کشمیر وزیر اعظم  مودی کے نئے ہندوستان کے سفر کا ایک لازمی حصہ ہے۔ وزیر اعظم نریندر مودی کی رہنمائی  میں گزشتہ 8 سالوں میں شروع کیے گئے زبردست نئے مواقع سے فائدہ اٹھانے کا یہ وقت ہے، جو 135 کروڑ ہندوستانیوں کی تقدیر کو تشکیل دے رہے ہیں۔ یہ بات مرکزی وزیر مملکت (آزادانہ چارج) وزارت سائنس اور ٹکنالوجی، وزیر مملکت (آزادانہ چارج ) وزارت ارضیاتی سائنس، وزیر اعظم کے دفتر اور عملہ، عوامی شکایات اور پنشن کی وزارت میں وزیر مملکت ڈاکٹر جتیندر سنگھ نے آج بڈگام میں ایک عوامی اجتماع سے خطاب کرتے ہوئے کہی۔

‘غریب کلیان سمیلن’ کے عنوان سے یہ تقریب بڈگام کے بہشت زہرہ پارک میں موجودہ حکومت کے 8 سال مکمل ہونے کے موقع پر منعقد کی گئی تھی۔

ڈاکٹر سنگھ نے کہا کہ جموں و کشمیر میں ستر سالوں میں پہلی بار تین سطحی نظام حکومت متعارف کرایا گیا ہے اور لوگوں کو اس نظام کے فوائد دیکھنے اور محسوس کرنے میں زیادہ دیر نہیں لگے گی۔

اس موقع پر خطاب کرتے ہوئے وزیر موصوف نے مختلف مرکزی اسپانسر شدہ اسکیموں اور مودی حکومت کی طرف سے شروع کئے گئے مختلف اقدامات پر غور کیا تاکہ جموں و کشمیر کے لوگوں کی مساوی ترقی کو یقینی بنایا جا سکے، جس سے وہ طویل عرصے سے اپنی غلطی کے بغیر محروم تھے۔

 

وزیر نے مدرا، پی ایم سوانیدھی، آیوشمان بھارت، پی ایم اے وائی-جی اور زراعت اور باغبانی سے متعلق مختلف اسکیموں کے تحت فوائد بھی تقسیم کیے اور ان میں مختلف لاجسٹکس بھی تقسیم کیے۔

سمیلن کو وزیر اعظم نریندر مودی نے بھی شملہ سے ورچوئل طور پر خطاب کیا۔ وزیر اعظم نے اس موقع پر ڈی بی ٹی موڈ کے ذریعے کسانوں کے کھاتوں میں 21 ہزار کروڑ روپے بھی جمع کرائے ۔

بعد میں وزیر نے نیو کانفرنس ہال بڈگام میں بلائی گئی میٹنگ میں ضلع اور سیکٹرل افسران کے ساتھ بھی بات چیت کی۔ میٹنگ کے دوران ڈپٹی کمشنر بڈگام شہباز احمد مرزا نے پاور پوائنٹ پریزنٹیشن کے ذریعے ضلع کی مجموعی پروفائل، بجلی، پانی کی فراہمی، سڑکوں، سماجی بہبود، زراعت، باغبانی اور متعلقہ سرگرمیوں سمیت مختلف شعبوں میں اہم کامیابیوں پر روشنی ڈالی۔ وزیر نے صحت، تعلیم، پانی کی فراہمی اور سڑکوں کی تعمیر سمیت مختلف شعبوں کی صورتحال کا جائزہ لیا۔

اس موقع پر ڈاکٹر سنگھ نے مختلف ترقیاتی پروجیکٹوں کا ای-سنگ بنیاد رکھا جس میں وتالپورہ-وہاب پورہ روڈ، گرینڈ-وڈوان روڈ کی اپ گریڈیشن، اور داجیمالک گنڈ، پنچ گنڈ، نجلو واہپورہ بشمول مامگنڈ روڈ کی اپ گریڈیشن شامل ہے۔ اومپورہ بڈگام میں ایک ریسیونگ اسٹیشن کے لیے ای فاؤنڈیشن بھی رکھی گئی۔

وزیر نے ایس ڈی ایچ نگم میں او پی ڈی بلاک، آپریشن تھیٹر اور وارڈز، ماڈل ہائر سیکنڈری اسکول چاڈورہ کے لیے اضافی رہائش، کری پورہ، بڈگام میں مڈل آنگن واڑی ٹریننگ سینٹر اور گورنمنٹ ہائی اسکول واگورہ بی کے پورہ، بڈگام کا ای-افتتاح بھی کیا۔

 

وزیر موصوف  نے این آئی سی  ٹیم بڈگام کے ذریعہ ڈیزائن اور تیار کردہ ضلعی دو لسانی ویب سائٹ کا بھی افتتاح کیا۔ یہاں یہ بات قابل ذکر ہے کہ ویب سائٹ ضلعی انتظامیہ اور شہریوں کے درمیان جہاں تک معلومات کی ترسیل کا تعلق ہے، ایک اہم ربط کا کام کرے گی۔

اس موقع پر شیخ العالم ہال میں ماحول دوست اور پائیدار کاشتکاری کے طریقوں کے بارے میں آگاہی و تربیتی پروگرام اور محکمہ سائنس و ٹیکنالوجی کی جانب سے سولر پمپ کے ڈیمو اور تقسیم کا بھی انعقاد کیا گیا۔

بڈگام کی صلاحیت پر تبصرہ کرتے ہوئے، عزت مآب وزیر نے کہا کہ ضلع میں زراعت، باغبانی اور دیگر متعلقہ سرگرمیوں کی شکل میں سب سے زیادہ اثاثے ہیں۔ انہوں نے کہا کہ اس سمت میں مزید شعبوں کو تلاش کرنے کی ضرورت ہے تاکہ عوام کی سماجی و اقتصادی ترقی کے لیے زیادہ سے زیادہ وسائل کا استعمال کیا جا سکے۔

وزیر نے بڑے پیمانے پر بیداری مہم کے انعقاد پر زور دیا اورکے وی کے  بڈگام، انڈین انسٹی ٹیوٹ آف انٹیگریٹیو میڈیسن اور ایس کے یو اے سی ٹی کو ہدایت دی کہ وہ مستقبل قریب میں مشترکہ سیمینار اور بیداری پروگرام منعقد کریں تاکہ ضلع بڈگام میں زرعی سرگرمیوں کو مزید فروغ دیا جا سکے۔ وزیر نے اعلان کیا کہ بڈگام کے کچھ دیہاتوں کی شناخت اور شمسی گاؤں کے طور پر ترقی کی جائے گی۔

پروگرام کے اختتام پر وزیر موصوف نے ضلع کی مجموعی ترقی کے لیے اٹھائے گئے اقدامات اور پہل قدمیوں کے لیے ضلع انتظامیہ بڈگام کی کوششوں کو سراہا۔ وزیر موصوف نے ضلعی انتظامیہ اور منتخب نمائندوں بشمول ڈی ڈی سیز، بی ڈی سیز اور پی آر آئی  کارکنوں کے درمیان مخلصانہ تال میل اور مشترکہ ہم آہنگی کی بھی تعریف کی۔

 

*****

ش ح – اک – ع ر

U: 6973

(Release ID: 1837493) Visitor Counter : 122