نئی دہلی،9جون ،2022

بندرگاہوں،جہاز رانی  اور آبی گزرگاہوں اور آیوش کے مرکزی وزیر  جناب سربانند سونووال  نے آج اروناچل پردیش  کی زیرو ویلی  میں ہیجا اور لیمپیا  گاؤں  میں حکومت کی فلاحی اسکیموں کے کئی  فائدہ کنندگان  کےساتھ ملاقات اور بات چیت کی۔ان کے ساتھ تبادلہ خیال کیا۔لوگوں کے ساتھ  بات چیت کرتے ہوئے  ،مرکزی وزیر  نے اس بات پر زور دیا کہ وزیراعظم نریندر مودی  کی  قیادت میں حکومت نئے بھارت   کے  ماحولیاتی طورپر ذمہ داری کے ساتھ اقتصادی ترقی  کو فروغ دینے کےلئے شمال مشرق کو سب سے زیادہ اہمیت دیتی ہے۔انہوں نے کہا کہ جیسے جیسے  دنیا ماحولیات اور اقتصادی ترقی  کے درمیان توازن  بنانے کےلئے احتیاط کے ساتھ آگے بڑھ رہی ہے ،شمال مشرق کا بنیادی کردار  ملک کےلئے  ماحولیاتی طورپر  ذمہ دار اقتصادی ترقی  کو فروغ دینا ہے۔مرکزی وزیر نے کہا کہ ہمیں اپنے خطے میں موجود بھرپور  مواقع کو استعمال کرنے کےلئے خود کو تیار کرنا چاہئے،مہارت اپنانی چاہئے  اور اس انوکھے  موقع کا فائدہ اٹھانے کےلئے  پلیٹ فارم تیار کرنا چاہئے۔

 

 

نئے بھارت  کی معاشی ترقی میں شمال مشرق کے کردار پر بات کرتے ہوئے جناب سونووال نے کہاکہ وزیراعظم نریندر مودی  کی ترقی پذیر  قیادت میں لوگوں کو آخر کار فائدہ ہورہا ہے۔ساتھ ہی ،حکومت کی  فلاحی اسکیموں کے ذریعہ سے  ان کی زندگی کو آسان بنانے میں مدد ملی ہے۔

 

 

انہوں نے کہا کہ ایک مضبوط،خوش حال اور قابل فخرنئے بھارت کی ترقی کے ہمارے ویژن کو آگے بڑھانے کےلئے خدمت  اور گڈ گورننس اور غریبوں کے فلاح و بہبود کے کام جاری رہیں گے۔

مرکزی وزیر نے پردھان منتری اجولا یوجنا (پی ایم یو وائی) اور پردھان منتری آواس یوجنا (پی ایم اے وائی) کے استفادہ کنندگان  کے ساتھ بات چیت کی۔

 

مرکزی وزیر نے مقامی لوگوں ،تنظیموں کےساتھ ہی  فلاحی اسکیموں  کے استفادہ کنندگان  کے ساتھ بات چیت کےلئے ہیجا  اور لیمپیا  گاؤں کا دورہ کیا۔انہیں ہیجا  گاؤں میں تارو  تاتونگ  کے گھر پر شاندار  ابوتنی کھانا پروسا گیا۔

*******************

ش ح ۔ا م۔

U:6316

(ریلیز آئی ڈی: 1832735) وزیٹر کاؤنٹر : 148