నేషనల్ హెల్త్ అథారిటీ (ఎన్హెచ్ఏ), నాస్కామ్ (నేషనల్ అసోసియేషన్ ఆఫ్ సాఫ్ట్‌వేర్ మరియు సర్వీస్ కంపెనీస్) సంయుక్తంగా ఆయుష్మాన్ భారత్ డిజిటల్ మిషన్ - డిజిటల్ హెల్త్‌ని విప్లవాత్మకంగా మార్చడంపై  ఎన్హెచ్ఏ-నాస్కామ్ కాన్క్లేవ్ 2022ని నిర్వహించాయి. 400 మందికి పైగా ఆరోగ్య, సాంకేతిక రంగాలు, పెట్టుబడిదారులు, భాగస్వాములు భౌతికంగాను, వర్చ్యువల్ గాను పాల్గొన్న ఎన్హెచ్ఏ -నాస్కామ్ కాన్క్లేవ్ 2022కి బెంగళూరు ఉమ్మడి వేదిక అయింది.
ఈ కార్యక్రమానికి ముఖ్య అతిథిగా హాజరైన కర్ణాటక రాష్ట్ర ఆరోగ్య, కుటుంబ సంక్షేమ, వైద్య విద్య డాక్టర్ కె. సుధాకర్ మాట్లాడుతూ - “అందరికీ నాణ్యమైన ఆరోగ్యాన్ని అందించగలిగినప్పుడు భారతీయులందరికీ ఆయుష్మాన్ భారత్ లేదా దీర్ఘాయువు చేకూరుతుంది. కేవలం మౌలిక కల్పనే కాదు, ఏబిడిఎం అనే ఒక  సాంకేతిక వేదికను కూడా అందించడం ద్వారా ఇది సాధ్యమవుతుంది. ఈ ప్లాట్‌ఫారమ్ ఆరోగ్య వ్యవస్థను ప్రమోటివ్ మరియు ప్రివెంటివ్ హెల్త్‌పై దృష్టి సారించిన దాని నుండి క్రమంగా ఆరోగ్యాన్ని అంచనా వేసే స్థితికి మార్చడంలో సహాయపడుతుంది" అని అన్నారు.

కోవిడ్-19 మహమ్మారికి వ్యతిరేకంగా పోరాటంలో, ఆరోగ్య సంరక్షణ పంపిణీకి డిజిటల్ సేవల ప్రాముఖ్యతను తాము చూశామని మంత్రి డాక్టర్ సుధాకర తెలిపారు. టెలికన్సల్టేషన్, ఆన్‌లైన్ అపాయింట్‌మెంట్ బుకింగ్‌లు, తక్షణమే అందుబాటులో ఉన్న ఆరోగ్య సమాచారం, నిపుణులను సంప్రదించడం వంటి చర్యలు ప్రజలపై అపూర్వమైన ప్రభావం చూపాయని అన్నారు. ఏబిడిఎం ప్లాట్‌ఫారమ్ ప్రయత్నాలను సక్రియం చేయడానికి, ఉత్సాహభరితమైన ప్రభుత్వ, ప్రైవేట్ రంగ భాగస్వామ్యంతో మంచి వాతావరణాన్ని సృష్టించడంలో తమకు సహాయపడుతుందని విశ్వాసంతో ఉన్నామని మంత్రి తెలిపారు. .

ఆయుష్మాన్ భారత్ డిజిటల్ మిషన్ (ఏబిడిఎం) వెనుక ఉన్న విజన్ గురించి ఎన్హెచ్ఏ సీఈఓ డాక్టర్ ఆర్.ఎస్.శర్మ ప్రసంగించారు. భారతదేశం డిజిటల్ విప్లవంలో ముందంజలో ఉందని. అతిపెద్ద డిజిటల్ గుర్తింపు కార్యక్రమం, డిజిటల్ చెల్లింపుల రికార్డు స్వీకరణ, కోవిన్ ప్లాట్‌ఫారమ్ ద్వారా జాతీయ టీకా కార్యక్రమంతో ప్రపంచం మన దేశ విజయగాథను చూసిందని ఆయన తెలిపారు. ఆయుష్మాన్ భారత్ డిజిటల్ మిషన్ ప్రభుత్వ, ప్రైవేట్ రంగం సహకారంతో సమానమైన, ప్రాప్యత, సమ్మిళిత పర్యావరణ వ్యవస్థను నిర్మించడం ద్వారా ఆరోగ్య సంరక్షణ డెలివరీలో ఈ విజయాన్ని పునరావృతం చేయడం లక్ష్యంగా పెట్టుకుందని తెలిపారు.

కాన్క్లేవ్‌లో ప్రభుత్వ అదనపు ప్రధాన కార్యదర్శి శ్రీ జవైద్ అక్తర్ ప్రత్యేక ప్రసంగం చేస్తూ డిజిటల్ ఆవిష్కరణల ద్వారా ఆరోగ్య సంరక్షణను మెరుగుపరచడం దాని ప్రాముఖ్యతపై మాట్లాడారు. ఎన్హెచ్ఏ సీఈఓ డా. ప్రవీణ్ గెడం ఈ కార్యక్రమం మొత్తం పర్యావరణ వ్యవస్థకు అందించే అవకాశాల గురించి వివరించారు.

****