আয়ুশকী কেন্দ্রগী মন্ত্রী শ্রী সর্বানন্দ সোনোৱাল, আয়ুশকী কেন্দ্রগী রাজ্য মন্ত্রী শ্রী মুঞ্জপরা মহেন্দ্রভাই কালুভাই অমসুং অতোপ্পা দিগনিতরীশিং য়াওবা থৌরম অমদা ভারতকী রাস্ত্রপতি শ্রী রাম নাথ কোবিন্দনা নই দিল্লীদা লৈবা প্রসিদেন্তগী ইস্তেৎতা অপগ্রেদ তৌরবা আয়ুশ ৱেলনেস সেন্তর শঙ্গাখ্রে। ফর্স্ত লেদী শ্রীমতি সবিতা কোবিন্দসু শঙ্গাবগী থৌরম অসিদা শরুক য়াখি।

আয়ুশ ৱেলনেস সেন্তর (এ.দবল্যু.সি.) অসি আয়ুশ মন্ত্রালয় অমসুং প্রসিদেন্ত সেক্রেতরিএৎকী অপুনবা থৌশিল অমা ওইনা জুলাই ২৫, ২০১৫দা প্রসিদেন্ত ইস্তেৎতা মথৌ তৌবা হৌখি। এ.দবল্যু.সি.না আয়ুর্বেদ, য়োগ অমসুং নেচরোপেথী, য়ুনানী, সিদ্ধ অমসুং হোমিওপেথীগী লমশিংদা লায়েংবগী খুদোংচাবশিং পীদুনা লাকখি অমসুং মসিনা রাস্ত্রপতি, প্রসিদেন্ত সেক্রেতরিএৎকী ওফিসিএলশিং অমসুং প্রসিদেন্তগী ইস্তেৎকী রেসিদেন্তশিংগী অনা লায়েংগী মথৌ তাবশিং ফংহন্দুনা লাকখি। আয়ুশ সিস্তেমগী খুদোংচাবশিংগা লোয়ননা অপগ্রেদ তৌরবা ইনফ্রাস্ত্রকচর অসিনা লায়েংবগী স্তেন্দর্দ প্রোতোকোলশিং ঙাক্না চৎলি।

সেক্রেতরী, আয়ুশ মন্ত্রী বাইদ্যা রাজেশ কোতেচা অমসুং সেক্রেতরী তু দি প্রসিদেন্ত, শ্রী কে. দি. ত্রিপাথি য়াওবা থৌরম অমদা আয়ুশকী রাজ্য মন্ত্রী শ্রী মুঞ্জপরা মহেন্দ্রভাই কালুভাইনা রাস্ত্রপতি ভবন কলচরেল সেন্তরদা ঙসি রাস্ত্রপতি ভবন্দা লৈবা আয়ুশ ৱেলনেস সেন্তরগী “লিংখৎখিবা, মথৌ তৌবা অমসুং মরু ওইবা মাইলস্তন”গী মতাংদা দোক্যুমেন্ত তৌরিবা লাইরিক অমা ফোঙখি।

পব্লিকেসন অসিবু থাগৎলদুনা, রাস্ত্রপতিনা লাইরিক্তা য়াওবা মহাক্কী পাউজেলদা হায়খি মদুদি, “সেন্তর অসিদগী অনাবা মীওই মশিং কয়ানা কান্নবা ফংলি। সেন্তর অসিনা পাইখৎপা পেসেন্ত এজুকেসন ৱার্কশোপশিং, স্কুল হেল্থ প্রোগ্রাম অমসুং আউতরীচ ও.পি.দি.শিং অসিনচিংবা পাইখৎলিবা থৌশিলশিং অসি থাগৎনীংঙাই ওই। তেলিমেদিসিনগী খুদোংচাবশিং অসি কোবিদ-১৯ লাইচৎ মনুংদা হৌখি অমসুং ওনলাইন য়োগ ক্লাসশিং অসিনা অৱাবা তানফম অসিগী মনুংদা বেনিফিসরীশিংদা মতেং পাংখি”।

থৌরম অসিদা, আয়ুশকী কেন্দ্র মন্ত্রী শ্রী সর্বানন্দ সোনোৱালনা হায়খি মদুদি আয়ুশ সিস্তেম চহিচা কয়াদগী আয়ুশ সিস্তেমসগী হীদাক লাংথক অসি হেল্থকিয়রগীদমক মহৌশাদগী শীজিন্নদুনা লাকখি। মহাক্না হায়খি আয়ুশ সিস্তেমশিংগী হেল্থ প্রমোতিব, প্রিভেন্তিব অমসুং ক্যুরেতিব রোলশিং অসিনা মরম ওইরগা মীয়াম্না মসিবু পাম্নরি। মন্ত্রীনা হায়খি আয়ুশ মন্ত্রালয় অমসুং প্রসিদেন্ত সেক্রেতরিএৎনা চুংশিন্নদুনা প্রসিদেন্ত ইস্তেৎকী আয়ুশ ৱেলনেস সেন্তর হৌদোকখিবা অসিনা মাইকৈ অসিগী অহানবা খোঙথাং ওইখি। মহাক্না মখা তারদুনা হায়খি অপগ্রেদ তৌরবা আয়ুশ ৱেলনেস সেন্তরঅসিনা অপনবা লৈতবা অমসুং কান্নবা মওংদা আয়ুশকী লায়েং মখা তানা পীখিগনি।

সেন্তর অসিগী মরুওইবা ফীচরশিংগী মতাংদা পল্লদুনা আয়ুশকী সেক্রেতরী ভি.দি. রাজেশ কোতেচানা হায়, মসিগী সেন্তর অসি মীয়াম্না পাম্নবগী থাক অসি হৌখিবা চহি ৭ অসিদা প্রসিদেন্ত ইস্তেত্তা লৈরিবা মীওই লাখ ১.৬ হেনবনা সেন্তর অসিদা লাকখিবা অসিনা তাক্লি। সেন্তর অসিনা হৌজিক ফাওবদা রিসর্স পেপর পুন্না ৬০ ফোঙখ্রে। মহাক্না মখা তারদুনা হায়, মসিগী মতিক চারবা ফেসিলিতীশিং অসিগা লোয়ননা সেন্তর অসিনা হেন্না হোলিস্তিক ওইবা মওং অমদা মফম অসিদা লৈরিবা মীয়ামগী শেবা তৌরগনি।

রাস্ত্রপতী ভৱন্না আয়ুশ মন্ত্রালয়গী মতেংগা লোয়ননা জুলাই ২০১৫দা প্রসিদেন্তগী ইস্তেত্তা মফম অমদা সিস্তেম পুম্নমক ফংহন্দুনা লৈবাক অসিগী অহানবা আয়ুশ ৱেলনেস ক্লিনিক (এ.দবল্যু.সি.) লিংখৎখি। মতম অদুদা প্রসিদেন্তকী ইস্তেত্তা লৈবা নিংখাইরবা বিল্দিং অমা নৌনা শেনজিনখি অমসুং এ.দবল্যু.সি. ওনথোকখি। এ.দবল্যু.সি.দা আয়ুর্বেদ, য়োগ অমসুং নেচরোপেথী, য়ুনানী, সিদ্ধ অমসুং হোমিওপেথীগী লমশিংদা লাইয়েংবগী ফেসিলিতীশিং লৈ। মসিগী লৈবাক পুম্বদা লৈরিবা সরকারগী দিপার্তমেন্তশিং অমসুং মমিং লৈরবা ইন্সতিত্যুতশিংদা লৈবা ক্লিনিকশিংগী মরক্তা অহানবনি।

****