কেন্দ্রগী পো্রতস, শিপ্পিং অমসুং ৱাতরৱেজ অমসুং আয়ুশকী মন্ত্রী, সর্বানন্দা সোনোৱালনা য়োগবু মালেমগী থাক্তা পুখৎপদা প্রধান মন্ত্রী, শ্রী নরেন্দ্র মোদীনা লৌখিবা মহাক্কী মরু ওইবা থৌদাং অদুগীদমক্তা মহাক্না থমোই শেংনা তৌবীমল খঙবা উৎখ্রে। ৮শুবা ইন্তর্নেস্নেল দে ওফ য়োগ (আই.দি.ৱাই.২০২২) অসি মফম অসিদা ঙসি মৈসুরু পেলেসতা য়োগবু থৱায় য়াওজবা মীওই ১৫,০০০গা লোইননা প্রধান মন্ত্রীনা লুচিংখি। কেন্দ্রগী আয়ুশ মন্ত্রীনা, আয়ুশ মন্ত্রালয়গী মাইকৈদগী কেন্দ্রগী কাউন্সিল ওফ মিনিস্তরদা থবক তৌমিন্নরিবা মহাক্কী কলীগশিং, গোবর্নর অমসুং রাজ্য সরকারগী মেম্বর পুম্নমক, আর্মদ ফোর্সশিংগী মেম্বরশিং, মালেম মফম কয়াদা পাংথোক্লিবা ফোরেন মিসনশিংগা লোইন-লোইননা হন্দক্কী চহি অসিগী য়োগগী নুমিৎ  অসিবু য়াম্না চাউনা মাইপাকপা অমা ওইহল্লিবা মসিদা হকথেংননা শরুক য়ারিবা ভোলন্তিয়রশিংবু মহাক্না থমোই শেংনা থাগৎপা ফোংদোকখি। কেন্দ্রগী মন্ত্রী অসিনা হন্দক্কী চহিগী য়োগ নুমিৎ অসিবু য়াম্না চাউবা মাইপাকপা অমা ওইহন্নবা প্রোএক্তিব ওইন আথবক তৌরকখিবা অমসুং খোংথাং খুদিংমক্তা মতেং পাংলকখিবা কর্নাতকাগী সরকারবুসু থাগৎপা ফোংদোকখি।

আই.দি.ৱাই, ২০২২গী মরু ওইবা থৌরম অদুদা ইকাইখুম্নরবা কর্নাতকাগী গোবর্নর, থাৱরচান্দ গেহলোত; কর্নাতকাগী মুখ্য মন্ত্রী, বাসবরাজ এস. বোম্মাই, আয়ুশ মন্ত্রালয় অমসুং কর্নাতকা সরকারদগী ওফিসিয়েলশিংগা লোইননা কেন্দ্রগী মন্ত্রী সর্বানন্দা সোনোৱাল মশামক্না থৌরম অদুদা শরুক য়াখি।

থৌরম অদুদা, প্রধান মন্ত্রী, শ্রী নরেন্দ্র মোদীনা মরু ওইনা পনখি মদুদি হন্দক্কী চহি অসিগী থিম অসিনা কোবিদ-১৯ লাইচৎ অসিগী মনুংদা অৱা-অনাবু কোহনবদা য়োগনা মীওইবা জাতিগীদমক্তা করম্না য়াইফনবা তৌবগে হায়বদু য়াম্না ময়েক শেংনা উৎলি। ঙসিদি য়োগ অসি মালেমগী ওইনা তেংবাং পীননবগী পাম্বৈ অমা ওইরে অমসুং মীওইবা খুন্নাই অসিদা অফবা পুনশি মহিং অমা হিংনবগী থাজবা অমা পীরি। মহাক্না মখা তারকখি মদুদি ঐখোয়না য়োগ অসি ইমুং-মনুংগী ওইনা লৈরম্বদগী থোরকখ্রে অমসুং মালেম শিনবা থুংনা শন্দোরকখ্রে অমসুং মসি স্পিরিচুৱল রিয়লাইজেশনগী মতৌনি , অমসুং মহৌশাগী ওইবা অমসুং মীওইবশিংগী মরক্তা পুন্না ভাব তামিন্নবা, মরু ওইনা খঙহৌদনা থোরকখিবা লাইচৎ মনুংগী চহি অনি অসিদা উবা ফংখি।

প্রধান মন্ত্রীনা হায়খি মদুদি ঙসি হায়বা নুমিৎ অসিদা য়োগগী মপাল নাইদ্রবা ওইথোকপা য়াবা কয়া অমবু ওইথোকহন্নবগী মতম ওইরে। ঙসিদি ঐখোয়গী নহাশিংনা য়োগগী লমসিদা অনৌবা ৱাখল্লোনগা লোইননা মশিং য়াম্না লাক্লি। আয়ুশ মন্ত্রালয়গী স্তার্ত অপ য়োগ চেলেঞ্জ অসিনা হন্দক্কী মীরোল অসিবু পুক্নিং থৌগৎলিবা অনৌবা ৱাখল্লোনশিং অমসুং ইনোভেশনশিং পুন্না পুশিল্লক্লি।

থৌরম অদুদা ৱা ঙাংলদুনা, কেনদ্রগী আয়ুশ মন্ত্রীম শ্রী সরে্বানন্দা সোনোৱালনা হায়খি, “য়োগ অসিনা মালেম অসিবু পুন্না পুনশিনহল্লরে, গ্লোবল ভেল্যুশিংদা অহোংবা অমা পুরক্লে, অমসুংমসিনা তোঙান-তোঙানবা হেল্থকিয়র সীস্তেমশিংবু নকশিন্নহল্লে।  হেন্না ফবা অমসুং নুংঙাই হয়েং অমগী মাইকৈদা মীওইবা জাতিগী মসিগী ফজরবা খোংজং অসি মালেমগী থাক্তা পোপুলরাইজ তৌবদা অমসুং ইন্সতিত্যুস্নেলাইজ তৌবদা ঐখোয়গী ইকাইখুম্নরবা প্রধান মন্ত্রী, শ্রী নরেন্দ্র মোদীজীগী ৱিজন অমসুং মহাক্না লৌখিবা শিংথানিংঙাই ওইরবা থৌদাং অদুনা মরম ওইরগা ওইথোকপা ঙম্লিবনি। য়োগ নুমিৎ অসি নোংম-নোংমগী ওইনা অসুম চাউথোরক্লি। ঙসিগী য়োগগী নুমিৎ অসিদা মালেমগী মফম কয়াদগী মী করোর ২৫ হেন্না শরুক য়াবা অসিদা য়াম্না হরাওই অমসুং চাউথোকচৈ। হায়রিবা অসি রাজ্যশিং, য়ুনিয়ন তেরিতোরীশিংগী সরকারশিং, মালেম শিনবা থুংনআ শন্দোক্লিবা ঐখোয়গী ফোরেন মিসনশিং, থৌরম অসিগা মরী লৈনবা ইন্তর্নেস্নেল ওর্গানাইজেশনশিং অমসুং ভোলন্তিয়র্শিংনা তৌখিবআ সপোর্ত অমসুং লৌখিবা থৌদাংশিং অদু য়াওদনা ওইথোকপা ঙম্লমলোই- য়াম্না তোইনা মসিবু পাংথোক্তুনা মখোয়গী পুনশিবু ফগৎহন্নবা য়োগগীদমক্তা এৱেবরনেস লৈহন্নবা পান্দম থম্লি। ঐহাক্না ঐখোয়গী আর্মদ ফোর্সশিং, মন্ত্রালয়দা লৈরিবা ঐখোয়গী স্তাফশিং অমসুং অতোপ্পা ওর্গনাইজেশনশীং , পি.এস.য়ু.শিং, ফোরেন দিগ্নিতরিশিং, পব্লিক ফিগরশিং অমসুং য়োগ গুরুশিংবু ঙসিগী থৌরম অসিবু য়াম্না চাউনা মাইপাকপা অমা ওইহনবগীদমক্তা মখোয়না নিংহন্নবা লৈতনআ হোৎনখিবগীদমক্তা থমোই শেংনা থাগৎপা ফোংদোক্লি।”

মখাতানা পল্লদুনা, সর্বানন্দা সোনোৱালনা হায়খি, “লনাইগী মীওইশিং, ফুরুপশীং, লৈবাকশিং অমসুং মালেম অসিবু অমত্তা ওইনা হকশেল অমসুং নুংঙি-য়াইফনা লৈবদা মীৎয়েং থমদুনা মালেম অসিদা শান্তি অমসুং নুংশি-চান্নবা পুরকপা হায়বসি ঐখোয়গী ইকাইখুম্নরবা প্রধান মন্ত্রী, নরেন্দ্র মোদীজীগী ৱিজন্নি। মহাক্না হায়খি মদুদি য়োগ অসিনা মালেম অসিবু পুল্লপ পুনশীহল্লরে, গ্লোবল ভেল্যুশিংদা অহোংবা অমা পুরক্লে অমসুং তোঙান-তোঙান হেল্থকিয়র সীস্তেমশিংবু নকশিন্নহল্লে। হন্দক্কী চহিগী থিম – য়োগ ফোর হ্যুমেনিতী – অসি আয়ুশ মন্ত্রালয়না অফবা মখলগী কনভর্সেশন অমা লৈহন্নবা অমসুং য়োগগী তোঙান-তোঙান হীরম কয়া অমদা সোসিয়েল কম্যুনিতীশিংগা এনগেজ তৌনবা অনৌবা থৌরাং কয়া অমগী খুত্থাংদা লৌখৎখিবনি। প্রোগ্রামশিং অসি হেল্থ অমসুং প্লুরেলিতী সেলেব্রেত তৌনবা খুনাই অসিগী তোঙান-তোঙানবা সেক্সনশিংবু য়াওহন্নবা হোৎনবনি। মন্ত্রালয় অসিনা য়োগগী খুত্থাংদা মীয়ামগী হকশেল ফগৎহন্নবা অমসুং নুংঙাই-য়াওফনা লৈবা হেগৎহন্নবা মখোয়গী অনৌবা থৌরাং কয়া অমগী খুত্থাংদা খোংথাং কয়া অমসু লৌখৎখি।”

হন্দক্কী চহিগী ইন্তর্নেস্নেল দে ওফ য়োগ ২০২২ অসি অনৌবা থৌরাং কয়া উবা ফংখি, ‘গার্জিয়ন রিং’ প্রোগ্রাম, হায়রিবা অসি লৈবাক অমগী ঙমখৈ ৱাংবা লান্না য়োগগী অমত্তা ওইনা পুনশিনবগী শক্তি অদুবু উৎথোক্নবা ভারতকী মপানদা পাংথোক্লিবা ভারতকী মিসনশিংগা লোইননা লৈবাক ৭৯ অমসুং য়নাইতেদ নেসন্সকী মরক্তা অপুনবগী ওইবা এক্সরসাইজ অমনি। ৮শুবা আই.দি.ৱাই.গী থৌরম পাংথোকপগা লোইননা আজাদি কা অমৃত মাহোতসব অসিগা পুনশিন্নদুনা, কেন্দ্রগী মন্ত্রী ৭৫গী লুচিং মখাদা লৈবাক শিনবা থুংনা মরু ওইবা মফম ৭৫দা মাস য়োগ দেমোন্সত্রেশন শিনখি।

প্রধান মন্ত্রীনা দিজিতেল য়োগ একজিবিশন হৌদোকখ্রে, মসিদা ভর্চুৱল রিয়েলিতীগুম্বা মতম অসিগী খ্বাইদগী নৌবা তেক্নোলোজীশিং শিজিন্নদুনা য়োগগী পুৱারি অমসুং লৌশিং অদুবু উৎথোক্লি। প্রধান মন্ত্রীনা য়োগ ইন্সতিত্যুশন, আয়ুশ ইন্সতিত্যুশন ১৪৬না শরুক য়ারিবা স্তেতিক আয়ুশ একজিবিশনদসু চৎখি।

 

***

(Release ID: 1836328) Visitor Counter : 116