প্রধান মন্ত্রী শ্রী নরেন্দ্র মোদীনা কর্নাতকাগী মৈসুরু পেলেস গ্রাউন্দদা মীওই লিংশিং কয়ানা শরুক য়াদুনা পাংথোকপা মাস য়োগ দেমোনস্ত্রেসন অমদা শরুক য়াদুনা ৮শুবা মালেমগী য়োগ নুমিৎ পাঙথোকখ্রে।

থৌরম অদুদা ৱা ঙাংলদুনা ইকাই খুম্নরবা প্রধান মন্ত্রীনা হায়খি, “য়োগনা ঐখোয়গী খুন্নাইদা, লৈবাকশিং অমসুং মালেমদা শান্তি পুরকই। য়োগনা ঐখোয়গী তাইবংপালদা শান্তি পুরকই। ৮শুবা মালেমগী য়োগ নুমিৎনা লাকপদা ঐহাক্না পুম্নমক্তা য়াইফ-মঙ্গোল পীজরি। য়োগদগী লাকপা শান্তি অসি মীওই খরা খক্তগী নত্তে, মসিনা ঐখোয়গী লৈবাক অমসুং মালেমদা শান্তি পুরকই”। মহাক্না মখা তারদুনা হায়খি মদুদি, “তাইবংপাল পুম্বা অসি ঐখোয়গী হকচাং অমসুং থৱায়দগী হৌরকই। তাইবংপাল অসি ঐখোয়দগী হৌরকই। অমসুং, য়োগনা ঐখোয়গী নুংদা লৈরিবা পুম্নমক অসি খঙহল্লি অমসুং ৱাখল তাহল্লি”।

য়োগবু পাকশন্না পাম্নরকপা অসিগী মতাংদা প্রধান মন্ত্রীনা অসুম্না ফোঙদোকখি, “য়োগ অসি হৌজিক মালেমগী কুহ্মৈ অমা ওইরে। য়োগ অসি লনাই মীওই অমত্তগী নত্তে, মসি অপুনবা মীওইবা জাতিগীদমক্তনি। মরম অদুনা হন্দক্তি মালেমগী য়োগ নুমিৎকী থীম অসি – য়োগ ফোর হ্যুমেনিতী হায়বসিনি”।

কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারামননা ঙসি মফম অসিদা য়াম্না মমিং লৈরবা জন্তর মন্তরদা মোরারজি দেসাই য়োগ ইন্সতিত্যুতকী য়োগ প্রক্তিস্নরশিংগা লোইননা ৮শুবা ইন্তর্নেস্নেল দে ওগ য়োগ (আই.দি.ৱাই.) ২০২২গী থৌরম পাংথোকপদা শরুক য়াখি।

নুমিৎ খুদিংগী য়োগ তৌবগী কান্নবশিং অদুবু পল্লদুনা, কেন্দ্রগী ফাইনান্স মন্ত্রীনা হায়খি, “ঙসি ঐখোয়না মফম অসিদা পুল্লরিবা অসিগী মরম অসি ভারত্তগী অফবগী ৱাখল্লোন অদু মালেমদা শন্দোক্নবগীদমক্তনি। ঙসি য়োগগী থৌরম পাংথোক্লিবা অসি ঐখোয়না হকথেংননা শরুক য়াবা, হকথেংননা থবক ওইনা পাইখৎপা অমসুং প্রধান মন্ত্রী, শ্রী নরেন্দ্র মোদীনা মালেম শিনবা থুংনা য়োগগী ৱাখল্লোনগা লোইননা চৎখিবগী ফলনি।”

শ্রীমতি সিতারামননা হায়খি, “য়োগ অসি মালেম পুম্বদা ভারতনা পীগদবা খুদোল অদুগী খুদম অমনি। হান্নদি, অতোপ্পা সিবলাইজেশনশিংদা এক্সেস লৈবা য়োগ প্রক্তিস্নরশিংনা মসিগী লৌশিং অসি ভারতকী মপানগী মফমশিংদা শন্দোক্লম্মি অদুবু মসিবু ভারত্তা অমসুং ভারতকী মপানদা অসিগুম্না চাউবা থাক্তা কৈদৌনুংদা পুখৎখিদ্রি। প্রধান মন্ত্রী নরেন্দ্র মোদী জীনা মসিবু য়ুনাইতেদ নেসন্সতা য়োগবু গ্লোবল নোলেজ এসেত অমা ওইনা মশক খঙনবগীদমক্তা পুখৎখি। মফম অদুদা জুনগী ২১বু মালেমগী য়োগ নুমিৎ পাংথোক্নবা ৱারেপ লৌখি। অমসুং মদুদগী নখোয়না উরম্লগনি মদুদি নুমিৎ অদু খক্তা নত্তনা চহি চুপ্পা য়োগ অসি মালেম শিনবা থুংনা শন্দোরক্লি। ”

 “য়োগ অসি য়াম্না চাউ অহোংবা লাক্লবা, ৱাখল অমসুং হকচাংবু পুনশিল্লিবা শাজেল অমনি।মসি ভারতকী য়াম্না চাউবা এসেতশিংগী মনুংদা অমনি।  চহি লিশিং কয়াদগী, মসিগী মগুন খঙবশিংনা মসিবু প্রক্তিস তৌরকখি অমসুং অহোংবা লৈতনা লাকখি। মশাগী ওইনা শাগোন্নদুনা লাকপা ধমজনিংঙাই ওইবা পাউতাকশিং অদুদা মতমনা মাংহনবা লৈখিদে। মসিবু প্রক্তিস তৌবগী মওং অদুসু অদুমক লেংদনা লৈরি,” হায়না ফাইনান্স মন্ত্রীনা হায়খি।

ফাইনান্স মন্ত্রীনা হায়খি মদুদি য়োগ অসি শাজেল খক্তা নত্তে, মসিনা ৱাখল অমসুং হকচাং অমত্তনা ওইনা পুনশিনহন্দুনা অমত্তা ওইহল্লি। মসি মালেম পুম্বনা পাম্নরবা ভারতকী য়াম্না চাউবা এসে অমনি। হায়রিবা অসি হকচাং ফনা থম্বা খক্তা নত্তনা ৱাখল চং-থৌনআ লৈনবা , য়াম্না নিংথিনা ইন্তিগ্ররেতেদ ওইবা নর্বস সীস্তেম অমসুং সার্কুলেশন অমনি। য়োগগী হিদাক-লাংথক্কী ওইবা মগুনশিং অদুদি নিংথিনা দোক্যুমেন্ত তৌদুনা থম্লি।

কেন্দ্রগী ফাইনান্সকী রাজ্য মন্ত্রী, শ্রী পংকজ চৌধরীনা হিমাচল প্রদেশকী মন্দিগী পরাশর লেকতা প্রক্তিস্নরশিংগআ লোইননা ৮শুবা ইন্তর্নেস্নেল দে ওগ য়োগ (আই.দি.ৱাই.) ২০২২গী থৌরম পাংথোকপদা শরুক য়াখি।

কেন্দ্রগী ফাইনান্সকী রাজ্য মন্ত্রী, দা. ভগৱত কিসরাওনা ঙসি ঐহমদাবাদকী সাবর্মতি রিভর ফ্রন্ততা য়োগ প্রক্তিস্নরশিংগা লোইনা  ৮শুবা ইন্তর্নেস্নেল দে ওগ য়োগ (আই.দি.ৱাই.) ২০২২গী থৌরম পাংথোকপদা শরুক য়াখি।

চহি অনিগী মতুংদা য়োগগী নুমিৎকী থৌরম অইনা কোবি-১৯ লাইচৎকী চৎন-কাংলোনশিংগা পুনবা মতমদা,  “য়োগ ফোর হ্যুমেনিতী” হায়রিববা পাউজেল অসিবু সপোর্ত তৌনবা হন্দক্কী চহি অসিগী ৮শুবা এদিশনগী আই.দি.ৱাই.  ২০২২ অসি লৈবাক শিনবা থুংনা পাকশন্না থৱাই য়াওনা অমসুং শরুক য়াবা  থেংনখি।

চহি অসিগী মালেমগী য়োগ নুমিৎতা নুমিৎ থোরকপগা লোয়ননা তোঙান-তোঙানবা তাইম জোন ১৬তা মীয়াম্না য়োগ তৌবগী লাইব স্ত্রীমিং তৌরিবা ‘গর্জিয়ন রিং” য়াওনা অহানবা ওইখিবা কয়া উবা ফংখি। আজাদী কা অমৃত মহোৎসবকী শরুক অমা ওইনা স্তেচু ওফ য়ুনিতী য়াওনা ভারতকী মমিং লৈরবা মফম ৭৫দা কেন্দ্রগী কেবিনেৎ মন্ত্রীশিংনা য়োগ দেমোনস্ত্রেসন পাংথোক্লি।

****

(Release ID: 1836142) Visitor Counter : 94