পোর্তস, শিপ্পিং এন্দ ৱাতরৱেজ অমসুং আয়ুশকী কেন্দ্র মন্ত্রী, শ্রী সর্বানন্দ সোনোৱালনা সাউথ ইস্ত এসিয়ন রিজনদা অকোইবগী ফীভম শোকহনদবা ইকনোমিক গ্রোথ অমা পুরক্নবগীদমক অপাম্বা ফোঙদোকখ্রে। মন্ত্রীনা ঙসি গুৱাহাতিদা পাঙথোকপা এসিয়ন কনফ্লুয়েন্দনা শিনবা এন.এ.দি.আই. দাইলোগকী ৩শুবা ইদিসনগী স্পেসিএল প্লেনরী সেসন্দা ৱা ঙাংখি।

কেন্দ্রগী মন্ত্রীনা অৱাং নোংপোক ভারতনা নেপাল, ভুতান অমসুং বাংলাদেশকা লোয়ননা সাউথ ইস্ত এসিয়ন লৈবাকশিংগা লোয়ননা মতম শাংলবা অমসুং পুৱারীগী মরীশিং লৈনৈ হায়না ফোঙদোকখি। গঙ্গা, ব্রহ্মপুত্র অমসুং মেকোংগী থংদা মেরিতাইম রুৎশিং অসিনা মতম চুপ্পদা রিজম অসিগী ইকনোমিক রেসনেল শেমগৎপদা মরু ওইবা থৌদাং লৌখি। মন্ত্রীনা অচৌবা অসামিজকী খুন্নাই অমা শেমগৎপদা অথৌবা চাওলুং সুকাফানা লৌখিবা থৌদাং অমসুং অসাম হায়বা রাজ্য অসি শেমগৎনবা মহাক্না করম্না হোৎনখিবগে হায়বগী মতাংদা পাউদমখি।

মীতিন অদুদা ৱা ঙাংবদা শ্রী সোনোৱালনা হায়খি, “ঐখোয়গী মান্নবা পুৱারী অমসুং মান্নবা ফীভমশিং অসিনা শান্তি লৈবা অমসুং সস্তনেবল ফ্যুচর অমা শেমগৎনবা মান্নবা ফম্পাক অমা শেমখি। ভারত সরকারনা ঐখোয়গী প্রধান মন্ত্রীনা শেমগৎখিবা মাগী অচৌবা এক্ত ইস্ত পোলিসীগী মাইকৈদা থবক পাইখৎনবা খোঙফম চেৎনা লেপ্পি, মসিনা মীওইবা খুন্নাইবগী কান্নগদবা, শান্তি অমদি তুংদু লৈতাবা অমসুং চাউখৎপা শিয়র ভেল্যু অমসুং লিগেসী চাউখৎহন্নবা হোৎনরি। গ্লোবেল রিএলিতীশিং চাউখৎলকপগা লোয়ননা ইকনোমিক গ্রোথকী ইঞ্জিন অসিনা মাংদা চংশিল্লি। ইন্দিয়ন ওসিন অসিনা ‘এজ ওফ এসিয়া’গী সেন্তর ওইরকপগা লোয়ননা পার্তনরশিং ওইনবা ঐখোয়না খুদোংচাবা অমা ফংখি। মসিগী অনৌবা খোঙথাং অসি অফবা অকোইবগী ফীভম অমগীদমক ঐখোয়গী ইন্তরলিঙ্ক দেস্তিনিশিং, ইন্তরদিপেন্দেন্স অমসুং খুদোংচাবশিং ঐখোয়দা থাজবা থম্লিবা অসিবু শকখঙবনি। ঐখোয়গী ইন্দিয়ন ওসিনগী অকোইবদা হিংলিবা ঐখোয়না লমদম অসিদা শান্তি, তংদু লৈতাবা অমসুং চাউখৎপা পুরক্নবগীদমক মপুং ওইবা থৌদাং লৌগদবনি।”

সরকারগী এক্ত ইস্ত পোলিসীগী মতাংদা মন্ত্রীনা হায়খি, “ঐখোয়গী প্রধান মন্ত্রীগী বিজন অসি হেন্না ফবা হয়েংগীদমক খোঙথাং লৌখৎপনি। লুক ইস্ততগী সরকার অসিগী এক্ত ইস্ত পোলিসীদা চাউনা অহোংবা লাকপা অসি বিজন অসিগী খুদম অমনি। ঐখোয়গী সরকারনা পোলিসী অসি চাউখৎহন্নবা কন্না হোৎনরি। মসিদা এসিয়ন লৈবাকশিং অসি য়াম্না মরু ওই। দাইনামিক সাউথ ইস্ত এসিয়ন লৈবাকশিংগা লোয়ননা অচেৎপা ইকনোমিক ইন্তিগ্রেসন তৌবা অসি ঐখোয়গী এক্ত ইস্ত পোলিসীগী মরু ওইবা মচাক অমনি। ঙসি ফাওবদা ঐখোয়না রেল, রোদ, এয়র অমসুং মেরিতাইল লিঙ্কশিংগী নেৎৱার্ক অমগী খুত্থাংদা পুন্না চাউখৎমিন্ননবা হোৎনমিন্নরি। ঐখোয়না ভারত্তা ৱাতরৱেজ নৌনা শেমগৎনবা অমসুং মসিনা চৎথোক-চৎশিনগী শেল চংদবা অমসুং অকোইবদা শোকহনদবা মওংদা কার্গো অমসুং পেসেঞ্জর ত্রাফিক্কীদমক শীজিন্ননবা কন্না হোৎনরি। ঐখোয়না অরুম্বা কার্গো পুথোক-পুশিন তৌনবা ইন্দো বাংলাদেশ প্রোতোকোল রুৎ (আই.বি.আর.পি.) শীজিন্নখি। মসিনা নেপাল অমসুং ভুতানগুম্বা য়ুমলোন্নরিবা লৈবাকশিং অসিদা ইন্দিয়ন ওসিনগী এক্সেস ফংহনখি। নখোয় পুম্নমক্তা মরু ওইবা হীথাংফমশিংদা ইনফ্রাস্ত্রকচর অমসুং কেপাসিতী হেনগৎহন্নবা খোঙথাংশিং পাইখৎনবা ঐহাক্না হায়জরি। ঐখোয়না মেরিতাইম অমসুং শিপ্পিং ইনফ্রাস্ত্রকচরদা লৈরিবা স্ত্রকচরেল গেপ হন্থহন্নবা থবক পাইখৎপা মতম ওইরে।”

অকোইবদা শোকহনদবা ফীভম অমদা ইকনোমিক গ্রোথ লৈহন্নবগী মতাংদা ৱা ঙাংলদুনা শ্রী সোনোৱালনা ‘ব্ল্যু ইকনোমী’গী ৱাখল্লোন অসিগী মতাংদা অসুম্না ফোঙদোকখি, “‘ব্ল্যু ইকনোমী’ অসিনা লমদম অসি চাউখৎহন্নবা অনৌবা য়ুম্বী অমা ওইনা হৌগৎলকপগা লোয়ননা মসিদা শেন্মীৎলোন অমসুং থবক পীনবগী মতিক ময়াই চেল্লি: ভারতনা ওসিন বেজ ব্ল্যু ইকনোমী শেমগৎপগী খুত্থাংদা লমদম অসিগী কোওপরেতিব অমসুং ইন্তিগ্রেতেদ ফ্যুচর অমা শেমগৎনবা হোৎনরি। ব্ল্যু ইকনোমীনা অকক্নবা নেচরেল রিসোর্সশিং অসি ঙাকশেন্দুনা অমসুং রিস্তোক তৌবগী ৱাখল্লোনগা লোয়ননা ইকনোমিক অমসুং সোসিএল দিবেলপমেন্ত অমসুং এনভাইর্নমেন্তেল্লী সস্তেনেবিলিতীগীদমক মেরিন রিসোর্সশিং শীজিন্ননবা হায়বা অসি মসিগী ফীচর অমনি।”

সেসন অসিদা হায় কম্মিসনর ওফ বাংলাদেশ তু ইন্দিয়া, শ্রী মুহম্মদ ইমরান; কনসল জেনরেল ওফ ভুতান, শ্রী জুগমে থিনল্যে মগ্যা, হায় কম্মসিনর ওফ ব্রুনৈ দরুস্সালম তু ইন্দিয়া শ্রী দাতো অলাইহুদ্দিন মোহম্মদ তহা; এম্বেসেদর ওফ কম্বোদিয়া তু ইন্দিয়া শ্রী উং সেন; এম্বেসেদর ওফ ইন্দোনেসিয়া তু ইন্দিয়া, কুমারি ইনা ঐচ. কৃষ্ণমুর্তি; এম্বেসেদর ওফ লাও পি.দি.আর. তু ইন্দিয়া শ্রী বৌনেমে চৌঅঙ্গোম; হায় কম্মিসনর ওফ মেলেসিয়া তু ইন্দিয়া শ্রী দাতো হিদায়া অব্দুল হমিদ; এম্বেসেদর ওফ ম্যান্মার তু ইন্দিয়া, শ্রী মো ক্যা ওং; এম্বেসেদর এক্সত্রাওর্দিনরী এন্দ প্লেনিপোতেন্দিয়রী ওফ দি ফিলিপিন্স তু ইন্দিয়া, শ্রী রামন এস ভগতসিং; হায় কম্মিসনর ওফ সিঙ্গাপুর তু ইন্দিয়া শ্রী সিমন ৱোং ৱি কুএন; এম্বেসেদর ওফ থাইলেন্দ তু ইন্দিয়া কুমারি পত্তারৎ হোংতোং; এম্বেসেদর ওফ বিয়েৎনাম তু ইন্দিয়া শ্রূ ফম সন চো লোয়ননা অতোপ্পা দিগনিতরীশিং অমসুং মশক নাইবা মীওইশিংনা শরুক য়াখি।

*********