ইকায়খুম্নরবা প্রধান মন্ত্রী শ্রী নরেন্দ্র মোদীগী লুচিং মখাদা ভারতনা মীয়ামগী লৈঙাক পুরক্নবগী মায়কৈদা অনৌবা মাইওন অমা ভারত্তা লাক্লে‍। লৈঙাক্কী হৌখিবা চহি ৮ অসি প্রধান মন্ত্রীগী রিফোর্ম, পর্ফোর্ম ত্রান্সফোর্ম হায়বা লাইৱা অসিদা য়ুম্ফম ওইদুনা লাকখিবনি‍। সেক্তর খুদিংদা কান্নবশিং কাচিন কোয়া থুংনা য়ৌহন্নবা অমদি লৈবাক শিনবা থুংনা চাওখৎ থৌরাংগী মহৈ ফংবা হেনগৎহন্নবগীদমক মশক নাইরবা খুজিল থৌরাং কয়া পায়খৎখি‍।

খুজিল থৌরাংশিং অদুনা মচাক মথুম ফগৎহনবদা, হকশেলগী ফেসিলিতীশিং ফগৎহনবদা, লৌমীশিংগী য়াইফ-থৌরাংগীদমক অমদি শোত্থহৌরবা কাঙলুপশিংবু ঙাকপি শেনবিবদা মীৎয়েঙ থমখি‍। মখা তানা, ভারতনা নহাশিংনা লুচিংবা অমসুং তেক্নোলোজীনা লমজিংবা চাওখৎ খোঙথাঙ কয়া উখ্রে অমদি লৈবাকসিদা লল্লোন ইতিক তৌবদা কোমহন্নবগীদমক তোঙান তোঙানবা অওনবশিং পুরকপসু উখ্রে‍। অতোপ্পা মরুওইবা শক্লোন অমনা লৈবাক্কী ঙাকশেলগী ফীভম ফগৎহনবা অমদি লৈবাকসিগী মনুং হঞ্জিনবা মফমশিংদা চাওখৎপা পুরক্নবা থৌরাং কয়া পায়খৎপা অসিনি‍। মসিগী মথক্তা দিফেন্সনচিংবা সেক্তরশিংদা নুপীনা শরুক য়াশিল্লকপা য়োকখৎপদা নুপীদা য়ুম্ফম ওইবা খুজিল থৌরাং কয়ানা মরুওইবা থৌদাং লৌখি‍।

অহানবা নুমিত্তগী লায়রবশিংগী থৌরাং – সবকা সাথ, সবকা বিকাস, সবকা বিস্বাস, সবকা প্রয়াসকী পাউজেলনা খুদোংচাদ্রবশিংগী পুন্সি মহিং ফগৎহন্নবা পান্দম থম্লিবা থৌরাংশিং পায়খৎনবগী য়ুম্ফম ওইরকখি‍। পি.এম. উজ্জ্বলা য়োজনা, পি.এম. স্বানিধি স্কিম, জল জীবন মিসন, স্বচ্চ ভারত অভিয়ান্নচিংবা স্কিমশিংনা তঙাই ফদনা চঙদ্রবা য়াদ্রবা পোৎলমশিং ফংহনবদা অমদি লায়রবশিংগী পুন্সি মহিং ফগৎহনবদা মরুওইবা থৌদাং য়ারি‍। পি.এম. জন ধন য়োজনাগী মখাদা মীওই করোর ৪৫ হেন্না ফোর্মেল বেঙ্কিং সেক্তরদা পুরক্তুনা বিনিফিসরীশিংদা লুপা করোর লাখ ২২.৬কী দাইরেক্ত বিনিফিৎ ত্রান্সফর (দি.বি.তি.) য়াহল্লে‍।

মসিগী মথক্তা, কোবিদ লাকপদগী লৈবাকসিদা লোকদাউন তৌখি, পি.এম. গরিব কল্য়ান অন্ন য়োজনানচিংবা লৈঙাক্কী স্কিমশিংনা খুদোংচাদ্রবা মীওই করোর ৮০ হেনবদা চেঙ-হৱাই লেম্না য়েন্থোকপা ঙমহনখি‍। পি.এম. কিসানগুমবা থৌরাংশিংনা লৈবাক শিনবা থুংনা লৌমী করোর ১১দা চহিদা লুপা ৬০০০গী শেন্ফম ফংহন্দুনা লৌউ-শিংউ সেক্তরবু মপাঙ্গল কলহনবদা চাউনা অহোংবা পুরক্লি‍। পি.এম. ফসল বিমা য়োজনাগী মখাদা ইন্স্যুরেন্স ক্লেমগী লুপা করোর লাখ ১.৩ থাদোকখ্রে অমদি লৌফমদগী কৈথেল ফাওবগী পোৎ পুথোক পুশিনগী পাম্বৈ ফগৎহন্নবগীদমক কিসান রেল রুত ১৬৭ মথৌ তৌহল্লে‍।

পুম্নমক্কী হেন্না ফবা হকশেল – কোবিদ-১৯ লাইচৎ অসি মালেম পুমবগী ওইনা হান্না থোরক্কনি খন্নরুদবা ফীভম অমনি‍। মেদিকেল ফেসিলিতীশিংদা শাথিবা পোৎলুম লৈজরগসু, ভারতনা লাইচৎ অসিবু মীৎয়েঙ চঙদুনা মতিং লৈনা থেংনখি‍। লৈঙাক্না পুন্না হোৎবগী মহৈনা, ভারতনা মালেমগী খ্বাইদগী চাউবা অমদি খ্বাইদগী খোঙজেল য়াঙবা তিকা থাবগী থবক পায়খৎখি‍। লাইচৎ মনুংদা মশিং য়াম্লবা ওক্সিজেন প্লান্ত শঙ্গাদুনা অমদি পি.পি.ই. পুথোকপগী মঙম ০দগী মালেমগী অনিশুবা খ্বাইদগী চাউবা ওইরক্তুনা হকশেলগী ফেসিলিতীশিংসু ফীভম ফগৎহনখি‍। ভেক্সিন কাপ্পগী থৌওংনা লৈবাকসিগী খ্বাইদগী মনুং হঞ্জিনবা মফমদসু য়ৌহন্নবগীদমক দ্রোন তেক্নোলোজী শীজিন্নখি অমদি মালেম পুম্বগী অহানবা ওইনা ভেক্সিনেসন দ্রাইব পুম্বা দিজিতাইজ তৌখি‍।

মখা তারকপদা, হেল্থকেয়রবু শেন্মিৎলোন চাওখৎপগী মরুওইবা য়ুম্বী অমা ওইনা লৌদুনা লৈঙাক অসিনা মালেমগী খ্বাইদগী চাউবা ইন্স্যুরেন্স কভরেজ স্কিম – আয়ুস্মান ভারত য়োজনা হৌদোক্তুনা মীওই করোর ৩.২৬না লেম্না লায়েংবা ফংখ্রে‍। মমল হোঙবা হিদাক লাংথকশিং ফংবগী চাং হেনগৎহন্নবা জনঔসধি কেন্দ্র ৮,৭০০ হেন্না লৈবাকসিদা লিংখত্তুনা হিদাক লাংথক লৈবদা চঙবা শেন্ফমগী ৫০-৯০%দি হন্থহনবা ঙম্লে‍। মসিগী মথক্তা লৈবাক শিনবা থুংনা হেল্থকেয়র ফংহনবগী চাং হেনগৎহনবগী মথৌ তাবা খঙলদুনা লৈঙাক অসিনা অনৌবা এইম্স ৬ মথৌ তৌহনখি অমদি লৈবাকসিগী মেদিকেল কলেজ মশিং ৫৫% হেনগৎহনখি‍।

ইজ ওফ লিভিংগীদমক হেন্না ফবা ইনফ্রাস্ত্রকচর – লৈঙাক অসিনা হৌখিবা চহি ৮সিদা লৈবাকসিদা ইজ ওফ লিভিং ফগৎহন্নবা কত্থোকপগা লোয়ননা থবক তৌদুনা লাক্লি‍। লৈবাকসিদা লাস্ত মাইল কন্নেক্তিবিতী ফগৎহন্নবগীদমক ইনফ্রাস্ত্রকচর শেমগৎপদা চাউনা মীৎয়েঙ থমবগা লোয়ননা খ্বাইদগী মনুং হঞ্জিনবা মফমশিংদসু হান্না অমুক্তা উখিদ্রিবা মওংদা চাওখৎপগী মমি তারি‍। অতল তনেল, বোগিবীল থোং অমসুং সিক্কিম অমদি ত্রিপুরাগী এয়রপোর্তনচিংবা প্রোজেক্তশিং হায়রিবা খোঙজেল অসিগী খুদমশিংনি‍।

মখা তানা, জি.এস.তি.গুম্বা অচৌবা অওনবশিংনা য়ুমথোঙ খুদিংদা মখোয়গী থাগী চাদিংগী ৪% হন্থহন্দুনা খাজনা থিরিবশিংগী পোৎলুম হন্থহল্লি‍। দিজিতেল ইন্দিয়া ইনিসিএতিবকী খুত্থাঙদা দিজিতাইজেসন্দা মীৎয়েঙ থমবগা লোয়ননা তেক্স ফাইলিং, ইন্স্যুরেন্স ক্লেম অমসুং লৈঙাক্কী চে-চাংশিংগী থৌওং মওং মরিল নাইহন্দুনা লায়থোকহল্লে‍। মসি লৈবাকসিদা দিজিতেল য়ুজর মশিং চাং ৱাংনা হেনগৎলকপা অসিনসু ওইথোকপা ঙম্লিবনি‍।

ইজ ওফ দুইং বিজিনেস – মালেমগী লল্লোন ইতিক্কী খোঙজেল তপথরকপা মতমদা ভারতকী এফ.দি.আই. হেনগৎলকখি‍। শেনবা চহি ২১-২২দা য়ু.এস.দি. ৮৩গী হৌজিক ফাওবগী খ্বাইদগী ৱাংবা এফ.দি.আই. অসিনা লৈবাকসিগী ইনভেস্তর অমসুং বিজিনেস ফ্রেন্দলী পোলিসীশিংগী মশক তাক্লি‍। প্রদক্সন লিঙ্ক ইন্সেন্তিব স্কিম, প্লগ এন্দ প্লে ইনফ্রাস্ত্রকচর শেমগৎপা, মালেমগী ওইনা খ্বাইদগী নেমবা কোর্পোরেত তেক্সশিংগী মরক্তা অমা ওইবা অমসুং ইনভেস্তমেন্তশিং ফাস্ত ত্রেক তৌনবা নেস্নেল সিঙ্গল ৱিন্দো অসিনচিংবশিং অসি লৈবাকসিগী এফ.দি.আই. হেনগৎহল্লিবা থৌরাং কয়াগী মরক্তা খরনি‍।

মখা তানা, অহুমসুবা খ্বাইদগী চাউবা স্তার্তঅপ ইকোসিস্তেম অমা ওইনা ভারত্তা য়ুনিকোর্ন ১০০ অমসুং শকখঙলবা স্তার্তঅপ ৭০,০০০ হেন্না থোরকপা থেংনখি‍। লৈঙাক অসিনসু লৈবাকসিদা মহৈ মশিংগী ফেসিলিতীশিং ফগৎহন্দুনা ভারতকী মফম মফমগী খেন্নবশিংগী খুদোংচাবা মপুং ফানা লৌনবা মীৎয়েঙ থম্লি‍। চয়োল খুদিংগী য়ুনিভর্সিতী অমমম লিংখত্তুনা অমদি চহি খুদিংগী আই.আই.তি. অমসুং আই.আই.এম. অমমম লিংখৎপগা লোয়ননা লৈবাকসিগী নহাশিংনা মতিং লৈবা মহৈ মশিং ফংবা ঙম্লি‍।

হৌজিক ভারতনা মহাক্কী খোঞ্জেল তাগদবা অমদি লম্বা মান্নবা লৈবাক অমা ওইনা উহন্নবগীদমক সুপরপৱার অমা ওইরক্নবগী লম্বীদা তপ্না তপ্না খোঙ থাংজিল্লক্লি‍। চাউখৎ থৌরাং কয়াগী খুত্থাঙদা ঐখোয়গী ভারতকী মতিংবু ফুদোকহল্লি অমদি মীয়াম্না লুচিংবা লৈঙাক্লোন অমসুং নুংঙাই য়াইফবা লৈবাক অমা ঐখোয়না শেমগৎলি‍।

লৈঙাক অসিগী চহি ৮ মপুং ফারকপগী থৌরম পাঙথোকপা ওইনা মাইগোভনসু মীয়ামবু শরুক য়াবা য়াহন্দুনা, লৈবাকসিদা পুরক্লিবা চাওখৎপগী মরমদা শান্নদুনা খঙজিন্নবগীদমক সবকা বিকাস মহা কুইজ হৌদোকখ্রে‍। কুইজ অসিগী মরমদা হেন্না খঙনবগীদমক চঙবিয়ু  https://www.mygov.in/

*****

(রিলিজ আই.দি.: 1829896) ভিজিতর কাউন্তর : 133