٹل سنشائن ‘ رشتے،محبت اور بوڑھے لوگوں کی تنہائی کی  ایک کہانی ہے۔یہ کہانی ایک عمر رسیدہ جوڑے کے اردگرد گھومتی ہے جو اپنے پالتو کتے کے ساتھ رہتا ہے اور اس مشکل صورتحال سے دوچار ہوتا ہے جب ان کا بیٹا انہیں کتے سے چھٹکارا حاصل کرنے کا حکم دیتا ہے۔

 

 

آئیے نارتھ ایسٹ پیکیج کی فلموں کے خلاصے پر ایک نظر ڈالتے ہیں۔

اروناچل پردیش

دی گالوس

اپک گاڈی کی ہدایت کاری میں بننے والی یہ فلم وسطی ہمالیائی قبیلے، گالوس کے نسلی مطالعہ پر مبنی ہے، جو اروناچل پردیش کے بہت سے قدیم قبائل میں سے ایک ہے۔ یہ قبیلے کے معاشرے اور ثقافت کا پتہ لگاتی ہے جس میں ان کی علمی روایات شامل ہیں جن میں قدیم ادویات اور کھانے کی عادات شامل ہیں۔

وہ گانے جو ہم گاتے ہیں، وہ ڈھول جو ہم پیٹتے ہیں۔

کیا ہوتا ہے جب ایک کمیونٹی کو اپنی اہم ترین روایات میں سے ایک روایت کونبھانا ہو لیکن ان میں سے سب سے بڑے کو بھی یقین نہ ہو کہ اسے کیسے کرنا ہے؟ اس دلدل میں پھنسے ہوئے، شمال مشرقی ہندوستان کے تراپ ضلع کے نوکٹے قبیلے کا ایک ذیلی گروپ، کاسِک کمیونٹی ایک الگ ثقافت کے طور پر اپنے مستقبل کی عکاسی کرتے ہوئے اپنے ماضی کو زندہ رکھنے کے سفر پر نکلتی ہے۔ اس فلم کے ہدایت کار کومبونگ ڈارنگ ہیں۔

آسام

سینچری

ایک ڈرامے کے لیے اپنے شاگردوں کے ساتھ ریہرسل کرتے ہوئے، ایک ڈرامہ نگار سے ایک کالعدم دہشت گرد تنظیم کے لیڈرنے اس کے ڈرامے میں پیش کیے جانےوالے نظریے کے سلسلے میں سوال کیا ہے۔ سورج کر دوارہ  کی ہدایت  کاری میں بنی فلم یاد دلاتی ہے کہ کس طرح اس نے اس رکاوٹ کو دور کیا اور اپنے ڈرامے کو اسٹیج کیا۔

آسامی سکھ

آسامی سکھ سکھوں کی کمیونٹی سے تعلق رکھنے والے ممبر ز ہیں  جو تقریباً دو صدی  پہلے آسام میں ہجرت کر گئے تھے۔ اگرچہ تعداد میں کم ہے، لیکن انہوں نے آسامی ادب اور ثقافت کو آگے بڑھانے میں بہت زیادہ تعاون کیا ہے۔ فلم کے ہدایت کار جگجیت سنگھ ہیں۔

ناؤکا (وہم ہونا! مرنا اور جھوٹ!)

ارندم بروہ کی ہدایت کاری میں بننے والی یہ فلم تین ابواب کے ذریعے حقیقت اور فریب کے موضوع کو تلاش کرتی ہے۔ ایک لڑکا اپنے آپ کو تین عظیم فنکار تصور کرتا ہے۔ پہلا باب مصنف فرانز کافکا کو دیکھتا ہے؛ دوسرا باب موسیقار بیتھون (موسیقی) کی کھوج کرتا ہے۔ اور تیسرا باب مصور سلواڈور ڈالی (پینٹنگ) سے متعلق ہے۔

اے لٹل سنشائن

کہانی ایک بوڑھے جوڑے کے اردگرد گھومتی ہے جو اپنے پالتو کتے کے ساتھ رہتا ہے ان کا بیٹا بیرون ملک رہتا ہے اور کچھ عرصے سے وہاں نہیں آیا۔ ایک دن، کتا بیمار پڑتا ہے؛ بیٹا باپ سے کہتا ہے کہ بیمار کتے سے چھٹکارا حاصل کرو۔ جب وہ اپنے پالتو کتے کو چھوڑ دیتا ہے، تو وہ اپنے کتے کی واپسی کے بارے میں ذہنی طور پر پریشان ہوجاتا ہےاور بے چین ہوجاتا ہے۔ اس فلم کے ہدایت کار سومن دوارہ ہیں۔

جعل سازی کا مستقبل

جعل سازی اتنا ہی ایک ہنر ہے جتنا کہ پرانی انسانی تاریخ ہے۔فلم دیہی آسام کے ال لوہارو کےگاؤں میں نسل در نسل  ہونے والی تبدیلی کی عکاسی کرتی ہے۔والد نہیں چاہتے کہ ان کے بیٹے جعل سازی کے راستے پر گامزن رہیں اور نہ ہی  ان کے بیٹےایسا چاہتے ہیں ۔ بہتر زندگی کی جدوجہد میں، ورثہ  غیر یقینی صورتحال میں جھولتا ہے۔ فلم کے ہدایات  کاردیپ چودھری ہیں۔

منی پور

منی پوری سنیما کے 50 سال: ایک جھلک ہندوستان کی

ہاؤبام پون کمار کی فلم منی پوری سنیما کے پچاس سال کی تاریخ کو بیان کرتی ہے۔اس میں خطے کی کچھ اہم ترین فلموں اور فلم سازوں اور سنیما کی تاریخ میں ان کے تعاون کو دیکھا گیا ہے۔

منی پور مائنڈ سکیپس

منی پور مائنڈ سکیپس منی پور کے لوگوں کی لچک کو گھیرنے کی ایک کوشش ہے، جو اپنے اردگرد موجود عظیم ماحولیاتی مشکلات سے لڑنے کے لیے ایک ظاہری ماحولیاتی شرم کے اندر ایک قاتل جبلت کو چھپاتے ہیں۔فلم کی تصاویر کو منی پور کے ساتھ دو دہائیوں پر محیط مصروفیت کے دوران کھینچا گیا ہے۔ فلم کے ہدایت کار جوشی جوزف ہیں۔

میگھالیہ

کیونکہ ہم نے انتخاب نہیں کیا

پہلی جنگ عظیم شروع ہوئے سو سال گزر چکے ہیں۔یہ فلم شمال مشرقی ہندوستان سے جنگی محاذ تک مزدوروں کے سفر کی ایک پیچیدہ دستاویز ہے۔اسےشیلانگ،گوہاٹی،کولکتہ،چنئی اور یورپ میں چار سالوں کے دوران فلمایا گیا،یہ فلم جنگ میں مقامی مزدوروں کی غیر تسلیم شدہ اور بھولی ہوئی موجودگی پر روشنی ڈالتی ہے۔ اس فلم کے ہدایت کار وانفرانگ کے ڈینگڈوہ ہیں۔

میزورم

یہ میزورم ہے

اس فلم کی ہدایت کاری ٹی سی وانلال زاوانے کی ہے۔اس فلم میں میزورم  ریاست کی خوبصورتی کو پیش کیا گیاہے ۔ یہ ایک پہاڑی علاقہ ہے جس میں گہری پہاڑیاں اور ندیاں ہیں اور ہندوستان کے شمال مشرقی علاقے میں سب سے زیادہ سبز علاقے کااحاطہ کرتا ہے۔ اس علاقے کے لوگ خوبصورت پہاڑوں میں پودوں اور حیوانات کی وسیع اقسام کے ساتھ شریک ہیں۔ یہ میزورم ہے - مسافروں کی جنت۔

غیر یقینی سال (ہن کرہ)

جب کووڈ-19 وبائی مرض نے حملہ کیا تو ملک بھر میں لاک ڈاؤن نافذ کر دیا گیا۔ میزورم میں بھی زندگی مفلوج ہوکر رہ گئی تھی۔ اپنے کیمرے کے ساتھ، فلمساز لاک ڈاؤن کے پہلے دن سے اپنے اردگرد رونما ہونے والے واقعات کا مشاہدہ کرتا ہے۔ یہ ہمیں وبائی امراض کے دوران زندگی کی اندرونی جھلک اور معاشرے کے ذریعہ اس سے نمٹنے کے بارے میں، دونوں عام اور فرنٹ لائن ورکرز جیسے طبی رضاکاروں کو فراہم کرتا ہے۔ فلم کی ہدایت کاری نپولین آر زیڈ تھنگا نے کی ہے۔

ناگالینڈ

لانگفورو آسمان کے نیچے

ممی گاؤں کے لونگفورو لوگ تقسیم شدہ ناگالینڈ کی ہند-برمی سرحد پر رہتے ہیں۔ وہ اپنے خود کفیل طرز زندگی اور عالمی نظریات کو برقرار رکھنے کے لیے جنگل کی روح اور آبائی دانشمندی کی تلاش میں رہتے ہیں۔ زمین کے ساتھ ان کا رشتہ گہرا ہے، ماحولیات کوروایت میں تبدیل کیا گیا ہے۔ فلم کی ہدایت کاری کیوینی شوے نے کی ہے۔

سکم

لامتناہی نوٹ انڈیا

دستاویزی فلم لامتناہی گرہ  ناٹ سے متاثر ہے، جو بدھ مت کی آٹھ اچھی علامتوں میں سے ایک ہے۔ فلم لوک آلات کی تیاری اور آلات کے ذریعہ تیار کردہ نوٹوں اور وہ ماحول جس سے وہ بنائے گئے ہیں کے درمیان ابدی تعلق کو تلاش کرتی ہے۔ اس فلم کے ہدایت کار کرما پیزور بھوٹیا ہیں۔

کیوریٹر کے بارے میں

چندن سرمہ ایک صحافی اور اسکرپٹ رائٹر ہیں جو بشریات کے معاملے میں تربیت یافتہ ہیں جو تقریباً تین دہائیوں سے انگریزی اور آسامی میں سینما پر لکھ رہے ہیں۔ تیرہ سال تک گوہاٹی کے انگریزی روزنامہ دی نارتھ ایسٹ ٹائمز کے نیوز ایڈیٹر کے طور پر کام کرنے کے بعد، انہوں نے 2003 میں فری لانسنگ شروع کی اور تقریباً ایک دہائی تک دی ٹیلی گراف میں آرٹ اور کلچر پر باقاعدہ لکھتے رہے۔ اسکرپٹ رائٹر کے طور پر، انہوں نے دو آسامی فیچر فلموں کے اسکرپٹ لکھے ہیں۔ اس کے علاوہ، انہوں نے بالترتیب ڈی ڈی کے، گوہاٹی، اور اے آئی آر، گوہاٹی کے لیے متعدد ٹیلی ویژن سیریلز اور ریڈیو فیچرز کے لیے اسکرپٹ لکھے ہیں۔ بہترین فلم نقاد پراگ سینے ایوارڈ یافتہ سرمہ نے 2014 اور 2019 میں آسام اسٹیٹ فلم ایوارڈ کے جیوری ممبر کے طور پر خدمات انجام دیں۔ انہوں نے دو چار سال  کی میعاد کے لیے علاقائی بورڈ کے رکن کے طور پر سی بی ایف سی کی بھی خدمات انجام دیں۔ وہ اس وقت ڈاکٹر بھوپین ہزاریکا ریجنل گورنمنٹ فلم اینڈ ٹیلی ویژن انسٹی ٹیوٹ، گوہاٹی میں گیسٹ لیکچرر ہیں۔ سرمہ 2008 سے نارتھ ایسٹ فلم پیکج کیوریٹر اور فلم سلیکشن جیوری ممبر کے طور پر ایم آئی ایف ایف سے منسلک ہیں۔ وہ اس وقت آسام ساہتیہ سبھا کے سکریٹری کے طور پر کام کر رہے ہیں۔

 

https://www.youtube.com/channel/UCGn6a5SI8SNlj7WylmPD6GQ?feature=emb_ch_name_ex

 

 

***********

 

 

 

ش ح ۔ ح ا ۔ م ش

U. No.6971

(Release ID: 1837494) Visitor Counter : 427