কেন্দ্রগী হোম অমসুং কোওপরেশন মন্ত্রী, শ্রী অমিত শাহনা নই দিল্লীদা ঙসি কোওপরেশণ মন্ত্রালয় অমসুং এন.এ.এফ.সি.য়ু.বি.না শিনবা সেদুলদ এন্দ মল্তি-স্তেত অর্বান কো-ওপরেতিব বেঙ্কস এন্দ ক্রেদিৎ সোসাইতীজকী নেস্নেল কনভেন্সনদা ৱা ঙাংখ্রে। থৌরম অসিদা কোওপরেশনগী রাজ্য মন্ত্রী, শ্রী বিই.এল. ৱর্মা, কোওপরেশন মন্ত্রালয়গী সেনিয়র ওফিসরশিং, চেবরমেন, নেস্নেল ফেদরেশন ওফ অর্বান কোওপরেতিব বেঙ্কস এন্দ ক্রেদিৎ সোসাইতীজ লিমিতেদ (এন.এ.এফ.সি.য়ু.বি.), শ্রী জ্যোতিন্দ্র মেহতা অমসুং অতোপ্পা দিগ্নিতরীশিংনা শরুক য়াখি।

শ্রী অমিত শাহনা মহাক্কী ৱারোল অদুদা হায়খি মদুদি লৈবাক অসিনা হন্দক্কী চহি অসিদা আজাদি কা অমৃত মাহোতসব পাংথোক্লি অমসুং প্রধান মন্ত্রী, শ্রী নরেন্দ্র মোদীনা লৈবাক মীয়ামদা পান্দম অমা থমখি মদুদি চহি ২৫গী মতুংদা লৈবাক অসিনা মশাগী নিংতম্বগী চহি চামা শুবগী কুমওন পাংথোকপা মতমদা, ভারতনা হীরম খুদিমক্তা খ্বাইদগী হেন্না ফবা ওইগদবনি। হায়রিবা অসি মসিগী কন্সত্রক্তিব প্রোসেস অসিদা মীপুম খুদিংমক্না শরুক য়াবা অমসুং তেংবাং পীনবা মতমদা অমসুং মীপুম খুদিংমক্না মখোয়গী মশাগী পান্দম থম্বা অমসুং হায়রিবা পান্দমশিং অসি চহি ২৫গী মনুংদা ফংবা ঙম্বা মতমদতা ওইথোক্কদৌরিবনি। ঐখোয়গী মাংদা লৈরিবা খ্বাইদগী চাউবা পান্দম অসি লৈবাক অসিগী চাউখৎ-থৌরাংনি, লৈবাক অসিগী ইকোনোমীবু মালেমগী ইকোনোমীগী খ্বাইদগী মকোক থংবদা পুখৎপা অমসুং প্রজা খুদিমক্না হক চপ মান্ননা মখোয়গী পুনশি অদু হিংবা ঙম্বা ওইগদবনি।

কেন্দ্রগী কোওপরেশন মন্ত্রীনা হায়খি মদুদি মী খরনা কোওপরেতিবশিংদা তোঙানবা মীৎয়েং অমদা য়েংঙি অমসুং মখোয়বু চৎনদ্রবা , মতম হেল্লবা অমসুং কানদ্রবা  ওইনা খল্লি। অদুবু ঐহাক্না অসিগুম্বা মীশিং অসিদা অমুল, কে.আর.আই.বি.ঐচ.সি.ও., আই.এফ.এফ.সি.ও. অমসুং লিজত পাপদকী মোদেল অসিদা য়েংনবা হায়নিংঙি। চহি চামা হেল্লবা কোওপরেতিব বেঙ্ক ১৯৫ হেন্না লৈরিবা অদুদা য়েংউ অমসুং মখোয়শিং অদু ঙসি ফাওবা চপ মান্ননা অদুমক কান্নরি হায়বসি নখোয়না মদুদা খঙগনি। শ্রী শাহনা হায়খি মদুদি চহী চামা হায়বসি য়াম্না শাংখ্রবা মতম্নি অমসুং লৈবাক অসিদা লৈরিবা কোওপরেতিবশিংনা মসিগী খোংচৎ অসি মাইপাক্না চৎখি, অদুবু  মথংগী চহি ১০০গী খোংচৎ অসিদি ঐখোয়না য়াম্না পোং-চাউনা অমসুং মাইপাকপগা লোইননা লৈবাক অসিগী চাউখৎ-থৌরাংদা শরুক য়াদুনা খোংচৎ অসিবু মপুং ফাহনগদবনি। মথংগী চহি চামা অসিদি কোওপরেতিবশিংগী স্কোপ অমসুং এক্সেপ্তেন্স অসি হেনগৎহনগদবনি অমসুং মখোয়গী থৌওং অদুগী মতুং ইন্না, কোওপরেতিবশিং অসিবু কানদবনি হায়না লৌবশিংদা ঐখোয়না তাক্কদবনি, অমসুং হায়রিবা অসি থিওরীদা নত্তে, মসি মখোয়গী পর্ফোর্মেন্স অদুদা য়ুমফম ওইরগা তাক্কদবনি অমসুং মসি ঐখোয় পুম্নমক্কী থৌদাংনি।

শ্রী অমিত শাহনা হায়খি মদুদি অর্বান স্তেত কোওপরেতিব বেঙ্কশিং খক্তনা খুনাইগী খ্বাইদগী পিকপা সেক্সনশিংদা লোন পীবা ঙম্মি অমসুং হায়রিবা সেক্সন অদুবু পুখৎপীবা অমসুং চাউখৎ-থৌরাংগী থৌওংদা মখোয়বু শরুক য়াহন্দুনা অমসুং লৈবাক অসিগী ইকোনোমীদা স্তেকহোল্দরশিং ওইহনবা হায়বসি কোওপরেতিবশিং খক্তনা তৌবা ঙম্মি। মহাক্না হায়খি মদুদি হৌজিক্তি ইচম-চম্বা মীওইশিংনা মখোয়গী পুনশিদা নুমিৎ খুদিংগী চংবা অপিকপা পোৎলমশিংগীদমক্তা লোনশিং পাম্বা মতমদা মখোয়না কোওপরেতিব বেঙ্কশিংগী মাইকৈদা য়েংঙি। মসি ওল-ইনক্লুসিব দেবেলপমেন্তকীদমক্তা য়াম্না মরু ওই অমসুং শেল-থুমগী মতাংদা এমপাৱর তৌদ্রবা মীশিংবু এমপাৱর তৌবা হায়বসি খুনাই অনিমক্কী মথৌদাংনি হায়বদি কোওপরেতিবশিং অমসুং সরকার। অর্বান কোওপরেতিব বেঙ্কশিং অমসুং অর্বান কোওপরেতিব ক্রেদিৎ সোসাইতীজকী খুত্থাংদা এমপাৱরমেন্ত তৌবদগী হেন্না ফবা অতোপ্পা লম্বি অমত্তা লৈরোই। মহাক্না হায়খি মদুদি, ব্রাঞ্চ ১০,০০০, লুপা করোর লাখ ৫গী দিপোজিতশিং, লুপা করোর লাখ ৩গী এদভান্সশিং  অসি য়াম্না য়াম্লবা মশিংনি, অদুবু বেঙ্কিং সেক্তরদা কোওপরেতিবশিংগী শিয়রবুসু য়েংশিনবগী মথৌ তাই। বেঙ্কিং সেক্তরদা অর্বা কোওপরেতিব বেঙ্কশিংনা দিপোজিশিংগী মতাংদা চাদা ৩.২৫ অমসুং এদভান্সশিংগী মতাংদা চাদা ২.৬৯ ওই। ঐখোয়ননা মসিদা পেন্থোক্লোইদবনি অমসুং ঐখোয়না মসিবু হেন্না চাউথোকহন্নবা ফিরেপ লৌগদবনি। কেন্দ্রগী কোওপরেতিব মন্ত্রীনা হায়খি মদুদি শ্রী নরেন্দ্র মোদীগী লুচিং মখাদা, ভারত সরকারনা নখোয়বু মান্নবা মীৎয়েংদা য়েংগনি অমসুং নখোয়বু সেকেন্দ গ্রেদ সিতিজনশিংগুম্বা মীৎয়েংদা য়েংলোই হায়না ঐহাক্না নখোয়দা থাজবা পীরি

কোওপরেশন মন্ত্রীনা হায়খি মদুদি ঐখোয়না করিগুম্বা চাউথোক্নিংবা তারবদি হোজিক্কীদমক্তা কনগনু, ঐখোয়না মথংগী চহি ১০০গীদমক্তা খনগদবনি অমসুং মদুগীদমক্তা ঐখোয়না ইখোয়গী ইশাদা ইন্সতিত্যুশনগী ওইবা অহোংবা খরা পুরকপা অসি তঙাইফদে। ঐখোয়না অনোয়া অমসুং প্রোফরেস্নেলশিংগী চংজফম পীগদবনি অমসুং মখোয়বু কোওপরেতিব সেক্তরদা পুশিল্লক্কদবনি। মখোয়না কোওপরেতিবা অসিবু মাংলোমদা পুখৎলগনি, নখোয়না থেংনরকপশিং অদুদগী অনৌবা মীরোলশিংনা তমজগদৌরিবনি অমসুং অরিবশিংনা অনৌবশিংদা তম্বীগদৌরিবনি, মসিগী এপ্রোচ অসি ঐখোয়না পাইখৎকদবনি।ঐখোয়না ঐখোয়গী হ্যুমেন রিসোর্সশিং অদু কমপিত তৌরিবা লানাইগী বেঙ্কশিং অমসুং নেস্নেলাইজ তৌরবা বেঙ্কশিংগা চাংদম্নগদবনি। ঐখোয়না রেক্রুতমেন্তকী প্রোফেস্নেল প্রোসেসশিং, একাউন্তিং সীস্তেমবু মপুং ফানা কমপ্যুতরাইজ তৌবা অমসুং একাউন্ত সোফৱেয়রদা সেল্ফ এলর্তশিং অসিনচিংবগুম্বশিং অসিদসু য়েংশিনগদবনি। ঐখোয়না করিগুম্বা মসিগী কমপিতিশন অসিদা হিংগে হায়বা তারবদি ঐখোয়না ঐখোয়বু মতম অসিগা চুনবা মওংদা হোংদোকপা তাবনি অমসুং অদুগা মান্ননা চৎকদবনি। মহকা্না হায়খি মদুদি লৈবাক অসিদা চাদা ৪০ অর্বানাইজেশন তৌরি অদুবু কোওপরেতিবশিংনা মসিদা শরুক য়াবা অসি য়াম্না লিমিতেদ ওই, করিগুম্বা ঐখোয়না মসিদা য়াওরিবা ঐখোয়গী শিয়র অসি হেনগৎলবদি ঐখোয়না কমপিতিব ওইদুনা লৈবদা হেন্না মীৎয়েং থম্বা তাবনি। এন.এ.এফ.সি.য়ু.বি.না ক্রেদিৎ কোওপরেতিব সোসাইতী সেক্তর অহেনবা ইনোৎ হাপ্পগী তঙাইফদবা লৈ। ঙসিদি কোওপরেতিবকী  স্পিরিৎ অমসুং কলচর অসিবু মাংদা পুখৎকদবনি। লৈবাক অসিগী লাইরবা সেক্সনগী চাউখৎনবগীদমক্তা, মসিগী সেক্তর অসি য়াম্না মরু ওই, মসিগী ৱাখল্লোন অসি ঐখোয়না মাংলোমদা পুখৎকদবনি অমসুং মসিগা লোইন-লোইননা মতম অসিগী অনৌবা বেঙ্কিং সীস্তেমবুসু লৌশিনগদবনি, মদুদতা ঐখোয়না কমপিতিশন অসিদা য়াওবা ঙমগদৌরিবনি।

শ্রী অমিত শাহনা হায়খি মদুদি কোওপরেতিবশিংদা মীয়ামগী থাজবা হেনগৎহন্নবা ঐখোয়না ঐখোয়গী মফম অমা শেমগদবনি অমসুং মতম অসিমক্তদা ঐখোয়গী কন্ত্রিব্যুশনগা লোইননা ঐখোয়গী দিমান্দ অদু মতম অসিগী  কমপিতিশনগী ইরাদা পুখৎকদবনি হায়বা ফিরেপ অসি লৌগদবনি।  মহাক্না হায়খি মদুদি মসিগী সেমিনার অসিদা অর্বান কোওপরেতিব ক্রেদিৎ সেক্তরগী তুংদা লৌগদবা থৌদাং কয়া অমগী মতাংদা তেক্নিকেল সেসন কয়া অমা লৈ। কেন্দ্রগী হোম অমসুং কোওপরেশণ মন্ত্রীনা হায়খি মদুদি মসিদা চাউরবা বিজনেস লৈরি, মসিদা চাউরাক্না অর্বান কোওপরেতিব বেঙ্ক ১,৫৩৪ লৈ, ব্রাঞ্চ ১০,০০০ হেন্না লৈ, সেদুল বেঙ্ক ৫৪, মল্তি স্তেত কোওপরেতিব বেঙ্ক ৩৫, মল্তি স্তেত  কোওপরেতিব ক্রেদিৎ সোসাইতী ৫৮০ অমসুং স্তেত এসোসিয়েশন ২২। ঐখোয়গী ব্রেথ অসি চাউই অদুবু মসি মান্নদে। তোউন খুদিংমক্তা অফবা অর্বান কোওপরেতিব বেঙ্কশিং লৈবা হায়বসি মতাং অসিগী অমসুংলৈবাক অসিগী তঙাইফদবনি। এন.এ.এফ.সি.য়ু.বি.না কোওপরেতিব বেঙ্কশিংগী প্রোব্লেমশিং অদুবু লৌখৎপা অমসুং সোল্ব তৌবদা নত্তনা  হেন্না ফবা সিমিত্রিকেল ওইবা দেবেলপমেন্তকীদমক্তা থবক তৌগদবনি। কোওপরেতিবশিং অসি চপ মান্ননা চাউথোকহনবা হায়বসি ঐখোয়গী থৌদাংনি মরমদি মসিনা লাক্কদবা মতমশিংদা ঐখোয়বু কমপিতিশন অসিদা য়াওহনগদৌরিবনি। মসিগীদমক্তা মাইপাক্লবা বেঙ্কশিংনা ফাওবা চোংথোরক্কদবনি।

কেন্দ্রগী হোমঅমসুং কোওপরেশন মন্ত্রীনা হায়খি মদুদি অর্বান কোওপরেতিব বেঙ্কশিংগা মরী লৈনবা ইশু কয়া অমা লৈ অমসুং মসিগী ইশুশিং অসি সোল্ব তৌনবা নখোয়না খল্লিবা অদুদগী কোওপরেশন মন্ত্রালয়না মাংজৌননা খোংথাং অনি হান্না পাঈখৎপা ণখোয়না থেংনগনি। কো-ওপরেশণ ঞন্ত্রালয় অসিনা হেক শেম্লকপদগী, তেক্সেশনগী ইশুশিং অমসুং সুগর মিলশিংগী এসেসমেন্ত য়াওনা অহোংবা কয়া অমা থোকখ্রে। ভারত সরকার অসিনা কোওপরেতিব সেক্তর পুম্নমক অসিগী দেতা বেঙ্ক অমা শেম্লি, মসিনা কোওপরেতিব য়ুনিভর্সিতী লিংখৎনবগী লম্বি য়াৎলি অমসুং অচৌবা কোওপরেতিব সোসাইতীশিংনা জি.ই.এম.গী খুত্থাংদা লৈবগী অয়াবসু কেবিনেতনা পীখ্রে। প্রধান মন্ত্রী, শ্রী নরেন্দ্র মোদীনা সরকারগী ইন্সতিত্যুশনশিং নত্তবা অতোপ্পশিংসু জে.ই.এম.দগী লৈবা য়াহনখ্রে, হায়রিবা অসি কোওপরেতিব খক্তগীনি, ত্রান্সপরেন্সী লৈহনবা হায়বসি য়াম্না মরু ওই। থবক কয়া অমা থোক্লি অমসুং তুংদসু থোক্লখিগনি, অদুবু ঐহাক্না নখোয়দা য়েংশিন্নবা অমসুং লৈরিবা কমপিতিশন অসিগী মায়োক্তা হিংননবগীদমক্তা নখোয়গি ইন্সতিত্যুশনদা করি তৌবা য়ারিবগে হায়বসিগী মতাংদা খন্থনবা হায়রি।

*********