সিবিল এবিয়েসন মন্ত্রালয়
মন্ত্রী মন্দলনা অহমদাবাদকী ধোলেরাগী অনৌবা গ্রীন্দফিল্দ এয়রপোর্ত শাবদা অয়াবা পীখ্রে
Posted On:
14 JUN 2022 4:18PM by PIB Imphal
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্সনা লুপা করোর ১৩০৫গী শেনফম চংদুনা থা ৪৮গী মনুংদা শাবা লোইশিন্নবা গুজরাতকী ধোলেরাদা অনৌবা গ্রীন্দফিল্দ এয়রপোর্তকী ফেজ I শানবগী প্রপোজেল অয়াবা পীখ্রে।
প্রোজেক্ত অসি ইক্বিতী ৫১:৩৩:১৬কী রেসিওদা পাইরিবা এয়রপোর্তস ওথোরিতী ওফ ইন্দিয়া (এ.এ.আই.), গভর্নমেন্ত ওফ গুজরাত (জি.ও.জি.) অমসুং নেস্নেল ইন্দস্ত্রিএল কোরিদোর দিবেলপমেন্ত এন্দ ইমপ্লিমেন্তেসন ত্রস্ত (এন.আই.সি.দি.আই.তি.) য়াওবা জোইন্ত ভেঞ্চর কম্পনী অমা ওইরিবা ধোলেরা ইন্তর্নেস্নেল এয়রপোর্ত কম্পনী লিমিতেদ (দি.আই.এ.সি.এল.)না ইমপ্লিমেন্ত তৌরি।
ধোলেরা এয়রপোর্তনা ধোলেরা স্পেসিএল ইনভেস্তমেন্ত রিজন (দি.এস.আই.আর.)দগী পেসেঞ্জর অমসুং কার্গো ত্রাফিক লৈরগনি অমসুং মসিনা ইন্দস্ত্রিএল রিজন অসিদা তেংবাংগদবা মরু ওইবা কার্গো হব অমা ওইরগনি হায়না পান্নরি। এয়রপোর্ত অসিনা অতোপ্পা মনাক নকপা লমদমদা খুদোংচাবা ফংহল্লিগনি অমসুং অহমদাবাদকী ওইনা অনিশুবা এয়রপোর্ত ওইরগনি।
ধোলেরাদা লৈবা অনৌবা গ্রীন্দফিল্দ এয়রপোর্ত অসি অহমদাবাদ এয়রপোর্ত্তগী নোংথক্কী লম্বেলগী অরাপ্পা কিমি ৮০ চৎলগা লৈ। এয়রপোর্ত অসি ইং কুমজা ২০২৫-২৬তগী মথৌ তৌবা হৌনবা থৌরাং তৌরি অমসুং অহৌবগী পেসেঞ্জর ত্রাফিক অসি চহি অমদা পেসেঞ্জর লাখ ৩ ওইগনি হায়না পান্নরি, চহি ২০দা মসি লাখ ২৩ ফাওবদা হেনগৎলকপা য়ান্না লৈ। ইং কুমজা ২০২৫-২৬তগী এনুএল কার্গো ত্রাফিক অসি তন ২০,০০০ ওইগনি হায়না পান্নরি, হায়রিবা অসি চহি ২০দা তন ২,৭৩,০০০ ফাওবা হেনগৎলকপা য়ান্না লৈ।
****
(Release ID: 1836893)
Visitor Counter : 93