ভারত লৈঙাক্কী এম.এস.এম.ই. মন্ত্রালয়না নন-ফার্ম সেক্তরদা লৈবাক শিনবা থুংনা মাইক্রো-এন্তরপ্রাইজশিং শেমগৎপদা মতেং পীদুনা থবক ফংদনা লৈরিবা নহাশিংদা থবক পীবগী খুদোংচাবা ফংহন্নবগীদমক প্রাইম মিনিস্তর্স এমপ্লোইমেন্ত জেনেরেসন প্রোগ্রাম (পি.এম.ই.জি.পি.) পায়খত্তুনা লাক্লি‍। কে.ভি.আই.সি.না নেস্নেল নোদেল এজেন্সী ওইরি‍। স্তেত/ দিস্ত্রিক্তকী থাক্তা কে.ভি.আই.সি.গী স্তেত ওফিস, কে.ভি.আই.বি.গী স্তেত ওফিস অমসুং দি.আই.সি.শিংনা ইমপ্লিমেন্তিং এজেন্সীশিং ওইরি‍। কোইর বোর্দনা কোইর য়ুনিৎশিংগী ইমপ্লিমেন্তিং এজেন্সী ওইরি‍।

এপ্লিকেসন্দগী হৌরগা সেংসন অমসুং বেঙ্কশিংনা ফন্দ থাদোকপা ফাওবগী থৌওং পুম্নমক পোর্তেল https://www.kviconline.gov.in/pmeepeportal/pmegphome/index.jsp গী খুত্থাঙদা ওন্লাইন্দা তৌবনি‍।

২০০৮-০৯দা হৌদোকখিবদগী হৌরগা, মাইক্রো এন্তরপ্রাইজেজ লাখ ৭.৮লোমদা লুপা করোর ১৯,৯৯৫গী সবসিদীগা লোয়ননা মতেং পাংদুনা মীওই লাখ ৬৪গী তুং কোইগদবা থবক পীবা ঙমখ্রে‍। মতেং পীখ্রবা য়ুনিৎশিংগী ৮০% রোমদি খুঙ্গঙগী লমদা লৈবনি অদুগা য়ুনিৎ ৫০%রোম্না এস.সি., এস.তি. অমসুং নুপীশিংনা মপু ওইবনি‍।

হৌজিক পি.এম.ই.জি.পি. অসি চহি  মঙাগী ১৫শুবা ফাইনান্স কম্মিসন সাইকল ২০২১-২২দগী ২০২৫-২৬ ফাওবা লুপা করোর ১৩৫৫৪.৪২গী শেন্ফমগা লোয়ননা শাংদোক্নবা অয়াবা পীখ্রে‍। হান্না লৈরিবা স্কিম অসিদা মখাদা পীরিবা অচৌবা শেমদোক-শেমজিনশিং অসি তৌরে:

১.     খ্বাইদগী য়ামবা প্রোজেক্ত কোস্ত হান্না লৈরমবা মেনুফেকচরিং য়ুনিৎকী লুপা লাখ ২৫দগী লুপা লাখ ৫০ অদুগা সর্ভিস য়ুনিৎকী লুপা লাখ ১০দগী লুপা লাখ ২০দা হেনগৎখ্রে‍।

২.    পি.এম.ই.জি.পি.গীদমক্তা ভিলেজ ইন্দস্ত্রী অমসুং খুঙ্গঙগী মফমগী ৱাহন্থোক শেমদোক্লে‍। পঞ্চায়তি রাজ ইন্সতিত্যুসনশিংগী মখাদা লৈরিবা মফমশিংনা খুঙ্গঙগী লম অদুগা ম্যুনিসিপালিতীগী মখাদা লৈবা মফমশিংনা ময়োল্লম হায়না খঙনরগনি‍।

৩.    ইমপ্লিমেন্তিং এজেন্সী পুম্নমক্না খুঙ্গঙ নৎত্রগা ময়োল্লম কাঙবুগী ৱাফম থমদনা হীরম খুদিংমক্কী এপ্লিকেসন লৌশিনবা অমদি প্রোসেস তৌবা য়াহল্লে‍।

৪.    এস্পিরেস্নেল দিস্ত্রিক্তশিংগী মীওইশিং অমসুং ত্রান্সজেন্দর এপ্লিকান্তশিংবু স্পিসিএল কেতগরী ওইনা শকখঙদুনা হেন্না ৱাংবা সবসিদী ফংহনগনি‍।

অচৌবা ইনোৎ: স্কিম অসিনা শেনবা চহি মঙাসিদা চাউরাক্না মীওই লাখ ৪০রোমদা থবক পীবগী খুদোংচাবা শেমগৎকনি‍।

কোনশিল্লিবা স্তেত/দিস্ত্রিক্তশিং: স্কিম অ্রসিগী মখাদা স্তেত/য়ু.তি. পুম্নমক কোনশিনগনি‍।

মার্জিন মনী সবসিদী হেন্না ৱাংবা – ময়োল্লমগী মফমশিংদা প্রোজেক্ত কোস্তকী ২৫% অদুগা খুঙ্গঙগী লম, এস.সি., এস.তি., ও.পি.সি., নুপী, ত্রান্সজেন্দর, হকচাঙগী ফীভম শোইনাইবা, এন.ই.আর., এস্পিরেস্নেল অমসুং ঙমখৈগী দিস্ত্রিক্তশিংগী এপ্লিকান্তশিংগী ৩৫%‍। জেনেরেল কাঙলুপকী এপ্লিকান্তশিংগী সবসিদী ময়োল্লমগী ওইনা প্রোজেক্ত কোস্তকী ১৫% অদুগা খুঙ্গঙগী লমগীনা ২৫% ওইগনি‍।

নৌনা শেমদোক্লবা স্কিমগী চৎন-পথাপশিং ৱেবসাইত অসিদা ফংবিগনি: msme.gov.in

*****