بندرگاہوں، جہاز رانی اور آبی گزرگاہوں، نیز آیوش کے مرکزی وزیر سربانند سونووال نے عالمی سطح پر یوگا کو فروغ دینے میں ان کے اہم اور قائدانہ رول کے لیے وزیر اعظم نریندر مودی کا تہہ دل سے شکریہ ادا کیا۔ یوگا کا آٹھواں بین الاقوامی دن (آئی ڈی وائی 2022) آج یہاں میسورو محل میں 15,000 یوگا شائقین کے ساتھ وزیر اعظم کی قیادت میں منایا گیا۔ آیوش کی وزارت کی جانب سے آیوش کے مرکزی وزیر نے وزراء کے مرکزی کونسل کے اپنے ساتھیوں، گورنروں اور ریاستی حکومتوں کے تمام اراکین، مسلح افواج کے ارکان، دنیا بھر کے غیر ملکی مشنوں کے ساتھ ساتھ ان تمام رضاکاروں کا بھی تہہ دل سے شکریہ ادا کیا، جن کی فعال شرکت نے اس سال کے یوگا دن کو شاندار کامیابی سے ہمکنار کیا۔ مرکزی وزیر نے کرناٹک حکومت کا بھی شکریہ ادا کیا جس نے اس سال کے یوگا کے عالمی دن کو زبردست کامیابی سے ہمکنار کرنے کے لیے سرگرم کردار ادا کیا اور اس سلسلے میں ہر قدم اور کوشش کی حمایت کی۔

یوگا کے بین الاقوامی دن 2022 کی اصل تقریب میں کرناٹک کے گورنر عزت مآب تھاورچند گہلوت، کرناٹک کے وزیر اعلی بسوراج ایس بومائی، مرکزی وزیر سربانند سونووال کے ساتھ آیوش کی وزارت اور کرناٹک حکومت کے افسران نے سرگرم شرکت کی۔ تقریباً 200 معذور بچے، 100 یتیم بچے، 15 مخنث افراد، ایچ آئی وی متاثرہ افراد اور آشا کارکنان بھی آج بڑے پیمانے پر منعقدہ اس یوگا تقریب میں شامل ہوئے۔

اس موقع پر وزیر اعظم جناب نریندر مودی نے اس بات پر زور دیا کہ اس سال کا موضوع مناسب طریقے سے اس بات کی تصویر کشی کرتا ہے کہ کس طرح یوگا نے کووڈ 19 وبائی مرض کے دوران مصیبتوں کو دور کرنے میں انسانیت کی خدمت کی۔ آج یوگا عالمی تعاون کے لئے بنیاد بن رہا ہے اور بنی نوع انسان کو صحت مند زندگی کا یقین فراہم کر رہا ہے۔ انہوں نے مزید کہا کہ ہم دیکھتے ہیں کہ یوگا گھرانوں سے نکل کر پوری دنیا میں پھیل گیا ہے اور یہ خاص طور پر گزشتہ دو سال میں ایک بے مثال اور غیر معمولی وبائی بیماری کے دوران روحانی احساس کی تصویر ہے، نیز قدرتی اور مشترکہ انسانی شعور کی تصویر ہے۔

وزیر اعظم نے کہا کہ آج یوگا سے جڑے لامحدود امکانات کو محسوس کرنے کا وقت ہے۔ آج ہمارے نوجوان یوگا کے میدان میں نئے تصورات کے ساتھ بڑی تعداد میں آرہے ہیں۔ آیوش کی وزارت کا اسٹارٹ اپ یوگا چیلنج نئے آئیڈیاز اور اختراعات کو اکٹھا کر رہا ہے جو اس نسل کو متاثر کر رہا ہے۔

اس موقع پر خطاب کرتے ہوئے آیوش کے مرکزی وزیر سربانند سونووال نےکہا کہ ‘‘یوگا نے دنیا کو ایک ساتھ لایا ہے، عالمی اقدار کو نئی شکل دی ہے اور صحت کی دیکھ بھال کے مختلف نظام کو قریب لا رہی ہے۔ ایک صحت مند اور خوشگوار کل کی طرف انسانیت کی یہ خوبصورت تحریک صرف عزت مآب وزیر اعظم جناب نریندر مودی جی کے عالمی سطح پر اسے مقبول اور ادارہ جاتی بنانے میں وژن اور قابل عمل کردار کی وجہ سے ممکن ہوئی ہے۔ یوگا کی رفتار دن بہ دن بڑھتی جارہی ہے۔ ہمیں بے حد خوشی اور فخر ہے کہ آج کے یوم یوگا میں دنیا بھر سے تقریباً 25 کروڑ لوگ حصہ لے رہے ہیں۔ یہ تمام ریاستوں، مرکز کے زیر انتظام علاقوں، دنیا بھر میں پھیلے ہمارے غیر ملکی مشنوں، اس تقریب سے وابستہ تمام بین الاقوامی تنظیموں اور رضاکاروں کے تعاون اور فعال کردار کے بغیر ممکن نہیں تھا۔ ان رضاکاروں کا مقصد باقاعدگی سے یوگا کرکے اپنی زندگیوں کو طاقت بخشنا اور یوگا سے متعلق بیداری پیدا کرنا ہے۔ میں اپنے مسلح افواج کے ارکان، وزارتوں اور دیگر اداروں کے اپنے تمام عملے، پی ایس یوز، غیر ملکی معززین، عوامی شخصیات اور یوگا گرو کا آج کے پروگرام کو ایک عظیم کامیابی سے ہمکنار کرنے کے لیے ان کی انتھک محنت کے لیے تہہ دل سے شکریہ ادا کرتا ہوں۔’’

 

جناب سربانند سونووال نے مزید کہا کہ ‘‘یہ عزت مآب وزیر اعظم نریندر مودی جی کا وژن ہے کہ افراد، برادریوں، قوموں اور پوری دنیا کی صحت اور بہبود پر توجہ مرکوز کرکے عالمی امن اور ہم آہنگی لایا جائے۔ انہوں نے کہا کہ یوگا نے دنیا کو ایک ساتھ لایا ہے، عالمی اقدار کو نئی شکل دی ہے اور صحت کی دیکھ بھال کے مختلف نظام کو قریب لایا ہے۔ اس سال کا موضوع - انسانیت کے لئے یوگ- کو آیوش کی وزارت نے یوگا کے مختلف پہلوؤں پر مثبت بات چیت اور سماجی برادریوں کے ساتھ مشغول ہونے کے لیے مختلف پہل کے ذریعے اپنایا تھا۔ یہ پروگرام صحت اور تکثیریت کا جشن منانے کے لیے معاشرے کے مختلف طبقات کو شامل کرنے کی کوشش ہے۔ وزارت یوگا  کے ذریعے لوگوں کی صحت اور بہبود کی ترقی کو یقینی بنانے کے لیے اپنے مختلف اقدامات کے ذریعے بھی کوشش کر رہی ہے۔’’

اس سال یوگا کے بین الاقوامی دن 2022 میں بہت سے نئے اقدامات دیکھنے میں آئے، ‘گارڈین رنگ’ پروگرام، جو کہ 79 ممالک اور اقوام متحدہ کی تنظیموں کے ساتھ ساتھ بیرون ملک ہندوستانی مشنز کے درمیان مشترکہ مشق ہے تاکہ یوگا کی متحد کرنے والی طاقت کو واضح کیا جا سکے جو کہ قومی حدود کو عبور کرتی ہے۔ آزادی کے امرت مہوتسو کو 8ویں بین الاقوامی یوگا کے دن کی تقریبات کے ساتھ مربوط کرتے ہوئے 75 مرکزی وزراء کی قیادت میں ملک بھر میں 75 مشہور مقامات پر بڑے پیمانے پر یوگا کے پروگرام کا اہتمام کیا گیا۔

وزیر اعظم نے ڈیجیٹل یوگا نمائش کا بھی افتتاح کیا جہاں ورچوئل ریئلٹی جیسی جدید ترین ٹیکنالوجیز کا استعمال کرتے ہوئے یوگا کی تاریخ اور حکمت کو دکھایا جا رہا ہے۔ وزیر اعظم نے ساکت آیوش نمائش کا بھی دورہ کیا جہاں 146 یوگا ادارے، آیوش ادارے حصہ لے رہے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 6755(

(Release ID: 1836112) Visitor Counter : 107