نئی دہلی،19 جون ،2022

سڑک ٹرانسپورٹ اور شاہراہوں کے وزیر مسٹر نتن  گڈکری نے کہا ہے کہ 21 ویں صدی  کا نیا ہندوستان دنیا میں  سب سے  اچھی بنیادی سہولیات کی تعمیر پر مرکوز ہے۔ٹویٹس  کی ایک چین میں انہوں نے کہاکہ  اسے دھیان میں رکھتے ہوئے قومی شاہراہ – 275 کے بینگلورو – ندا گھٹا  سیکشن  کو چھ لین کا بنانے  کا پروجیکٹ بہت سارے وعدوں  اور امکانات کے ساتھ آگے بڑھ رہا ہے۔

مسٹر گڈکری نے کہا کہ بینگلورو  سے ندا گھٹا  سیکشن این ایچ – 275 کا وہ حصہ  ہے جو بینگلورو  جنوبی علاقے میں پنچ مکھی  مندر جنکشن  کے پاس جنکشن  سے شروع ہوتا ہے  اور ندا گھٹا  سے پہلے ختم ہوتا ہے۔انہوں نے آگے کہا کہ یہ سڑک ٹرانسپورٹ اور معیشت کےلئے ایک اہم سیکشن  ہے کیونکہ یہ بدادی،چناپٹانا،رام نگر کے شہروں سے ہوکر گزرتی ہے جہاں ایشیا  میں ریشم کوکون کا سب سے بڑا بازار ہے اور ملک کے واھد گدھ  سنکچری  تک رسائی بہم پہنچاتا ہے اور یہ شری رنگپٹنا،میسور  ،اوٹی ،کیرالہ اور کرگ کو جوڑے گا۔

معزز وزیر  نے کہا کہ ایک بار اس پروجیکٹ کے پورے ہوجانے کے بعد تین گھنٹے کے حالیہ سفری وقت گھٹ کر 90 منٹ کا رہ جائے گا جس سے ایندھن  کی کھپت اور کاربن  فٹ پرنٹ میں کمی آئے گی۔انہوں نے کہا کہ سڑک سکیورٹی کو بڑھانے کے ساتھ ساتھ گریڈ جنکشن کو ختم کرنے اور حادثات/تصادم کو ختم کرنے کے لیے گاڑیوں کے لیے انڈر پاس/اوور پاس فراہم کر کے منصوبے پر خصوصی توجہ دی گئی ہے۔

جناب گڈکری نے بتایا کہ اس سیکشن  میں کل 51.5 کلومیٹر کی لمبائی والے چھ بائی پاسوں کی تعمیر  سے ٹریفک  کی بھیڑ  کو کم کرنے اور بیدادی ،رام نگر،چنارائے پٹنا،مدو،مانڈیا  اور شری رنگ پٹنا جیسے شہروں کے حفظان صحت ،ماحولیات  اور سڑک سکیورٹی  کو یقینی  بنانے کی امید ہے۔

انہوں نے کہا کہ  سب کا ساتھ،سب کا وکاس  کے وعدے  کو پورا کرتے ہوئے،وزیراعظم  نریندر مودی کی وسیع النظر   قیادت میں ٹیم ایم او آر ٹی ایچ ملک کے  کونے کونے میں ایسے کئی ترقی پذیر پروجیکٹوں کو پورا کرنے اور ملک میں شہریوں کے لئے خوشحالی لانے  کےلئے 24 کام کررہی ہے۔

ش ح ۔ا م۔

U:6652