मुंबई, 30 मे 2022

 

नॉर्डिक प्रदेशातील आईसलँड हा देश जिवंत ज्वालामुखी, बर्फाच्छादित शिखरे आणि उत्तरीय प्रभेसाठी प्रसिद्ध  आहे. मात्र अनेकांना अजूनही हे माहित नाही की या देशात अॅनिमेशन प्रकारच्या चित्रपटांचा उद्योग वेगाने उदयाला येत आहे. आईसलँड या बेटांच्या भूमीत निर्माण झालेल्या अॅनिमेशन चित्रपटांच्या अनोख्या दुनियेत डोकावून पाहण्यासाठी तुम्हांला मिफ्फ 2022 म्हणजेच या वर्षीच्या मुंबई आंतरराष्ट्रीय चित्रपट महोत्सवात यावे लागेल. मिफ्फ 2022 मध्ये विशेष रचना असलेले ‘आईसलँडीक अॅनिमेशन’ नामक चित्रपटांचे पॅकेज सादर होणार आहे. याअंतर्गत विलक्षण तरीही गुंतागुंतीच्या अशा अत्यंत नाविन्यपूर्ण विषयांवरील चित्रपट बघायला मिळतील.

मुंबई-स्थित आंतरराष्ट्रीय पुरस्कार विजेते अॅनिमेशन चित्रपट निर्माते, निर्मिती प्रमुख आणि कवी ध्वनी देसाई यांनी मिफ्फ 2022 साठी या विशेष पॅकेजची रचना केली आहे. येत्या 1 जून 2022 रोजी दुपारी 2 ते 3.30 या कालावधीत चित्रपट रसिकांना या विशेष पॅकेजमधील चित्रपट पाहण्याची संधी मिळेल.

या आईसलँडीक अॅनिमेशन पॅकेज मध्ये समावेश झालेल्या चित्रपटांची एक झलक आपण पाहूया.

येस पीपल

हा चित्रपट दैनंदिन जीवनातील कामकाज, शालेय शिक्षण आणि भांडी स्वच्छ करण्यासारख्या कामांमध्ये येणाऱ्या अडचणींना तोंड देणाऱ्या काही निवडक लोकांच्या आयुष्यातील एका दिवसाचे चित्रण करतो. जसजसा दिवस पुढे सरकतो तशी या लोकांच्या नात्यांचा कस लागत जातो आणि शेवटी त्या परिस्थितीशी जुळवून घेण्याच्या त्यांच्या क्षमतेचे दर्शन प्रेक्षकांना घडते.

दिग्दर्शक: जिस्ली दरी हाल्डॉरसन

चित्रपटाचा कालावधी : 8 मिनिटे

किचन बाय मेजर 

किचन बाय मेजर ही आईसलँडमध्ये राहणाऱ्या इन्गोल्फर या कल्पनाशील रहिवाशाची गोष्ट आहे. स्वयंपाकघरातील रोजची सांसारिक कामे पार पाडताना पत्नीला येत असलेल्या अनेक अडचणी पाहून त्याला पत्नीसाठी एक परिपूर्ण स्वयंपाकघर उभारण्याच्या कल्पनेने झपाटले आहे. स्टॉप-मोशन प्रकारचा हा चित्रपट आईसलँडच्या स्त्रीवादी लेखिका स्वाव्हा जॅकोब्सदोतीर यांच्या लघुकथेवर आधारित आहे.

दिग्दर्शक : सोलरन येल्फा इंगिमार्सदोतीर, अॅटली अर्नारसन

चित्रपटाचा कालावधी : 13 मिनिटे

अॅना अँड द मूड्स

एकदा एके ठिकाणी अॅना यंग नावाची मुलगी रहात असते. ती अगदी सर्वगुणसंपन्न मुलगी असते. एके दिवशी, अॅना झोपेतून जागी होते तेव्हा तिला भयानक आजार जडलेला असतो. ती मेर्लिन मॅन्रोच्या दुःखी अवतारासारखी दिसू लागते आणि भयंकर मूडी झालेली असते. जेव्हा तिचे पालक तिला डॉ. आर्टमन यांच्या आणि अनिर्बंध वर्तन असणाऱ्या मुलांसाठीच्या दवाखान्यात घेऊन जातात तेव्हा डॉक्टरतर्फे तिच्या तपासण्या करतात. आणि त्यातून हाती आलेले निकाल धक्कादायक असतात.

दिग्दर्शक: गुन्नार कार्लसन

चित्रपटाचा कालावधी : 27 मिनिटे

प्राईड ऑफ स्ट्रॅथमूर

या चित्रपटामध्ये जॉर्जिया मधील स्ट्रॅथमूरचे धर्मोपदेशक जॉन डेल्टमन यांच्या रोजनिशीतील 1927 सालच्या जून आणि जुलै महिन्यात लिहिलेल्या काही उताऱ्यांचे अॅनिमेशन स्वरूपातील सादरीकरण आहे. हाती काढलेल्या चित्ताकर्षक हालचाली आणि तीव्र हिंसा यांच्या एकत्रीकरणातून एक गुंतागुंतीची कथा प्रेक्षकांना पाहायला मिळते.

दिग्दर्शक: ईनार बाल्डविन

चित्रपटाचा कालावधी : 14 मिनिटे

* * *

PIB MIFF Team | R.Aghor/S.Chitnis/Darshana/MIFF-17

चांगल्या सिनेमांची प्रसिद्धी तुमच्यासारख्या चांगल्या सिनेप्रेमींच्या कौतुकामुळेच होते, यावर आमचा विश्वास आहे. तुमचं सिनेमाबद्दलचं प्रेम समाज माध्यमांवर #AnythingForFilms / #FilmsKeLiyeKuchBhi and #MIFF2022 वापरून शेयर करा. चला सिनेमाबद्दलचं हे प्रेम सगळ्यांपर्यंत पोहचवूया !

#MIFF2022 मधल्या कुठल्या सिनेमानं तुमच्या काळजाचा ठोका चुकवला? #MyMIFFLove वापरून जगाला कळू द्या MIFF मधला तुमचा आवडता सिनेमा कुठला ?

जर कथा तुमच्या काळजाला भिडली असेल तर, आम्हाला संपर्क करा! तुम्हाला सिनेमा किंवा निर्मात्याबद्दल आणखी माहिती हवी आहे का? विशेषतः जर तुम्ही पत्रकार किंवा ब्लॉगर आहात आणि सिनेमाशी संबंधित लोकांशी बोलायचं आहे? पीआयबी तुमची त्यांच्याशी गाठ घालून देईल, आमचे अधिकारी महेश चोपडे यांच्याशी +91-9953630802 वर कॉल करा. किंवा miff.pib[at]gmail[dot]com वर आम्हाला मेल करा.

कोविड महामारी नंतर पहिल्यांदाच होत असलेल्या ह्या महोत्सवात,  चित्रपट रसिक ऑनलाइन पण महोत्सवाचा आस्वाद घेऊ शकतील.  ऑनलाईन प्रतिनिधी म्हणून आपण मोफत नोंदणी करू शकता (मिश्र स्वरूपाच्या महोत्सवासाठी) https://miff.in/delegate2022/hybrid.php?cat=aHlicmlk   या संकेतस्थळावर तुम्हाला स्पर्धा विभागातले चित्रपट  उपलब्ध झाल्यावर  बघता येतील.

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1829451) Visitor Counter : 259