شہری ہو ا بازی کی وزارت گوالیار کے قلعہ میں  2000  سے زیادہ لوگوں کے یوگ  آسن  کا اہتمام کر کے  21  جون 2022  کو  یوگ کا عالمی  دن منائے گی۔ شہری ہوا بازی کے مرکزی وزیر جیوتی رادتیہ ایم سندھیا اس تقریب کا افتتاح کریں گے اور  اس کی قیادت کریں گے۔

وزیراعظم جناب نریندر مودی کی پہل پر  اقوام متحدہ جنرل اسمبلی نے  21  جون کو  یوگ کا عالمی دن قرار دیئے جانے کے لئے  2014  میں ایک تاریخی فیصلہ لیا تھا۔ یوگ کو  عالمی سطح پر تسلیم کیا جانا  ہمارے ملک کے لئے ایک فخر کی بات ہے، کیونکہ یوگ  ہماری  کثیر ثقافتی اور  روحانی وراثت کا ایک اٹوٹ حصہ ہے۔ اس سال یوگ کا عالمی دن  آزادی کا امرت مہوتسو سال میں منایا جا  ئے گا، جس کے لئے  آیوش کی وزارت نے  ہندوستان بھر  کے 75  اہم مقامات پر  یوگ کا عالمی دن منانے کا منصوبہ بنایا ہے، جو  عالمی پیمانے پر  ہندوستان  کو  نمایاں کرنے میں  مدد گار ثابت ہوگا۔

اس سال یو گ کے عالمی دن 2022  کا موضوع  ہے ‘‘انسانیت کے لئے یوگا’’ کیونکہ یہ  اس بات کو  پیش کرتا ہے کہ  کس طرح  عالمی وبا  کووڈ – 19  کے عروج کے دوران یوگ  نے  تمام مصیبتوں کو دور کرنے میں انسانیت کی خدمت کی اور  کووڈ  کے بعد  کے جغرا فیائی سیاسی منظر نامے میں بھی انسانیت کی خدمت کی اور  ہمدردی  کے ذریعہ  لوگوں کو  یکجا کرنے  میں  یوگ نے مدد کی۔ یوگ نے پوری دنیا کے عوام میں  اتحاد کے جذبے  کو پیدا کیا اور  لوگوں میں  لچک  کے  رجحان  کو فروغ دیا۔

تقریب میں  ماہرین کے ذریعہ  یوگ پر  لیکچر  ،مشترکہ یوگ ،پروٹوکول اور  یوگ  کا عملی طور پر  مظاہرہ کرنا  جیسی کچھ  سرگرمیاں شامل ہوں گی۔

۰۰۰۰۰۰۰۰

(ش ح-ح  ا- ق ر)

(20-06-2022)

U-6665