সাইন্স অমসুং তেক্নোলোজী মন্ত্রালয়
ইন্দিয়ন প্লেতকী অৱাং-নোংপোক থংবা মতাইগা অসামগী অচৌবা য়ুহা হাখিবা লৈনবা মরী থিজিনবদা থেংনরে
Posted On:
01 JUN 2022 2:57PM by PIB Imphal
থিজিল্লোয়শিংনা গ্রেত অসাম আর্থক্বেকপু ইস্তর্ন হিমালয়দা লৈরিবা ইন্দিয়ন প্লেতগী অৱাং নোংপোক থংবা শরুক্কী কমপ্লেক্স ওইবা তেক্তোনিকশিংগা ইন্দো-বর্মা রেঞ্জকা (আই.বি.আর.) মরী লৈনবা অমদি অনিসিগী মরক্তা তকখায়নবনা আই.বি.আর.দা হেন্না লুবা অদুগা ইস্তর্ন হিমালয়দনা ক্রস্তেলগী য়ুহা হাবা থোকহনবা য়াই হায়বা থেংনরে।
ইস্তর্ন হিমালয়দা লৈরিবা ইন্দিয়ন প্লেতকী অৱাং-নোংপোক থংবা শরুক অসি কিলোমিতর ৪০ ফাওবগী অরুবদা অদুগা ইন্দো-বর্মা রিজন (আই.বি.আর.)দনা কিলোমিতর ২০০রোম ফাওবগী অরুবদা য়ুহা হাবা য়াবগী মওংদা লৈবা থেংনখি।
হায়রিবা সিজমিক মওং মতৌ অসিনা কমপ্লেক্স তেক্তোনিক অমা শেমদুনা ১৯৫০গী গ্রেত অসাম আর্থক্বেক (এম. ৮.৬) থোকহনখি অমদি তুংগী য়ুহা হাবা অমগী ফীভম শেম্লমবা য়াই হায়না তাক্লি। অরুনাচল হিমালয়গী মিস্মি চীং মনাক্কী ইন্দো-চাইনা ঙমখৈদা ময়ায় ওইখিবা গ্রেত অসাম আর্থক্বেক অসি মালেমগী ওইনা খ্বাইদগী কনবা ইন্ত্রহ-কন্তিনেন্তেল য়ুহা হাবা ওইরি।
অরুনাচল প্রদেশ অমসুং য়ুম্লোন্নবা অসামগী মফমশিংদা লৈরিবা ইস্তর্ন হিমালয়ন সিন্তেক্সিন (ই.ঐচ.এস.) অসি মালেমগী খ্বাইদগী য়ুহা হাগনবা মফমশিংগী মরক্তা অমা ওইরি। ই.ঐচ.এস.কী ইন্দিয়ন প্লেতকী অৱাংনোংপোক কাচিনগী শরুক অসি ভারতকী নেস্নেল জোনিং মেপকী সিজমিক জোন ৫কী মনুং চল্লি অমদি তুংদা অকনবা য়ুহা হাবা অমা থোকহল্লকপা য়াবগী ওইথোকপা লৈ।
ই.ঐচ.এস. অমসুং থংনবা এস.ই. তিবেতন প্লেচুগী মফমশিংদা পাঙথোকপা থিজিন হুমজিনবগী তোঙান তোঙানবা থৌওংশিংগা য়েংনবদা ইস্তর্ন হিমালয়ন সিন্তেক্সিস (তিদ্দিং-তুতিং সুচর, তি.তি.এস.জি.)দা লৈবা ইন্দিয়ন প্লেতকী অৱাং-নোংপোক শরুক্তা সিজমোজিনেসিস অমসুং মসিগী তেক্তোনিক লিঙ্কেজকী মরমদা খঙননবা থিজিন হুমজিনবগী থবক য়াম্না ৱাৎলি। ১৯৫০গী গ্রেত অসাম আর্থক্বেক মতুংদা, অপ্পর অসাম অমসুং মিস্মি ব্লোক্কী মরক্তা লৈবা মফমশিংদা অকনবা য়ুহা হাবা অমত্তা থোকখিদ্রি অমদি মসিবু সিজমিক গেপ রিজন্নি হায়না লৌনরি। মমাঙদা থিজিনখিবা অমদা মিস্মি থ্রস্ত (এম.তি.) জোন্দা লোক জোন অমা লৈ হায়না তাক্লদুনা তুংদা য়ুহা হাবা অমা থোক্লক্নবগী শেম শারি হায়না থাজনরি।
মালেমগী সিজমোলোজিকেল নেতৱর্কনা মফমসিদা ময়ায় ওইরপ কনবা মওংগী য়ুহা হাবা তাঙনা থোকই হায়না পাউদম্লি। ময়ায় ওইরপ অমসুং অশোনবা য়ুহা হাবগী ইনফোর্মেসন লৌননবা, দিপার্তমেন্ত ওফ সাইন্স এন্দ তেক্নোলোজীকী মনীং তমবা ইন্সতিত্যুৎ অমা ওইরিবা ৱাদিয়া ইন্সতিত্যুৎ ওফ হিমালয়ন জিওলোজী, দেহরাদুন্না লোহিত তম্পাক্তা ব্রোদবেন্দ সিজমোলোজিকেল স্তেসন ১১ অমসুং অরুনাচল হিমালয়গী সিয়াং ৱিন্দোদা স্তেসন ৮ লিংখৎখ্রে।
লমদমসিদা থোকখিবা অশোনবা অমদি ময়ায় ওইরপ কনবা য়ুহা হাবগী থৌদোকশিংগী মতেংগা লোয়ননা ৱাদিয়া ইন্সতিত্যুৎ ওফ হিমালয়ন জিওলোজীগী দোক্তর দেবজিৎ হজারিকানা লুচিংবা কাঙবু অমনা থিজিন হুমজিনবদা মফমদুদা লৈরিবা সিজমোলোজিকেল স্তেসনশিংদা ফংখিবা রেকোর্দনা ই.ঐচ.এস. অমসুং থংনবা ইন্দো.-বর্মা রেঞ্জ (আই.বি.আর.)গী অপুনবা সিজমিসিতী পেত্তর্ন অমসুং অখন্ননা লোহিত তম্পাক্কী মফমশিংদা লৈরিবা সিজমেতোক্তোনিক্তা অহেনবা মীৎয়েঙ থমখি।
তেক্তোনোফীজিক্স জর্নেলদা ফোঙখিবা থিজিন হুমজিনবগী থবক অদুনা তি.তি.এস.জি. অসি কিলোমিতর ৪০ ফাওবগী অরুবদা য়ুহা হাবগী ফীভম এক্তিব ওইনা লৈ হায়বা উৎখি। মদুগী ওন্ন-তৈনবদা ইন্দো-বর্মা রেঞ্জতা (আই.বি.আর.) য়ুহা হাবগী এক্তিব ওইবা ফীভম অসি কিলোমিতর ২০০ ফাওবগী অরুবদা থেংনদুনা ইন্দিয়ন প্লেত অসি আই.বি.আর.গী মখাদা অসুম অসুম নমথখিবগী ফীভম লৈ হায়বা উৎলি। মসিনা তাক্লিবদি আই.বি.আর.দা হেন্না লুবা য়ুহা হাবগী থৌদোকশিং হেন্না থোকপা অদুগা তি.তি.এস.জি.দনা মথক্কী মরোলদা য়ুহা হাবা য়াবগী থৌদোক হেন্না থোকপগী ওইথোকপা চাউনা লৈ হায়বসিনি।
থিজিনখিবা অসিনা মখাদা নমথখিবগী থৌওং অসি ২৭০ নোর্ত লেতিচ্যুদতা লেপ্লে অদুগা ইন্দিয়ন প্লেতনা খা-নোংপোক এসিয়ারোমদা চঙশিনখিবগী থৌওং অসিনা আই.বি.আর.গী অৱাংলোমদা থোকপা য়ুহা হাবগী থৌওংশিং কন্ত্রোল তৌই হায়বা উৎলি।
থিজিনবদা ফংলকপা মহৈ অসিনা নোংপোক থংবা অরুনাচল প্রদেশকী লোহিত অমসুং দিবং তুরেল তম্পাক পরিংদা কুংনা লৈরিবা মিস্মি, তিদ্দিং অমসুং লোহিত ফোল্তশিং অসিনা য়াম্না ঙম্না থ্রস্ত সীত নমথদুনা ইন্দেন্তেসনগী থৌওং অমসুং ক্লোকৱাইজতা উংলিবা তেক্তোনিক্না মরম ওইরগা মথকথংবা লৈরোলদা ৱাৎলকপশিং অসিবু মেনখৎলি। অরুনাচল প্রদেশকী লোহিত তুরেল তম্পাক্কী মথক থংবা শরুক্তা লৈরিবা ৱালোং ফোল্ত অসিগী মওং মতৌনা সিন্তেক্সিস অসিগী অকোয়বদা মথক থংবা লৈরোলগী মচাকশিং ক্লোকৱাইজ মওংদা উংহল্লিবা স্ত্রাইক-স্লিপ মোসন অমসুং থ্রস্ত কম্পোনেন্তশিংনা ওইরি। প্রেসর (পি.) এক্সেস ওরিএন্তেসন খেন্নবনা মরম ওইরগা স্ত্রেন পার্তিস্নিং থোক্লকপা য়াবগী মওংদা লৈদুনা কমপ্লেক্স ওইবা সিন্তেক্সিএল তেক্তোনিক্কী শাফুশিং উৎলি।
চাংয়েং অসিজী মচা খায়বা মহৈ তেক্তোনোফীজিক্স জর্নেল (Hazarika et al., 2022; DOI: https://doi.org/10.1016/j.tecto.2021.229197) দা ফোঙখ্রে।
ফিগ. মথংশিৎনা ২০০৭-২০০৮ অমসুং ২০১৮-২০১৯গী মতমদা থোকখিবা য়ুহা হাবগী থৌদোকশিংগী মতাঙদা লোহিত ভেলী নেতৱর্কদা (অশংবা ত্রাইএঙ্গল) লৈবা সিজ্মিক স্তেসন ১১ অমসুং সিয়াং ৱিন্দোদা (নাপু মচুগী ত্রাইএঙ্গল; Yadav et al., 2021) লৈবা স্তেসন ৮না তৌখিবা রেকোর্দতা য়ুম্ফম ওইদুনা পুথোকপা ইস্তর্ন হিমালয়ন সিন্তেক্সি অমসুং ইন্দো-বর্মা রেঞ্জ (আই.বি.আর.) মনুং অমসুং অকোয়বগী সিজমিসিতীকী স্পেসিএল দিস্ত্রিব্যুসন। মসিদা নত্তনা, ইন্তরনেস্নেল সিজমোলোজিকেল সেন্তর (আই.এস.সি.)গী য়েংশিল্লবা কেতলোগ দেতাবু (http://www.isc.ac.uk) রিজনেল সিজমিসিতীগীদমক শীজিন্নখি। য়ুহা হাবগী থৌদোকশিং অসি মখোয়গী কনবগী চাংগী মতুং ইন্না মচুগী কোদ পীরি (ইনসেৎ লিজেন্দ য়েংবিয়ু)
*****
(Release ID: 1830171)