অৱাং নোংপোক লমদমগী চাউখৎ-থৌরাং মন্ত্রালয়
দোনর মন্ত্রালয়গা খুৎশম্নদুনা ৱান দিস্ত্রিক্ত ৱান প্রদক্তকী থৌশিল মখাদা গুৱাহাতিদা মেগে বায়র-সেল্লর মীত পাঙথোকপা
Posted On:
22 JUN 2022 1:46PM by PIB Imphal
সস্তেনেবল ত্রেদ চাউখৎহন্নবা অমসুং মার্কেৎ লিঙ্কেস থম্নবা বিজনগা লোয়ননা অৱাং-নোংপোক লমদমগী চাউখৎ-থৌরাং মন্ত্রালয় (এম.দোনর) অমসুং মাগী পি.এস.য়ু.শিং, নোর্থ ইস্তর্ন হেন্দিক্রাফস এন্দ হেন্দলুম দিবেলপমেন্ত কোর্পোরেসন (এন.ই.ঐচ.ঐচ.দি.সি.) অমসুং নোর্থ ইস্ত রিজনেল এগ্রিকলচর মার্কেতিং কোর্পোরেসন লিমিতেদ (এন.ই.আর.এ.এম.এ.সি.)গী তেংবাংগা লোয়ননা কম্মর্স অমসুং ইন্দস্ত্রীগী দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)গী ৱান দিস্ত্রিক্ত ৱান প্রদক্তকী থৌশিল মখাদা মেগা বায়র-সেল্লর মীত অমা পাঙথোকখ্রে। মীফম অসিনা অৱাং নোংপোক লমদমগী রাজ্য নিপান অসিগী লৌউ-শিংউগী পোত্থোকশিংদা মীৎয়েং থমখি অমসুং মসিদা মলতি নেস্নেল অমসুং ইন্তর্নেস্নেল ব্রান্দশিং য়াওবা উবা ফংখি।
অৱাং-নোংপোক্কী রাজ্যশিংগী – অসাম, অরুনাচল প্রদেশ, মনিপুর, মেঘালয়, মিজোরাম, নাগালেন্দ, ত্রিপুরা অমসুং সিক্কিম – জিলা কয়ামরুমদগী সেল্লর, ত্রেদর, ফার্মর, এগ্রিগেতর ৭০ হেনবনা গুৱাহাতিদা পাঙথোক্কদবা মীফম অসিদা বায়রশিংদা মখোয়গী প্রদক্তশিং উৎখি। প্রদক্তশিং অসিদা মেঘালয়গী মালেমগী মমিং লৈরবা কুর্কুমিনগী শরুক ৭% হেন্না য়াওবা লাকাদোং য়াইঙং, সিক্কিমগী জি.আই. তেগ ফংলবা অচৌবা ইলাইচি, ত্রিপুরাগী ক্যুন পাইনএপল, অসামগী ওর্থোদোক্স চা, মনিপুরগী অমুবা চাকহাও চেং অমসুং কয়া য়াওরি। প্রদক্তশিং অসি রিলাইন্স অমসুং আই.তি.সি. লোয়ননা ভারতকী অনৌবা স্তার্তঅপশিং অসিগুম্বা অচৌবা ব্রান্দশিং মশক তাক্লিবা অচৌবা বায়র ৩০ হেনবদা শোকেস তৌখি।
তোঙান-তোঙানবা রাজ্য সরকারশিংগী এগ্রিকলচরেল অমসুং হোর্তিকলচরেল বিভাগশিংগী ওফিসিএলশিং অমসুং হীরম অসিগী অখং-অহৈশিং য়াওদুনা থৌরম অসিগী মরু ওইবা ৱারোল অৱাং-নোংপোক্কী চাউখৎ-থৌরাং মন্ত্রালয়গী সেক্রেতরী, শ্রী লোক রঞ্জন্না পীখি। শ্রী বি. রামনজনেয়ুলু, দিরেক্তর দি.পি.আই.আই.তি., শ্রী মনোজ কুমার দাস, মেনেজিং দিরেক্তর, এন.ই.আর.এ.এম.এ.সি. অমসুং ব্রিগেদিয়র আর. কে. সিংহ, মেনেজিং দিরেক্তর, এন.ই.ঐচ.ঐচ.দি.সি.সু থৌরম অসিদা শরুক য়াখি।
অৱাং নোংপোক লমদমগী লৌমী/প্রদ্যুসরশিং মতেং পাংনবা লিংখৎখিবা এন.ই.আর.এ.এম.এ.সি.না লৌমীশিং অমসুং অচৌবা মার্কেৎশিংদা লৈরিবা অহোবা অসি লৈহন্দনবা হোৎনরি। অসুম্না ও.দি.ও.পি. থৌশিল অসিগা লোয়ননা চুংশিন্নদুনা পাঙথোক্লিবা বায়র-সেল্লর মীত অসিদা মরু ওইবা থৌদাং লৌখি। অপুনবা খোঙথাংশিং অসিগী খুত্থাংদা লৌমীশিংগী শেল তানবা ঙম্বগী মতিক-ময়াই অসি হেনগৎহন্নবা লমদম অসিদগী খ্বাইদগী ফবা প্রদক্তশিং অসি অচৌবা ব্রান্দশিংগা চাংদম্নখি। অৱাং-নোংপোক্কী রাজ্য ৮দগী বায়রশিং, সেল্লরশিং অমসুং রাজ্য সরকারশিংগী মরক্তা ফোকস ত্রেদ দিস্কসনশিংসু পাঙথোকখি। অহেনবা ওইনা লুপা করোর ৬কী লেত্তরস ওফ ইন্তেন্ত (এল.ও.আই.)সু থৌরম অসিদা খুৎয়েক পীনখি।
হায়রিবশিং অসি আত্মনির্ভর ভারতগী বিজনগী হকথেংননা উবা ফংবা ফলনি। ৱান দিস্ত্রিক্ত ৱান প্রদক্তকী থৌশিল মখাদা দি.পি.আই.আই.তি.না লৌমীশিংগী শেন্থোক হেনগৎহনবদা অকনবা মীৎয়েং অমা থম্বগা লোয়ননা অসিগুম্বা মরীশিং অসি শেম্নবা অমসুং তুং কোইনা চৎহন্নবা হোৎনরি। এগ্রিকলচর, তেক্সতাইল্স, হেন্দিক্রাফ অমসুং মেন্যুফেকচরিংগুম্বা সেক্তরশিংদগী প্রদক্ত ৭০০ হেনবগা লোয়ননা ও.দি.ও.পি. থৌশিল অসিনা লৈবাক অসিগী জিলা খুদিংমক্তগী প্রদক্ত অমা খন্নবা, ব্রান্দ তৌনবা অমসুং চাউখৎহন্নবা হোৎনরি। ললোন-ইতিক চাউখৎহন্নবা অমসুং খুদোংচাহন্নবা অচৌবা পান্দম অমগা লোয়ননা বায়র অমসুং সেল্লরশিং মতেং পাংননবা, কোল্লাবোরেতিব নেৎৱার্কশিং শেম্নবা অমসুং হেন্দহোল্দিং তৌবদা মরু ওইবা থৌদাং লৌখি।
********
(Release ID: 1836279)
Visitor Counter : 112