গ্বালিয়র ফোর্ত্তা মীওই ২,০০০ হেনবনা শরুক য়াদুনা মাস য়োগ দেমোনস্ত্রেসন অমা পাঙথোকপগা লোয়ননা জুন ২১, ২০২২দা সিভিল এভিএসন মন্ত্রালয়না ইন্তর্নেস্নেল দে ওফ য়োগা পালন তৌগনি। থৌরম অসি সিভিল এভিএসনগী কেন্দ্র মন্ত্রী, শ্রী জ্যোতিরাদিত্য এম. সিন্ধিয়ানা হৌদোক্কনি অমসুং মহাক্না লমজিংগনি।

প্রধান মন্ত্রী শ্রী নরেন্দ্র মোদীগী থৌশিল মখাদা য়ুনাইতেদ নেসন্স জেনরেল এসেমব্লীনা ইং কুমজা ২০১৪দা জুন ২১ অসি ইন্তর্নেস্নেল দে ওফ য়ো (আই.দি.ৱাই.) হায়না পালন তৌনবা ইতিহাসিক ওইরবা ৱারেপ অমা লৌখি। য়োগবু মালেম শিনবা থুংবনা পাম্নবা হায়বা অসি ঐখোয়গী লৈবাক্কী চাউথোকচনীংঙাই ওইবা ৱাফম অমনি মরমদি য়োগ অসি লৈবাক্কী নাৎ অমসুং স্পিরিচুএল হেরিতেজকী মরু ওইবা শরুক অমনি।

চহি অসিগী ইন্তর্নেস্নেল দে ওফ য়োগ অসি “আজাদী কা অমৃত মহোৎসব”কা পুন্না তারিবা অসিদা আয়ুশ মন্ত্রালয়না ইন্তর্নেস্নেল দে ওফ য়োগ অসি ভারত শিনবা থুংবদা লৈরিবা মরু ওইবা মফম ৭৫দা পাঙথোক্নবা থৌরাং তৌরি অমসুং মসিনা মালেমগী থাক্তা ভারতজী ব্রান্দিংদসু মতেং ওইরগনি।

চহি অসিগী আই.দি.ৱাই. ২০২২গী থিম অসি “য়োগ ফোর হ্যুমেনিতী”না ওইরি মসিনা কোবিদ-১৯ লাইচৎ হেনগৎলকপদা য়োগনা মীওইবা জাতিগীদমক করম্না অৱাবা কোকহনখি অমসুং পোস্ত-কোবিদ জিও-পোলিতিকেলগী ফীভম অসিদসু মীনুংশিং, থৌজাল হৈবা গুনশিংগী খুত্থাংদা মীয়ামবু অমত্তা ওইনা পুনশিন্দুনা অপুনবগী শক্তম অমা শাগৎলি অমসুং মালেমগী মীয়ামগী মরক্তা রিজিলিয়েন্স লৈহল্লি।

থৌরম অসিদা কম্মন য়োগ প্রোতোকল, অখং-অহৈশিংনা পীবা য়োগগী লেকচর, য়োগ দেমোনস্ত্রেসন অসিগুম্বা এক্তিবিতী খরা পাঙথোক্কনি।

*****