ব্যুরো ওফ ইন্দিয়ন স্তেন্দর্দ, নেস্নেল স্তেন্দর্দ বোদী ওফ ইন্দিয়ানা ইলেক্ত্রিকেল্লী প্রোপেল রোদ বেহিকলশিংগীদমক লিথিয়ন-আইওন ত্রেক্সন বেত্তরী পেকশিং অমসুং সিস্তেমশিংগী (পর্ফোরমেন্দ তেস্তিং) তেস্ত স্পেসিফিকেসনশিংগী স্তেন্দর্দশিং ফোঙখ্রে। বেত্তরী পেকশিং অমসুং সিস্তেমশিংগী স্তেন্দর্দ আই.এস. ১৭৮৫৫: ২০২২ অসি আই.এস.ও. ১২৪০৫-৪: ২০১৮গা চান্নহল্লি।

স্তেন্দর্দ অসিদা হায় পাৱর নত্ত্রগা হায় ইনর্জী এপ্লিকেসনগীদমক বেত্তরী পেকশিং অমসুং সিস্তেমগী পর্ফোর্মেন্স, রিলাইএবিলিতী অমসুং ইলেক্ত্রিকেল ফঙ্কসনেলিতীগী মরু ওইবা মওং-মতৌশিংগী তেস্ত প্রোসিজর ইনকোর্পোরেৎ তৌরি। স্তেন্দর্দ অসি গারী পার্কিং তৌবা মতম (মতম শাংনা বেত্তরী শীজিন্নদবা), বেত্তরী সিস্তেম মফম হোংদোকখিবা (স্তোর তৌদুনা থমখিবা), অনেম্বা অমসুং অৱাংবা তেম্পরেচরদা বেত্তরী ওপরেৎ তৌবা অসিনচিংবা ইলেক্ত্রিক গারী অমগী তশেংবা ফীভমশিং অসি য়েংলগা ফোর্ম্যুলেৎ তৌখি, স্তেন্দর্দ অসিদা মসিগা চান্নবা তোঙান-তোঙানবা তেস্ত কয়ামরুম ইনকোর্পোরেৎ তৌরি।

ইলেক্ত্রিক গারীশিংগী ওইনা সেফতী অমসুং পর্ফোর্মেন্স অসি মরু ওইবা হীরম অনি ওইরি। গারীশিংগী প্রোপ্যুলেসনগীদমক বেত্তরী সিস্তেম অসি পাৱর সোর্স অমা ওইনা শীন্ননবা মথৌ তাবা অসি কঞ্জুমর ইলেক্ত্রোনিক্স নত্ত্রগা স্তেসনরীগী শীজিন্নবা বেত্তরীদগী চাউনা খেন্নবা লৈ।

‌ইলেক্ত্রিক গারীশিং অসি ইলেক্ত্রিক মোতোর অমসুং রিচার্জ তৌবা য়াবা বেত্তরীশিংনা ওপরেৎ তৌবা গারীশিংনি। হৌকিবা দেকেদ অসিদা ইলেক্ত্রিক গারীশিং অসি মার্কেৎতা বিজিবিলিতী অমসুং এভাইলেবিলিতী চাউনা হেনগৎলকখি। কঞ্জুমরগী শাফবা, রিলাইএবিলিতী অমসুং শেফতীগীদমক, ইনর্জী স্তোরেজ সিস্তেমশিং অসি ই.ভি. অমা হেক্তগী মরু ওইবা শরুক ওইরক্লি। ই.ভি. অয়াম্বনা পাৱর অমদি ৱেথ রেসিও ৱাংবগীদমক লিথিয়ম-আইওন বেত্তরীশিং শীজিন্নৈ।

মখা তানা ই.ভি.গী বেত্তরীশিংগী শাফবগী হীরম অসি য়েংলগা ব্যুরো ওফ ইন্দিয়ন স্তেন্দর্দনা তোঙান-তোঙানবা পেসেঞ্জর অমসুং পোৎ পুবা গারীশিংগী (কেতগোরী এল, এম. অমসুং এন.) বেত্তরীগা মরী লৈনবা অহেনবা স্তেন্দর্দ অনি পুথোক্নবা থবক পাইখৎলি।

****